KO ‘AISEA 42
42
Ko e Sevāniti ‘a Sihova
1VAKAI ko ‘eku sevāniti ē,#Māt 3.17; 17.5; Ma‘ake 1.11; Luk 3.22; 9.35 #Māt 12.18-21 ‘a ia ‘oku ou pukepuke; ‘a ‘eku pele, ‘a ia ‘oku hōifua ai ‘eku mo‘ui: te u ‘ai hoku laumālie kiate ia; te ne fakahoko ki he Senitaile ‘a e fai fakamaau. 2‘E ‘ikai te ne kaila, pea ‘e ‘ikai te ne lea lahi, ‘io, ‘e ‘ikai fanongo ‘e ha taha mei hala ki hono le‘o. 3Ko e kofe kuo foa ‘e ‘ikai te ne laiki, pea ko e vavae ‘oku kohu ‘e ‘ikai te ne tāmate‘i: te ne fai mo‘oni ‘ene fakahoko ‘a e fakamaau. 4‘E ‘ikai kohu ia, pea ‘e ‘ikai foa, kae‘oua ke ne fokotu‘u ‘i māmani ‘a e fakamaau; pea ‘oku nofo‘aki tali ‘a e ngaahi motu ki he‘ene lao. 5Ko e folofola eni ‘a ‘Ela, ‘a Sihova na‘a ne fakatupu ‘a e ngaahi langi, ‘o folahi kinautolu;#Ngā 17.24-25 ‘a e ‘Afio na‘e fofola ‘a māmani mo e me‘a kotoa ‘oku tupu ai; ‘a e ‘Afio na‘a ne foaki mo‘ui ki he kakai ‘i hono funga, mo e laumālie kiate kinautolu ‘oku hā‘ele ai. 6Ko au Sihova kuo u ui mai koe ‘i he‘eku totonu,#‘Ais 49.6; Luk 2.32; Ngā 13.47; 26.23 pea te u puke ho nima, pea te u tauhi koe, pea te u tuku koe ko e kovinānite ki he kakai, ko e maama ki he Senitaile; 7ke fakaava ‘a e ngaahi mata ‘oku kui, ke fakahū mai mei he pilīsone ‘a e kakai ‘oku ha‘i ai, pea mei he fale pōpula ‘a kinautolu ‘oku nofo he po‘uli. 8Ko Sihova au; ko hoku hingoa ia: pea ‘e ‘ikai te u ‘ange hoku lāngilangi ki ha taha, pe ko hoku ongoongo ki he ngaahi ‘aitoli. 9Ko e ngaahi ‘uluaki me‘a, vakai, kuo nau a‘u, pea ko au ‘oku ou tala me‘a fo‘ou: te‘eki ke nau fisi hake ‘oku ou tuku ke mou fanongo ki ai.
10Hiva kia Sihova ha hiva fo‘ou,
Fai hono fakamālō mei he ngata‘anga ‘o māmani;
‘A kimoutolu ‘oku hā‘elea ‘a e tahi mo hono fonu,
‘A e ngaahi motu mo e nofo ai.
11Ke ofa‘aki honau le‘o ‘e he toafa mo e ngaahi kolo ‘o‘ona,
‘A e ngaahi vilisi ‘oku nofo ai ‘a Keta;
Hiki mavava ‘a e nofo Sela:
Ke nau kalanga mei he ngaahi tumutumu‘i mo‘unga.
12Ke nau tuku kia Sihova ‘a e kolōlia,
Mo fakahā ‘i he ngaahi motu hono fakamālō‘ia.
13Ko Sihova, ‘e hangē ha helo ‘ene hā‘ele atu;
Hangē ha pāte‘i tau ‘ene tafunaki ‘ene māfana:
‘Oku ne kaila, ‘io, ‘oku ne fākaulu;
‘Oku ne fai ‘o ngali helo ki hono ngaahi fili na.
Ko e Tala‘ofa ‘a e ‘Otuá te ne Tokoni‘i Hono Kakaí
14Kuo loa kāliu ‘eku nofo pē, ‘eku fakalongo, ‘eku ta‘ofi au: ko eni te u kaila hangē ha fefine langā; te u hokotu‘u mo manava tepotu fakataha. 15‘Oku ou fakamōmoa mo‘unga mo e ngaahi tafungofunga, pea ‘oku ou fakamae honau mohuku kotoa; pea ‘oku ou liliu honau ngaahi vaitafe ko e koto motu,#42.15 motu; Ko hono faka-Hepeluú ia, ka ‘oku ngali tonu hono hiki ‘o: toafa. pea ‘oku ou fakamātu‘u honau ngaahi anovai. 16Pea te u taki ‘a e kui ‘i ha hala na‘e ‘ikai te ne ‘ilo ki ai; te u tuku ke nau ‘alu ‘i he afenga na‘e ‘ikai te nau ‘ilo ki ai: te u ngaohi ‘a e po‘uli ‘oku nau hanga ki ai ko e koto maama, mo e ngaahi tokatāmaki ke tokamālie. Ko e ngaahi me‘a ko ena kuo pau ke u fai, pea ‘e ‘ikai te u tuku li‘aki kinautolu. 17Kuo pau ke holomui, ke mātu‘aki laea ‘a kinautolu ‘oku falala ‘aitoli, ‘a kinautolu ‘oku pehē ki he ngaahi tamapua ‘oku haka, Ko homau ‘Otua kimoutolu.
18‘a e kau tuli, mou ongo‘i; ‘a e kau kui, mou hanga hake, ka mou sio. 19Ko hai ‘oku kui, ‘ikai ko ‘eku sevāniti? pea ko hai ‘oku tuli, ‘ikai ko e talafekau ‘oku ou tuku atu? Ko hai ‘oku kui hangē ko e tākanga?#42.19 Ko hai… tākangá; ‘Oku hiki ‘e he ni‘ihi: Ko hai ‘oku kui hangē ko Mēsuilamé? ‘io, ko hai ‘oku kui hangē ko e sevāniti ‘a Sihova? 20‘Oku lahi ‘a e me‘a ‘oku ke sio ki ai, ka ‘oku ‘ikai te ke mapuke; ‘oku ne fokotu‘u telinga mai, kae ‘ikai te ne ongo‘i. 21Na‘e finangalo ‘a Sihova ke fotu ‘ene lao, ‘o hā lāngilangi; koe‘uhi ko ‘ene faitotonu. 22Ka neongo ia ka ko e kakai vetea mo fakamālohia eni; kuo ma‘u kii‘i kotoa pē ‘i he ngaahi luo, pea kuo fufū ‘i he ngaahi fale pōpula: kuo nau hoko ko e koto vetea, pea ‘oku ‘ikai ha fakahaofi; ko e vete fakafutuna, pea ‘oku ‘ikai ha taha te ne pehē, Fakafoki. 23Ko hai ‘iate kimoutolu te ne fokotu‘u telinga mai ‘i he me‘a ni? ‘e tokanga ‘o fakaongo koe‘uhi ko e ‘amui? 24Ko hai kuo ne tuku ‘a Sēkope ke fa‘iteliha ai ‘e he kau kaiha‘a, mo ‘Isileli ki he kau vete? ‘Ikai ko Sihova? ‘a e ‘Afio kuo tau angahala ki ai, pea na‘e ‘ikai te nau loto ke foua hono ngaahi hala, pea na‘e ‘ikai te nau fakaongo ki he‘ene lao. 25Ko ia na‘a ne lingi ki ai ‘a e kakaha ‘o ‘ene houhau, mo e ha‘aha‘a ‘o e tau; pea ne vela ai takatakai, ka na‘e ‘ikai te ne ‘ilo ki ai; ‘io, na‘e fakaulo ai ia, ka na‘e ‘ikai te ne tokanga.
Currently Selected:
KO ‘AISEA 42: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘AISEA 42
42
Ko e Sevāniti ‘a Sihova
1VAKAI ko ‘eku sevāniti ē,#Māt 3.17; 17.5; Ma‘ake 1.11; Luk 3.22; 9.35 #Māt 12.18-21 ‘a ia ‘oku ou pukepuke; ‘a ‘eku pele, ‘a ia ‘oku hōifua ai ‘eku mo‘ui: te u ‘ai hoku laumālie kiate ia; te ne fakahoko ki he Senitaile ‘a e fai fakamaau. 2‘E ‘ikai te ne kaila, pea ‘e ‘ikai te ne lea lahi, ‘io, ‘e ‘ikai fanongo ‘e ha taha mei hala ki hono le‘o. 3Ko e kofe kuo foa ‘e ‘ikai te ne laiki, pea ko e vavae ‘oku kohu ‘e ‘ikai te ne tāmate‘i: te ne fai mo‘oni ‘ene fakahoko ‘a e fakamaau. 4‘E ‘ikai kohu ia, pea ‘e ‘ikai foa, kae‘oua ke ne fokotu‘u ‘i māmani ‘a e fakamaau; pea ‘oku nofo‘aki tali ‘a e ngaahi motu ki he‘ene lao. 5Ko e folofola eni ‘a ‘Ela, ‘a Sihova na‘a ne fakatupu ‘a e ngaahi langi, ‘o folahi kinautolu;#Ngā 17.24-25 ‘a e ‘Afio na‘e fofola ‘a māmani mo e me‘a kotoa ‘oku tupu ai; ‘a e ‘Afio na‘a ne foaki mo‘ui ki he kakai ‘i hono funga, mo e laumālie kiate kinautolu ‘oku hā‘ele ai. 6Ko au Sihova kuo u ui mai koe ‘i he‘eku totonu,#‘Ais 49.6; Luk 2.32; Ngā 13.47; 26.23 pea te u puke ho nima, pea te u tauhi koe, pea te u tuku koe ko e kovinānite ki he kakai, ko e maama ki he Senitaile; 7ke fakaava ‘a e ngaahi mata ‘oku kui, ke fakahū mai mei he pilīsone ‘a e kakai ‘oku ha‘i ai, pea mei he fale pōpula ‘a kinautolu ‘oku nofo he po‘uli. 8Ko Sihova au; ko hoku hingoa ia: pea ‘e ‘ikai te u ‘ange hoku lāngilangi ki ha taha, pe ko hoku ongoongo ki he ngaahi ‘aitoli. 9Ko e ngaahi ‘uluaki me‘a, vakai, kuo nau a‘u, pea ko au ‘oku ou tala me‘a fo‘ou: te‘eki ke nau fisi hake ‘oku ou tuku ke mou fanongo ki ai.
10Hiva kia Sihova ha hiva fo‘ou,
Fai hono fakamālō mei he ngata‘anga ‘o māmani;
‘A kimoutolu ‘oku hā‘elea ‘a e tahi mo hono fonu,
‘A e ngaahi motu mo e nofo ai.
11Ke ofa‘aki honau le‘o ‘e he toafa mo e ngaahi kolo ‘o‘ona,
‘A e ngaahi vilisi ‘oku nofo ai ‘a Keta;
Hiki mavava ‘a e nofo Sela:
Ke nau kalanga mei he ngaahi tumutumu‘i mo‘unga.
12Ke nau tuku kia Sihova ‘a e kolōlia,
Mo fakahā ‘i he ngaahi motu hono fakamālō‘ia.
13Ko Sihova, ‘e hangē ha helo ‘ene hā‘ele atu;
Hangē ha pāte‘i tau ‘ene tafunaki ‘ene māfana:
‘Oku ne kaila, ‘io, ‘oku ne fākaulu;
‘Oku ne fai ‘o ngali helo ki hono ngaahi fili na.
Ko e Tala‘ofa ‘a e ‘Otuá te ne Tokoni‘i Hono Kakaí
14Kuo loa kāliu ‘eku nofo pē, ‘eku fakalongo, ‘eku ta‘ofi au: ko eni te u kaila hangē ha fefine langā; te u hokotu‘u mo manava tepotu fakataha. 15‘Oku ou fakamōmoa mo‘unga mo e ngaahi tafungofunga, pea ‘oku ou fakamae honau mohuku kotoa; pea ‘oku ou liliu honau ngaahi vaitafe ko e koto motu,#42.15 motu; Ko hono faka-Hepeluú ia, ka ‘oku ngali tonu hono hiki ‘o: toafa. pea ‘oku ou fakamātu‘u honau ngaahi anovai. 16Pea te u taki ‘a e kui ‘i ha hala na‘e ‘ikai te ne ‘ilo ki ai; te u tuku ke nau ‘alu ‘i he afenga na‘e ‘ikai te nau ‘ilo ki ai: te u ngaohi ‘a e po‘uli ‘oku nau hanga ki ai ko e koto maama, mo e ngaahi tokatāmaki ke tokamālie. Ko e ngaahi me‘a ko ena kuo pau ke u fai, pea ‘e ‘ikai te u tuku li‘aki kinautolu. 17Kuo pau ke holomui, ke mātu‘aki laea ‘a kinautolu ‘oku falala ‘aitoli, ‘a kinautolu ‘oku pehē ki he ngaahi tamapua ‘oku haka, Ko homau ‘Otua kimoutolu.
18‘a e kau tuli, mou ongo‘i; ‘a e kau kui, mou hanga hake, ka mou sio. 19Ko hai ‘oku kui, ‘ikai ko ‘eku sevāniti? pea ko hai ‘oku tuli, ‘ikai ko e talafekau ‘oku ou tuku atu? Ko hai ‘oku kui hangē ko e tākanga?#42.19 Ko hai… tākangá; ‘Oku hiki ‘e he ni‘ihi: Ko hai ‘oku kui hangē ko Mēsuilamé? ‘io, ko hai ‘oku kui hangē ko e sevāniti ‘a Sihova? 20‘Oku lahi ‘a e me‘a ‘oku ke sio ki ai, ka ‘oku ‘ikai te ke mapuke; ‘oku ne fokotu‘u telinga mai, kae ‘ikai te ne ongo‘i. 21Na‘e finangalo ‘a Sihova ke fotu ‘ene lao, ‘o hā lāngilangi; koe‘uhi ko ‘ene faitotonu. 22Ka neongo ia ka ko e kakai vetea mo fakamālohia eni; kuo ma‘u kii‘i kotoa pē ‘i he ngaahi luo, pea kuo fufū ‘i he ngaahi fale pōpula: kuo nau hoko ko e koto vetea, pea ‘oku ‘ikai ha fakahaofi; ko e vete fakafutuna, pea ‘oku ‘ikai ha taha te ne pehē, Fakafoki. 23Ko hai ‘iate kimoutolu te ne fokotu‘u telinga mai ‘i he me‘a ni? ‘e tokanga ‘o fakaongo koe‘uhi ko e ‘amui? 24Ko hai kuo ne tuku ‘a Sēkope ke fa‘iteliha ai ‘e he kau kaiha‘a, mo ‘Isileli ki he kau vete? ‘Ikai ko Sihova? ‘a e ‘Afio kuo tau angahala ki ai, pea na‘e ‘ikai te nau loto ke foua hono ngaahi hala, pea na‘e ‘ikai te nau fakaongo ki he‘ene lao. 25Ko ia na‘a ne lingi ki ai ‘a e kakaha ‘o ‘ene houhau, mo e ha‘aha‘a ‘o e tau; pea ne vela ai takatakai, ka na‘e ‘ikai te ne ‘ilo ki ai; ‘io, na‘e fakaulo ai ia, ka na‘e ‘ikai te ne tokanga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.