Sēmisí 4
4
Ko e ‘Ofa he Maama ko ení
Ko e ‘Ofa he Maama ko ení
1‘OKU mei fē ‘a e ngaahi tau, pea mei fē ‘a e ngaahi fetu‘usi ‘oku ‘iate kimoutolu? ‘Ikai ‘oku nau tupu mei he me‘a ni, ‘io, mei he ngaahi holi kovi, ‘a ia ‘oku fai tau ‘i homou ngaahi kupu? 2‘Oku mou holi me‘a, ‘o ‘ikai ma‘u; ‘oku mou fai fakapō ai, ‘o meheka, ka ‘oku ‘ikai te mou lava ke ma‘u; ‘oku mou fetu‘usi leva ‘o tau. ‘Ā, ‘oku ‘ikai te mou ma‘u koe‘uhi ‘oku ‘ikai te mou kole: 3‘oku mou kole, pea ‘oku ‘ikai te mou ma‘u, koe‘uhi ā ‘oku mou kole kovi, he ko e fai pē ke tauhi ‘aki ho‘omou ngaahi holi kovi. 4‘a e koto tono tangata, ‘ikai ‘oku mou ‘ilo, ko e takaua mo māmani ko e fakafili ia ki he ‘Otua? Ko ia, ‘ilonga ‘a ia ‘oku loto ke takaua mo māmani ‘oku ne nofo ai ko e fili ‘o e ‘Otua. 5‘Io, ‘oku mou pehē koā ko e launoa ‘a e folofola ko ia, ‘a ia ‘oku ne pehē, Ko e Laumālie kuo ne tuku ke nofo ‘iate kitautolu ‘oku ne feinga‘i kitautolu, ‘o a‘u ki he fua‘a?#4.5 Ko e Laumālie… fua‘a; pe ‘Oku hohoi mai mo e fua‘a ‘a e ‘Otuá ki he laumālie kuó ne tuku ke nofo ‘iate kitautolú. 6Ka ‘oku lahi ange ai ‘ene foaki kelesi. Ko ia ai, ‘oku ne pehē, ‘Oku tali teke‘i ‘e he ‘Otua ‘a e ‘afungi, ka ‘oku ne foaki kelesi ki he anga vaivai.#Pal 3.34 (LXX)
7Ko ia, mou fakavaivai‘i kimoutolu ki he ‘Otua. Ka mou tali teke‘i ‘a e Tēvolo, pea te ne hola meiate kimoutolu. 8‘Unu‘unu atu ki he ‘Otua, pea ‘e ‘unu‘unu mai ia kiate kimoutolu. Fakama‘a homou nima, ‘a kau angahala; pea fakatāpui ‘a homou loto, ‘a kau siosio ua. 9Mou fakamamahi, mo to‘e, mo tangi: ke liliu ho‘omou kata ko e to‘e, mo ho‘omou fiefia ko e fakamāmāhu‘i. 10Fakavaivai‘i kimoutolu ‘i he ‘ao ‘o e ‘Eiki, pea te ne hākeaki‘i kimoutolu.
Ko e Lau Kovi
11Kāinga, ‘oua te mou felau‘ikovi‘aki. Ko ia ‘oku ne lau‘ikovi hono tokoua, pe ‘oku anga‘i hono tokoua, ‘oku ne lau‘ikovi ‘a e Lao, pea anga‘i ‘a e Lao: ka ‘o kapau ‘oku ke anga‘i ‘a e Lao, tā ‘oku ‘ikai ko ha fai ki he Lao koe, ka ‘oku ke fakamaau ia. 12‘Oku taha pē ‘a e Fokotu‘u-lao, mo e Fakamaau, ‘a ‘Ene ‘Afio ‘oku ne mafai ke fakamo‘ui, pea ke faka‘auha: ko hai tū koe ke ke anga‘i ho kaungā‘api?
Ko e Fakatokanga he ‘Afungí
13Me‘a mai ‘eni, ‘a kimoutolu ‘oku lau, ‘o pehē, Ko e ‘aho ni, pe ko e ‘apongipongi, te mau fononga ki he kolo ko ē, pea mau nofo ai ‘o ta‘u kātoa, pea te mau fai fakatau ai ‘o ngaohi pa‘anga: ‘osi, ‘oku ‘ikai te mou ‘ilo ‘a e me‘a ‘o e ‘apongipongi.#Pal 27.1 14He ko e hā tū ho‘omou mo‘ui? Ko e mao pē kimoutolu, ‘a ia ‘oku hā fuoloa si‘i, pea toki mole foki. 15‘Ē, na‘a mou mei pehē, Kapau ko e finangalo ‘o e ‘Eiki te mau mo‘ui, ‘o fai ‘a ē mo ē. 16Ka ‘i hono anga ko ia, ‘oku tu‘unga ho‘omou pōlepole ‘i ho‘omou ‘afungi: ko e alā pōlepole pehē ‘oku kovi.
17Ko ia ‘oku ne ‘ilo ha lelei ke fai ka ‘oku ‘ikai fai, ko ha‘ana angahala ia.
Currently Selected:
Sēmisí 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Sēmisí 4
4
Ko e ‘Ofa he Maama ko ení
Ko e ‘Ofa he Maama ko ení
1‘OKU mei fē ‘a e ngaahi tau, pea mei fē ‘a e ngaahi fetu‘usi ‘oku ‘iate kimoutolu? ‘Ikai ‘oku nau tupu mei he me‘a ni, ‘io, mei he ngaahi holi kovi, ‘a ia ‘oku fai tau ‘i homou ngaahi kupu? 2‘Oku mou holi me‘a, ‘o ‘ikai ma‘u; ‘oku mou fai fakapō ai, ‘o meheka, ka ‘oku ‘ikai te mou lava ke ma‘u; ‘oku mou fetu‘usi leva ‘o tau. ‘Ā, ‘oku ‘ikai te mou ma‘u koe‘uhi ‘oku ‘ikai te mou kole: 3‘oku mou kole, pea ‘oku ‘ikai te mou ma‘u, koe‘uhi ā ‘oku mou kole kovi, he ko e fai pē ke tauhi ‘aki ho‘omou ngaahi holi kovi. 4‘a e koto tono tangata, ‘ikai ‘oku mou ‘ilo, ko e takaua mo māmani ko e fakafili ia ki he ‘Otua? Ko ia, ‘ilonga ‘a ia ‘oku loto ke takaua mo māmani ‘oku ne nofo ai ko e fili ‘o e ‘Otua. 5‘Io, ‘oku mou pehē koā ko e launoa ‘a e folofola ko ia, ‘a ia ‘oku ne pehē, Ko e Laumālie kuo ne tuku ke nofo ‘iate kitautolu ‘oku ne feinga‘i kitautolu, ‘o a‘u ki he fua‘a?#4.5 Ko e Laumālie… fua‘a; pe ‘Oku hohoi mai mo e fua‘a ‘a e ‘Otuá ki he laumālie kuó ne tuku ke nofo ‘iate kitautolú. 6Ka ‘oku lahi ange ai ‘ene foaki kelesi. Ko ia ai, ‘oku ne pehē, ‘Oku tali teke‘i ‘e he ‘Otua ‘a e ‘afungi, ka ‘oku ne foaki kelesi ki he anga vaivai.#Pal 3.34 (LXX)
7Ko ia, mou fakavaivai‘i kimoutolu ki he ‘Otua. Ka mou tali teke‘i ‘a e Tēvolo, pea te ne hola meiate kimoutolu. 8‘Unu‘unu atu ki he ‘Otua, pea ‘e ‘unu‘unu mai ia kiate kimoutolu. Fakama‘a homou nima, ‘a kau angahala; pea fakatāpui ‘a homou loto, ‘a kau siosio ua. 9Mou fakamamahi, mo to‘e, mo tangi: ke liliu ho‘omou kata ko e to‘e, mo ho‘omou fiefia ko e fakamāmāhu‘i. 10Fakavaivai‘i kimoutolu ‘i he ‘ao ‘o e ‘Eiki, pea te ne hākeaki‘i kimoutolu.
Ko e Lau Kovi
11Kāinga, ‘oua te mou felau‘ikovi‘aki. Ko ia ‘oku ne lau‘ikovi hono tokoua, pe ‘oku anga‘i hono tokoua, ‘oku ne lau‘ikovi ‘a e Lao, pea anga‘i ‘a e Lao: ka ‘o kapau ‘oku ke anga‘i ‘a e Lao, tā ‘oku ‘ikai ko ha fai ki he Lao koe, ka ‘oku ke fakamaau ia. 12‘Oku taha pē ‘a e Fokotu‘u-lao, mo e Fakamaau, ‘a ‘Ene ‘Afio ‘oku ne mafai ke fakamo‘ui, pea ke faka‘auha: ko hai tū koe ke ke anga‘i ho kaungā‘api?
Ko e Fakatokanga he ‘Afungí
13Me‘a mai ‘eni, ‘a kimoutolu ‘oku lau, ‘o pehē, Ko e ‘aho ni, pe ko e ‘apongipongi, te mau fononga ki he kolo ko ē, pea mau nofo ai ‘o ta‘u kātoa, pea te mau fai fakatau ai ‘o ngaohi pa‘anga: ‘osi, ‘oku ‘ikai te mou ‘ilo ‘a e me‘a ‘o e ‘apongipongi.#Pal 27.1 14He ko e hā tū ho‘omou mo‘ui? Ko e mao pē kimoutolu, ‘a ia ‘oku hā fuoloa si‘i, pea toki mole foki. 15‘Ē, na‘a mou mei pehē, Kapau ko e finangalo ‘o e ‘Eiki te mau mo‘ui, ‘o fai ‘a ē mo ē. 16Ka ‘i hono anga ko ia, ‘oku tu‘unga ho‘omou pōlepole ‘i ho‘omou ‘afungi: ko e alā pōlepole pehē ‘oku kovi.
17Ko ia ‘oku ne ‘ilo ha lelei ke fai ka ‘oku ‘ikai fai, ko ha‘ana angahala ia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.