KO HOSEA 9
9
Ko Hono Fakahaa‘i ‘e Hosea ‘e tautea ‘a ‘Isileli
1‘E ‘ISILELI, ‘oua te ke fakafiefia, ‘o tome‘e, hangē ko e ngaahi kakai; he kuo ke fai fe‘auaki, ‘o li‘aki ho ‘Otua, na‘a ke ‘ofa ki he to‘ongapō na‘e fokotu‘u ‘i he haha‘anga uite kotoa. 2‘E ‘ikai fe‘unga mo honau tauhi ‘a e haha‘anga mo e tata‘o‘anga, ‘io, ‘e hala ai ‘a e uaine fo‘ou. 3‘E ‘ikai te nau nofo ‘i he fonua ‘o Sihova: kae foki ‘a ‘Ifalemi ki ‘Isipite, pea te nau kai me‘a ta‘ema‘a#9.3 me‘a ta‘ema‘a; Na‘e tapu ‘i he Lao ‘a Mōsesé ‘a hono ma‘u ‘o e ngaahi fa‘ahinga me‘a kai kehekehe ko e pehē tokua ka kai ai ha taha ‘e ta‘etaau leva ke ne kau ‘i ha ma‘unga kelesi (vakai kia Lev 11). ‘i ‘Āsilia. 4‘E ‘ikai te nau lilingi uaine kia Sihova, pea ‘e ‘ikai hōifua hono finangalo ‘i he‘enau ngaahi feilaulau; te nau hangē ko e me‘akai ‘o e putu kiate kinautolu; ‘ilonga ha kai ai te ne ta‘ema‘a: seuke, ko ‘enau me‘akai ‘oku ma‘a ‘enau havala pē; ‘oku ‘ikai hū ki he fale ‘o Sihova. 5Ko e hā ‘amoutolu ‘e fai ‘i he ‘aho kotofa, ‘io, ‘i he ‘aho ‘o e kātoanga ‘o Sihova? 6He vakai kuo nau ‘alu telia ‘a e faka‘auha: ‘e tānaki kinautolu ‘e ‘Isipite; ‘e tanu kinautolu ‘e Mēfisi; ko honau lata‘anga teunga siliva ko e tofi‘a ‘o e ‘akau veli; kuo tupu ‘a e talatala ‘i honau tēniti.
7Kuo hoko mai ‘a e taimi ‘eke, kuo hoko mai ‘a e taimi totongi; koe‘uhi ko e lahi ‘o ho‘o kovi, mo e lahi ‘o e fakafili kuo fai, ‘e ‘ilo ‘e ‘Isileli: ‘oku sesele ‘a e palōfita, ‘oku valelau ‘a e tangata laumālie‘ia.#Luk 21.22 8‘E ‘Ifalemi, ko e taulama ‘oku tu‘u mo hoku ‘Otua; ko e palōfita na ko e hele ‘a e hilimanu kuo fokotu‘u ‘i he hala kotoa pē, ko e fakafili ia ‘i he fale ‘o hono ‘Otua. 9Kuo nau fakaloloto ‘enau mousa‘a, ‘o hangē ko e taimi ‘o Kipea;#9.9 Kīpia; Ko e kolo ia na‘e fakamālohi‘i ai ‘e ha kau ‘Isileli mei he matakali Penisiamaní ‘a e ‘unoho ‘o e Līvai. Na‘e hoko ai ha tau fakalotofonua na‘e meimei mate kotoa ai ‘a e kakai Penisiamaní (vakai kia Fkm 19-21). te ne manatu ‘enau kovi, te ne ‘eke ‘enau hia.#Fkm 19.1-30
Ko e faia Angahala ‘a ‘isilelí mo Hono Nunu‘á
10Ko ‘eku ‘ilo ‘a ‘Isileli na‘e hangē ko ha ‘ilo kālepi ‘i he toafa; ko ‘eku sio ki ho‘omou ngaahi kui na‘e tatau mo e polopolo fiki ‘i he ‘uluaki ta‘u fua: ‘alu ‘a e fa‘ahinga na kia Peali-Peoli, ‘o nau luva kinautolu kia Pōseti (Mā‘anga), pea nau hoko ko e koto fakalielia tatau mo honau ‘ofa‘anga.#Nōm 25.1-5 11Ko ‘Ifalemi ‘e puna hono lāngilangi hangē ko e manupuna. Te nau ta‘eha fā‘ele, mo ta‘eha feitama, mo ta‘eha tu‘itu‘ia; 12he neongo te nau tauhi ‘enau fānau ke lalahi, ka te u faka-ta‘e-ha-fānau kinautolu, ke ‘ikai kei ha tangata. Seuke, ko e toki ‘oiauē kinautolu ‘oka u ka mahu‘i atu.
13Ko ‘Ifalemi na‘e hangē ko ‘eku tu‘utu‘uni ki Taia, ko e taha kuo hunuki ‘i ha nofo‘anga ma‘u: ka ko ‘Ifalemi te ne taki atu ‘ene fānau ki he tangata fakapō.#9.13 ka… fakapō: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: ‘Oku ou sio atu ‘oku tuli ‘enau fānaú ‘o tāmate‘i. 14‘E Sihova, ‘ange kiate kinautolu–ko e hā nai te ke ‘ange?–‘Ange ha manava tamatō, pea mo ha huhu maha.
Ko Hono Tautea ‘e Sihova ‘a ‘isileli
15‘Oku kātoa ‘enau kovi ‘i Kilikali; seuke, ko e potu ko ia na‘a ku fehi‘a ai kiate kinautolu: ko e me‘a ‘i he kovi ‘o ‘enau fai anga, ko ia te u kapusi kinautolu mei hoku fale: ‘e ‘ikai te u toe ‘ofa kiate kinautolu; ko honau hou‘eiki kotoa ko e kau angatu‘u. 16Kuo te‘ia ‘a ‘Ifalemi, kuo mōmoa honau aka, ‘e ‘ikai te nau fua: tala atu, neongo te nau fā‘ele, ka te u tāmate‘i ‘a e koloa ‘o e manava.
Ko ha Fakamatala ‘a e Palōfitá ‘o Kau ki ‘Isileli
17‘E fakatale‘i kinautolu ‘e hoku ‘Otua, koe‘uhi na‘e ‘ikai te nau ongo‘i ia: pea te nau hoko ko e kau hēhētu‘u ki he ngaahi pule‘anga.
Currently Selected:
KO HOSEA 9: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO HOSEA 9
9
Ko Hono Fakahaa‘i ‘e Hosea ‘e tautea ‘a ‘Isileli
1‘E ‘ISILELI, ‘oua te ke fakafiefia, ‘o tome‘e, hangē ko e ngaahi kakai; he kuo ke fai fe‘auaki, ‘o li‘aki ho ‘Otua, na‘a ke ‘ofa ki he to‘ongapō na‘e fokotu‘u ‘i he haha‘anga uite kotoa. 2‘E ‘ikai fe‘unga mo honau tauhi ‘a e haha‘anga mo e tata‘o‘anga, ‘io, ‘e hala ai ‘a e uaine fo‘ou. 3‘E ‘ikai te nau nofo ‘i he fonua ‘o Sihova: kae foki ‘a ‘Ifalemi ki ‘Isipite, pea te nau kai me‘a ta‘ema‘a#9.3 me‘a ta‘ema‘a; Na‘e tapu ‘i he Lao ‘a Mōsesé ‘a hono ma‘u ‘o e ngaahi fa‘ahinga me‘a kai kehekehe ko e pehē tokua ka kai ai ha taha ‘e ta‘etaau leva ke ne kau ‘i ha ma‘unga kelesi (vakai kia Lev 11). ‘i ‘Āsilia. 4‘E ‘ikai te nau lilingi uaine kia Sihova, pea ‘e ‘ikai hōifua hono finangalo ‘i he‘enau ngaahi feilaulau; te nau hangē ko e me‘akai ‘o e putu kiate kinautolu; ‘ilonga ha kai ai te ne ta‘ema‘a: seuke, ko ‘enau me‘akai ‘oku ma‘a ‘enau havala pē; ‘oku ‘ikai hū ki he fale ‘o Sihova. 5Ko e hā ‘amoutolu ‘e fai ‘i he ‘aho kotofa, ‘io, ‘i he ‘aho ‘o e kātoanga ‘o Sihova? 6He vakai kuo nau ‘alu telia ‘a e faka‘auha: ‘e tānaki kinautolu ‘e ‘Isipite; ‘e tanu kinautolu ‘e Mēfisi; ko honau lata‘anga teunga siliva ko e tofi‘a ‘o e ‘akau veli; kuo tupu ‘a e talatala ‘i honau tēniti.
7Kuo hoko mai ‘a e taimi ‘eke, kuo hoko mai ‘a e taimi totongi; koe‘uhi ko e lahi ‘o ho‘o kovi, mo e lahi ‘o e fakafili kuo fai, ‘e ‘ilo ‘e ‘Isileli: ‘oku sesele ‘a e palōfita, ‘oku valelau ‘a e tangata laumālie‘ia.#Luk 21.22 8‘E ‘Ifalemi, ko e taulama ‘oku tu‘u mo hoku ‘Otua; ko e palōfita na ko e hele ‘a e hilimanu kuo fokotu‘u ‘i he hala kotoa pē, ko e fakafili ia ‘i he fale ‘o hono ‘Otua. 9Kuo nau fakaloloto ‘enau mousa‘a, ‘o hangē ko e taimi ‘o Kipea;#9.9 Kīpia; Ko e kolo ia na‘e fakamālohi‘i ai ‘e ha kau ‘Isileli mei he matakali Penisiamaní ‘a e ‘unoho ‘o e Līvai. Na‘e hoko ai ha tau fakalotofonua na‘e meimei mate kotoa ai ‘a e kakai Penisiamaní (vakai kia Fkm 19-21). te ne manatu ‘enau kovi, te ne ‘eke ‘enau hia.#Fkm 19.1-30
Ko e faia Angahala ‘a ‘isilelí mo Hono Nunu‘á
10Ko ‘eku ‘ilo ‘a ‘Isileli na‘e hangē ko ha ‘ilo kālepi ‘i he toafa; ko ‘eku sio ki ho‘omou ngaahi kui na‘e tatau mo e polopolo fiki ‘i he ‘uluaki ta‘u fua: ‘alu ‘a e fa‘ahinga na kia Peali-Peoli, ‘o nau luva kinautolu kia Pōseti (Mā‘anga), pea nau hoko ko e koto fakalielia tatau mo honau ‘ofa‘anga.#Nōm 25.1-5 11Ko ‘Ifalemi ‘e puna hono lāngilangi hangē ko e manupuna. Te nau ta‘eha fā‘ele, mo ta‘eha feitama, mo ta‘eha tu‘itu‘ia; 12he neongo te nau tauhi ‘enau fānau ke lalahi, ka te u faka-ta‘e-ha-fānau kinautolu, ke ‘ikai kei ha tangata. Seuke, ko e toki ‘oiauē kinautolu ‘oka u ka mahu‘i atu.
13Ko ‘Ifalemi na‘e hangē ko ‘eku tu‘utu‘uni ki Taia, ko e taha kuo hunuki ‘i ha nofo‘anga ma‘u: ka ko ‘Ifalemi te ne taki atu ‘ene fānau ki he tangata fakapō.#9.13 ka… fakapō: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: ‘Oku ou sio atu ‘oku tuli ‘enau fānaú ‘o tāmate‘i. 14‘E Sihova, ‘ange kiate kinautolu–ko e hā nai te ke ‘ange?–‘Ange ha manava tamatō, pea mo ha huhu maha.
Ko Hono Tautea ‘e Sihova ‘a ‘isileli
15‘Oku kātoa ‘enau kovi ‘i Kilikali; seuke, ko e potu ko ia na‘a ku fehi‘a ai kiate kinautolu: ko e me‘a ‘i he kovi ‘o ‘enau fai anga, ko ia te u kapusi kinautolu mei hoku fale: ‘e ‘ikai te u toe ‘ofa kiate kinautolu; ko honau hou‘eiki kotoa ko e kau angatu‘u. 16Kuo te‘ia ‘a ‘Ifalemi, kuo mōmoa honau aka, ‘e ‘ikai te nau fua: tala atu, neongo te nau fā‘ele, ka te u tāmate‘i ‘a e koloa ‘o e manava.
Ko ha Fakamatala ‘a e Palōfitá ‘o Kau ki ‘Isileli
17‘E fakatale‘i kinautolu ‘e hoku ‘Otua, koe‘uhi na‘e ‘ikai te nau ongo‘i ia: pea te nau hoko ko e kau hēhētu‘u ki he ngaahi pule‘anga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.