KO MALAKAI 1
1
1KO E folofola ‘a Sihova: ko e kavenga ‘a ‘Isileli mei he Ta‘ehāmai na‘e fakafai ‘ia Malakai.
Ko e ‘Ofa ‘a Sihova ‘i ‘Isileli
2Kuo u ‘ofa‘i kimoutolu–ko e folofola ia ‘a Sihova.#Lom 9.13 #‘Ais 34.5-17; 63.1-6; Sel 49.7-22; ‘Isi 25.12-14; 35.1-15; ‘Ēmosi 1.11-12; ‘Opa 1-14 Ka ‘oku mou lau, Kuo ke ‘ofa‘i kimautolu ‘i he hā? ‘Ikai ko ‘Īsoa ko e tokoua ‘o Sēkope?–ko Sihova ia mei he Ta‘ehāmai–ka na‘a ku ‘ofa kia Sēkope; 3ka ko ‘Īsoa na‘a ku fehi‘a ki ai, ‘o u ngaohi hono ngaahi mo‘unga ko e lala, pea ko hono tofi‘a na‘a ku tuku ki he fanga siakali ‘o e toafa.
4Tokua ‘oku lau ‘e ‘Ītomi, Kuo havehave kitautolu, ka te tau foki, ‘o toe langa ‘a e ngaahi potu kuo ‘auha, Ko e folofola eni ‘a Sihova Sāpaoti, ‘E langa nai ‘e he fa‘ahinga ko ia, ka ko au te u holoki: pea ‘e ui kinautolu ‘e he kakai ko Feitu‘u Pau‘u, ko e kakai ‘oku houhau ta‘engata ki ai ‘a Sihova.
5Pea ‘e sio ki ai homou mata, pea ko kimoutolu te mou lau, ‘o pehē, Kuo fotu ‘a Sihova mei he kau‘ā ‘o ‘Isileli.
Ko Hano Valoki ‘e Sihova ‘a e Kau Taula‘eikí
6Ko e anga ‘o e foha ke faka‘apa‘apa ki he‘ene tamai, mo e tamaio‘eiki ki hono ‘eiki. Pea kapau ko e tamai au, Kofa‘ā hoku faka‘apa‘apa‘ia? pea kapau ko e fu‘u ‘eiki au, Kofa‘ā hoku manavahē‘ia?–ko e folofola ia ‘a Sihova Sāpaoti kiate kimoutolu, ‘a e kau taula‘eiki ‘oku va‘inga‘aki hoku hingoa. Ka ‘oku mou pehē, Kuo mau va‘inga‘aki ho huafa ‘i he hā? Ko ho‘omou ‘atu ‘i he ‘ōlita ‘a e me‘akai kuo mele. 7Ka mou lau ai pē, Kuo mau ‘uli‘i koe ‘i he hā? ‘I ho‘omou taku ko e tēpile ‘o Sihova ko e me‘a ‘e ala va‘inga‘aki. 8Pea ka mou ka ‘atu ki he feilaulau ha manu ‘oku kui, tokua ‘oku ‘ikai ke kovi! pea kapau ‘oku mou ‘atu ‘a e ketu, pe ko e mahaki‘ia, tokua ‘oku ‘ikai hano kovi! ‘Ā, ‘ave ia ki ho kōvana; te ne hōifua ai kiate koe? Pe tali ho‘o me‘a?–ko e folofola ia ‘a Sihova Sāpaoti.#Teu 15.21
9Pea ko eni, fai mu‘a ke fakamokomoko ‘a e fofonga ‘o ‘Ela, ke ne ‘alo‘ofa mai kiate kitautolu: ‘osi, ko homou nima ‘oku mei ai ‘a e ngaahi me‘a na. Te ne hāngai fofonga mai koā ki ha ni‘ihi, koe‘uhi ko kimoutolu?–ko e folofola ia ‘a Sihova Sāpaoti. 10Taumaiā ‘oku ai hamou taha te ne tāpuni ‘a e ngaahi matapā na, ke ‘oua na‘a tutu ta‘e‘aonga hoku ‘ōlita. ‘Oku ‘ikai te u momo‘i manako kiate kimoutolu–ko e folofola ia ‘a Sihova Sāpaoti–pea ‘e ‘ikai te u tali ‘a e feilaulau mei homou nima. 11Tala atu, mei he hopo‘anga la‘ā ‘o a‘u ki hono tō‘anga, ‘oku fotu hoku hingoa ‘i he ngaahi pule‘anga,#1.11 pe ‘i he Senitailé. pea ‘i he potu kotoa pē ‘oku ‘atu ‘a e ‘inisēnisi ki hoku hingoa, mo e feilaulau ma‘a: he fotu hoku hingoa ‘i he ngaahi pule‘anga–ko e folofola ia ‘a Sihova Sāpaoti. 12Ka ko kimoutolu ‘oku mou to‘o hono tapu ‘i ho‘omou pehē, Ko e tēpile ‘o ‘Ātonai ‘oku va‘inga‘aki, pea ko e me‘a ‘oku hiki mei ai, ‘a hono me‘akai, hono sia‘a! 13‘Oku mou pehē foki, “‘Ā, ko e me‘a fakakina;” pea ‘oku mau kisu ki ai–ko e folofola ia ‘a Sihova Sāpaoti–pea kuo mau ‘omi ‘a e me‘a kuo fa‘ao, ‘a e me‘a ‘oku ketu, mo e me‘a ‘oku mahaki, ‘o mou feilaulau ‘aki ia: te u tali koā ha me‘a pehē mei homou nima?–ko Sihova ia. 14Tala atu, ‘oku mala‘ia ha taha ‘oku fai kākā: lolotonga ‘oku ai ha manu tangata ‘i he‘ene tākanga, ka ‘oku ne fai ‘ene tukumo‘ui, mo feilaulau ‘aki ha me‘a mousa‘a kia ‘Ātonai: “he ko e tu‘i lahi au”–ko Sihova Sāpaoti ia- “pea ko hoku hingoa ‘oku manavahē‘ia ‘i he ngaahi pule‘anga.”
Currently Selected:
KO MALAKAI 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO MALAKAI 1
1
1KO E folofola ‘a Sihova: ko e kavenga ‘a ‘Isileli mei he Ta‘ehāmai na‘e fakafai ‘ia Malakai.
Ko e ‘Ofa ‘a Sihova ‘i ‘Isileli
2Kuo u ‘ofa‘i kimoutolu–ko e folofola ia ‘a Sihova.#Lom 9.13 #‘Ais 34.5-17; 63.1-6; Sel 49.7-22; ‘Isi 25.12-14; 35.1-15; ‘Ēmosi 1.11-12; ‘Opa 1-14 Ka ‘oku mou lau, Kuo ke ‘ofa‘i kimautolu ‘i he hā? ‘Ikai ko ‘Īsoa ko e tokoua ‘o Sēkope?–ko Sihova ia mei he Ta‘ehāmai–ka na‘a ku ‘ofa kia Sēkope; 3ka ko ‘Īsoa na‘a ku fehi‘a ki ai, ‘o u ngaohi hono ngaahi mo‘unga ko e lala, pea ko hono tofi‘a na‘a ku tuku ki he fanga siakali ‘o e toafa.
4Tokua ‘oku lau ‘e ‘Ītomi, Kuo havehave kitautolu, ka te tau foki, ‘o toe langa ‘a e ngaahi potu kuo ‘auha, Ko e folofola eni ‘a Sihova Sāpaoti, ‘E langa nai ‘e he fa‘ahinga ko ia, ka ko au te u holoki: pea ‘e ui kinautolu ‘e he kakai ko Feitu‘u Pau‘u, ko e kakai ‘oku houhau ta‘engata ki ai ‘a Sihova.
5Pea ‘e sio ki ai homou mata, pea ko kimoutolu te mou lau, ‘o pehē, Kuo fotu ‘a Sihova mei he kau‘ā ‘o ‘Isileli.
Ko Hano Valoki ‘e Sihova ‘a e Kau Taula‘eikí
6Ko e anga ‘o e foha ke faka‘apa‘apa ki he‘ene tamai, mo e tamaio‘eiki ki hono ‘eiki. Pea kapau ko e tamai au, Kofa‘ā hoku faka‘apa‘apa‘ia? pea kapau ko e fu‘u ‘eiki au, Kofa‘ā hoku manavahē‘ia?–ko e folofola ia ‘a Sihova Sāpaoti kiate kimoutolu, ‘a e kau taula‘eiki ‘oku va‘inga‘aki hoku hingoa. Ka ‘oku mou pehē, Kuo mau va‘inga‘aki ho huafa ‘i he hā? Ko ho‘omou ‘atu ‘i he ‘ōlita ‘a e me‘akai kuo mele. 7Ka mou lau ai pē, Kuo mau ‘uli‘i koe ‘i he hā? ‘I ho‘omou taku ko e tēpile ‘o Sihova ko e me‘a ‘e ala va‘inga‘aki. 8Pea ka mou ka ‘atu ki he feilaulau ha manu ‘oku kui, tokua ‘oku ‘ikai ke kovi! pea kapau ‘oku mou ‘atu ‘a e ketu, pe ko e mahaki‘ia, tokua ‘oku ‘ikai hano kovi! ‘Ā, ‘ave ia ki ho kōvana; te ne hōifua ai kiate koe? Pe tali ho‘o me‘a?–ko e folofola ia ‘a Sihova Sāpaoti.#Teu 15.21
9Pea ko eni, fai mu‘a ke fakamokomoko ‘a e fofonga ‘o ‘Ela, ke ne ‘alo‘ofa mai kiate kitautolu: ‘osi, ko homou nima ‘oku mei ai ‘a e ngaahi me‘a na. Te ne hāngai fofonga mai koā ki ha ni‘ihi, koe‘uhi ko kimoutolu?–ko e folofola ia ‘a Sihova Sāpaoti. 10Taumaiā ‘oku ai hamou taha te ne tāpuni ‘a e ngaahi matapā na, ke ‘oua na‘a tutu ta‘e‘aonga hoku ‘ōlita. ‘Oku ‘ikai te u momo‘i manako kiate kimoutolu–ko e folofola ia ‘a Sihova Sāpaoti–pea ‘e ‘ikai te u tali ‘a e feilaulau mei homou nima. 11Tala atu, mei he hopo‘anga la‘ā ‘o a‘u ki hono tō‘anga, ‘oku fotu hoku hingoa ‘i he ngaahi pule‘anga,#1.11 pe ‘i he Senitailé. pea ‘i he potu kotoa pē ‘oku ‘atu ‘a e ‘inisēnisi ki hoku hingoa, mo e feilaulau ma‘a: he fotu hoku hingoa ‘i he ngaahi pule‘anga–ko e folofola ia ‘a Sihova Sāpaoti. 12Ka ko kimoutolu ‘oku mou to‘o hono tapu ‘i ho‘omou pehē, Ko e tēpile ‘o ‘Ātonai ‘oku va‘inga‘aki, pea ko e me‘a ‘oku hiki mei ai, ‘a hono me‘akai, hono sia‘a! 13‘Oku mou pehē foki, “‘Ā, ko e me‘a fakakina;” pea ‘oku mau kisu ki ai–ko e folofola ia ‘a Sihova Sāpaoti–pea kuo mau ‘omi ‘a e me‘a kuo fa‘ao, ‘a e me‘a ‘oku ketu, mo e me‘a ‘oku mahaki, ‘o mou feilaulau ‘aki ia: te u tali koā ha me‘a pehē mei homou nima?–ko Sihova ia. 14Tala atu, ‘oku mala‘ia ha taha ‘oku fai kākā: lolotonga ‘oku ai ha manu tangata ‘i he‘ene tākanga, ka ‘oku ne fai ‘ene tukumo‘ui, mo feilaulau ‘aki ha me‘a mousa‘a kia ‘Ātonai: “he ko e tu‘i lahi au”–ko Sihova Sāpaoti ia- “pea ko hoku hingoa ‘oku manavahē‘ia ‘i he ngaahi pule‘anga.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.