KO ‘AISEA 53
53
1KO hai kuo ne tui ki he‘etau ongoongo?#Sioné 12.38; Lom 10.16 pea na‘e tatala kia hai ‘a e nima ‘o Sihova? 2He na‘a ne tupu tonu ‘i hono ‘ao, kae hangē ha lito pē, ‘io, hangē ha huli mei ha kelekele kakā: na‘e ‘ikai hano sino lelei pe toulekeleka; pea ka ne sio ki ai hatau taha, ‘oku ‘ikai ha faka‘ofo‘ofa ke tau manako ai kiate ia. 3Ko e toko taha ta‘etoka‘i, mo ‘e‘ehi mei ai ‘a e kakai; ko e tangata falengā mamahi, pea maheni mo e mahaki:#53.3 mahaki; pe mamahi. pea hangē ha taha ‘oku hanga kehe mei ai ‘a e kakai na‘e pehē hono ta‘etoka‘i, mo hono ta‘emahu‘inga kiate kitautolu. 4‘Ā, ko e ngaahi mahaki#53.4 mahaki; pe mamahi. #Māt 8.17 ‘atautolu na‘e fua ‘e he toko taha ko ia, pea ko ‘etau ngaahi mamahi na‘a ne hilifaki kiate ia: kae lau ‘e kitautolu ko e mala, ko e toko taha kuo taa‘i ‘e he ‘Otua, mo ngaohikovia. 5‘Osi, na‘e fai hono hoka‘i koe‘uhi ko e ngaahi angahala ‘atautolu,#1 Pit 2.24 na‘e tuki ia koe‘uhi ko ‘etau ngaahi hia: na‘e hilifaki kiate ia hotau tautea fakamelino; pea ko hono ngaahi tā ko hotau faito‘o ia. 6Kuo tau hē kotoa pē hangē ha fanga sipi; kuo tau afe takitaha ‘i hono hala ‘o‘ona; pea kuo ‘ai ‘e Sihova ke lave kiate ia ‘a e hia ‘atautolu kotoa pē. 7Na‘e ngaohikovia ia, ka ka tuku pē ia ke fai hono fakavaivai‘i, ‘o ‘ikai te ne mafa‘a hono fofonga; hangē ha lami ‘oku taki atu ke tāmate‘i, pea hangē ‘oku longo ha sipi toutama ‘i he nima ‘o e kakai ‘oku kosi ia; na‘e pehē ‘ene ta‘emafa‘a hono fofonga. 8Ko e fakatanga mo e fakamaau na‘e ‘ave ai ia; pea ko e me‘a ki hono to‘utangata, ko hai na‘e fakakaukau ‘o pehē, Kuo tu‘usi ia mei he fonua ‘o e mo‘ui, ‘o tō ki ai ‘a e tautea koe‘uhi ko e hia ‘a hoku kakai? 9Pea na‘e tu‘utu‘uni hono tanu‘anga mo e kau halaia, kae hili ‘ene fu‘ufu‘unga mate na‘e tu‘utu‘uni ke ne ‘i ha koloa‘ia; koe‘uhiā ko e ‘ikai te ne fai ha fakamālohi, pea na‘e ‘ikai ha kākā ‘i hono fofonga.
10Ka na‘e finangalo ‘a Sihova ke laiki ia; kuo ne tuku ke ne mahaki‘ia: Ka ke ka ‘atu hono laumālie#53.10 Ka… laumālie; pe Ka ‘atu ‘e hono laumālie. ko e feilaulau-halaia, te ne sio ki hano hako, te ne fakalahi hono ngaahi ‘aho, pea ko e finangalo ‘o Sihova ‘e tu‘umālie ‘i hono nima. 11Te ne mamata ki he fua ‘o e mamahi ‘o hono laumālie, ‘o ne fiemālie: ko e me‘a ‘i he‘ene poto ‘e ngaohi ke angatonu ha tokolahi ‘e he‘eku Sevāniti faitotonu; pea te ne fafa ‘enau ngaahi hia. 12Ko ia ai, te u vahe hano ‘inasi fakataha mo ha‘a mā‘olunga,#Ma‘ake 15.28; Luk 22.37 pea te ne tufa ‘a e vete fakataha mo ha‘a mālohi; koe‘uhi na‘a ne lilingi hono laumālie ke ‘osi, ‘o pekia, ‘o ne tuku ke lau ia fakataha mo e kau angahala: ‘osi, kuo ne fua ‘a e angahala ‘a e tokolahi, pea kuo ne hufekina ‘a e kau angahala.#53.12 kuó ne… kau angahalá; ‘Oku ngali tonu hono hiki ‘o: kió ne hufekina ‘a e kau angahalá ke fakamolemole‘i kinautolu; pe kuó ne fuesia ‘a e tautea na‘e taau ke fai kiate kinautolú.
Currently Selected:
KO ‘AISEA 53: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘AISEA 53
53
1KO hai kuo ne tui ki he‘etau ongoongo?#Sioné 12.38; Lom 10.16 pea na‘e tatala kia hai ‘a e nima ‘o Sihova? 2He na‘a ne tupu tonu ‘i hono ‘ao, kae hangē ha lito pē, ‘io, hangē ha huli mei ha kelekele kakā: na‘e ‘ikai hano sino lelei pe toulekeleka; pea ka ne sio ki ai hatau taha, ‘oku ‘ikai ha faka‘ofo‘ofa ke tau manako ai kiate ia. 3Ko e toko taha ta‘etoka‘i, mo ‘e‘ehi mei ai ‘a e kakai; ko e tangata falengā mamahi, pea maheni mo e mahaki:#53.3 mahaki; pe mamahi. pea hangē ha taha ‘oku hanga kehe mei ai ‘a e kakai na‘e pehē hono ta‘etoka‘i, mo hono ta‘emahu‘inga kiate kitautolu. 4‘Ā, ko e ngaahi mahaki#53.4 mahaki; pe mamahi. #Māt 8.17 ‘atautolu na‘e fua ‘e he toko taha ko ia, pea ko ‘etau ngaahi mamahi na‘a ne hilifaki kiate ia: kae lau ‘e kitautolu ko e mala, ko e toko taha kuo taa‘i ‘e he ‘Otua, mo ngaohikovia. 5‘Osi, na‘e fai hono hoka‘i koe‘uhi ko e ngaahi angahala ‘atautolu,#1 Pit 2.24 na‘e tuki ia koe‘uhi ko ‘etau ngaahi hia: na‘e hilifaki kiate ia hotau tautea fakamelino; pea ko hono ngaahi tā ko hotau faito‘o ia. 6Kuo tau hē kotoa pē hangē ha fanga sipi; kuo tau afe takitaha ‘i hono hala ‘o‘ona; pea kuo ‘ai ‘e Sihova ke lave kiate ia ‘a e hia ‘atautolu kotoa pē. 7Na‘e ngaohikovia ia, ka ka tuku pē ia ke fai hono fakavaivai‘i, ‘o ‘ikai te ne mafa‘a hono fofonga; hangē ha lami ‘oku taki atu ke tāmate‘i, pea hangē ‘oku longo ha sipi toutama ‘i he nima ‘o e kakai ‘oku kosi ia; na‘e pehē ‘ene ta‘emafa‘a hono fofonga. 8Ko e fakatanga mo e fakamaau na‘e ‘ave ai ia; pea ko e me‘a ki hono to‘utangata, ko hai na‘e fakakaukau ‘o pehē, Kuo tu‘usi ia mei he fonua ‘o e mo‘ui, ‘o tō ki ai ‘a e tautea koe‘uhi ko e hia ‘a hoku kakai? 9Pea na‘e tu‘utu‘uni hono tanu‘anga mo e kau halaia, kae hili ‘ene fu‘ufu‘unga mate na‘e tu‘utu‘uni ke ne ‘i ha koloa‘ia; koe‘uhiā ko e ‘ikai te ne fai ha fakamālohi, pea na‘e ‘ikai ha kākā ‘i hono fofonga.
10Ka na‘e finangalo ‘a Sihova ke laiki ia; kuo ne tuku ke ne mahaki‘ia: Ka ke ka ‘atu hono laumālie#53.10 Ka… laumālie; pe Ka ‘atu ‘e hono laumālie. ko e feilaulau-halaia, te ne sio ki hano hako, te ne fakalahi hono ngaahi ‘aho, pea ko e finangalo ‘o Sihova ‘e tu‘umālie ‘i hono nima. 11Te ne mamata ki he fua ‘o e mamahi ‘o hono laumālie, ‘o ne fiemālie: ko e me‘a ‘i he‘ene poto ‘e ngaohi ke angatonu ha tokolahi ‘e he‘eku Sevāniti faitotonu; pea te ne fafa ‘enau ngaahi hia. 12Ko ia ai, te u vahe hano ‘inasi fakataha mo ha‘a mā‘olunga,#Ma‘ake 15.28; Luk 22.37 pea te ne tufa ‘a e vete fakataha mo ha‘a mālohi; koe‘uhi na‘a ne lilingi hono laumālie ke ‘osi, ‘o pekia, ‘o ne tuku ke lau ia fakataha mo e kau angahala: ‘osi, kuo ne fua ‘a e angahala ‘a e tokolahi, pea kuo ne hufekina ‘a e kau angahala.#53.12 kuó ne… kau angahalá; ‘Oku ngali tonu hono hiki ‘o: kió ne hufekina ‘a e kau angahalá ke fakamolemole‘i kinautolu; pe kuó ne fuesia ‘a e tautea na‘e taau ke fai kiate kinautolú.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.