KO SIOSIUA 13
13
1PEA kuo motu‘a ‘a Siosiua, ‘o a‘ua‘u. Pea folofola ‘a Sihova kiate ia, Kuo ke motu‘a mo a‘ua‘u, ka ‘oku toe lahi ‘aupito ‘a e fonua ke ma‘u. 2Ko eni ‘a e fonua ‘oku toe: ko e ngaahi feitu‘u ‘a e kakai Filisitia; pehē mo e Kēsuli; 3‘O fai mei Sīhoa, ‘a ia ‘oku ‘i he matāfonua ‘o ‘Isipite, ‘o a‘u ki he kau‘ā ‘o ‘Ekiloni mei he tokelau, ‘a ia ‘oku lau ki ha‘a Kēnani: ko e ‘ulu-nima ‘o e kau Filisitia; ‘a ha‘a Kesa, mo ha‘a ‘Asitoti mo ha‘a ‘Asikeloni, ‘a ha‘a Kati, mo ha‘a ‘Ekiloni: ko e ha‘a ‘Avi foki ‘i he tonga: 4‘a e fonua kotoa ‘o ha‘a Kēnani, mo Meala ‘a ia ‘oku kau ki he kakai Saitoni, ‘o a‘u ki ‘Ēfeki, mo e kau‘ā ‘o ha‘a ‘Āmoli, mo e fonua ‘o ha‘a Kīpeli: 5mo Lepanoni kātoa, ‘a hono feitu‘u ki hahake, mei Peali-Kata ‘i he talalo ‘o e mo‘unga ko Heamoni, ‘o a‘u ki he hū‘anga ki Hēmati; 6‘a e kau nofo kotoa ‘i he fonua mo‘unga mei Lepanoni ki Misilefotimaimi, ‘a e kau Saitoni kātoa–te u kapusi kinautolu kotoa mei he ‘ao ‘o ‘Isileli, Kaekehe ke ke vahe ia ki ha‘a ‘Isileli mo‘onau tofi‘a, ‘o hangē ko ‘eku tu‘utu‘uni kiate koe. 7Pea ko eni ke ke vahevahe ‘a e fonua ki he matakali ‘e hiva mo e vaeua ‘o e matakali ‘o Manase, mo‘onau tofi‘a.
8[Ko e matakali ko ia foki na‘e ma‘u tofi‘a fakataha mo ha‘a Lūpeni mo ha‘a Kata, ‘a ia na‘e foaki kiate kinautolu ‘e Mōsese ‘i he kauvai ‘o Soatani ki hahake: na‘a nau ma‘u ‘o tatau mo e foaki ‘a Mōsese ko e Sevāniti ‘a Sihova: 9mei ‘Aloeli, ‘a ia ‘oku ‘i he kau tele‘a ‘o ‘Alanoni, mo e kolo ‘oku ‘i he loto tele‘a, pea mo e Misoa kotoa ‘o Mētepa, ‘o a‘u ki Tīponi; 10mo e ngaahi kolo kotoa pē ‘o Sīhoni ko e Tui ‘Āmoli, ‘a ia na‘a ne hau ‘i Hesiponi, ‘o a‘u ki he kau‘ā ‘o ha‘a ‘Āmoni; 11pea mo Kiliati, mo e tafafonua ‘o e kakai Kēsuli mo e kakai Maaka, pea mo Mo‘unga Heamoni kotoa, mo Pēsani kotoa ‘o a‘u ki Sālika; 12ko e pule‘anga kotoa ‘o ‘Oki ‘i Pēsani, ‘a ia na‘a ne hau ‘i ‘Asiteloti mo ‘Etilei (ko e toko taha ia na‘e toe ‘i he toenga Lifaimi) he ko kinautolu na‘e taa‘i ‘e Mōsese, mo kapusi. 13Ka na‘e ‘ikai kapusi ‘e ha‘a ‘Isileli ‘a e kakai Kēsuli, pe ko e kakai Maaka: ka ‘oku nofo ‘a e Kēsuli mo e Maaka ‘i he lotolotonga ‘o ‘Isileli ‘o a‘u ki he ‘aho ni.
14Ko e matakali ‘o Līvai pe na‘e ‘ikai te ne ‘ange ki ai ha tofi‘a: ko e ngaahi feilaulau-tutu ‘a Sihova ko e ‘Otua ‘o ‘Isileli ko hono tofi‘a pē ia, ‘o hangē ko e folofola na‘a ne fai kiate ia.
15Pea tufa ‘e Mōsese ki he matakali ‘o ha‘a Lūpeni ‘o fakatatau ki honau ngaahi fāmili. 16Pea ko honau kau‘ā na‘e kamata mei ‘Aloeli, ‘a ia ‘oku ‘i he kau tele‘a ‘o ‘Alanoni, mo e kolo ‘i he loto tele‘a, pea kau ki ai ‘a e Misoa kotoa ‘o a‘u ki Mētepa: 17ko Hesiponi mo hono ngaahi kolo ‘i he Misoa: ko Tīponi mo Pāmoti-peali, mo Pete-peali-meoni: 18mo Siahasa, mo Ketemoti, mo Mefaati: 19mo Kiliataimi, mo Sīpima, mo Sīleti-Sāhali ‘i he mo‘unga ‘o e tele‘a: 20mo Pete-peoli, mo e lauua ‘o Pīsika, mo Pete-sisimoti: 21mo e ngaahi kolo ‘o e Misoa mo e pule‘anga kotoa ‘o Sīhoni ko e Tu‘i ‘Āmoli, ‘a ia na‘e hau ‘i Hesiponi, pea taa‘i ‘e Mōsese fakataha mo e hou‘eiki Mitiani, ‘a ‘Evi, mo Lēkemi, mo Siuli, mo Hua, mo Lepa, ko e hou‘eiki na‘e nofo ‘i he fonua kae ngaohi kava kia Sīhoni. 22(Ko Pēlami foki ko e foha ‘o Peoli, ko e tongafisi, na‘e tāmate‘i ‘e ha‘a ‘Isileli ‘aki ‘a e heletā, fakataha mo e kakai na‘e tāmate‘i.) 23Pea na‘e ai ha lave ‘o e kau‘ā ‘o ha‘a Lūpeni ki Soatani, mo hono tafafonua. Ko ia ‘a e tofi‘a ‘o ha‘a Lūpeni, ‘o fakatatau ki honau ngaahi fāmili, ko honau ngaahi kolo mo honau ngaahi vilisi.
Ko e Konga Fonua na‘e Vahe mo‘o Katí
24Pea tufa ‘e Mōsese ki he matakali ‘o Kata, ‘io, ki he hako ‘o Kata, ‘o fakatatau ki honau ngaahi fāmili. 25Pea na‘e tō mai honau vahe; ko Siasea mo e ngaahi kolo ‘o Kiliati, mo e vaeua ‘o e fonua ‘o ha‘a ‘Āmoni, ‘o a‘u ki ‘Aloeli, ‘a ia ‘oku ‘i he ‘ao ‘o Lapa; 26pea na‘e fai mei Hesiponi ki Lama-Mīsipa mo Petonimi, pea mei Mehanemi ki he tafafonua ‘o Tēpili; 27pea ‘i he Tele‘a na‘e kau ai ‘a Pete-hālami, mo Pete-nimila, mo Sūkote mo Sāfoni, ‘a e toe ‘o e pule‘anga ‘o Sīhoni ko e Tu‘i Hesiponi: ‘a Siotani mo hono tafa‘aki, ‘o a‘u ki he ngata‘anga ‘o e tahi ‘o Kineleti, ‘a e kauvai ‘o Soatani ki hahake. 28Ko e tofi‘a ia ‘o ha‘a Kata ‘o faka-e-honau-ngaahi-fa‘ahinga, ko honau ngaahi kolo mo honau ngaahi vilisi.
Ko e Konga Fonua na‘e Vahe mo‘o Manase Hahaké
29Pea na‘e vahe tofi‘a ‘e Mōsese ki he vaeua ‘o e matakali ‘o Manase; pea na‘e fai fakafāmili ki he vaeua ‘o e matakali ‘o Manase. 30Pea ko honau vahe na‘e kamata mei Mehanemi: ko Pēsani kātoa, ko e pule‘anga kotoa ‘o ‘Oki ko e Tu‘i Pēsani, pea mo e ‘ū-vilisi ‘o Siaili, ‘a ia ‘oku ‘i Pēsani, ko e onongofulu‘i kolo: 31mo e vaeua ‘o Kiliati, ko ‘Asiteloti foki mo ‘Etilei, ko e ongo kolo hau ‘o ‘Oki ‘i Pēsani, na‘e ‘ange ia ki he hako ‘o Mākili ko e foha ‘o Manase, ‘io, ki he vaeua ‘o ha‘a Mākili, vahe fakafāmili.
32Ko e ngaahi tofi‘a ia na‘e tufa ‘e Mōsese ‘i he ‘Alapā ‘o Moape, ‘i he kauvai ‘o Soatani ki hahake, fe‘unga mo Sielikō. 33Ka ki he matakali ‘o Līvai na‘e ‘ikai ‘ange ‘e Mōsese ha tofi‘a: ko Sihova ko e ‘Otua ‘o ‘Isileli ko honau tofi‘a pē ia; ‘o hangē ko ‘ene folofola na‘e fai kiate kinautolu.]#Nōm 18.20; Teu 18.2
Currently Selected:
KO SIOSIUA 13: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SIOSIUA 13
13
1PEA kuo motu‘a ‘a Siosiua, ‘o a‘ua‘u. Pea folofola ‘a Sihova kiate ia, Kuo ke motu‘a mo a‘ua‘u, ka ‘oku toe lahi ‘aupito ‘a e fonua ke ma‘u. 2Ko eni ‘a e fonua ‘oku toe: ko e ngaahi feitu‘u ‘a e kakai Filisitia; pehē mo e Kēsuli; 3‘O fai mei Sīhoa, ‘a ia ‘oku ‘i he matāfonua ‘o ‘Isipite, ‘o a‘u ki he kau‘ā ‘o ‘Ekiloni mei he tokelau, ‘a ia ‘oku lau ki ha‘a Kēnani: ko e ‘ulu-nima ‘o e kau Filisitia; ‘a ha‘a Kesa, mo ha‘a ‘Asitoti mo ha‘a ‘Asikeloni, ‘a ha‘a Kati, mo ha‘a ‘Ekiloni: ko e ha‘a ‘Avi foki ‘i he tonga: 4‘a e fonua kotoa ‘o ha‘a Kēnani, mo Meala ‘a ia ‘oku kau ki he kakai Saitoni, ‘o a‘u ki ‘Ēfeki, mo e kau‘ā ‘o ha‘a ‘Āmoli, mo e fonua ‘o ha‘a Kīpeli: 5mo Lepanoni kātoa, ‘a hono feitu‘u ki hahake, mei Peali-Kata ‘i he talalo ‘o e mo‘unga ko Heamoni, ‘o a‘u ki he hū‘anga ki Hēmati; 6‘a e kau nofo kotoa ‘i he fonua mo‘unga mei Lepanoni ki Misilefotimaimi, ‘a e kau Saitoni kātoa–te u kapusi kinautolu kotoa mei he ‘ao ‘o ‘Isileli, Kaekehe ke ke vahe ia ki ha‘a ‘Isileli mo‘onau tofi‘a, ‘o hangē ko ‘eku tu‘utu‘uni kiate koe. 7Pea ko eni ke ke vahevahe ‘a e fonua ki he matakali ‘e hiva mo e vaeua ‘o e matakali ‘o Manase, mo‘onau tofi‘a.
8[Ko e matakali ko ia foki na‘e ma‘u tofi‘a fakataha mo ha‘a Lūpeni mo ha‘a Kata, ‘a ia na‘e foaki kiate kinautolu ‘e Mōsese ‘i he kauvai ‘o Soatani ki hahake: na‘a nau ma‘u ‘o tatau mo e foaki ‘a Mōsese ko e Sevāniti ‘a Sihova: 9mei ‘Aloeli, ‘a ia ‘oku ‘i he kau tele‘a ‘o ‘Alanoni, mo e kolo ‘oku ‘i he loto tele‘a, pea mo e Misoa kotoa ‘o Mētepa, ‘o a‘u ki Tīponi; 10mo e ngaahi kolo kotoa pē ‘o Sīhoni ko e Tui ‘Āmoli, ‘a ia na‘a ne hau ‘i Hesiponi, ‘o a‘u ki he kau‘ā ‘o ha‘a ‘Āmoni; 11pea mo Kiliati, mo e tafafonua ‘o e kakai Kēsuli mo e kakai Maaka, pea mo Mo‘unga Heamoni kotoa, mo Pēsani kotoa ‘o a‘u ki Sālika; 12ko e pule‘anga kotoa ‘o ‘Oki ‘i Pēsani, ‘a ia na‘a ne hau ‘i ‘Asiteloti mo ‘Etilei (ko e toko taha ia na‘e toe ‘i he toenga Lifaimi) he ko kinautolu na‘e taa‘i ‘e Mōsese, mo kapusi. 13Ka na‘e ‘ikai kapusi ‘e ha‘a ‘Isileli ‘a e kakai Kēsuli, pe ko e kakai Maaka: ka ‘oku nofo ‘a e Kēsuli mo e Maaka ‘i he lotolotonga ‘o ‘Isileli ‘o a‘u ki he ‘aho ni.
14Ko e matakali ‘o Līvai pe na‘e ‘ikai te ne ‘ange ki ai ha tofi‘a: ko e ngaahi feilaulau-tutu ‘a Sihova ko e ‘Otua ‘o ‘Isileli ko hono tofi‘a pē ia, ‘o hangē ko e folofola na‘a ne fai kiate ia.
15Pea tufa ‘e Mōsese ki he matakali ‘o ha‘a Lūpeni ‘o fakatatau ki honau ngaahi fāmili. 16Pea ko honau kau‘ā na‘e kamata mei ‘Aloeli, ‘a ia ‘oku ‘i he kau tele‘a ‘o ‘Alanoni, mo e kolo ‘i he loto tele‘a, pea kau ki ai ‘a e Misoa kotoa ‘o a‘u ki Mētepa: 17ko Hesiponi mo hono ngaahi kolo ‘i he Misoa: ko Tīponi mo Pāmoti-peali, mo Pete-peali-meoni: 18mo Siahasa, mo Ketemoti, mo Mefaati: 19mo Kiliataimi, mo Sīpima, mo Sīleti-Sāhali ‘i he mo‘unga ‘o e tele‘a: 20mo Pete-peoli, mo e lauua ‘o Pīsika, mo Pete-sisimoti: 21mo e ngaahi kolo ‘o e Misoa mo e pule‘anga kotoa ‘o Sīhoni ko e Tu‘i ‘Āmoli, ‘a ia na‘e hau ‘i Hesiponi, pea taa‘i ‘e Mōsese fakataha mo e hou‘eiki Mitiani, ‘a ‘Evi, mo Lēkemi, mo Siuli, mo Hua, mo Lepa, ko e hou‘eiki na‘e nofo ‘i he fonua kae ngaohi kava kia Sīhoni. 22(Ko Pēlami foki ko e foha ‘o Peoli, ko e tongafisi, na‘e tāmate‘i ‘e ha‘a ‘Isileli ‘aki ‘a e heletā, fakataha mo e kakai na‘e tāmate‘i.) 23Pea na‘e ai ha lave ‘o e kau‘ā ‘o ha‘a Lūpeni ki Soatani, mo hono tafafonua. Ko ia ‘a e tofi‘a ‘o ha‘a Lūpeni, ‘o fakatatau ki honau ngaahi fāmili, ko honau ngaahi kolo mo honau ngaahi vilisi.
Ko e Konga Fonua na‘e Vahe mo‘o Katí
24Pea tufa ‘e Mōsese ki he matakali ‘o Kata, ‘io, ki he hako ‘o Kata, ‘o fakatatau ki honau ngaahi fāmili. 25Pea na‘e tō mai honau vahe; ko Siasea mo e ngaahi kolo ‘o Kiliati, mo e vaeua ‘o e fonua ‘o ha‘a ‘Āmoni, ‘o a‘u ki ‘Aloeli, ‘a ia ‘oku ‘i he ‘ao ‘o Lapa; 26pea na‘e fai mei Hesiponi ki Lama-Mīsipa mo Petonimi, pea mei Mehanemi ki he tafafonua ‘o Tēpili; 27pea ‘i he Tele‘a na‘e kau ai ‘a Pete-hālami, mo Pete-nimila, mo Sūkote mo Sāfoni, ‘a e toe ‘o e pule‘anga ‘o Sīhoni ko e Tu‘i Hesiponi: ‘a Siotani mo hono tafa‘aki, ‘o a‘u ki he ngata‘anga ‘o e tahi ‘o Kineleti, ‘a e kauvai ‘o Soatani ki hahake. 28Ko e tofi‘a ia ‘o ha‘a Kata ‘o faka-e-honau-ngaahi-fa‘ahinga, ko honau ngaahi kolo mo honau ngaahi vilisi.
Ko e Konga Fonua na‘e Vahe mo‘o Manase Hahaké
29Pea na‘e vahe tofi‘a ‘e Mōsese ki he vaeua ‘o e matakali ‘o Manase; pea na‘e fai fakafāmili ki he vaeua ‘o e matakali ‘o Manase. 30Pea ko honau vahe na‘e kamata mei Mehanemi: ko Pēsani kātoa, ko e pule‘anga kotoa ‘o ‘Oki ko e Tu‘i Pēsani, pea mo e ‘ū-vilisi ‘o Siaili, ‘a ia ‘oku ‘i Pēsani, ko e onongofulu‘i kolo: 31mo e vaeua ‘o Kiliati, ko ‘Asiteloti foki mo ‘Etilei, ko e ongo kolo hau ‘o ‘Oki ‘i Pēsani, na‘e ‘ange ia ki he hako ‘o Mākili ko e foha ‘o Manase, ‘io, ki he vaeua ‘o ha‘a Mākili, vahe fakafāmili.
32Ko e ngaahi tofi‘a ia na‘e tufa ‘e Mōsese ‘i he ‘Alapā ‘o Moape, ‘i he kauvai ‘o Soatani ki hahake, fe‘unga mo Sielikō. 33Ka ki he matakali ‘o Līvai na‘e ‘ikai ‘ange ‘e Mōsese ha tofi‘a: ko Sihova ko e ‘Otua ‘o ‘Isileli ko honau tofi‘a pē ia; ‘o hangē ko ‘ene folofola na‘e fai kiate kinautolu.]#Nōm 18.20; Teu 18.2
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.