KO ‘AISEA 59
59
Ko Hono Valoki‘i ‘e he Palōfitá ‘a e Fai Angahala ‘a e Kakaí
1VAKAI, ‘oku ‘ikai fakanounou ‘a e nima ‘o Sihova, ke ne ta‘elava ha fakamo‘ui; 2pea ‘oku ‘ikai tuli hono fofonga, ke ne ta‘eongona: ka ko ho‘omou ngaahi kovi kuo hoko ko e ngaahi ‘āvahevahe ki homou vaha‘a mo homou ‘Otua, pea ko ho‘omou ngaahi angahala kuo fakapulonga hono fofonga meiate kimoutolu, ke ‘oua te ne ongona. 3He ko homou nima kuo pani toto, pea ko homou ngaahi tuhu kuo pani ‘i he faikovi; ‘oku lau loi homou ngaahi ngutu, pea ko homou ‘elelo ‘oku fanafana me‘a pango.
4‘Oku ‘ikai ha taha ‘oku malanga‘aki ‘a e totonu, pea ‘oku ‘ikai ha fakamo‘oni ‘oku lea mo‘oni: ‘oku nau falala ki he nge‘esi, pea ‘oku nau lea‘aki ‘a e kākā; ‘oku nau feitama ‘i he fakamamahi, ‘o fā‘ele‘i ‘a e kovi. 5Ko e fua ‘o e kēlasa ‘oku nau fofoa‘i, pea ko e matamatakupenga ‘oku nau lalanga: ko ia ‘oku ne kai ‘enau fua ko ia te ne mate, pea ka laiki ‘e taha, ‘oku ne fofoa‘i ko e ata. 6Ko e me‘a ‘oku nau lalanga ‘e ‘ikai ‘aonga ke kofu, pea ‘e ‘ikai lava ‘e ha taha ke pulupulu ‘aki ‘enau ngāue: ko ‘enau ngaahi ngāue ko e ngāue kovi, pea ko e fai fakamālohi ‘oku ‘i honau nima. 7‘Oku lele honau va‘e ki he kovi, ‘o fakavave ke lilingi ‘a e toto ‘o e ta‘ehalaia: ko ‘enau ngaahi fakakaukau ko e fakakaukau‘i ‘o e kovi; ko e maumau mo e faka‘auha ‘oku ‘i honau ngaahi hala.#Lom 3.15-17 8Ko e hala ‘o e fiemālie ‘oku ‘ikai te nau ‘ilo ki ai; pea ‘oku ‘ikai ha fakalao ‘i honau ngaahi hala fakapule‘anga: kuo nau ngaohi ke piko ‘a e ngaahi founga ‘oku nau fou ai; ‘ilonga ha taha ‘oku laka ai, ‘e ‘ikai te ne ‘ilo ha fiemālie.
Ko e Vete Angahala ‘a e Kakaí
9Ko hono ō ia ‘oku mama‘o meiate kitautolu ‘a e fakalao, pea ‘oku ‘ikai ke a‘usi kitautolu ‘e ha totonu: ‘oku tau tatali ki ha maama, kae uoke, ko e po‘uli; ‘oku tau ‘amanaki ki he huhulu–ko e po‘uli ‘o e po‘uli ‘oku tau ‘alu ai. 10‘Oku tau tautaufā ‘i he ‘ā hangē ko e kau kui, ‘io, ‘oku tau tautaufā ‘o hangē ‘oku ‘ikai hatau mata: ‘oku tau humu ho‘atā hangē ko e ataata; ‘i he lotolotonga ‘o e kakai kaukaua ‘oku tau hangē ha kau mate. 11‘Oku tau ngungulu kotoa pē hangē ha fanga pea, pea ‘oku tau mātu‘aki ngū hangē ko ha fanga lupe; ‘oku tau nofo‘aki tali ki ha fai fakamaau, ka ‘oku ‘ikai: ki ha fai fakamo‘ui, ka ‘oku mama‘o meiate kitautolu.
12Seuke, ‘oku fokotu‘uniu ‘emau ngaahi talangata‘a ‘i ho ‘ao, pea ko ‘emau ngaahi angahala ‘oku talatalaaki‘i tāutaha kiate kimautolu; he ‘oku fe‘ao mo kimautolu ‘emau ngaahi talangata‘a, pea ko e me‘a ki he‘emau ngaahi faikovi ‘oku mau ‘ilo pē ki ai– 13ko e talangata‘a mo e fakaikai‘i ‘o Sihova, mo e foki mei he muimui ki homau ‘Otua, ko e lea‘aki ‘a e fakamālohi mo e fakahē, ko e fakakaukau mo e lī atu mei he loto ‘a e ngaahi lea loi. 14Pea kuo teke‘i ‘a e fakalao, pea ‘oku fakamama‘o ‘a e faitotonu: he kuo humu ‘a Mo‘oni ‘i he mala‘e, pea ko Tonusika ‘e ‘ikai lava ke hū. 15Pea kuo hoko ‘a mo‘oni ko e tō; pea ko ia ‘oku afe mei he kovi ‘oku tō ki he tu‘a lao. Pea ‘afio ki ai ‘a Sihova, pea na‘e tau kovi ki hono finangalo ‘a e ‘ikai ha fai ki he lao.
16Pea ne ‘afio‘i ‘oku ‘ikai ha tangata, pea ne ofo ‘i he ‘ikai ha fakalalo: toki ‘omi ‘e hono nima ha‘ane fakamo‘ui; pea ko ‘ene faitotonu ko ia ia na‘e poupou kiate ia.#‘Ais 63.5 17Pea ne ‘ai ‘a e mā‘oni‘oni mōno kofu tau, mo e tatā tau ko e fakamo‘ui ‘i hono ‘ulu; pea ne tui ha ngaahi kofu sauni mōno kofu tu‘a, ‘o ne pulupulu ‘aki ‘a e fua‘a.#‘Efe 6.14,17; 1 Tes 5.8 18Hangē ko e ngaahi ngāue ko ē ‘e pehē ‘ene totongi, ko e houhau ki hono kau fakamamahi, ko e tautea ki hono ngaahi fili; fakaai ‘a e tautea ‘o e ngaahi motu. 19Pea te nau ‘apasia ki he huafa ‘o Sihova mei he tō‘anga la‘ā, pea ki hono lāngilangi mei hono hopo‘anga: he ka ha‘u ‘a e fili hangē ko e vaitafe, ko e laumālie ‘o Sihova te ne fokotu‘u ha fuka ki ai.#59.19 ‘Oku lahi ‘a e hiki kehekehe ‘o e kupu‘i leá ni.
20Pea ‘e ha‘u ha koeli ki Saione, pea kiate kinautolu ‘i Sēkope kuo foki mei he‘enau talangata‘a–ko Sihova ia mei he Ta‘ehāmai.#Lom 11.26 21Pea ko e me‘a kiate au, ko eni ‘a e kovinānite ‘oku ou fai mo kimoutolu–ko e folofola ia ‘a Sihova–ko hoku laumālie ‘a ia ‘oku ‘iate koe, mo ‘eku lea ‘a ia kuo u ‘ai ki ho ngutu, ‘e ‘ikai mahu‘i ia mei ho ngutu, pe ko e ngutu ‘o ho hako, pe mei he ngutu ‘o e hako ‘o ho hako, mei he taimi ni ‘o ta‘engata–ko e folofola ia ‘a Sihova.
Currently Selected:
KO ‘AISEA 59: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘AISEA 59
59
Ko Hono Valoki‘i ‘e he Palōfitá ‘a e Fai Angahala ‘a e Kakaí
1VAKAI, ‘oku ‘ikai fakanounou ‘a e nima ‘o Sihova, ke ne ta‘elava ha fakamo‘ui; 2pea ‘oku ‘ikai tuli hono fofonga, ke ne ta‘eongona: ka ko ho‘omou ngaahi kovi kuo hoko ko e ngaahi ‘āvahevahe ki homou vaha‘a mo homou ‘Otua, pea ko ho‘omou ngaahi angahala kuo fakapulonga hono fofonga meiate kimoutolu, ke ‘oua te ne ongona. 3He ko homou nima kuo pani toto, pea ko homou ngaahi tuhu kuo pani ‘i he faikovi; ‘oku lau loi homou ngaahi ngutu, pea ko homou ‘elelo ‘oku fanafana me‘a pango.
4‘Oku ‘ikai ha taha ‘oku malanga‘aki ‘a e totonu, pea ‘oku ‘ikai ha fakamo‘oni ‘oku lea mo‘oni: ‘oku nau falala ki he nge‘esi, pea ‘oku nau lea‘aki ‘a e kākā; ‘oku nau feitama ‘i he fakamamahi, ‘o fā‘ele‘i ‘a e kovi. 5Ko e fua ‘o e kēlasa ‘oku nau fofoa‘i, pea ko e matamatakupenga ‘oku nau lalanga: ko ia ‘oku ne kai ‘enau fua ko ia te ne mate, pea ka laiki ‘e taha, ‘oku ne fofoa‘i ko e ata. 6Ko e me‘a ‘oku nau lalanga ‘e ‘ikai ‘aonga ke kofu, pea ‘e ‘ikai lava ‘e ha taha ke pulupulu ‘aki ‘enau ngāue: ko ‘enau ngaahi ngāue ko e ngāue kovi, pea ko e fai fakamālohi ‘oku ‘i honau nima. 7‘Oku lele honau va‘e ki he kovi, ‘o fakavave ke lilingi ‘a e toto ‘o e ta‘ehalaia: ko ‘enau ngaahi fakakaukau ko e fakakaukau‘i ‘o e kovi; ko e maumau mo e faka‘auha ‘oku ‘i honau ngaahi hala.#Lom 3.15-17 8Ko e hala ‘o e fiemālie ‘oku ‘ikai te nau ‘ilo ki ai; pea ‘oku ‘ikai ha fakalao ‘i honau ngaahi hala fakapule‘anga: kuo nau ngaohi ke piko ‘a e ngaahi founga ‘oku nau fou ai; ‘ilonga ha taha ‘oku laka ai, ‘e ‘ikai te ne ‘ilo ha fiemālie.
Ko e Vete Angahala ‘a e Kakaí
9Ko hono ō ia ‘oku mama‘o meiate kitautolu ‘a e fakalao, pea ‘oku ‘ikai ke a‘usi kitautolu ‘e ha totonu: ‘oku tau tatali ki ha maama, kae uoke, ko e po‘uli; ‘oku tau ‘amanaki ki he huhulu–ko e po‘uli ‘o e po‘uli ‘oku tau ‘alu ai. 10‘Oku tau tautaufā ‘i he ‘ā hangē ko e kau kui, ‘io, ‘oku tau tautaufā ‘o hangē ‘oku ‘ikai hatau mata: ‘oku tau humu ho‘atā hangē ko e ataata; ‘i he lotolotonga ‘o e kakai kaukaua ‘oku tau hangē ha kau mate. 11‘Oku tau ngungulu kotoa pē hangē ha fanga pea, pea ‘oku tau mātu‘aki ngū hangē ko ha fanga lupe; ‘oku tau nofo‘aki tali ki ha fai fakamaau, ka ‘oku ‘ikai: ki ha fai fakamo‘ui, ka ‘oku mama‘o meiate kitautolu.
12Seuke, ‘oku fokotu‘uniu ‘emau ngaahi talangata‘a ‘i ho ‘ao, pea ko ‘emau ngaahi angahala ‘oku talatalaaki‘i tāutaha kiate kimautolu; he ‘oku fe‘ao mo kimautolu ‘emau ngaahi talangata‘a, pea ko e me‘a ki he‘emau ngaahi faikovi ‘oku mau ‘ilo pē ki ai– 13ko e talangata‘a mo e fakaikai‘i ‘o Sihova, mo e foki mei he muimui ki homau ‘Otua, ko e lea‘aki ‘a e fakamālohi mo e fakahē, ko e fakakaukau mo e lī atu mei he loto ‘a e ngaahi lea loi. 14Pea kuo teke‘i ‘a e fakalao, pea ‘oku fakamama‘o ‘a e faitotonu: he kuo humu ‘a Mo‘oni ‘i he mala‘e, pea ko Tonusika ‘e ‘ikai lava ke hū. 15Pea kuo hoko ‘a mo‘oni ko e tō; pea ko ia ‘oku afe mei he kovi ‘oku tō ki he tu‘a lao. Pea ‘afio ki ai ‘a Sihova, pea na‘e tau kovi ki hono finangalo ‘a e ‘ikai ha fai ki he lao.
16Pea ne ‘afio‘i ‘oku ‘ikai ha tangata, pea ne ofo ‘i he ‘ikai ha fakalalo: toki ‘omi ‘e hono nima ha‘ane fakamo‘ui; pea ko ‘ene faitotonu ko ia ia na‘e poupou kiate ia.#‘Ais 63.5 17Pea ne ‘ai ‘a e mā‘oni‘oni mōno kofu tau, mo e tatā tau ko e fakamo‘ui ‘i hono ‘ulu; pea ne tui ha ngaahi kofu sauni mōno kofu tu‘a, ‘o ne pulupulu ‘aki ‘a e fua‘a.#‘Efe 6.14,17; 1 Tes 5.8 18Hangē ko e ngaahi ngāue ko ē ‘e pehē ‘ene totongi, ko e houhau ki hono kau fakamamahi, ko e tautea ki hono ngaahi fili; fakaai ‘a e tautea ‘o e ngaahi motu. 19Pea te nau ‘apasia ki he huafa ‘o Sihova mei he tō‘anga la‘ā, pea ki hono lāngilangi mei hono hopo‘anga: he ka ha‘u ‘a e fili hangē ko e vaitafe, ko e laumālie ‘o Sihova te ne fokotu‘u ha fuka ki ai.#59.19 ‘Oku lahi ‘a e hiki kehekehe ‘o e kupu‘i leá ni.
20Pea ‘e ha‘u ha koeli ki Saione, pea kiate kinautolu ‘i Sēkope kuo foki mei he‘enau talangata‘a–ko Sihova ia mei he Ta‘ehāmai.#Lom 11.26 21Pea ko e me‘a kiate au, ko eni ‘a e kovinānite ‘oku ou fai mo kimoutolu–ko e folofola ia ‘a Sihova–ko hoku laumālie ‘a ia ‘oku ‘iate koe, mo ‘eku lea ‘a ia kuo u ‘ai ki ho ngutu, ‘e ‘ikai mahu‘i ia mei ho ngutu, pe ko e ngutu ‘o ho hako, pe mei he ngutu ‘o e hako ‘o ho hako, mei he taimi ni ‘o ta‘engata–ko e folofola ia ‘a Sihova.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.