KO SIOPE 42
42
1PEA tali ‘e Siope ki he ‘Eiki, ‘o pehē,
2‘Oku ou ‘ilo ‘oku ke mafai ‘a e me‘a kotoa pē,
Pea ‘oku ‘ikai ha‘o fakakaukau ‘e ala ta‘ofia.
3Na‘a ke me‘a mai koā,
“Ko hai ia ‘oku faka‘uhinga kehe tu‘utu‘uni ko ‘ene masiva ‘ilo?”
Ko au ia, ‘eku ‘a‘au ‘a e ngaahi me‘a na‘e ‘ikai te u a‘usia,
‘A e ngaahi me‘a fakaofo fau, ‘o ‘ikai te u tāea.#Siope 38.2
4Me‘a mai ka u tali ho‘o folofola na‘e pehē,#Siope 38.3
“Te u fehu‘i atu ka ke tali mai.”
5Ne u fanongo kiate koe ‘aki ‘a e fanongo ‘a e telinga;
Ka ko eni kuo māta‘i koe ‘e hoku mata;
6Ko ia ai, ‘oku ou fakalili‘a kiate au,
‘O u fakatomala‘i he funga efu mo e efuefu.
Ko e Tātuku
7Pea ko ia, hili ‘a e fai ‘e he ‘Eiki ‘a e lea ko ia kia Siope, na‘a ne folofola kia ‘Elifasi mei Tīmani, ‘o pehē, Kuo tō ‘eku ‘ita kiate koe mo ho ongo kaume‘a: he ‘oku ‘ikai totonu ho‘omou faka‘uhinga au, ‘o hangē ko ‘eku tamaio‘eiki ko Siope. 8Pea ko eni, ke mou hanga ‘o to‘o mai ha fitu‘i pulu mo ha fitu‘i sipi tangata, pea mou ō ki he‘eku tamaio‘eiki ko Siope, ‘o fai ma‘amoutolu ha feilaulau-mōifua; pea ko ‘eku tamaio‘eiki ko Siope te ne hūfia kimoutolu: he te u tali ia: ke ‘oua na‘a ku fai kiate kimoutolu ‘o fakatatau ki ho‘omou vale; he ‘oku ‘ikai totonu ho‘omou faka‘uhinga au, ‘o hangē ko ‘eku tamaio‘eiki ko Siope.
9Ko ia, na‘e ‘alu ‘a ‘Elifasi mei Tīmani mo Pilitati mei Sua‘a mo Sofa‘a mei Nā‘ama, pea nau fai ‘o hangē ko honau fekau ‘e Sihova: pea na‘e tali ‘a Siope ‘e he ‘Eiki.
10Pea fakafoki ‘e he ‘Eiki ‘a e pōpula ‘a Siope ‘i he‘ene hūfia hono ngaahi kaume‘a; pea na‘e foaki ‘e he ‘Eiki kia Siope, ‘o liunga ua ‘i he me‘a na‘a ne fua ma‘u.#Siope 1.1-3 11Pea na‘e omi kiate ia hono ngaahi tokoua mo hono ngaahi tuofāfine, mo hono kau fe‘iloaki mu‘a, pea nau keinanga mo ia ‘i hono fale; ‘o nau fakamamahi mo ia, mo fakalelu ki ai ‘i he fu‘u kovi kuo ‘omi ‘e he ‘Eiki kiate ia: pea nau ‘ange takitaha kiate ia ha kesita mo ha mama koula.
12Ko ia, na‘e fai tāpuekina hake meia Sihova ‘a e taimi ki mui ‘o Siope ‘i he taimi mu‘a: pea na‘a ne ma‘u ha fanga sipi ‘e taha mano mā fā afe, mo ha kāmeli ‘e ono afe, mo e afe‘i taulua‘i pulu, mo ha afe‘i ‘asi fefine. 13Na‘a ne ma‘u foki ha foha ‘e toko fitu mo ha ‘ōfefine ‘e toko tolu. 14Pea ne fakahingoa ‘a e ‘uluaki ta‘ahine ko Simaima; pea ko hono ua, ko Kesaia; pea ko hono tolu, ko Kēleni-hāpuka.#42.14 ‘I he lea faka-Hepeluú ‘oku ‘uhinga faka‘ofo‘ofa ‘a e ngaahi hingoa ‘o e ngaahi ‘ōfefine ‘o Siopé, ‘o tatau pē ‘i he ‘uhinga mo e ongo. Ko e ‘uhinga ‘o e Simaimá ko e “lupe”, ko e Kesaiá ko e “kāsia”, ko e fa‘ahinga sinamoni na‘e kaloni ‘aki ‘i ono‘aho; pea ko e Kēleni-hāpuká ko e ki‘i puha fa‘o‘anga me‘a vali laumata. 15Pea na‘e ‘ikai ‘ilo ‘i he fonua kotoa ha tu‘unga fefine na‘e faka‘ofo‘ofa hangē ko e ngaahi ‘ōfefine ‘o Siope; pea na‘e vahe ‘e he‘enau tamai hanau tofi‘a fakataha mo honau ngaahi tuonga‘ane.
16Pea hili ia na‘e mo‘ui atu ‘a Siope ko e ta‘u ‘e teau mā fāngofulu, ‘o ne mamata ki he‘ene fānau mo e makapuna, ko e to‘utangata ‘e fā. 17Pea toki pekia ‘a Siope kuo motu‘a mo a‘ua‘u.
Currently Selected:
KO SIOPE 42: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SIOPE 42
42
1PEA tali ‘e Siope ki he ‘Eiki, ‘o pehē,
2‘Oku ou ‘ilo ‘oku ke mafai ‘a e me‘a kotoa pē,
Pea ‘oku ‘ikai ha‘o fakakaukau ‘e ala ta‘ofia.
3Na‘a ke me‘a mai koā,
“Ko hai ia ‘oku faka‘uhinga kehe tu‘utu‘uni ko ‘ene masiva ‘ilo?”
Ko au ia, ‘eku ‘a‘au ‘a e ngaahi me‘a na‘e ‘ikai te u a‘usia,
‘A e ngaahi me‘a fakaofo fau, ‘o ‘ikai te u tāea.#Siope 38.2
4Me‘a mai ka u tali ho‘o folofola na‘e pehē,#Siope 38.3
“Te u fehu‘i atu ka ke tali mai.”
5Ne u fanongo kiate koe ‘aki ‘a e fanongo ‘a e telinga;
Ka ko eni kuo māta‘i koe ‘e hoku mata;
6Ko ia ai, ‘oku ou fakalili‘a kiate au,
‘O u fakatomala‘i he funga efu mo e efuefu.
Ko e Tātuku
7Pea ko ia, hili ‘a e fai ‘e he ‘Eiki ‘a e lea ko ia kia Siope, na‘a ne folofola kia ‘Elifasi mei Tīmani, ‘o pehē, Kuo tō ‘eku ‘ita kiate koe mo ho ongo kaume‘a: he ‘oku ‘ikai totonu ho‘omou faka‘uhinga au, ‘o hangē ko ‘eku tamaio‘eiki ko Siope. 8Pea ko eni, ke mou hanga ‘o to‘o mai ha fitu‘i pulu mo ha fitu‘i sipi tangata, pea mou ō ki he‘eku tamaio‘eiki ko Siope, ‘o fai ma‘amoutolu ha feilaulau-mōifua; pea ko ‘eku tamaio‘eiki ko Siope te ne hūfia kimoutolu: he te u tali ia: ke ‘oua na‘a ku fai kiate kimoutolu ‘o fakatatau ki ho‘omou vale; he ‘oku ‘ikai totonu ho‘omou faka‘uhinga au, ‘o hangē ko ‘eku tamaio‘eiki ko Siope.
9Ko ia, na‘e ‘alu ‘a ‘Elifasi mei Tīmani mo Pilitati mei Sua‘a mo Sofa‘a mei Nā‘ama, pea nau fai ‘o hangē ko honau fekau ‘e Sihova: pea na‘e tali ‘a Siope ‘e he ‘Eiki.
10Pea fakafoki ‘e he ‘Eiki ‘a e pōpula ‘a Siope ‘i he‘ene hūfia hono ngaahi kaume‘a; pea na‘e foaki ‘e he ‘Eiki kia Siope, ‘o liunga ua ‘i he me‘a na‘a ne fua ma‘u.#Siope 1.1-3 11Pea na‘e omi kiate ia hono ngaahi tokoua mo hono ngaahi tuofāfine, mo hono kau fe‘iloaki mu‘a, pea nau keinanga mo ia ‘i hono fale; ‘o nau fakamamahi mo ia, mo fakalelu ki ai ‘i he fu‘u kovi kuo ‘omi ‘e he ‘Eiki kiate ia: pea nau ‘ange takitaha kiate ia ha kesita mo ha mama koula.
12Ko ia, na‘e fai tāpuekina hake meia Sihova ‘a e taimi ki mui ‘o Siope ‘i he taimi mu‘a: pea na‘a ne ma‘u ha fanga sipi ‘e taha mano mā fā afe, mo ha kāmeli ‘e ono afe, mo e afe‘i taulua‘i pulu, mo ha afe‘i ‘asi fefine. 13Na‘a ne ma‘u foki ha foha ‘e toko fitu mo ha ‘ōfefine ‘e toko tolu. 14Pea ne fakahingoa ‘a e ‘uluaki ta‘ahine ko Simaima; pea ko hono ua, ko Kesaia; pea ko hono tolu, ko Kēleni-hāpuka.#42.14 ‘I he lea faka-Hepeluú ‘oku ‘uhinga faka‘ofo‘ofa ‘a e ngaahi hingoa ‘o e ngaahi ‘ōfefine ‘o Siopé, ‘o tatau pē ‘i he ‘uhinga mo e ongo. Ko e ‘uhinga ‘o e Simaimá ko e “lupe”, ko e Kesaiá ko e “kāsia”, ko e fa‘ahinga sinamoni na‘e kaloni ‘aki ‘i ono‘aho; pea ko e Kēleni-hāpuká ko e ki‘i puha fa‘o‘anga me‘a vali laumata. 15Pea na‘e ‘ikai ‘ilo ‘i he fonua kotoa ha tu‘unga fefine na‘e faka‘ofo‘ofa hangē ko e ngaahi ‘ōfefine ‘o Siope; pea na‘e vahe ‘e he‘enau tamai hanau tofi‘a fakataha mo honau ngaahi tuonga‘ane.
16Pea hili ia na‘e mo‘ui atu ‘a Siope ko e ta‘u ‘e teau mā fāngofulu, ‘o ne mamata ki he‘ene fānau mo e makapuna, ko e to‘utangata ‘e fā. 17Pea toki pekia ‘a Siope kuo motu‘a mo a‘ua‘u.
Tongan Moulton Bible © Bible Society of the South Pacific, 2011.