KO NEHEMAIA 5
5
Ko Hono Lolomi ‘o e Kakai Masiva
1PEA na‘e tupu ha tangi lahi ‘a e kakai mo honau finemātu‘a, koe‘uhi ko honau kāinga ko e kau Siu. 2He na‘e ‘i ‘ai hā, ni‘ihi na‘e lau, ‘o pehē, ‘Oku tau tokolahi ‘a kitautolu mo ‘etau fānau tangata mo fānau fefine; ko ia tau to‘o uite, ka tau kai ‘o mo‘ui.
3Pea na‘e ‘i ai ha ni‘ihi na‘e lau ‘o pehē, Ko eni ‘oku tau nō talifaki ‘aki hotau ngaahi konga vao, mo ‘etau ngaahi ngoue vaine, mo hotau ngaahi fale: ‘ē, tau to‘o uite telia ‘a e honge.
4Na‘e ‘i ai mo e ni‘ihi na‘e lau ‘o pehē, Kuo tau fakamo‘ua hotau ngaahi konga vao, mo ‘etau ngaahi ngoue vaine ke ma‘u pa‘anga ki he tukuhau ‘a e tu‘i. 5Ka ko eni, ko hotau kakano ‘oku tatau mo e kakano ‘o hotau kāinga ko ē: ‘oku tatau ‘etau fānau mo ‘enau fānau: kae vakai, ko kitautolu ‘oku tau fakamo‘ulaloa ‘etau fānau tangata mo fānau fefine ke hopoate, pea ‘oku ‘i ai ha‘atau fānau fefine ni‘ihi kuo pehē; pea ‘oku ‘ikai te tau lava ha me‘a, he ko hotau ngaahi konga vao mo ‘etau ngaahi ngoue, ‘oku ma‘u kehe.
6Pea u ‘ita ‘aupito ‘i he‘eku fanongo ki he‘enau tangi, mo e ngaahi lea ko ia.
7Pea u fakalaulauloto ki ai, pea u talatalaaki‘i ‘a e hou‘eiki mo e kau pule, ‘o u pehē kiate kinautolu, Tā ‘oku mou ‘eke toloi, ‘o fai ki homou kāinga foki. Pea u fai ha fono lahi ke ngaohi kinautolu.#‘Eki 22.25; Lev 25.35-37; Teu 23.19-20
8Pea u pehē kiate kinautolu, Ko kimautolu eni kuo mau huhu‘i homau kāinga Siu na‘e fakatau ki he hīteni ‘aki ‘a e ngātanga ‘o ‘emau mafai; pea ‘oku mou pehē koā ke fakatau homou kāinga ‘e kimoutolu, pea ‘e fakatau koā ‘a kinautolu ‘e kitautolu? Pea nau longa mate, ‘o ‘ikai ma‘u ha lea ke tali ‘aki.
9Na‘a ku pehē foki, Ko e me‘a ‘oku mou fai ‘oku ‘ikai lelei; lau ‘e au te mou fou ‘i he ‘apasia ki hotau ‘Otua, telia ‘a e manuki ‘a e hīteni ko hotau ngaahi fili.
10Pea ko au foki mo hoku kāinga mo hoku kau tama ‘oku mau ‘eke toloi ki he pa‘anga mo e uite ‘oku nau nō. Tau tuku mu‘a ‘a e ‘eke toloi ni. 11Fakafoki mu‘a kiate kinautolu ‘anai ni honau ngaahi konga vao, ‘enau ngaahi ngoue vaine, ‘enau ngaahi ngoue ‘ōlive, mo honau ngaahi fale, mo e vaheteau ‘o e pa‘anga, ‘o e uite mo e uaine, mo e lolo, ‘a ia kuo mou hilifaki kiate kinautolu.#5.11 ‘a ia… kinautolu; ‘Oku ‘ikai ke mahino ‘a hono faka-Hepeluú, ka ko ko hono ‘uhingá nai ko e: ‘a ia ko honau ngaahi mo‘ua ia kiate kimoutolu.
12Pea na‘a nau tali, Te mau fakafoki pē, ‘o ‘ikai ‘eke ha me‘a kiate kinautolu; te mau fai pē ‘o hangē ko ho‘o me‘a. Pea u ui mai ‘a e kau taula‘eiki, pea u fakafuakava ai kinautolu ke fai hangē ko e lea ko ia.
13Na‘a ku tupe‘i foki hoku kofu,#5.13 hoku kofú; ‘Oku ngali tonu ange ‘a e: no‘o. Ko e vala he kuonga ko iá na‘e ‘ikai ke kato, ‘o ‘ai kona leva he no‘ó ‘a e fanga ki‘i me‘a na‘e ō holo mo kitá. Ko hono tupe‘í, ko e faka‘ilonga ia ‘o e mole ‘ete me‘a kotoa pē. pea u pehē, Ke pehē ‘a e tupe‘i ‘e ‘Elohimi mei hono fale, pea mei he fua ‘o ‘ene ngāue, ‘a e tangata fua pē ‘oku ‘ikai te ne fakaai ‘a e lea ko ia; ‘io, ke pehē hono tupe‘i ‘o fakama‘a.
Pea tali ‘a e fakataha kotoa, ‘Ēmeni, ‘o nau fai ‘a e Halelu‘ia ki he ‘Eiki. Pea na‘e fai ‘a e kakai ‘o hangē ko e lea ko ia.
Ko e Ta‘eSiokita ‘a Nehemaia
14Kae‘uma‘ā foki, talu e ‘aho na‘e tu‘utu‘uni au ke u kōvana ‘i he fonua ko Siutea, ‘io, mei hono uofulu ta‘u ‘o Kingi ‘Atasease, ‘o a‘u ki hono tolungofulu mā ua ta‘u, ‘a ia ko e fo‘i ta‘u ‘e hongofulu mā ua, ko au mo hoku kāinga na‘e ‘ikai te mau mama ‘a e ‘inasi fakakōvana. 15Ka ko e ngaahi ‘uluaki kōvana na‘e mu‘omu‘a ‘iate au, na‘a nau hilifaki kavenga ki he kakai, ‘o nau to‘o meiate kinautolu ‘a e me‘akai mo e kava, fe‘unga mo e fāngofulu‘i sikeli ki he ‘aho.#5.15 fāngofulu… ‘aho; Ko hono fakalea ia ‘i he hiki fuoloa ‘e taha, ka ‘oku ‘ikai ke mahino ‘a hono faka-Hepeluú. Na‘a mo ‘enau kau tama na‘a nau fakaehaua ‘a e kakai; ka na‘e ‘ikai te u fai pehē ‘e au, ko ‘eku manavahē ki he ‘Otua. 16Kae‘uma‘ā foki, na‘a ku puke ma‘u ‘a e ngāue ni ki he ‘ā, pea na‘e ‘ikai te mau momo‘i fakatau ha konga vao; he na‘e fakatefua mai ki ai ‘e he‘eku kau tama ki he ngāue. 17Pea na‘e keinanga foki mo au ha toko teau mā nimangofulu ‘i he kau Siu mo e kau pule; tukukehe ‘a kinautolu na‘e hili mai mei he hīteni takatakai. 18Pea ko e me‘a na‘e teu ki he ‘aho takitaha ko e pulu ‘e taha, mo e sipi fili ‘e ono; na‘e ngaohi mai mo e fanga moa, pea fakahili ‘aho hongofulu na‘e tokonaki ‘a e fa‘ahinga uaine kehekehe ke lahi. Ka neongo ia, ka na‘e ‘ikai te u tangi ki he ‘inasi fakakōvana, koe‘uhi na‘e mamafa ‘a e fatongia ‘o si‘i kakai ni.
19‘E hoku ‘Otua, manatu‘i ‘a e me‘a kotoa kuo u fai ma‘a si‘i kakai ni, ‘o ke ‘ofa ai kiate au.
Currently Selected:
KO NEHEMAIA 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO NEHEMAIA 5
5
Ko Hono Lolomi ‘o e Kakai Masiva
1PEA na‘e tupu ha tangi lahi ‘a e kakai mo honau finemātu‘a, koe‘uhi ko honau kāinga ko e kau Siu. 2He na‘e ‘i ‘ai hā, ni‘ihi na‘e lau, ‘o pehē, ‘Oku tau tokolahi ‘a kitautolu mo ‘etau fānau tangata mo fānau fefine; ko ia tau to‘o uite, ka tau kai ‘o mo‘ui.
3Pea na‘e ‘i ai ha ni‘ihi na‘e lau ‘o pehē, Ko eni ‘oku tau nō talifaki ‘aki hotau ngaahi konga vao, mo ‘etau ngaahi ngoue vaine, mo hotau ngaahi fale: ‘ē, tau to‘o uite telia ‘a e honge.
4Na‘e ‘i ai mo e ni‘ihi na‘e lau ‘o pehē, Kuo tau fakamo‘ua hotau ngaahi konga vao, mo ‘etau ngaahi ngoue vaine ke ma‘u pa‘anga ki he tukuhau ‘a e tu‘i. 5Ka ko eni, ko hotau kakano ‘oku tatau mo e kakano ‘o hotau kāinga ko ē: ‘oku tatau ‘etau fānau mo ‘enau fānau: kae vakai, ko kitautolu ‘oku tau fakamo‘ulaloa ‘etau fānau tangata mo fānau fefine ke hopoate, pea ‘oku ‘i ai ha‘atau fānau fefine ni‘ihi kuo pehē; pea ‘oku ‘ikai te tau lava ha me‘a, he ko hotau ngaahi konga vao mo ‘etau ngaahi ngoue, ‘oku ma‘u kehe.
6Pea u ‘ita ‘aupito ‘i he‘eku fanongo ki he‘enau tangi, mo e ngaahi lea ko ia.
7Pea u fakalaulauloto ki ai, pea u talatalaaki‘i ‘a e hou‘eiki mo e kau pule, ‘o u pehē kiate kinautolu, Tā ‘oku mou ‘eke toloi, ‘o fai ki homou kāinga foki. Pea u fai ha fono lahi ke ngaohi kinautolu.#‘Eki 22.25; Lev 25.35-37; Teu 23.19-20
8Pea u pehē kiate kinautolu, Ko kimautolu eni kuo mau huhu‘i homau kāinga Siu na‘e fakatau ki he hīteni ‘aki ‘a e ngātanga ‘o ‘emau mafai; pea ‘oku mou pehē koā ke fakatau homou kāinga ‘e kimoutolu, pea ‘e fakatau koā ‘a kinautolu ‘e kitautolu? Pea nau longa mate, ‘o ‘ikai ma‘u ha lea ke tali ‘aki.
9Na‘a ku pehē foki, Ko e me‘a ‘oku mou fai ‘oku ‘ikai lelei; lau ‘e au te mou fou ‘i he ‘apasia ki hotau ‘Otua, telia ‘a e manuki ‘a e hīteni ko hotau ngaahi fili.
10Pea ko au foki mo hoku kāinga mo hoku kau tama ‘oku mau ‘eke toloi ki he pa‘anga mo e uite ‘oku nau nō. Tau tuku mu‘a ‘a e ‘eke toloi ni. 11Fakafoki mu‘a kiate kinautolu ‘anai ni honau ngaahi konga vao, ‘enau ngaahi ngoue vaine, ‘enau ngaahi ngoue ‘ōlive, mo honau ngaahi fale, mo e vaheteau ‘o e pa‘anga, ‘o e uite mo e uaine, mo e lolo, ‘a ia kuo mou hilifaki kiate kinautolu.#5.11 ‘a ia… kinautolu; ‘Oku ‘ikai ke mahino ‘a hono faka-Hepeluú, ka ko ko hono ‘uhingá nai ko e: ‘a ia ko honau ngaahi mo‘ua ia kiate kimoutolu.
12Pea na‘a nau tali, Te mau fakafoki pē, ‘o ‘ikai ‘eke ha me‘a kiate kinautolu; te mau fai pē ‘o hangē ko ho‘o me‘a. Pea u ui mai ‘a e kau taula‘eiki, pea u fakafuakava ai kinautolu ke fai hangē ko e lea ko ia.
13Na‘a ku tupe‘i foki hoku kofu,#5.13 hoku kofú; ‘Oku ngali tonu ange ‘a e: no‘o. Ko e vala he kuonga ko iá na‘e ‘ikai ke kato, ‘o ‘ai kona leva he no‘ó ‘a e fanga ki‘i me‘a na‘e ō holo mo kitá. Ko hono tupe‘í, ko e faka‘ilonga ia ‘o e mole ‘ete me‘a kotoa pē. pea u pehē, Ke pehē ‘a e tupe‘i ‘e ‘Elohimi mei hono fale, pea mei he fua ‘o ‘ene ngāue, ‘a e tangata fua pē ‘oku ‘ikai te ne fakaai ‘a e lea ko ia; ‘io, ke pehē hono tupe‘i ‘o fakama‘a.
Pea tali ‘a e fakataha kotoa, ‘Ēmeni, ‘o nau fai ‘a e Halelu‘ia ki he ‘Eiki. Pea na‘e fai ‘a e kakai ‘o hangē ko e lea ko ia.
Ko e Ta‘eSiokita ‘a Nehemaia
14Kae‘uma‘ā foki, talu e ‘aho na‘e tu‘utu‘uni au ke u kōvana ‘i he fonua ko Siutea, ‘io, mei hono uofulu ta‘u ‘o Kingi ‘Atasease, ‘o a‘u ki hono tolungofulu mā ua ta‘u, ‘a ia ko e fo‘i ta‘u ‘e hongofulu mā ua, ko au mo hoku kāinga na‘e ‘ikai te mau mama ‘a e ‘inasi fakakōvana. 15Ka ko e ngaahi ‘uluaki kōvana na‘e mu‘omu‘a ‘iate au, na‘a nau hilifaki kavenga ki he kakai, ‘o nau to‘o meiate kinautolu ‘a e me‘akai mo e kava, fe‘unga mo e fāngofulu‘i sikeli ki he ‘aho.#5.15 fāngofulu… ‘aho; Ko hono fakalea ia ‘i he hiki fuoloa ‘e taha, ka ‘oku ‘ikai ke mahino ‘a hono faka-Hepeluú. Na‘a mo ‘enau kau tama na‘a nau fakaehaua ‘a e kakai; ka na‘e ‘ikai te u fai pehē ‘e au, ko ‘eku manavahē ki he ‘Otua. 16Kae‘uma‘ā foki, na‘a ku puke ma‘u ‘a e ngāue ni ki he ‘ā, pea na‘e ‘ikai te mau momo‘i fakatau ha konga vao; he na‘e fakatefua mai ki ai ‘e he‘eku kau tama ki he ngāue. 17Pea na‘e keinanga foki mo au ha toko teau mā nimangofulu ‘i he kau Siu mo e kau pule; tukukehe ‘a kinautolu na‘e hili mai mei he hīteni takatakai. 18Pea ko e me‘a na‘e teu ki he ‘aho takitaha ko e pulu ‘e taha, mo e sipi fili ‘e ono; na‘e ngaohi mai mo e fanga moa, pea fakahili ‘aho hongofulu na‘e tokonaki ‘a e fa‘ahinga uaine kehekehe ke lahi. Ka neongo ia, ka na‘e ‘ikai te u tangi ki he ‘inasi fakakōvana, koe‘uhi na‘e mamafa ‘a e fatongia ‘o si‘i kakai ni.
19‘E hoku ‘Otua, manatu‘i ‘a e me‘a kotoa kuo u fai ma‘a si‘i kakai ni, ‘o ke ‘ofa ai kiate au.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.