KAU FAKAMAAU 5
5
Ko e Hiva ‘a Tepola mo Pēlake
1PEA toki hiva ‘i he ‘aho ko ia ‘a Tepola, pea mo Pēlake ko e foha ‘o ‘Apinoame, ‘o pehē,
2Mou fakafeta‘i ki he ‘Eiki,
‘I he mu‘aki ‘a e kau takimu‘a ‘o ‘Isileli,
Mo e vēkeveke fai ‘a e kakai.
3Me‘a mai, ‘a e ngaahi tu‘i,
Fanongo mai ‘a hou‘eiki;
Ko au ē te u lave ki he ‘Eiki,
Te u tā nafa kia Sihova ko e ‘Otua ‘o ‘Isileli.
4‘Eiki, ‘i ho‘o me‘a atu mei Seia,
‘I ho‘o hā‘ele atu mei he vao ‘o ‘Ītomi na,
Na‘e tekelili ‘a e fonua,
na‘e tutu‘u foki ‘a e langi,
‘Io, ko e ngaahi ‘ao na‘e lōvai. 5Na‘e ngalaku#5.5 ngalaku; pe tete. ‘a e ngaahi mo‘unga‘i he ‘ao ‘o e ‘Eiki,#‘Eki 19.18
‘Io, ‘a Sainai na ‘i he ‘ao ‘o Sihova ko e ‘Otua ‘o ‘Isileli.
6‘I he taimi ‘o e foha ‘o ‘Ānati ko Sāmika‘a,
‘I he taimi ‘o Siaili, na‘e ta‘e‘uhia ‘a e ngaahi hala,
Pea fou ‘i he ngaahi hala vao ‘a e ngaahi fononga.
7Na‘e li‘aki ‘a e ngaahi mala‘e#5.7 mala‘e; pe vilisi. ‘o ‘Isileli,
‘Io, na‘e li‘ekina;
‘O a‘u ki he‘eku tu‘u hake, ‘a au Tepola,#5.7 Na‘e li‘aki… Tepola; pe Na‘e li‘aki ‘a e ngaahi mala‘e ‘o ‘Isileli, ‘e Tepola; ‘io, na‘e li‘ekina; ‘o a‘u ki ho‘o tu‘u hake.
‘Eku tu‘u hake ko ha fa‘ē ‘i ‘Isileli,
8Na‘a nau fili ‘otua fo‘ou;
Toki a‘u mai ki he matanikolo ‘a e tau:
Na‘e ‘iloa koā ha pā pe ha tao
‘I ha ‘Isileli ‘e faa‘i mano?
9‘Oku ngaue hoku fatu ki he kau ‘Isileli ‘oku angi,
‘A kinautolu na‘e tō mo mate ma‘a e kakai:
Mou fakafeta‘i ki he ‘Eiki.
10Lau ki ai,#5.10 Lau ki ai; pe Fakalaulauloto ki ai. ha‘a heka ‘asi hina,
Ha‘a nofo he ngaahi fata,#5.10 ngaahi fata; pe fala lelei.
Mo ha‘a hā‘ele he ngaahi hala.
11He mama‘o ē ‘a e kalamū#5.11 He mama‘o… kalamū…; ‘Oku hiki ‘e he ni‘ihi ‘a e veesi 11: Koe‘uhí ko e kalamū… ‘a e kakai fana na‘e le‘o he ‘utuvai–
Ko e potu ko ia te nau ‘a‘au ai ‘a e ngaahi faitotonu ‘a e ‘Eiki,
‘Ene taukapo‘i hono ngaahi mala‘e ‘i ‘Isileli,#5.11 ‘Ene… ‘Isilelí; pe ko e faitotonu ‘o ‘ene pule.
Toki ‘alu hifo ki he ngaahi matanikolo ‘a e kakai ‘a e ‘Eiki.#5.11 ki he ngaahi matanikoló; pe mei honau ngaahi koló.
12‘Ā mu‘a, Tepola, ‘ā;
‘Ā, ‘ā, ‘o fai ha ta‘anga!
Tu‘u hake Pēlaki ē!
‘O taki pōpula ho‘o vete,
Si‘i foha ‘o ‘Apinoame!
13Toki ‘alu hifo ‘a e toe ‘ei‘eiki–ko e kakai;#5.13 ‘Oku fihi e veesi ko ení.
Na‘e ‘alu hifo ‘a Sihova ma‘aku#5.13 Na‘e ‘alu… ma‘aku; ‘Oku pehē he hiki fuoloa ‘e taha: Na‘e ‘alu hifo ‘a e kakai ‘a e ‘Eikí kiate ia, ka ko hono faka-Hepeluú: hiki fuoloa ‘e taha: Na‘e ‘alu hifo ‘a e kakai ‘a e ‘Eikí kiate au. ‘i he kau mafi.
14Meia ‘Ifalemi, ‘a kinautolu kuo akaaka ‘i ‘Amaleki na;#5.14 ‘Oku fihi e vēsí ni. ‘Oku ngalngali ko hono hiki totonú: Na‘a nau omi mei ‘Ifalemi ki he loto tele‘á; ka ‘oku ‘ikai ke tu‘u ‘i he faka-Hepeluú ‘a e na‘a nau omi ka ko e Ko honau tefitó. Pea ‘ikai ngata ai, ka ‘oku ‘ikai ke tu‘u ‘a e ki he loto tele‘á ‘i he faka-Hepeluú ka ko e ‘Amaleki.
Mei ho tu‘a ‘a Penisimani, ‘o ō mo ho ngaahi fa‘ahinga;
Meia Mākili na‘e ‘alu hifo ha kau angi,
Pea meia Sepulone ‘a kinautolu ‘oku ala ki he tokotoko lau kakai.
15Pea ko e hou‘eiki meia ‘Īsaka na‘e ha‘u mo Tepola;
‘Io, na‘e tatau mo Pēlake ‘a ‘Īsaka,
Na‘e leleekina kinautolu ‘e honau va‘e ki he tele‘a.#5.15 Na‘e leleekina… tele‘a; pe Na‘a nau ‘oho ki he tele‘a he muimui kiate ia.
‘I he ngaahi funga vai ‘o Lūpeni
Na‘e fokotu‘u ‘a e ngaahi lea ‘a loto lahi.
16Ko e hā ‘a e mo‘utangutu na ‘i he ngaahi loto‘ā sipi
Ke fanongo ki he mimiha ‘a e kau tauhi?
‘I he ngaahi funga vai ‘o Lūpeni
Na‘e fokotu‘u ‘a e ngaahi lea ‘a lotolahi.#5.16 Na‘e fokotu‘u… lotolahi; pe Na‘e ai ‘a e ngaahi fifili lahi.
17Tekefili ‘a Kiliati ‘i Tu‘a-Soatani,
Mo Tani–ko e hā na‘a ne ma‘unga ki vaka ai?
Ko ‘Āseli na‘e nofo ‘i matātahi,
‘O tekefili ‘i hono ngaahi kōmaki.
18Sepulone–ko e kakai na‘e va‘inga‘aki ki he mate ‘enau mo‘ui.
Pehē ‘i he ngaahi tumu‘i mo‘unga ‘a Nafitalai.
19Na‘e ha‘u ‘a e ngaahi tu‘i–na‘a nau tau mai;
Toki tau ‘a e ngaahi tu‘i Kēnani,
‘I Ta‘anaka, ‘i he ngaahi vai ‘o Mekito:
Ka na‘e ‘ikai ha momo‘i pa‘anga vete te nau to‘o.
20Na‘e fai tau mei langi na,
Ko e ngaahi feitu‘u mei ho‘onautolu founga na‘a nau fai tau mo Sīsela.
21Na‘e ‘auhia kinautolu ‘e vaitafe Kīsoni,
‘A e vaitafe panea, ‘a e vaitafe ko Kīsoni!
Fai atu hoku loto ‘o mālohi!
22Toki patatū ‘a e va‘e ‘o e fanga hoosi
‘I he takai holo, takai holo ‘a honau kau mālohi.
23Folofola mai ‘a e ‘āngelo ‘a e ‘Eiki,
“Mou tukitala‘i ‘a Mēlosi,
Mou tuki‘aungafa‘i ‘a e kau nofo ai;
Ko e ‘ikai te nau ha‘u ki he tokoni ‘o Sihova,
Ki he tokoni ‘o Sihova kuo ō mo e kau to‘a.”#5.23 kuo ō… to‘a; pe ke lau‘i ‘a e kau to‘a.
24Ke monū‘ia taha ‘i he kau fefine ‘a Siaili,
‘A e uaifi ‘o Hepa ko e Keini,
Ke ne monū‘ia taha ‘i he fine nofo tēniti!
25Na‘a ne kole vai: na‘a ne ‘ange hu‘akau:
‘I he ipu ‘a hou‘eiki na‘a ne ‘atu hu‘akau fatu.
26Na‘a ne ala ki he fa‘o ‘aki hono nima, Puke ‘aki hono to‘omata‘u ‘a e hāmala ‘a tufunga:
Pea ne hapo‘i ‘aki ia ‘a Sīsela,
Na‘a ne laiki hono ‘ulu na;
‘Io, na‘a ne fahi‘i mo tui‘i hono manifinifihanga.
27‘I he vaha‘a ‘o ongo va‘e na‘a ne mākaua,
Na‘a ne tō, na‘a ne tokoto;
‘I he vaha‘a ‘o ongo va‘e na‘a ne mākaua, na‘a ne tō:
Ko e potu na‘a ne mākaua ē
Ko ia na‘a ne tō ai ‘o mate.
28He fakasio mai he tupa mo lāulau#5.28 fakasio… lāulau: Ko hono faka-Hepeluú ko e: lāulau, pea ‘oku pehē he ngaahi hiki fuoloa: fakasio.
‘a e fa‘ē na ‘a Sīsela ‘i he tukihau!
“Ko e hā ‘oku fakatuai ai ‘ene sāliote ‘ene ha‘u?
Ko e hā ‘oku ve‘etuia ai ‘ene fanga manu?”
29Tali hake ‘e hono kau fine‘eiki poto na,
‘Io, na‘a ne tali ‘e ia ma‘ana#5.29 ‘Io… ma‘ana; pe Ka ne mo‘u fai atu pē ‘ene lea.
30“‘Ikai kuo nau ma‘u vete, pea ‘oku nau tufa?
Taki taha, taki ua ‘a e to‘a ‘ene kaunanga”
“Ko e kofu pulepule ko e koloa ia ‘a Sīsela,
Ko e koloa pulepule–ha taha kuo teu‘i,
Ha pulepule ‘e ua kuo teu‘i, ki he kia ‘o e ma‘itaki.”#5.30 Ha pulepule… ma‘itaki; pe Ha pulepule kuo tui tui ‘i hono potú ‘osi pē; Pea ‘oku hiki ‘e he ni‘ihi ‘a e ma‘itakí ko e vete.
31Ke pehē ‘a e ‘auha ‘o ho fili fua pē, ‘e Sihova!
Ka ko ha‘a ‘ofa ki he ‘Afiona
Ke nau hangē ko e la‘ā ‘ene hopo mo hono ha‘aha‘a.
Pea na‘e nonga ‘a e fonua ‘o fāngofulu ta‘u.
Currently Selected:
KAU FAKAMAAU 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KAU FAKAMAAU 5
5
Ko e Hiva ‘a Tepola mo Pēlake
1PEA toki hiva ‘i he ‘aho ko ia ‘a Tepola, pea mo Pēlake ko e foha ‘o ‘Apinoame, ‘o pehē,
2Mou fakafeta‘i ki he ‘Eiki,
‘I he mu‘aki ‘a e kau takimu‘a ‘o ‘Isileli,
Mo e vēkeveke fai ‘a e kakai.
3Me‘a mai, ‘a e ngaahi tu‘i,
Fanongo mai ‘a hou‘eiki;
Ko au ē te u lave ki he ‘Eiki,
Te u tā nafa kia Sihova ko e ‘Otua ‘o ‘Isileli.
4‘Eiki, ‘i ho‘o me‘a atu mei Seia,
‘I ho‘o hā‘ele atu mei he vao ‘o ‘Ītomi na,
Na‘e tekelili ‘a e fonua,
na‘e tutu‘u foki ‘a e langi,
‘Io, ko e ngaahi ‘ao na‘e lōvai. 5Na‘e ngalaku#5.5 ngalaku; pe tete. ‘a e ngaahi mo‘unga‘i he ‘ao ‘o e ‘Eiki,#‘Eki 19.18
‘Io, ‘a Sainai na ‘i he ‘ao ‘o Sihova ko e ‘Otua ‘o ‘Isileli.
6‘I he taimi ‘o e foha ‘o ‘Ānati ko Sāmika‘a,
‘I he taimi ‘o Siaili, na‘e ta‘e‘uhia ‘a e ngaahi hala,
Pea fou ‘i he ngaahi hala vao ‘a e ngaahi fononga.
7Na‘e li‘aki ‘a e ngaahi mala‘e#5.7 mala‘e; pe vilisi. ‘o ‘Isileli,
‘Io, na‘e li‘ekina;
‘O a‘u ki he‘eku tu‘u hake, ‘a au Tepola,#5.7 Na‘e li‘aki… Tepola; pe Na‘e li‘aki ‘a e ngaahi mala‘e ‘o ‘Isileli, ‘e Tepola; ‘io, na‘e li‘ekina; ‘o a‘u ki ho‘o tu‘u hake.
‘Eku tu‘u hake ko ha fa‘ē ‘i ‘Isileli,
8Na‘a nau fili ‘otua fo‘ou;
Toki a‘u mai ki he matanikolo ‘a e tau:
Na‘e ‘iloa koā ha pā pe ha tao
‘I ha ‘Isileli ‘e faa‘i mano?
9‘Oku ngaue hoku fatu ki he kau ‘Isileli ‘oku angi,
‘A kinautolu na‘e tō mo mate ma‘a e kakai:
Mou fakafeta‘i ki he ‘Eiki.
10Lau ki ai,#5.10 Lau ki ai; pe Fakalaulauloto ki ai. ha‘a heka ‘asi hina,
Ha‘a nofo he ngaahi fata,#5.10 ngaahi fata; pe fala lelei.
Mo ha‘a hā‘ele he ngaahi hala.
11He mama‘o ē ‘a e kalamū#5.11 He mama‘o… kalamū…; ‘Oku hiki ‘e he ni‘ihi ‘a e veesi 11: Koe‘uhí ko e kalamū… ‘a e kakai fana na‘e le‘o he ‘utuvai–
Ko e potu ko ia te nau ‘a‘au ai ‘a e ngaahi faitotonu ‘a e ‘Eiki,
‘Ene taukapo‘i hono ngaahi mala‘e ‘i ‘Isileli,#5.11 ‘Ene… ‘Isilelí; pe ko e faitotonu ‘o ‘ene pule.
Toki ‘alu hifo ki he ngaahi matanikolo ‘a e kakai ‘a e ‘Eiki.#5.11 ki he ngaahi matanikoló; pe mei honau ngaahi koló.
12‘Ā mu‘a, Tepola, ‘ā;
‘Ā, ‘ā, ‘o fai ha ta‘anga!
Tu‘u hake Pēlaki ē!
‘O taki pōpula ho‘o vete,
Si‘i foha ‘o ‘Apinoame!
13Toki ‘alu hifo ‘a e toe ‘ei‘eiki–ko e kakai;#5.13 ‘Oku fihi e veesi ko ení.
Na‘e ‘alu hifo ‘a Sihova ma‘aku#5.13 Na‘e ‘alu… ma‘aku; ‘Oku pehē he hiki fuoloa ‘e taha: Na‘e ‘alu hifo ‘a e kakai ‘a e ‘Eikí kiate ia, ka ko hono faka-Hepeluú: hiki fuoloa ‘e taha: Na‘e ‘alu hifo ‘a e kakai ‘a e ‘Eikí kiate au. ‘i he kau mafi.
14Meia ‘Ifalemi, ‘a kinautolu kuo akaaka ‘i ‘Amaleki na;#5.14 ‘Oku fihi e vēsí ni. ‘Oku ngalngali ko hono hiki totonú: Na‘a nau omi mei ‘Ifalemi ki he loto tele‘á; ka ‘oku ‘ikai ke tu‘u ‘i he faka-Hepeluú ‘a e na‘a nau omi ka ko e Ko honau tefitó. Pea ‘ikai ngata ai, ka ‘oku ‘ikai ke tu‘u ‘a e ki he loto tele‘á ‘i he faka-Hepeluú ka ko e ‘Amaleki.
Mei ho tu‘a ‘a Penisimani, ‘o ō mo ho ngaahi fa‘ahinga;
Meia Mākili na‘e ‘alu hifo ha kau angi,
Pea meia Sepulone ‘a kinautolu ‘oku ala ki he tokotoko lau kakai.
15Pea ko e hou‘eiki meia ‘Īsaka na‘e ha‘u mo Tepola;
‘Io, na‘e tatau mo Pēlake ‘a ‘Īsaka,
Na‘e leleekina kinautolu ‘e honau va‘e ki he tele‘a.#5.15 Na‘e leleekina… tele‘a; pe Na‘a nau ‘oho ki he tele‘a he muimui kiate ia.
‘I he ngaahi funga vai ‘o Lūpeni
Na‘e fokotu‘u ‘a e ngaahi lea ‘a loto lahi.
16Ko e hā ‘a e mo‘utangutu na ‘i he ngaahi loto‘ā sipi
Ke fanongo ki he mimiha ‘a e kau tauhi?
‘I he ngaahi funga vai ‘o Lūpeni
Na‘e fokotu‘u ‘a e ngaahi lea ‘a lotolahi.#5.16 Na‘e fokotu‘u… lotolahi; pe Na‘e ai ‘a e ngaahi fifili lahi.
17Tekefili ‘a Kiliati ‘i Tu‘a-Soatani,
Mo Tani–ko e hā na‘a ne ma‘unga ki vaka ai?
Ko ‘Āseli na‘e nofo ‘i matātahi,
‘O tekefili ‘i hono ngaahi kōmaki.
18Sepulone–ko e kakai na‘e va‘inga‘aki ki he mate ‘enau mo‘ui.
Pehē ‘i he ngaahi tumu‘i mo‘unga ‘a Nafitalai.
19Na‘e ha‘u ‘a e ngaahi tu‘i–na‘a nau tau mai;
Toki tau ‘a e ngaahi tu‘i Kēnani,
‘I Ta‘anaka, ‘i he ngaahi vai ‘o Mekito:
Ka na‘e ‘ikai ha momo‘i pa‘anga vete te nau to‘o.
20Na‘e fai tau mei langi na,
Ko e ngaahi feitu‘u mei ho‘onautolu founga na‘a nau fai tau mo Sīsela.
21Na‘e ‘auhia kinautolu ‘e vaitafe Kīsoni,
‘A e vaitafe panea, ‘a e vaitafe ko Kīsoni!
Fai atu hoku loto ‘o mālohi!
22Toki patatū ‘a e va‘e ‘o e fanga hoosi
‘I he takai holo, takai holo ‘a honau kau mālohi.
23Folofola mai ‘a e ‘āngelo ‘a e ‘Eiki,
“Mou tukitala‘i ‘a Mēlosi,
Mou tuki‘aungafa‘i ‘a e kau nofo ai;
Ko e ‘ikai te nau ha‘u ki he tokoni ‘o Sihova,
Ki he tokoni ‘o Sihova kuo ō mo e kau to‘a.”#5.23 kuo ō… to‘a; pe ke lau‘i ‘a e kau to‘a.
24Ke monū‘ia taha ‘i he kau fefine ‘a Siaili,
‘A e uaifi ‘o Hepa ko e Keini,
Ke ne monū‘ia taha ‘i he fine nofo tēniti!
25Na‘a ne kole vai: na‘a ne ‘ange hu‘akau:
‘I he ipu ‘a hou‘eiki na‘a ne ‘atu hu‘akau fatu.
26Na‘a ne ala ki he fa‘o ‘aki hono nima, Puke ‘aki hono to‘omata‘u ‘a e hāmala ‘a tufunga:
Pea ne hapo‘i ‘aki ia ‘a Sīsela,
Na‘a ne laiki hono ‘ulu na;
‘Io, na‘a ne fahi‘i mo tui‘i hono manifinifihanga.
27‘I he vaha‘a ‘o ongo va‘e na‘a ne mākaua,
Na‘a ne tō, na‘a ne tokoto;
‘I he vaha‘a ‘o ongo va‘e na‘a ne mākaua, na‘a ne tō:
Ko e potu na‘a ne mākaua ē
Ko ia na‘a ne tō ai ‘o mate.
28He fakasio mai he tupa mo lāulau#5.28 fakasio… lāulau: Ko hono faka-Hepeluú ko e: lāulau, pea ‘oku pehē he ngaahi hiki fuoloa: fakasio.
‘a e fa‘ē na ‘a Sīsela ‘i he tukihau!
“Ko e hā ‘oku fakatuai ai ‘ene sāliote ‘ene ha‘u?
Ko e hā ‘oku ve‘etuia ai ‘ene fanga manu?”
29Tali hake ‘e hono kau fine‘eiki poto na,
‘Io, na‘a ne tali ‘e ia ma‘ana#5.29 ‘Io… ma‘ana; pe Ka ne mo‘u fai atu pē ‘ene lea.
30“‘Ikai kuo nau ma‘u vete, pea ‘oku nau tufa?
Taki taha, taki ua ‘a e to‘a ‘ene kaunanga”
“Ko e kofu pulepule ko e koloa ia ‘a Sīsela,
Ko e koloa pulepule–ha taha kuo teu‘i,
Ha pulepule ‘e ua kuo teu‘i, ki he kia ‘o e ma‘itaki.”#5.30 Ha pulepule… ma‘itaki; pe Ha pulepule kuo tui tui ‘i hono potú ‘osi pē; Pea ‘oku hiki ‘e he ni‘ihi ‘a e ma‘itakí ko e vete.
31Ke pehē ‘a e ‘auha ‘o ho fili fua pē, ‘e Sihova!
Ka ko ha‘a ‘ofa ki he ‘Afiona
Ke nau hangē ko e la‘ā ‘ene hopo mo hono ha‘aha‘a.
Pea na‘e nonga ‘a e fonua ‘o fāngofulu ta‘u.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.