KAU FAKAMAAU 3
3
Ko e ngaahi Matakali Muli na‘e Toe mai he Fonuá
1PEA ko eni ‘a e ngaahi pule‘anga na‘e tuku ‘e Sihova ke sivi ‘aki ‘a ‘Isileli, ‘a kinautolu na‘e ‘ikai te nau ‘ilo ki he ngaahi tau ‘i Kēnani; 2(ko e kehe pē ke ‘ilo ‘e he ngaahi to‘utangata ‘o ha‘a ‘Isileli ke nau ako ai ‘i he tau, ‘a kinautolu na‘e ‘ikai ‘ilo mu‘a ki ai); 3ko e hou‘eiki ‘e toko nima ‘o e kau Filisitia, mo e kau Kēnani kotoa pē, mo e kau Saitoni, mo e kau Hevi na‘e nofo ‘i he mo‘unga ko Lepanoni, mei he mo‘unga ko Peali-Heamoni ‘o a‘u ki he Hū‘anga ki Hēmati. 4Pea na‘a nau ‘i ai ke sivi ‘aki ‘a ‘Isileli, ke mahino pe te nau tokanga ki he ngaahi tu‘utu‘uni ‘a Sihova, ‘a ia na‘a ne ‘atu ki he‘enau ngaahi tamai, ‘o fakafai ‘ia Mōsese. 5Pea na‘e nofo ‘a ha‘a ‘Isileli ‘i he lotolotonga ‘o ha‘a Kēnani, mo ha‘a Heti, mo ha‘a ‘Āmoli, mo ha‘a Pēlisi, mo ha‘a Hevi, mo ha‘a Siepusi; 6pea na‘a nau mali mo honau ngaahi ‘ōfefine, pea na‘a nau ‘ange honau ngaahi ‘ōfefine ke ‘unoho mo e fānau ‘anautolu, pea na‘a nau tauhi honau ngaahi ‘otua.
Ko ‘Ōtenili
7Pea na‘e fai ‘e ha‘a ‘Isileli ‘a e me‘a na‘e tau kovi ki he finangalo ‘o Sihova, he na‘a nau fakangalongalo‘i ‘a e ‘Eiki ko honau ‘Otua, pea nau tauhi ‘a e ngaahi Peali mo e ngaahi ‘Āsela. 8Ko ia na‘e langa‘i ai ‘a e houhau ‘o Sihova kia ‘Isileli, ‘o ne fakatau kinautolu ki he nima ‘o Kūsani-Lisataimi ko e Tu‘i Mesopotēmia: pea na‘e nofo ‘a ha‘a ‘Isileli kia Kūsani-Lisataimi ‘o valu ta‘u. 9Pea tautapa ki he ‘Eiki ‘a ha‘a ‘Isileli, pea fokotu‘u ‘e he ‘Eiki ha taukapo ma‘a ha‘a ‘Isileli ‘a ia na‘a ne fakahaofi kinautolu, ko ‘Ōtenili ko e foha ‘o Kēnasi, ko e tehina ‘o Kēlepi. 10He na‘e hā‘ele kiate ia ‘a e Laumālie ‘o Sihova, pea na‘a ne fakamaau ‘a ‘Isileli; pea na‘a ne ‘alu atu ‘o tau, pea na‘e tuku ‘e he ‘Eiki ki hono nima ‘a Kūsani-Lisataimi ko e Tu‘i Mesopotēmia: ko ia na‘e mālohi hono nima kia Kūsani-Lisataimi. 11Pea na‘e nonga ‘a e fonua ‘o fāngofulu ta‘u. Pea pekia ‘a ‘Ōtenili ko e foha ‘o Kēnasi.
Ko ‘Ēhuti
12Pea toe fai ‘e ha‘a ‘Isileli ‘a e me‘a na‘e tau kovi ki he finangalo ‘o Sihova: pea na‘e poupou ‘e he ‘Eiki ‘a ‘Ekeloni ko e Tu‘i Moape ke ne mālohi ki ha‘a ‘Isileli, koe‘uhi kuo ne fai ‘a e me‘a na‘e tau kovi ki he finangalo ‘o Sihova. 13Pea na‘a ne fakataha mai ‘a ha‘a ‘Āmoni mo ‘Amaleki, ‘o ne ‘alu ‘o taa‘i ‘a ‘Isileli, ‘o nau ma‘u ‘a Kolo-paame. 14Pea na‘e nofo ‘a ha‘a ‘Isileli kia ‘Ekeloni ko e Tu‘i Moape, ‘o hongofulu mā valu ta‘u.
15Ka ‘i he tautapa ‘a ha‘a ‘Isileli kia Sihova, na‘a ne fokotu‘u honau taukapo, ko ‘Ēhuti ko e foha ‘o Kela, ko ha ha‘a Penisimani, ko e tangata na‘e hema: he na‘e fakamoimoi ‘iate ia ‘e ha‘a ‘Isileli ha‘anau me‘a‘ofa kia ‘Ekeloni ko e Tu‘i Moape. 16Ka ko ‘Ēhuti kuo ne ngaohi mai ha heletā na‘e fakatoumata, ko e kiupite hono lōloa; pea na‘a ne no‘o ia ‘i hono loto kofu ‘i hono tenga to‘omata‘u. 17Pea na‘a ne ‘oatu ‘a e me‘a‘ofa kia ‘Ekeloni ko e Tu‘i Moape; pea ko ‘Ekeloni ko e ‘eiki sino ‘aupito. 18Pea ‘i he faifai pea ‘osi ‘ene ‘atu ‘a e me‘a‘ofa, na‘a ne fekau ‘a e kakai na‘e ha‘u mo ia ke ‘alu. 19Ka ka foki mai ia mei he ngaahi tamapua ‘a ia ‘oku ‘i Kilikali, ‘o ne pehē, ‘Ēī, ‘oku ‘i ai ha‘aki fekau fufū ki he ‘Afiona.
Pea ne folofola mai, Tuku ‘a e lea. Pea hū atu leva kitu‘a ‘a kinautolu kotoa pē na‘e fe‘ao mo ia.
20Pea ‘alu atu ‘a ‘Ēhuti kiate ia, ka ‘oku ne nofo toko taha ‘i ha fale fakahavilivili na‘a ne ma‘u. Pea lea ange ‘a ‘Ēhuti, Kuo u ha‘u mo au ha folofola ‘a e ‘Otua kiate koe. 21Pea ne tu‘u mai mei hono nofo‘anga. Pea mafao atu ‘e ‘Ēhuti hono nima to‘ohema, ‘o ne to‘o ‘a e heletā mei hono tenga to‘omata‘u, ‘o ne velo‘i ia ki hono kete: 22pea na‘e hū atu mo e ‘esia foki; pea ngalo ‘a e mata ‘i he ngako, he na‘e ‘ikai te ne ta‘aki ‘a e heletā mei hono kete; 23pea na‘e ‘asi atu ia kitu‘a.#3.23 pea na‘e… kitu‘a; ‘Oku ‘ikai ke mahino ‘a hono faka-Hepeluú, ka ko ko hono ‘uhingá nai ko e: pea na‘e ‘asi atu kitu‘a ‘i hono vaha‘a va‘é. Pea hū kitu‘a ‘a ‘Ēhuti ki he falehala, ‘o ne tāpuni ‘a e ngaahi matapā ‘o e fale kiate ia, ‘o ne fakama‘u. 24Pea kuo ‘alu ia, na‘e ha‘u ‘a e kau tamaio‘eiki; pea na‘a nau vakai, tā kuo fakama‘u ‘a e ngaahi matapā ‘o e fale; pea na‘a nau pehē, Kuo pau ‘oku ne fai ‘ene me‘a ‘i he fale fakahavilivili. 25Na‘a nau tatali, tatali, pea nau mā ai: pea tā na‘e ‘ikai to‘o ‘a e ngaahi matapā ‘o e fale; ko ia na‘a nau to‘o ‘a e kī, ‘o fakaava ia: pea tā ko honau ‘eiki ena kuo tō ki lalo kuo mate.
26Kae lolotonga ‘enau tatali na‘e hola ‘a ‘Ēhuti, ‘o ne laka atu ‘i he ngaahi tamapua, ‘o ne hao atu ki Seila. 27Pea ‘i he‘ene a‘u atu, na‘a ne ifi talupite ‘i he fonua mo‘unga ‘o ‘Ifalemi, pea na‘e ‘alu hifo mo ia ‘a ha‘a ‘Isileli mei he fonua mo‘unga, pea taki ‘e ia. 28Pea ne pehē kiate kinautolu, Mou muimui kiate au: he kuo tuku ‘e he ‘Eiki homou ngaahi fili ‘a e kau Moape ki homou nima. Pea na‘a nau muimui kiate ia, ‘o nau puke ‘a e ngaahi a‘a‘anga ‘o Soatani ki Moape, pea na‘e ‘ikai te nau tuku ha taha ke a‘a atu. 29Pea na‘a nau taa‘i ‘i he taimi ko ia ha kau Moape ‘e taha mano nai, ko e kau tangata kaukaua kotoa pē mo to‘a: pea na‘e ‘ikai hao ha taha. 30Pea na‘e fakavaivai‘i ‘a Moape ‘i he ‘aho ko ia ‘i he lalo nima ‘o ‘Isileli, pea na‘e nonga ‘a e fonua ‘o valungofulu ta‘u.
31Pea hili ia na‘e ‘i ai ‘a Sāmika‘a ko e foha ‘o ‘Ānati, ‘a ia na‘a ne taa‘i ‘a e kau Filisitia ‘e toko onongeau ‘aki ha tao fakateka pulu: pea ko ia foki na‘a ne taukapo ‘a ‘Isileli.
Currently Selected:
KAU FAKAMAAU 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KAU FAKAMAAU 3
3
Ko e ngaahi Matakali Muli na‘e Toe mai he Fonuá
1PEA ko eni ‘a e ngaahi pule‘anga na‘e tuku ‘e Sihova ke sivi ‘aki ‘a ‘Isileli, ‘a kinautolu na‘e ‘ikai te nau ‘ilo ki he ngaahi tau ‘i Kēnani; 2(ko e kehe pē ke ‘ilo ‘e he ngaahi to‘utangata ‘o ha‘a ‘Isileli ke nau ako ai ‘i he tau, ‘a kinautolu na‘e ‘ikai ‘ilo mu‘a ki ai); 3ko e hou‘eiki ‘e toko nima ‘o e kau Filisitia, mo e kau Kēnani kotoa pē, mo e kau Saitoni, mo e kau Hevi na‘e nofo ‘i he mo‘unga ko Lepanoni, mei he mo‘unga ko Peali-Heamoni ‘o a‘u ki he Hū‘anga ki Hēmati. 4Pea na‘a nau ‘i ai ke sivi ‘aki ‘a ‘Isileli, ke mahino pe te nau tokanga ki he ngaahi tu‘utu‘uni ‘a Sihova, ‘a ia na‘a ne ‘atu ki he‘enau ngaahi tamai, ‘o fakafai ‘ia Mōsese. 5Pea na‘e nofo ‘a ha‘a ‘Isileli ‘i he lotolotonga ‘o ha‘a Kēnani, mo ha‘a Heti, mo ha‘a ‘Āmoli, mo ha‘a Pēlisi, mo ha‘a Hevi, mo ha‘a Siepusi; 6pea na‘a nau mali mo honau ngaahi ‘ōfefine, pea na‘a nau ‘ange honau ngaahi ‘ōfefine ke ‘unoho mo e fānau ‘anautolu, pea na‘a nau tauhi honau ngaahi ‘otua.
Ko ‘Ōtenili
7Pea na‘e fai ‘e ha‘a ‘Isileli ‘a e me‘a na‘e tau kovi ki he finangalo ‘o Sihova, he na‘a nau fakangalongalo‘i ‘a e ‘Eiki ko honau ‘Otua, pea nau tauhi ‘a e ngaahi Peali mo e ngaahi ‘Āsela. 8Ko ia na‘e langa‘i ai ‘a e houhau ‘o Sihova kia ‘Isileli, ‘o ne fakatau kinautolu ki he nima ‘o Kūsani-Lisataimi ko e Tu‘i Mesopotēmia: pea na‘e nofo ‘a ha‘a ‘Isileli kia Kūsani-Lisataimi ‘o valu ta‘u. 9Pea tautapa ki he ‘Eiki ‘a ha‘a ‘Isileli, pea fokotu‘u ‘e he ‘Eiki ha taukapo ma‘a ha‘a ‘Isileli ‘a ia na‘a ne fakahaofi kinautolu, ko ‘Ōtenili ko e foha ‘o Kēnasi, ko e tehina ‘o Kēlepi. 10He na‘e hā‘ele kiate ia ‘a e Laumālie ‘o Sihova, pea na‘a ne fakamaau ‘a ‘Isileli; pea na‘a ne ‘alu atu ‘o tau, pea na‘e tuku ‘e he ‘Eiki ki hono nima ‘a Kūsani-Lisataimi ko e Tu‘i Mesopotēmia: ko ia na‘e mālohi hono nima kia Kūsani-Lisataimi. 11Pea na‘e nonga ‘a e fonua ‘o fāngofulu ta‘u. Pea pekia ‘a ‘Ōtenili ko e foha ‘o Kēnasi.
Ko ‘Ēhuti
12Pea toe fai ‘e ha‘a ‘Isileli ‘a e me‘a na‘e tau kovi ki he finangalo ‘o Sihova: pea na‘e poupou ‘e he ‘Eiki ‘a ‘Ekeloni ko e Tu‘i Moape ke ne mālohi ki ha‘a ‘Isileli, koe‘uhi kuo ne fai ‘a e me‘a na‘e tau kovi ki he finangalo ‘o Sihova. 13Pea na‘a ne fakataha mai ‘a ha‘a ‘Āmoni mo ‘Amaleki, ‘o ne ‘alu ‘o taa‘i ‘a ‘Isileli, ‘o nau ma‘u ‘a Kolo-paame. 14Pea na‘e nofo ‘a ha‘a ‘Isileli kia ‘Ekeloni ko e Tu‘i Moape, ‘o hongofulu mā valu ta‘u.
15Ka ‘i he tautapa ‘a ha‘a ‘Isileli kia Sihova, na‘a ne fokotu‘u honau taukapo, ko ‘Ēhuti ko e foha ‘o Kela, ko ha ha‘a Penisimani, ko e tangata na‘e hema: he na‘e fakamoimoi ‘iate ia ‘e ha‘a ‘Isileli ha‘anau me‘a‘ofa kia ‘Ekeloni ko e Tu‘i Moape. 16Ka ko ‘Ēhuti kuo ne ngaohi mai ha heletā na‘e fakatoumata, ko e kiupite hono lōloa; pea na‘a ne no‘o ia ‘i hono loto kofu ‘i hono tenga to‘omata‘u. 17Pea na‘a ne ‘oatu ‘a e me‘a‘ofa kia ‘Ekeloni ko e Tu‘i Moape; pea ko ‘Ekeloni ko e ‘eiki sino ‘aupito. 18Pea ‘i he faifai pea ‘osi ‘ene ‘atu ‘a e me‘a‘ofa, na‘a ne fekau ‘a e kakai na‘e ha‘u mo ia ke ‘alu. 19Ka ka foki mai ia mei he ngaahi tamapua ‘a ia ‘oku ‘i Kilikali, ‘o ne pehē, ‘Ēī, ‘oku ‘i ai ha‘aki fekau fufū ki he ‘Afiona.
Pea ne folofola mai, Tuku ‘a e lea. Pea hū atu leva kitu‘a ‘a kinautolu kotoa pē na‘e fe‘ao mo ia.
20Pea ‘alu atu ‘a ‘Ēhuti kiate ia, ka ‘oku ne nofo toko taha ‘i ha fale fakahavilivili na‘a ne ma‘u. Pea lea ange ‘a ‘Ēhuti, Kuo u ha‘u mo au ha folofola ‘a e ‘Otua kiate koe. 21Pea ne tu‘u mai mei hono nofo‘anga. Pea mafao atu ‘e ‘Ēhuti hono nima to‘ohema, ‘o ne to‘o ‘a e heletā mei hono tenga to‘omata‘u, ‘o ne velo‘i ia ki hono kete: 22pea na‘e hū atu mo e ‘esia foki; pea ngalo ‘a e mata ‘i he ngako, he na‘e ‘ikai te ne ta‘aki ‘a e heletā mei hono kete; 23pea na‘e ‘asi atu ia kitu‘a.#3.23 pea na‘e… kitu‘a; ‘Oku ‘ikai ke mahino ‘a hono faka-Hepeluú, ka ko ko hono ‘uhingá nai ko e: pea na‘e ‘asi atu kitu‘a ‘i hono vaha‘a va‘é. Pea hū kitu‘a ‘a ‘Ēhuti ki he falehala, ‘o ne tāpuni ‘a e ngaahi matapā ‘o e fale kiate ia, ‘o ne fakama‘u. 24Pea kuo ‘alu ia, na‘e ha‘u ‘a e kau tamaio‘eiki; pea na‘a nau vakai, tā kuo fakama‘u ‘a e ngaahi matapā ‘o e fale; pea na‘a nau pehē, Kuo pau ‘oku ne fai ‘ene me‘a ‘i he fale fakahavilivili. 25Na‘a nau tatali, tatali, pea nau mā ai: pea tā na‘e ‘ikai to‘o ‘a e ngaahi matapā ‘o e fale; ko ia na‘a nau to‘o ‘a e kī, ‘o fakaava ia: pea tā ko honau ‘eiki ena kuo tō ki lalo kuo mate.
26Kae lolotonga ‘enau tatali na‘e hola ‘a ‘Ēhuti, ‘o ne laka atu ‘i he ngaahi tamapua, ‘o ne hao atu ki Seila. 27Pea ‘i he‘ene a‘u atu, na‘a ne ifi talupite ‘i he fonua mo‘unga ‘o ‘Ifalemi, pea na‘e ‘alu hifo mo ia ‘a ha‘a ‘Isileli mei he fonua mo‘unga, pea taki ‘e ia. 28Pea ne pehē kiate kinautolu, Mou muimui kiate au: he kuo tuku ‘e he ‘Eiki homou ngaahi fili ‘a e kau Moape ki homou nima. Pea na‘a nau muimui kiate ia, ‘o nau puke ‘a e ngaahi a‘a‘anga ‘o Soatani ki Moape, pea na‘e ‘ikai te nau tuku ha taha ke a‘a atu. 29Pea na‘a nau taa‘i ‘i he taimi ko ia ha kau Moape ‘e taha mano nai, ko e kau tangata kaukaua kotoa pē mo to‘a: pea na‘e ‘ikai hao ha taha. 30Pea na‘e fakavaivai‘i ‘a Moape ‘i he ‘aho ko ia ‘i he lalo nima ‘o ‘Isileli, pea na‘e nonga ‘a e fonua ‘o valungofulu ta‘u.
31Pea hili ia na‘e ‘i ai ‘a Sāmika‘a ko e foha ‘o ‘Ānati, ‘a ia na‘a ne taa‘i ‘a e kau Filisitia ‘e toko onongeau ‘aki ha tao fakateka pulu: pea ko ia foki na‘a ne taukapo ‘a ‘Isileli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.