KO SIOPE 2
2
Ko Hono Toe Sivi ‘e Sētane ‘a Siope
1PEA hoko ‘a e ‘aho ‘e taha na‘e ha‘u ai ‘a e ngaahi foha ‘o e ‘Otua ke hā kia Sihova, pea ha‘u ‘a Sētane foki ‘i honau lotolotonga ke hā kia Sihova. 2Pea folofola ‘a e ‘Eiki kia Sētane, Na‘a ke ‘i fē ‘ena?
Pea tali ‘e Sētane kia Sihova, ‘o pehē, Na‘a ku ‘alu fano ‘i māmani mo ‘a‘ahi holo ai.
3Pea folofola ‘a e ‘Eiki kia Sētane, Kuo ke tokanga‘i ‘eku tamaio‘eiki ko Siope? ‘a e ‘ikai hano tatau ‘i māmani? Ko e tangata haohaoa mo angatonu, ‘oku ne ‘apasia ki he ‘Otua mo afe mei he kovi: pea ‘oku ne kei kuku ‘ene haohaoa, neongo ‘oku ke o‘i au ke fōngia ia tu‘unga‘a pē.
4Pea tali ‘e Sētane kia Sihova, ‘o pehē, Ko e kili pē ia telia ha kili: ‘io, ‘e ‘atu ‘e ha tangata ‘ene me‘a kotoa telia ‘ene mo‘ui. 5Ka ko eni, ala atu mu‘a ki hono kili mo hono kakano, pea tala atu te ne mātu‘aki tafuli meiate koe.
6Pea folofola ‘a Sihova kia Sētane, Ko ena ia ke ke fa‘iteliha ki ai; ka te ke fakaili ‘ene mo‘ui.
7Pea hū ki tu‘a ‘a Sētane mei he ‘ao ‘o Sihova, ‘o ne taa‘i ‘a Siope ‘aki ‘a e ngaahi hangatāmaki kovi mei hono ‘aofiva‘e ‘o a‘u ki hono tumu‘aki. 8Pea ne to‘o mai ha mafoa‘i ipu ke vakuvaku ‘aki, ‘o ne nofo ‘i he tu‘unga ‘oto‘ota. 9Pea lea kiate ia ‘a hono uaifi, ‘Oku ke kei kuku koā ho‘o haohaoa? Tafuli mu‘a mei he ‘Otua, pea mate.
10Pea ne tali ki he fefine, Ko ho‘o lea ‘oku hangē ko e lau ‘a ha taha ‘i he kau fefine fakangangau. He te tau tali koā ‘a e lelei mei he ‘Otua, kae ‘ikai tali mo e kovi? ‘I he me‘a ko ia kotoa na‘e ‘ikai tō ha me‘a hala mei he ngutu ‘o Siope.
11Pea fanongo ‘e he kaume‘a ‘e toko tolu ‘o Siope ki he ngaahi kovi ko ia kuo hoko ki ai, pea nau omi takitaha mei hono feitu‘u–‘a ‘Elifasi mei Tīmani, mo Pilitati mei Sua‘a, mo Sofa‘a mei Na‘ama–he kuo nau tālanga ke ha‘u fakataha, ‘o fakamamahi mo ia, mo fai ha fakalelu. 12Pea ‘i he‘enau fakasio mai mei he mama‘o, ‘o ‘ikai te nau mei ‘ilo ko ia, na‘a nau ‘ai ‘enau fu‘u fākafoa; pea nau hae hifo takitaha hono kofu, pea nau laku ki ‘olunga ‘a e efu ke tō ki honau ‘ulu. 13Pea na‘a nau nonofo mo ia ‘i he kelekele ‘o ‘aho fitu mo pō fitu, ‘o ‘ikai fai ha momo‘i lea ki ai: he na‘a nau vakai kuo hulu fau ‘ene mamahi.
Currently Selected:
KO SIOPE 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SIOPE 2
2
Ko Hono Toe Sivi ‘e Sētane ‘a Siope
1PEA hoko ‘a e ‘aho ‘e taha na‘e ha‘u ai ‘a e ngaahi foha ‘o e ‘Otua ke hā kia Sihova, pea ha‘u ‘a Sētane foki ‘i honau lotolotonga ke hā kia Sihova. 2Pea folofola ‘a e ‘Eiki kia Sētane, Na‘a ke ‘i fē ‘ena?
Pea tali ‘e Sētane kia Sihova, ‘o pehē, Na‘a ku ‘alu fano ‘i māmani mo ‘a‘ahi holo ai.
3Pea folofola ‘a e ‘Eiki kia Sētane, Kuo ke tokanga‘i ‘eku tamaio‘eiki ko Siope? ‘a e ‘ikai hano tatau ‘i māmani? Ko e tangata haohaoa mo angatonu, ‘oku ne ‘apasia ki he ‘Otua mo afe mei he kovi: pea ‘oku ne kei kuku ‘ene haohaoa, neongo ‘oku ke o‘i au ke fōngia ia tu‘unga‘a pē.
4Pea tali ‘e Sētane kia Sihova, ‘o pehē, Ko e kili pē ia telia ha kili: ‘io, ‘e ‘atu ‘e ha tangata ‘ene me‘a kotoa telia ‘ene mo‘ui. 5Ka ko eni, ala atu mu‘a ki hono kili mo hono kakano, pea tala atu te ne mātu‘aki tafuli meiate koe.
6Pea folofola ‘a Sihova kia Sētane, Ko ena ia ke ke fa‘iteliha ki ai; ka te ke fakaili ‘ene mo‘ui.
7Pea hū ki tu‘a ‘a Sētane mei he ‘ao ‘o Sihova, ‘o ne taa‘i ‘a Siope ‘aki ‘a e ngaahi hangatāmaki kovi mei hono ‘aofiva‘e ‘o a‘u ki hono tumu‘aki. 8Pea ne to‘o mai ha mafoa‘i ipu ke vakuvaku ‘aki, ‘o ne nofo ‘i he tu‘unga ‘oto‘ota. 9Pea lea kiate ia ‘a hono uaifi, ‘Oku ke kei kuku koā ho‘o haohaoa? Tafuli mu‘a mei he ‘Otua, pea mate.
10Pea ne tali ki he fefine, Ko ho‘o lea ‘oku hangē ko e lau ‘a ha taha ‘i he kau fefine fakangangau. He te tau tali koā ‘a e lelei mei he ‘Otua, kae ‘ikai tali mo e kovi? ‘I he me‘a ko ia kotoa na‘e ‘ikai tō ha me‘a hala mei he ngutu ‘o Siope.
11Pea fanongo ‘e he kaume‘a ‘e toko tolu ‘o Siope ki he ngaahi kovi ko ia kuo hoko ki ai, pea nau omi takitaha mei hono feitu‘u–‘a ‘Elifasi mei Tīmani, mo Pilitati mei Sua‘a, mo Sofa‘a mei Na‘ama–he kuo nau tālanga ke ha‘u fakataha, ‘o fakamamahi mo ia, mo fai ha fakalelu. 12Pea ‘i he‘enau fakasio mai mei he mama‘o, ‘o ‘ikai te nau mei ‘ilo ko ia, na‘a nau ‘ai ‘enau fu‘u fākafoa; pea nau hae hifo takitaha hono kofu, pea nau laku ki ‘olunga ‘a e efu ke tō ki honau ‘ulu. 13Pea na‘a nau nonofo mo ia ‘i he kelekele ‘o ‘aho fitu mo pō fitu, ‘o ‘ikai fai ha momo‘i lea ki ai: he na‘a nau vakai kuo hulu fau ‘ene mamahi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.