Sēmisí 2
2
‘Oua ‘e Filifilimānako
1SI‘OKU kāinga, ke ‘oua na‘a taka filifilimānako ho‘omou fai‘aki ‘a e tui hotau ‘Eiki ko Sīsū Kalaisi, ‘a e ‘Eiki ‘oku ‘a‘ana ‘a e lāngilangi. 2He vakai, kapau ‘e hū ki homou falelotu ha matāpule ‘oku fuhi ai ‘a e mama koula, pea kofu ngingila, pea hū ki ai foki ha masiva ‘oku kofu fakalielia; 3pea ‘oku mou tokanga leva kiate ia ‘oku ‘ai ‘a e kofu ngingila na, pea mou pehē, Sī, me‘a mai koe ki he potu ‘a hou‘eiki; ka ke pehē ki si‘i masiva, Tu‘u atu koe hena, pe nofo ki lalo ‘i hoku tu‘ungava‘e ni. 4‘Ē, ‘ikai ne taka fakata‘eta‘etui ho‘omou me‘a, ‘o mou hoko ko e kau fakamaau fifili kovi?
5Fanongo mai, si‘oku kāinga ‘ofa‘anga, ‘ikai na‘e fili ‘e he ‘Otua ‘a kinautolu ‘oku masiva ‘i māmani ke koloa‘ia ‘i he tui, pea ke ‘ea ki he pule‘anga na‘a ne tala‘ofa kiate kinautolu ‘oku ‘ofa kiate ia? 6Ka ko kimoutolu kuo mou fakalielia‘i ‘a si‘i masiva na. ‘Ikai ko e kau koloa‘ia ia ‘oku nau fakapōpula‘i kimoutolu, mo nau toho ‘a kimoutolu ki he ngaahi fakamāu‘anga? 7‘Ikai ko kinautolu ia ‘oku nau talakaa‘i ‘a e huafa lelei ko ia, ‘a ia ‘oku ui ‘aki kimoutolu.
8‘Io, kapau mo‘oni ko ho‘omou tauhi ke haohaoa ‘a e lao fakatu‘i na, ‘o fai ki he potu tohi ko ia, Te ke ‘ofa ki ho kaungā‘api ‘o hangē ko ho‘o ‘ofa kiate koe, tā ‘oku mālō ho‘omou ngāue:#Lev 19.18 9ka ‘o kapau ‘oku mou filifilimānako, ko e angahala ia ‘oku mou fai, he ‘oku faka‘ilo kimoutolu ‘e he lao ko ia ko e talangata‘a. 10He ko ia kuo ne tauhi hono kotoa ‘o e lao, ka ne humu ‘i ha me‘a ‘e taha, kuo ne mo‘ua ki hono kotoa. 11He ko ia na‘a ne folofola mai, ‘Oua na‘a ke tono ‘unoho, na‘a ne pehē foki, ‘Oua na‘a ke fakapō. Pea neongo ‘oku ‘ikai te ke tono ‘unoho, ka ke fakapō pē, kuo ke hoko ko e maumau lao.#‘Eki 20.13,14; Teu 5.17,18 12‘Ē, ke pehē ho‘omou lea, pea pehē ho‘omou ngāue, ke taau mo ha kakai ‘oku ene honau fakamaau ‘aki ‘a e lao tau‘atāina. 13He ‘e fai ta‘emeesi ‘a e fakamaau kiate ia na‘e ‘ikai fai meesi. ‘Oku luki ‘a meesi ki he fakamaau.
Ko e Ngāue‘i ‘o e Tuí
14Si‘oku kāinga, ko e hā tū hano ‘aonga ‘a e pehē ‘e ha taha, ‘oku ne tui; ‘osi, ‘oku ‘ikai hā ai ha ngāue? ‘e mafakamo‘ui ia ‘e he‘ene tui ko ia? 15Ko eni, kapau ‘e masiva kofu ha tangata lotu, pe ha fine lotu, 16mo ‘ikai ‘aupito ma‘u si‘a me‘a tokoni pea ka pehē ange ‘e hamou toko taha, ‘Alu ā, ‘oku fai pē homou fakamāfana, ‘oku fai pē homou fakamākona; ka ‘oku ‘ikai te mou ange ‘a e ngaahi me‘a ‘oku tangi ki ai ‘a e sino; ko e hā hono ‘aonga, ‘ō? 17Pehē foki ‘a e tui, kapau ‘oku ‘ikai ke ō mo e ngāue, ‘oku mate pē ia, he‘ene tu‘u taha.
18Kuo pau ke pehē atu ‘e ha taha, Ko ho‘o me‘a tokua ‘a e tui, ka ko ha‘aku ‘a e ngaahi ngāue: pe‘i faka‘ali‘ali mai ho‘o tui ‘ata‘atā mo e ngaahi ngāue, ka u faka‘ali‘ali atu ‘eku tui he hā ‘i he‘eku ngaahi ngāue. 19‘Oku ke tui, ‘oku taha pē ‘a e ‘Otua; ‘io, mālō ia: pea ‘oku tui pehē mo e kau tēvolo, pea nau tetetete. 20Ka ‘oku ke loto ke mahino atu koā, siana ta‘eloto, ‘a e ka‘anga#2.20 ka‘anga (mate); ‘Oku pehē ‘i hono ngaahi hiki fuoloa ‘e ni‘ihi: ta‘e‘aonga. ‘a e tui ‘oku ta‘eō mo e ngaahi ngāue? 21‘Ē, ‘ikai na‘e fakatonuhia ‘etau kui ko ‘Epalahame mei he ngaahi ngāue, he‘ene ‘oatu ‘a ‘Aisake ko hono foha, ‘o hilifaki ki he ‘ōlita?#Sēn 22.1-14 22‘Oku ke vakai, ko ‘ene tui na‘e ngāue fakataha mo ‘ene ngaahi ngāue, pea ko ‘ene ngaahi ngāue na‘e fakahaohaoa mei ai ‘ene tui: 23pea na‘e fakamo‘oni ‘a e folofola na‘e pehē, Pea na‘e tui ‘a ‘Epalahame ki he ‘Otua, pea na‘e lau ia ma‘ane mā‘oni‘oni: pea na‘e ui ia ko e Takanga ‘o e ‘Otua.#Sēn 15.6; 2 Kal 20.7; ‘Ais 41.8 24Vakai ā, ‘oku fakatonuhia ‘a e tangata mei he ngaahi ngāue, ‘o ‘ikai mei he tui pē.
25Pea pehē foki, ‘Ikai na‘e fakatonuhia ‘a Lēhapi fe‘auaki mei he ngāue, he‘ene tali ‘a e ongo talafekau, ‘o ne fakato‘oto‘o ‘ena ō ‘i ha hala kehe?#Sios 2.1-21
26He hangē ā ‘oku mate ‘a e sino ‘oka mavahe mei he laumālie, pehē foki ‘oku mate ‘a e tui ‘oka mavahe mo e ngāue.
Currently Selected:
Sēmisí 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Sēmisí 2
2
‘Oua ‘e Filifilimānako
1SI‘OKU kāinga, ke ‘oua na‘a taka filifilimānako ho‘omou fai‘aki ‘a e tui hotau ‘Eiki ko Sīsū Kalaisi, ‘a e ‘Eiki ‘oku ‘a‘ana ‘a e lāngilangi. 2He vakai, kapau ‘e hū ki homou falelotu ha matāpule ‘oku fuhi ai ‘a e mama koula, pea kofu ngingila, pea hū ki ai foki ha masiva ‘oku kofu fakalielia; 3pea ‘oku mou tokanga leva kiate ia ‘oku ‘ai ‘a e kofu ngingila na, pea mou pehē, Sī, me‘a mai koe ki he potu ‘a hou‘eiki; ka ke pehē ki si‘i masiva, Tu‘u atu koe hena, pe nofo ki lalo ‘i hoku tu‘ungava‘e ni. 4‘Ē, ‘ikai ne taka fakata‘eta‘etui ho‘omou me‘a, ‘o mou hoko ko e kau fakamaau fifili kovi?
5Fanongo mai, si‘oku kāinga ‘ofa‘anga, ‘ikai na‘e fili ‘e he ‘Otua ‘a kinautolu ‘oku masiva ‘i māmani ke koloa‘ia ‘i he tui, pea ke ‘ea ki he pule‘anga na‘a ne tala‘ofa kiate kinautolu ‘oku ‘ofa kiate ia? 6Ka ko kimoutolu kuo mou fakalielia‘i ‘a si‘i masiva na. ‘Ikai ko e kau koloa‘ia ia ‘oku nau fakapōpula‘i kimoutolu, mo nau toho ‘a kimoutolu ki he ngaahi fakamāu‘anga? 7‘Ikai ko kinautolu ia ‘oku nau talakaa‘i ‘a e huafa lelei ko ia, ‘a ia ‘oku ui ‘aki kimoutolu.
8‘Io, kapau mo‘oni ko ho‘omou tauhi ke haohaoa ‘a e lao fakatu‘i na, ‘o fai ki he potu tohi ko ia, Te ke ‘ofa ki ho kaungā‘api ‘o hangē ko ho‘o ‘ofa kiate koe, tā ‘oku mālō ho‘omou ngāue:#Lev 19.18 9ka ‘o kapau ‘oku mou filifilimānako, ko e angahala ia ‘oku mou fai, he ‘oku faka‘ilo kimoutolu ‘e he lao ko ia ko e talangata‘a. 10He ko ia kuo ne tauhi hono kotoa ‘o e lao, ka ne humu ‘i ha me‘a ‘e taha, kuo ne mo‘ua ki hono kotoa. 11He ko ia na‘a ne folofola mai, ‘Oua na‘a ke tono ‘unoho, na‘a ne pehē foki, ‘Oua na‘a ke fakapō. Pea neongo ‘oku ‘ikai te ke tono ‘unoho, ka ke fakapō pē, kuo ke hoko ko e maumau lao.#‘Eki 20.13,14; Teu 5.17,18 12‘Ē, ke pehē ho‘omou lea, pea pehē ho‘omou ngāue, ke taau mo ha kakai ‘oku ene honau fakamaau ‘aki ‘a e lao tau‘atāina. 13He ‘e fai ta‘emeesi ‘a e fakamaau kiate ia na‘e ‘ikai fai meesi. ‘Oku luki ‘a meesi ki he fakamaau.
Ko e Ngāue‘i ‘o e Tuí
14Si‘oku kāinga, ko e hā tū hano ‘aonga ‘a e pehē ‘e ha taha, ‘oku ne tui; ‘osi, ‘oku ‘ikai hā ai ha ngāue? ‘e mafakamo‘ui ia ‘e he‘ene tui ko ia? 15Ko eni, kapau ‘e masiva kofu ha tangata lotu, pe ha fine lotu, 16mo ‘ikai ‘aupito ma‘u si‘a me‘a tokoni pea ka pehē ange ‘e hamou toko taha, ‘Alu ā, ‘oku fai pē homou fakamāfana, ‘oku fai pē homou fakamākona; ka ‘oku ‘ikai te mou ange ‘a e ngaahi me‘a ‘oku tangi ki ai ‘a e sino; ko e hā hono ‘aonga, ‘ō? 17Pehē foki ‘a e tui, kapau ‘oku ‘ikai ke ō mo e ngāue, ‘oku mate pē ia, he‘ene tu‘u taha.
18Kuo pau ke pehē atu ‘e ha taha, Ko ho‘o me‘a tokua ‘a e tui, ka ko ha‘aku ‘a e ngaahi ngāue: pe‘i faka‘ali‘ali mai ho‘o tui ‘ata‘atā mo e ngaahi ngāue, ka u faka‘ali‘ali atu ‘eku tui he hā ‘i he‘eku ngaahi ngāue. 19‘Oku ke tui, ‘oku taha pē ‘a e ‘Otua; ‘io, mālō ia: pea ‘oku tui pehē mo e kau tēvolo, pea nau tetetete. 20Ka ‘oku ke loto ke mahino atu koā, siana ta‘eloto, ‘a e ka‘anga#2.20 ka‘anga (mate); ‘Oku pehē ‘i hono ngaahi hiki fuoloa ‘e ni‘ihi: ta‘e‘aonga. ‘a e tui ‘oku ta‘eō mo e ngaahi ngāue? 21‘Ē, ‘ikai na‘e fakatonuhia ‘etau kui ko ‘Epalahame mei he ngaahi ngāue, he‘ene ‘oatu ‘a ‘Aisake ko hono foha, ‘o hilifaki ki he ‘ōlita?#Sēn 22.1-14 22‘Oku ke vakai, ko ‘ene tui na‘e ngāue fakataha mo ‘ene ngaahi ngāue, pea ko ‘ene ngaahi ngāue na‘e fakahaohaoa mei ai ‘ene tui: 23pea na‘e fakamo‘oni ‘a e folofola na‘e pehē, Pea na‘e tui ‘a ‘Epalahame ki he ‘Otua, pea na‘e lau ia ma‘ane mā‘oni‘oni: pea na‘e ui ia ko e Takanga ‘o e ‘Otua.#Sēn 15.6; 2 Kal 20.7; ‘Ais 41.8 24Vakai ā, ‘oku fakatonuhia ‘a e tangata mei he ngaahi ngāue, ‘o ‘ikai mei he tui pē.
25Pea pehē foki, ‘Ikai na‘e fakatonuhia ‘a Lēhapi fe‘auaki mei he ngāue, he‘ene tali ‘a e ongo talafekau, ‘o ne fakato‘oto‘o ‘ena ō ‘i ha hala kehe?#Sios 2.1-21
26He hangē ā ‘oku mate ‘a e sino ‘oka mavahe mei he laumālie, pehē foki ‘oku mate ‘a e tui ‘oka mavahe mo e ngāue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.