KO SIOSIUA 24
24
1PEA fakataha ‘e Siosiua ‘a e ngaahi matakali kotoa ‘o ‘Isileli ki Sikemi, ‘o ne ui ange ‘a e kau mātu‘a ‘o ‘Isileli, ko honau hou‘eiki mo honau kau fakamaau mo honau kau ‘ōfisa: pea na‘a nau fakatefua mai ki he ‘ao ‘o ‘Elohimi. 2Pea lea ‘a Siosiua ki he kakai kotoa, ‘o pehē, Ko eni ‘a e folofola ‘a Sihova ko e ‘Otua ‘o ‘Isileli, Talu mei tuai mo e nofo ho‘omou ngaahi kui ‘i he tu‘a Vaitafe, ‘io, ‘a Tela ko e tamai ‘a ‘Epalahame, mo e tamai ‘a Nēhoa: pea na‘a nau tauhi ‘otua kehe.#Sēn 11.27 3Pea na‘a ku ‘omi ho‘omou kui ko ‘Epalahame, mei he tu‘a Vaitafe, pea u taki mai ia ‘i he fonua kotoa ‘o Kēnani, pea u fakatokolahi hono hako, pea u ‘ange ki ai ‘a ‘Aisake.#Sēn 12.1-9; 21.1-3 4Pea u ‘ange kia ‘Aisake ‘a Sēkope mo ‘Īsoa: pea u tuku kia ‘Īsoa ‘a e mo‘unga ko Seia ke ne ma‘u; ka ko Sēkope mo ‘ene fānau na‘a nau ‘alu hifo ki ‘Isipite.#Sēn 25.24-26; 36.8; 46.1-7; Teu 2.5 5Pea na‘a ku fekau atu ‘a Mōsese mo ‘Ēlone, pea u tautea ‘a ‘Isipite, (‘a e ngaahi me‘a kehekehe ko e na‘a ku fai ai): pea hili ia na‘a ku fakahū kimoutolu kitu‘a.#‘Eki 3.1–12.42 6‘Io, na‘a ku fakahū mai ho‘omou ngaahi kui mei ‘Isipite; pea na‘a mou a‘u ki he tahi: pea na‘e tuli ‘a e kakai ‘Isipite ki ho‘omou ngaahi kui ‘aki ‘a e ngaahi sāliote mo e tau heka hoosi, ‘o a‘u ki he Tahi Kulokula.#‘Eki 14.1-31 7Pea ‘i he‘enau tautapa kia Sihova, na‘a ne ‘ai ‘a e po‘uli ‘i homou vaha‘a mo e kau ‘Isipite, pea ne ‘omi ‘a e tahi kiate kinautolu, ‘o lōmekina kinautolu: pea na‘e mamata ‘e homou mata ki he me‘a na‘a ku fai ‘i ‘Isipite, pea na‘a mou nofo ‘i he Toafa ‘o fuoloa.
8Pea na‘a ku ‘omi kimoutolu ki he fonua ‘o e kau ‘Āmoli na‘e nofo ‘i Tu‘a-Soatani; pea na‘a nau tau mo kimoutolu; ka na‘a ku tuku kinautolu ki homou nima, pea na‘a mou ma‘u honau fonua: pea na‘a ku faka‘auha kinautolu mei homou ‘ao.#Nōm 21.21-35 9Pea na‘e toki tu‘u hake ‘a Pēlaki ko e foha ‘o Sīpoa, ko e Tu‘i Moape, ‘o ne tau‘i ‘a ‘Isileli; pea na‘a ne fekau atu ke ui mai ‘a Pēlami ko e foha ‘o Peaoli ke tukitala‘i kimoutolu:#Nōm 22.1–24.25 10ka na‘e ‘ikai te u fie tokanga kia Pēlami, ko ia na‘a ne tāpuaki ai pe kimoutolu: ko ia na‘a ku fakahaofi kimoutolu mei hono nima. 11Pea na‘a mou a‘a ‘i Soatani, pea mou a‘u ki Sielikō; pea na‘e tau mo kimoutolu ‘a e kau Sielikō, ‘a e ‘Āmoli mo e Pēlisi mo e Kēnani mo e Heti mo e Keakesa, ‘a e Hevi mo e Siepusi, ka na‘a ku tuku kinautolu ki homou nima.#Sios 3.14-17; 6.1-21 12Pea na‘a ku fekau atu ‘a e langou‘u-hōneti ke mu‘omu‘a kiate kimoutolu, ‘a ia na‘a ne kapusi kinautolu mei homou ‘ao, ‘io, ‘a e ongo tu‘i ‘Āmoli; ka na‘e ‘ikai fai‘aki ho‘o heletā, pe ko ho‘o kaufana.#‘Eki 23.28; Teu 7.20 13Pea na‘a ku foaki atu ha fonua na‘e ‘ikai te ke ongosia ai, mo e ngaahi kolo na‘e ‘ikai te mou langa, pea ‘oku mou nofo ai; ko e ngaahi ngoue vaine mo e ngaahi ngoue ‘ōlive na‘e ‘ikai te ke tō, ‘a ia ‘oku mou kai mei ai.#Teu 6.10-11
14Pea ko ia mou ‘apasia kia Sihova, pea tauhi lototō mo mo‘oni kiate ia; Pea hu‘ihu‘i ‘a e ngaahi ‘otua na‘e tauhi ‘e ho‘omou ngaahi kui ‘i he tu‘a Vaitafe, pea ‘i ‘Isipite; ka mou tauhi ‘a Sihova. 15Pea kapau ‘oku ha kovi kiate kimoutolu ke tauhi ‘a Sihova, mou fai ho‘omou fili he ‘aho ni pe ko hai te mou tauhi ki ai; ‘a e ngaahi ‘otua na‘e tauhi ‘e ho‘omou ngaahi kui na‘e nofo ‘i he tu‘a Vaitafe, pe ko e ngaahi ‘otua ‘o e kakai ‘Āmoli, ‘a ia ‘oku mou nofo ‘i honau fonua: ka ko au mo hoku fale te mau tauhi ‘a Sihova.
16Pea na‘e tali ‘e he kakai, ‘o pehē, Molekemama‘o ha‘amau li‘aki ‘a Sihova ke tauhi ‘Otua kehe; 17he ko Sihova ko hotau ‘Otua, ko ia ia na‘a ne ‘ohake kitautolu mo ‘etau ngaahi kui mei ‘Isipite, mei he fale pōpula, mo ne fai ‘a e ngaahi fu‘u me‘a fakaafe ko ia na‘a tau mamata ki ai, mo tauhi kitautolu ‘i he hala kotoa na‘a tau fononga ai, pea ‘i he lotolotonga ‘o e ngaahi kakai na‘a tau laka atu ai; 18pea na‘e kapusi ‘e Sihova mei hotau ‘ao ‘a e ngaahi kakai, ‘io, ‘a ha‘a ‘Āmoli na‘e nofo ‘i he fonua ni: ko ia ko kimautolu foki te mau tauhi ‘a Sihova, he ko hotau ‘Otua ia.
19Pea lea ‘a Siosiua ki he kakai, ‘E ‘ikai te mou lava ke tauhi ‘a Sihova, he ko e ‘Otua mā‘oni‘oni ia; ko e ‘Otua fua‘a ia; ‘e ‘ikai te ne fakamolemole ho‘omou ngaahi angatu‘u pe ko ho‘omou ngaahi angahala. 20Kapau te mou li‘aki ‘a Sihova, ‘o tauhi ‘Otua muli, te ne toki liliu ai, ‘o fai kovi kiate kimoutolu, mo faka‘auha kimoutolu, hili ‘ene fai lelei kiate kimoutolu.
21Pea lea ‘a e kakai kia Siosiua, ‘Oua foki; ka ko Sihova te mau tauhi ki ai.
22Pea tali ‘e Siosiua ki he kakai, Ko e kau fakamo‘oni kimoutolu kiate kimoutolu kuo mou fili ma‘amoutolu ‘a Sihova ke mou tauhi ki ai.
(Pea na‘a nau pehē, Ko e kau fakamo‘oni kimautolu.)
23Pea ko eni ke mou hu‘ihu‘i ‘a e ngaahi ‘otua muli ‘a ia ‘oku ‘i homou lotolotonga, pea ofe‘i homou loto kia Sihova ko e ‘Otua ‘o ‘Isileli.
24Pea tali ‘a e kakai kia Siosiua, Ko Sihova ko hotau ‘otua, ko ia te mau tauhi ki ai, pea ko hono le‘o te mau fakaongo ki ai.
25Ko ia na‘e fai ‘e Siosiua ‘i he ‘aho ko ia ha kovinānite ma‘a e#24.25 ma‘á e; pe mo e. kakai, ‘o ne fokotu‘u honau tu‘utu‘uni mo e konisitūtone ‘i Sikemi. 26Pea na‘e tohi ‘e Siosiua ‘a e ngaahi lea ko ia ‘i he puka ‘o e lao ‘a e ‘Otua; ‘o ne to‘o ha fu‘u maka, ‘o ne fokotu‘u ‘i he potu ko ia, ‘i he lalo ‘oke na‘e ‘i he mala‘e tapu ‘a Sihova. 27Pea pehē ‘e Siosiua ki he kakai kotoa; Vakai, ko e maka ni ‘e fakamo‘oni kiate kitautolu; he kuo fanongo ia ki he ngaahi folofola kotoa pē ‘a Sihova na‘a ne fai kiate kitautolu: ko ia ‘e nofo ia ko e fakamo‘oni kiate kimoutolu, na‘a mou fakafisinga ki homou ‘Otua. 28Pea na‘e toki tukuange ‘e Siosiua ‘a e kakai ke nau ‘alu takitaha ki hono tofi‘a.
29Pea hili ‘a e ngaahi me‘a ko ia na‘e pekia ‘a Siosiua ko e foha ‘o Nuni, ko e Sevāniti ‘a Sihova, kuo teau mā hongofulu mālie hono ta‘u. 30Pea na‘a nau telio ia ‘i he ngata‘anga ‘o hono tofi‘a ‘i Tīminati-Sela ‘a ia ‘oku ‘i he fonua mo‘unga ‘o ‘Ifalemi, ‘i he potu tokelau ‘o e mo‘unga ‘o Kaasi.#Sios 19.49-50
31Pea na‘e tauhi kia Sihova ‘a ‘Isileli, lolotonga ‘a e mo‘ui ‘a Siosiua, mo e kau mātu‘a na‘e tolonga ‘ia Siosiua, ‘a kinautolu kuo nau ‘ilo ‘a e ngāue ‘a Sihova ‘a ia kuo ne fai ma‘a ‘Isileli.
32Pea ko e ngaahi hui ‘o Siosifa, ‘a ia ne ‘ohake ‘e ha‘a ‘Isileli mei ‘Isipite, na‘a nau tanu ia ‘i Sikemi, ‘i he konga vao na‘e fakatau ‘e Sēkope mei he fānau ‘a Hēmoa ko e tamai ‘a Sikemi ‘aki ha kesita ‘e teau; pea na‘e hoko ia ko e tofi‘a ‘o e hako ‘o Siosifa.#Sēn 33.19; 50.24-25; ‘Eki 13.19; Sioné 4.5; Ngā 7.16
33Pea pekia ‘a ‘Eliesa ko e foha ‘o ‘Ēlone, pea na‘a nau telio ia ‘i he mo‘unga ‘o Finiasi ko hono foha, ‘a ia na‘e foaki kiate ia ‘i he fonua mo‘unga ‘o ‘Ifalemi.
Currently Selected:
KO SIOSIUA 24: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SIOSIUA 24
24
1PEA fakataha ‘e Siosiua ‘a e ngaahi matakali kotoa ‘o ‘Isileli ki Sikemi, ‘o ne ui ange ‘a e kau mātu‘a ‘o ‘Isileli, ko honau hou‘eiki mo honau kau fakamaau mo honau kau ‘ōfisa: pea na‘a nau fakatefua mai ki he ‘ao ‘o ‘Elohimi. 2Pea lea ‘a Siosiua ki he kakai kotoa, ‘o pehē, Ko eni ‘a e folofola ‘a Sihova ko e ‘Otua ‘o ‘Isileli, Talu mei tuai mo e nofo ho‘omou ngaahi kui ‘i he tu‘a Vaitafe, ‘io, ‘a Tela ko e tamai ‘a ‘Epalahame, mo e tamai ‘a Nēhoa: pea na‘a nau tauhi ‘otua kehe.#Sēn 11.27 3Pea na‘a ku ‘omi ho‘omou kui ko ‘Epalahame, mei he tu‘a Vaitafe, pea u taki mai ia ‘i he fonua kotoa ‘o Kēnani, pea u fakatokolahi hono hako, pea u ‘ange ki ai ‘a ‘Aisake.#Sēn 12.1-9; 21.1-3 4Pea u ‘ange kia ‘Aisake ‘a Sēkope mo ‘Īsoa: pea u tuku kia ‘Īsoa ‘a e mo‘unga ko Seia ke ne ma‘u; ka ko Sēkope mo ‘ene fānau na‘a nau ‘alu hifo ki ‘Isipite.#Sēn 25.24-26; 36.8; 46.1-7; Teu 2.5 5Pea na‘a ku fekau atu ‘a Mōsese mo ‘Ēlone, pea u tautea ‘a ‘Isipite, (‘a e ngaahi me‘a kehekehe ko e na‘a ku fai ai): pea hili ia na‘a ku fakahū kimoutolu kitu‘a.#‘Eki 3.1–12.42 6‘Io, na‘a ku fakahū mai ho‘omou ngaahi kui mei ‘Isipite; pea na‘a mou a‘u ki he tahi: pea na‘e tuli ‘a e kakai ‘Isipite ki ho‘omou ngaahi kui ‘aki ‘a e ngaahi sāliote mo e tau heka hoosi, ‘o a‘u ki he Tahi Kulokula.#‘Eki 14.1-31 7Pea ‘i he‘enau tautapa kia Sihova, na‘a ne ‘ai ‘a e po‘uli ‘i homou vaha‘a mo e kau ‘Isipite, pea ne ‘omi ‘a e tahi kiate kinautolu, ‘o lōmekina kinautolu: pea na‘e mamata ‘e homou mata ki he me‘a na‘a ku fai ‘i ‘Isipite, pea na‘a mou nofo ‘i he Toafa ‘o fuoloa.
8Pea na‘a ku ‘omi kimoutolu ki he fonua ‘o e kau ‘Āmoli na‘e nofo ‘i Tu‘a-Soatani; pea na‘a nau tau mo kimoutolu; ka na‘a ku tuku kinautolu ki homou nima, pea na‘a mou ma‘u honau fonua: pea na‘a ku faka‘auha kinautolu mei homou ‘ao.#Nōm 21.21-35 9Pea na‘e toki tu‘u hake ‘a Pēlaki ko e foha ‘o Sīpoa, ko e Tu‘i Moape, ‘o ne tau‘i ‘a ‘Isileli; pea na‘a ne fekau atu ke ui mai ‘a Pēlami ko e foha ‘o Peaoli ke tukitala‘i kimoutolu:#Nōm 22.1–24.25 10ka na‘e ‘ikai te u fie tokanga kia Pēlami, ko ia na‘a ne tāpuaki ai pe kimoutolu: ko ia na‘a ku fakahaofi kimoutolu mei hono nima. 11Pea na‘a mou a‘a ‘i Soatani, pea mou a‘u ki Sielikō; pea na‘e tau mo kimoutolu ‘a e kau Sielikō, ‘a e ‘Āmoli mo e Pēlisi mo e Kēnani mo e Heti mo e Keakesa, ‘a e Hevi mo e Siepusi, ka na‘a ku tuku kinautolu ki homou nima.#Sios 3.14-17; 6.1-21 12Pea na‘a ku fekau atu ‘a e langou‘u-hōneti ke mu‘omu‘a kiate kimoutolu, ‘a ia na‘a ne kapusi kinautolu mei homou ‘ao, ‘io, ‘a e ongo tu‘i ‘Āmoli; ka na‘e ‘ikai fai‘aki ho‘o heletā, pe ko ho‘o kaufana.#‘Eki 23.28; Teu 7.20 13Pea na‘a ku foaki atu ha fonua na‘e ‘ikai te ke ongosia ai, mo e ngaahi kolo na‘e ‘ikai te mou langa, pea ‘oku mou nofo ai; ko e ngaahi ngoue vaine mo e ngaahi ngoue ‘ōlive na‘e ‘ikai te ke tō, ‘a ia ‘oku mou kai mei ai.#Teu 6.10-11
14Pea ko ia mou ‘apasia kia Sihova, pea tauhi lototō mo mo‘oni kiate ia; Pea hu‘ihu‘i ‘a e ngaahi ‘otua na‘e tauhi ‘e ho‘omou ngaahi kui ‘i he tu‘a Vaitafe, pea ‘i ‘Isipite; ka mou tauhi ‘a Sihova. 15Pea kapau ‘oku ha kovi kiate kimoutolu ke tauhi ‘a Sihova, mou fai ho‘omou fili he ‘aho ni pe ko hai te mou tauhi ki ai; ‘a e ngaahi ‘otua na‘e tauhi ‘e ho‘omou ngaahi kui na‘e nofo ‘i he tu‘a Vaitafe, pe ko e ngaahi ‘otua ‘o e kakai ‘Āmoli, ‘a ia ‘oku mou nofo ‘i honau fonua: ka ko au mo hoku fale te mau tauhi ‘a Sihova.
16Pea na‘e tali ‘e he kakai, ‘o pehē, Molekemama‘o ha‘amau li‘aki ‘a Sihova ke tauhi ‘Otua kehe; 17he ko Sihova ko hotau ‘Otua, ko ia ia na‘a ne ‘ohake kitautolu mo ‘etau ngaahi kui mei ‘Isipite, mei he fale pōpula, mo ne fai ‘a e ngaahi fu‘u me‘a fakaafe ko ia na‘a tau mamata ki ai, mo tauhi kitautolu ‘i he hala kotoa na‘a tau fononga ai, pea ‘i he lotolotonga ‘o e ngaahi kakai na‘a tau laka atu ai; 18pea na‘e kapusi ‘e Sihova mei hotau ‘ao ‘a e ngaahi kakai, ‘io, ‘a ha‘a ‘Āmoli na‘e nofo ‘i he fonua ni: ko ia ko kimautolu foki te mau tauhi ‘a Sihova, he ko hotau ‘Otua ia.
19Pea lea ‘a Siosiua ki he kakai, ‘E ‘ikai te mou lava ke tauhi ‘a Sihova, he ko e ‘Otua mā‘oni‘oni ia; ko e ‘Otua fua‘a ia; ‘e ‘ikai te ne fakamolemole ho‘omou ngaahi angatu‘u pe ko ho‘omou ngaahi angahala. 20Kapau te mou li‘aki ‘a Sihova, ‘o tauhi ‘Otua muli, te ne toki liliu ai, ‘o fai kovi kiate kimoutolu, mo faka‘auha kimoutolu, hili ‘ene fai lelei kiate kimoutolu.
21Pea lea ‘a e kakai kia Siosiua, ‘Oua foki; ka ko Sihova te mau tauhi ki ai.
22Pea tali ‘e Siosiua ki he kakai, Ko e kau fakamo‘oni kimoutolu kiate kimoutolu kuo mou fili ma‘amoutolu ‘a Sihova ke mou tauhi ki ai.
(Pea na‘a nau pehē, Ko e kau fakamo‘oni kimautolu.)
23Pea ko eni ke mou hu‘ihu‘i ‘a e ngaahi ‘otua muli ‘a ia ‘oku ‘i homou lotolotonga, pea ofe‘i homou loto kia Sihova ko e ‘Otua ‘o ‘Isileli.
24Pea tali ‘a e kakai kia Siosiua, Ko Sihova ko hotau ‘otua, ko ia te mau tauhi ki ai, pea ko hono le‘o te mau fakaongo ki ai.
25Ko ia na‘e fai ‘e Siosiua ‘i he ‘aho ko ia ha kovinānite ma‘a e#24.25 ma‘á e; pe mo e. kakai, ‘o ne fokotu‘u honau tu‘utu‘uni mo e konisitūtone ‘i Sikemi. 26Pea na‘e tohi ‘e Siosiua ‘a e ngaahi lea ko ia ‘i he puka ‘o e lao ‘a e ‘Otua; ‘o ne to‘o ha fu‘u maka, ‘o ne fokotu‘u ‘i he potu ko ia, ‘i he lalo ‘oke na‘e ‘i he mala‘e tapu ‘a Sihova. 27Pea pehē ‘e Siosiua ki he kakai kotoa; Vakai, ko e maka ni ‘e fakamo‘oni kiate kitautolu; he kuo fanongo ia ki he ngaahi folofola kotoa pē ‘a Sihova na‘a ne fai kiate kitautolu: ko ia ‘e nofo ia ko e fakamo‘oni kiate kimoutolu, na‘a mou fakafisinga ki homou ‘Otua. 28Pea na‘e toki tukuange ‘e Siosiua ‘a e kakai ke nau ‘alu takitaha ki hono tofi‘a.
29Pea hili ‘a e ngaahi me‘a ko ia na‘e pekia ‘a Siosiua ko e foha ‘o Nuni, ko e Sevāniti ‘a Sihova, kuo teau mā hongofulu mālie hono ta‘u. 30Pea na‘a nau telio ia ‘i he ngata‘anga ‘o hono tofi‘a ‘i Tīminati-Sela ‘a ia ‘oku ‘i he fonua mo‘unga ‘o ‘Ifalemi, ‘i he potu tokelau ‘o e mo‘unga ‘o Kaasi.#Sios 19.49-50
31Pea na‘e tauhi kia Sihova ‘a ‘Isileli, lolotonga ‘a e mo‘ui ‘a Siosiua, mo e kau mātu‘a na‘e tolonga ‘ia Siosiua, ‘a kinautolu kuo nau ‘ilo ‘a e ngāue ‘a Sihova ‘a ia kuo ne fai ma‘a ‘Isileli.
32Pea ko e ngaahi hui ‘o Siosifa, ‘a ia ne ‘ohake ‘e ha‘a ‘Isileli mei ‘Isipite, na‘a nau tanu ia ‘i Sikemi, ‘i he konga vao na‘e fakatau ‘e Sēkope mei he fānau ‘a Hēmoa ko e tamai ‘a Sikemi ‘aki ha kesita ‘e teau; pea na‘e hoko ia ko e tofi‘a ‘o e hako ‘o Siosifa.#Sēn 33.19; 50.24-25; ‘Eki 13.19; Sioné 4.5; Ngā 7.16
33Pea pekia ‘a ‘Eliesa ko e foha ‘o ‘Ēlone, pea na‘a nau telio ia ‘i he mo‘unga ‘o Finiasi ko hono foha, ‘a ia na‘e foaki kiate ia ‘i he fonua mo‘unga ‘o ‘Ifalemi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.