KO NEHEMAIA 2
2
Ko e ‘Alu ‘a Nehemaia ki Selusalema
1PEA ko ia, ‘i he māhina ko Nīsani, ‘i hono uofulu ta‘u ‘o Kingi ‘Atasease, na‘e fai kava ‘e he ‘afio; pea u hiki ‘a e uaine, ‘o ‘ange ki he tu‘i. Ka kuo te‘eki te u matakovi ‘i hono ‘ao. 2Pea folofola mai ‘a ‘ene ‘afio, Ko e hā ‘oku ke mata kovi ai; ‘osi, ‘oku ‘ikai te ke mahaki‘ia? tala atu ko e mahaki loto pē. Pea u fu‘u manavahē ‘aupito.
3Pea u fakatau folofola ki he tu‘i, Ke lākoifie ai pē ‘a e ‘afiona: ‘o ‘oua koā te u matakovi ka kuo tuku maumau ‘a e kolo ‘o e fonualoto ‘o ‘eku ngaahi kui, pea ko hono ngaahi matapā kuo ‘osi hono fakamomofi?#2 Tu‘i 25.8-10; 2 Kal 36.19; Sel 52.12-14
4Pea folofola mai ‘a e tu‘i, ‘Oku sio ki he hā ho‘o kole? Pea u fai si‘eku lotu ki he ‘Otua ‘o Langi.
5Pea u tali ki he tu‘i, Ka lelei ki he ‘afiona, pea ka kuo ke hōifua mai ki ho‘o sevāniti ko au, koe‘uhiā ke ke fekau au ki Siuta, ki he kolo ‘o e ngaahi fa‘itoka ‘o hoku tupu‘anga, ka u ngaohi ia.
6Pea folofola mai ‘a e tu‘i, (na‘e nofo ‘i hono tafa‘aki ‘a e kuini foki), ‘E fēfē ‘a e fuoloa ho‘o ‘alu, pea te ke foki fakakū? Ko ia na‘e finangalo ‘a e tu‘i ke tuku mai au; pea u tala kiate ia hono fuoloa.
7Pea u fakatau folofola foki ki he tu‘i, Ka lelei ki he ‘Afiona, pea ke tuku kiate au ‘ani tohi ki he hou‘eiki kōvana ‘i Tu‘a-vaitafe,#2.7 ‘i Tu‘a-vaitafe; ‘A ia ko e vahefonua ki he fakahihifo ‘o e vaitafe ko ‘Eufaletesí. ‘I he kuonga na‘e pule‘i ai ‘a Siuta ‘e Pēsiá na‘e kau ‘a Siuta ki he vahefonua Pēsia lahi ko eni ki he fakahihifo ‘o e vaitafe ko ‘Eufaletesí. ke nau tuku ke u ‘alu atu, ‘o a‘u ki Siuta: 8mo e tohi foki kia ‘Ēsafe ko e tauhi ‘o e Palataisi ‘a e tu‘i, koe‘uhi ke ne tuku ‘akau kiate au, mo‘o toka ki he ngaahi matapā ‘o e talitau‘anga ‘o e fale, pea ki he ‘ā ‘o e kolo, pea mo e fale te u hū ki ai. Pea na‘e tuku mai ‘e he tu‘i, na‘e pehē ‘a e kau lelei mai ‘a hoku ‘Otua.
9Pea ‘i he‘eku toki a‘u ki he hou‘eiki kōvana ‘i Tu‘a-vaitafe na‘a ku ‘ange kiate kinautolu ‘a e ngaahi tohi ‘a e tu‘i. Pea kuo fekau ‘e he tu‘i ke omi mo au ‘ani hou‘eiki tau, mo e tau heka hoosi. 10Pea ‘i he fanongo ki ai ‘a Sanipalate ko e nofo Hōloni, pea mo Topaia tamaio‘eiki ko e nofo ‘Āmoni, na‘e tau kovi ‘aupito ki hona loto, ko e pehē ‘oku ai ha tangata ‘oku ha‘u ke feinga‘i ‘a e lelei ‘o ha‘a ‘Isileli.
11Pea u a‘u ki Selusalema, ‘o ‘aho tolu ai. 12Pea u tu‘u hake po‘uli, ‘a au mo e tu‘unga tangata toko si‘i; pea na‘e ‘ikai te u tala ki ha taha ‘a e me‘a kuo ‘ai ‘e he ‘Otua ki hoku loto ke u fai ma‘a Selusalema: pea na‘e ‘ikai ha manu te mau ō, ngata pē ‘i he manu na‘a ku heka ai au.
13Pea u hū ki tu‘a po‘uli ‘i he Matapā ‘o e Tele‘a, ‘o u hanga ki Vai Talākoni, mo e Matapā Veve, pea u vakai ‘a e ngaahi potu ‘ā ‘o Selusalema; tā kuo laiki, pea kuo ‘osi hono ngaahi matapā hono kai ‘e he afi. 14Pea u laka atu ki he Matapā Fauniteni mo e Lepa ‘o e Tu‘i; ka na‘e ‘ikai ha potu ke hao atu ai ‘a e manu na‘a ku heka ai. 15Ko ia na‘a ku foufou atu ai pē ‘i he vaitafe kei po‘uli pē, ‘o u vakai ai pē ‘a e ‘ā; pea u toki tafoki ‘o hū ‘i he Matapā ‘o e Tele‘a, ‘o u foki ai.
16Pea na‘e ‘ikai ‘ilo ‘e he kau pule pe na‘a ku ‘alu ki fē, mo e me‘a ‘oku ou fai; he kuo te‘eki ke u fakahā ki he kau Siu, pe ki he kau taula‘eiki, pe ki he hou‘eiki, pe ki he kau pule, pe ki hono toe ‘o e kakai na‘e fai ‘a e ngāue. 17Pea u toki lea kiate kinautolu, ‘o pehē, ‘Oku mou sio ki he kovi ‘oku tau ‘i ai, ‘ene koto maumau ‘a Selusalema, mo tūngia hono ngaahi matapā: ha‘u ā ka tau langa ‘a e ngaahi ‘ā ‘o Selusalema, ‘o ‘oua na‘a tau nofo ai pē ko e kau ta‘etoka‘i.
18Pea u fakahā kiate kinautolu ‘a e kau lelei mai ‘a hoku ‘Otua; kae‘uma‘ā ‘a e ngaahi lea ‘a e tu‘i ‘a ia kuo ne folofola‘aki mai.
Pea nau toki pehē, Tau tutu‘u, ‘o langa. Pea nau felōtaki‘aki ‘e lelei.
19Ka ‘i he fanongo ki ai ‘a Sanipalate ko e nofo Hōloni, mo Topaia tamaio‘eiki ko e nofo ‘Āmoni, mo e ‘Ālepea ko Kēseme, na‘a nau kata kakae, mo va‘inga‘aki kimautolu, ‘o nau pehē, Ko e hā eni ‘oku mou fai? Te mou tu‘u ki he tu‘i ‘e kimoutolu?
20Pea u toki tali kiate kinautolu, ‘o u pehē ange, Ko e ‘Otua ‘o langi ko ia te ne fakamonū‘ia kimautolu; ko ia, ko kimautolu ko ‘ene kau tamaio‘eiki te mau tutu‘u ‘o langa: ka ko e me‘a kiate kimoutolu ‘oku ‘ikai hamou kaunga, pe tu‘unga, pe fakamanatu ‘i Selusalema.
Currently Selected:
KO NEHEMAIA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO NEHEMAIA 2
2
Ko e ‘Alu ‘a Nehemaia ki Selusalema
1PEA ko ia, ‘i he māhina ko Nīsani, ‘i hono uofulu ta‘u ‘o Kingi ‘Atasease, na‘e fai kava ‘e he ‘afio; pea u hiki ‘a e uaine, ‘o ‘ange ki he tu‘i. Ka kuo te‘eki te u matakovi ‘i hono ‘ao. 2Pea folofola mai ‘a ‘ene ‘afio, Ko e hā ‘oku ke mata kovi ai; ‘osi, ‘oku ‘ikai te ke mahaki‘ia? tala atu ko e mahaki loto pē. Pea u fu‘u manavahē ‘aupito.
3Pea u fakatau folofola ki he tu‘i, Ke lākoifie ai pē ‘a e ‘afiona: ‘o ‘oua koā te u matakovi ka kuo tuku maumau ‘a e kolo ‘o e fonualoto ‘o ‘eku ngaahi kui, pea ko hono ngaahi matapā kuo ‘osi hono fakamomofi?#2 Tu‘i 25.8-10; 2 Kal 36.19; Sel 52.12-14
4Pea folofola mai ‘a e tu‘i, ‘Oku sio ki he hā ho‘o kole? Pea u fai si‘eku lotu ki he ‘Otua ‘o Langi.
5Pea u tali ki he tu‘i, Ka lelei ki he ‘afiona, pea ka kuo ke hōifua mai ki ho‘o sevāniti ko au, koe‘uhiā ke ke fekau au ki Siuta, ki he kolo ‘o e ngaahi fa‘itoka ‘o hoku tupu‘anga, ka u ngaohi ia.
6Pea folofola mai ‘a e tu‘i, (na‘e nofo ‘i hono tafa‘aki ‘a e kuini foki), ‘E fēfē ‘a e fuoloa ho‘o ‘alu, pea te ke foki fakakū? Ko ia na‘e finangalo ‘a e tu‘i ke tuku mai au; pea u tala kiate ia hono fuoloa.
7Pea u fakatau folofola foki ki he tu‘i, Ka lelei ki he ‘Afiona, pea ke tuku kiate au ‘ani tohi ki he hou‘eiki kōvana ‘i Tu‘a-vaitafe,#2.7 ‘i Tu‘a-vaitafe; ‘A ia ko e vahefonua ki he fakahihifo ‘o e vaitafe ko ‘Eufaletesí. ‘I he kuonga na‘e pule‘i ai ‘a Siuta ‘e Pēsiá na‘e kau ‘a Siuta ki he vahefonua Pēsia lahi ko eni ki he fakahihifo ‘o e vaitafe ko ‘Eufaletesí. ke nau tuku ke u ‘alu atu, ‘o a‘u ki Siuta: 8mo e tohi foki kia ‘Ēsafe ko e tauhi ‘o e Palataisi ‘a e tu‘i, koe‘uhi ke ne tuku ‘akau kiate au, mo‘o toka ki he ngaahi matapā ‘o e talitau‘anga ‘o e fale, pea ki he ‘ā ‘o e kolo, pea mo e fale te u hū ki ai. Pea na‘e tuku mai ‘e he tu‘i, na‘e pehē ‘a e kau lelei mai ‘a hoku ‘Otua.
9Pea ‘i he‘eku toki a‘u ki he hou‘eiki kōvana ‘i Tu‘a-vaitafe na‘a ku ‘ange kiate kinautolu ‘a e ngaahi tohi ‘a e tu‘i. Pea kuo fekau ‘e he tu‘i ke omi mo au ‘ani hou‘eiki tau, mo e tau heka hoosi. 10Pea ‘i he fanongo ki ai ‘a Sanipalate ko e nofo Hōloni, pea mo Topaia tamaio‘eiki ko e nofo ‘Āmoni, na‘e tau kovi ‘aupito ki hona loto, ko e pehē ‘oku ai ha tangata ‘oku ha‘u ke feinga‘i ‘a e lelei ‘o ha‘a ‘Isileli.
11Pea u a‘u ki Selusalema, ‘o ‘aho tolu ai. 12Pea u tu‘u hake po‘uli, ‘a au mo e tu‘unga tangata toko si‘i; pea na‘e ‘ikai te u tala ki ha taha ‘a e me‘a kuo ‘ai ‘e he ‘Otua ki hoku loto ke u fai ma‘a Selusalema: pea na‘e ‘ikai ha manu te mau ō, ngata pē ‘i he manu na‘a ku heka ai au.
13Pea u hū ki tu‘a po‘uli ‘i he Matapā ‘o e Tele‘a, ‘o u hanga ki Vai Talākoni, mo e Matapā Veve, pea u vakai ‘a e ngaahi potu ‘ā ‘o Selusalema; tā kuo laiki, pea kuo ‘osi hono ngaahi matapā hono kai ‘e he afi. 14Pea u laka atu ki he Matapā Fauniteni mo e Lepa ‘o e Tu‘i; ka na‘e ‘ikai ha potu ke hao atu ai ‘a e manu na‘a ku heka ai. 15Ko ia na‘a ku foufou atu ai pē ‘i he vaitafe kei po‘uli pē, ‘o u vakai ai pē ‘a e ‘ā; pea u toki tafoki ‘o hū ‘i he Matapā ‘o e Tele‘a, ‘o u foki ai.
16Pea na‘e ‘ikai ‘ilo ‘e he kau pule pe na‘a ku ‘alu ki fē, mo e me‘a ‘oku ou fai; he kuo te‘eki ke u fakahā ki he kau Siu, pe ki he kau taula‘eiki, pe ki he hou‘eiki, pe ki he kau pule, pe ki hono toe ‘o e kakai na‘e fai ‘a e ngāue. 17Pea u toki lea kiate kinautolu, ‘o pehē, ‘Oku mou sio ki he kovi ‘oku tau ‘i ai, ‘ene koto maumau ‘a Selusalema, mo tūngia hono ngaahi matapā: ha‘u ā ka tau langa ‘a e ngaahi ‘ā ‘o Selusalema, ‘o ‘oua na‘a tau nofo ai pē ko e kau ta‘etoka‘i.
18Pea u fakahā kiate kinautolu ‘a e kau lelei mai ‘a hoku ‘Otua; kae‘uma‘ā ‘a e ngaahi lea ‘a e tu‘i ‘a ia kuo ne folofola‘aki mai.
Pea nau toki pehē, Tau tutu‘u, ‘o langa. Pea nau felōtaki‘aki ‘e lelei.
19Ka ‘i he fanongo ki ai ‘a Sanipalate ko e nofo Hōloni, mo Topaia tamaio‘eiki ko e nofo ‘Āmoni, mo e ‘Ālepea ko Kēseme, na‘a nau kata kakae, mo va‘inga‘aki kimautolu, ‘o nau pehē, Ko e hā eni ‘oku mou fai? Te mou tu‘u ki he tu‘i ‘e kimoutolu?
20Pea u toki tali kiate kinautolu, ‘o u pehē ange, Ko e ‘Otua ‘o langi ko ia te ne fakamonū‘ia kimautolu; ko ia, ko kimautolu ko ‘ene kau tamaio‘eiki te mau tutu‘u ‘o langa: ka ko e me‘a kiate kimoutolu ‘oku ‘ikai hamou kaunga, pe tu‘unga, pe fakamanatu ‘i Selusalema.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.