KO HOSEA 5
5
1FANONGO ki he me‘a ni, ‘a e kau taula‘eiki; pea mou tokanga, ‘a e fale ‘o ‘Isileli, pea mou fokotu‘u telinga mai, ‘a e fale ‘o e tu‘i; he ko homou fakamaau ‘oku tala; he kuo mou hoko ko e helepuna ‘i Mīsipa, mo e kupenga kuo ‘a‘au ‘i funga Tepoa. 2Pea ‘i he fakamafola angahala kuo nau keli mama‘o;#5.2 Pea… mama‘o: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Ko e luo loloto ‘i he Kolo ko ‘Akeisia. ka ko e tautea au kiate kinautolu kotoa. 3‘Oku ou ‘ilo ‘e au ‘a ‘Ifalemi, pea ‘oku ‘ikai puli ‘a ‘Isileli meiate au: he ko koe ena, ‘Ifalemi, kuo ke taukave ‘a e fe‘auaki; ko ‘Isileli kuo ‘uli‘i.
Ko ha fakatokanga ‘a Hosea ‘o Kau ki he Lotu ‘Aitolí
4‘Oku ‘ikai tuku ‘e he‘enau ngaahi fai anga ke nau tafoki ki he ‘Otua; he ‘oku ‘i honau loto ha laumālie anga fe‘auaki, pea ‘oku ‘ikai te nau ‘ilo ‘a Sihova. 5Ko ia, ‘e mātu‘aki talatalaaki‘i ia ‘e he lāngilangi ‘o ‘Isileli: pea ko ‘Isileli mo ‘Ifalemi te na humu ‘i he‘ena fai kovi; ‘e humu foki ‘i Siuta fakataha mo kinaua. 6Neongo ‘enau ‘alu ‘aki ‘enau fanga sipi mo kosi, mo ‘enau fanga pulu, ‘enau kumi kia Sihova, ka ‘e ‘ikai te nau ‘ilo ia: kuo ne motu meiate kinautolu. 7Kuo nau fai kākā kia Sihova; he kuo nau fanau‘i ha fānau muli: ko e taimi ni ‘e keina kinautolu mo honau ngaahi tofi‘a ‘e he fakamāhina fo‘ou.
Ko ha tau ‘a Siuta mo ‘Isileli
8Ifi koaneti ‘i Kipea, ifi talupite ‘i Lama; fākaulu ‘i Pete-‘āveni#5.8 Pete-‘āveni; Vakai ki he 4.15. “Penisi-mani, kilo ki tu‘a.” 9‘E hoko ‘a ‘Ifalemi ko e fonua ‘auha ‘i he ‘aho ‘o e tautea: kuo u fakahā ‘i he ngaahi matakali ‘o ‘Isileli ‘a e me‘a kuo pau.
10Kuo hoko ‘a e hou‘eiki Siuta ‘o hangē ko e fa‘ahinga hiki kau‘ā: te u huhua ‘eku ‘ita kiate kinautolu ‘o hangē ko e vai. 11Ko e fakamālohia ‘a ‘Ifalemi, ko e laikina ‘i he fakamaau; koe‘uhi na‘a ne loto ke muimui ki he tu‘utu‘uni.#5.11 muimui… tu‘utu‘uni: Ko hono faka-Hepeluú ia, ka ‘oku ngali tonu hono hiki ‘o: ‘alu ‘o kole tokoni kiate kinautolu na‘e ‘ikai te nau lava ‘o tokoni. 12Ko ia, ‘oku ou hangē ko ha mū ki ‘Ifalemi, pea hangē ko ha tunga ki he fale ‘o Siuta.
13Pea ‘i he vakai ‘e ‘Ifalemi hono mahaki, pea mo Siuta hono pala, na‘e ‘alu ‘a ‘Ifalemi ki ‘Āsilia, ‘o ‘alu ‘ene fekau ki he Tu‘i Taukapo:#5.13 pe Tu‘i ko Sialepi. ka ‘oku ‘ikai te ne lava ‘e ia ke faito‘o kimoua, pea ‘oku ‘ikai te ne mateka‘i atu ‘a e pala. 14He te u hoko hangē ha laione ki ‘Ifalemi, pea hangē ko e manu hau ki he fale ‘o Siuta: ko au, ‘io, ko au te u hae ‘o ‘alu; te u ‘ave, pea ‘oku ‘ikai ha hamusi.
15Te u ‘alu, ‘o fou ki hoku potu, kae‘oua ke nau ongo‘i halaia, ‘o kumi ki hoku mata: ka hoko ha mamahi kiate kinautolu, te nau kumi vave kiate au.
Currently Selected:
KO HOSEA 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO HOSEA 5
5
1FANONGO ki he me‘a ni, ‘a e kau taula‘eiki; pea mou tokanga, ‘a e fale ‘o ‘Isileli, pea mou fokotu‘u telinga mai, ‘a e fale ‘o e tu‘i; he ko homou fakamaau ‘oku tala; he kuo mou hoko ko e helepuna ‘i Mīsipa, mo e kupenga kuo ‘a‘au ‘i funga Tepoa. 2Pea ‘i he fakamafola angahala kuo nau keli mama‘o;#5.2 Pea… mama‘o: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Ko e luo loloto ‘i he Kolo ko ‘Akeisia. ka ko e tautea au kiate kinautolu kotoa. 3‘Oku ou ‘ilo ‘e au ‘a ‘Ifalemi, pea ‘oku ‘ikai puli ‘a ‘Isileli meiate au: he ko koe ena, ‘Ifalemi, kuo ke taukave ‘a e fe‘auaki; ko ‘Isileli kuo ‘uli‘i.
Ko ha fakatokanga ‘a Hosea ‘o Kau ki he Lotu ‘Aitolí
4‘Oku ‘ikai tuku ‘e he‘enau ngaahi fai anga ke nau tafoki ki he ‘Otua; he ‘oku ‘i honau loto ha laumālie anga fe‘auaki, pea ‘oku ‘ikai te nau ‘ilo ‘a Sihova. 5Ko ia, ‘e mātu‘aki talatalaaki‘i ia ‘e he lāngilangi ‘o ‘Isileli: pea ko ‘Isileli mo ‘Ifalemi te na humu ‘i he‘ena fai kovi; ‘e humu foki ‘i Siuta fakataha mo kinaua. 6Neongo ‘enau ‘alu ‘aki ‘enau fanga sipi mo kosi, mo ‘enau fanga pulu, ‘enau kumi kia Sihova, ka ‘e ‘ikai te nau ‘ilo ia: kuo ne motu meiate kinautolu. 7Kuo nau fai kākā kia Sihova; he kuo nau fanau‘i ha fānau muli: ko e taimi ni ‘e keina kinautolu mo honau ngaahi tofi‘a ‘e he fakamāhina fo‘ou.
Ko ha tau ‘a Siuta mo ‘Isileli
8Ifi koaneti ‘i Kipea, ifi talupite ‘i Lama; fākaulu ‘i Pete-‘āveni#5.8 Pete-‘āveni; Vakai ki he 4.15. “Penisi-mani, kilo ki tu‘a.” 9‘E hoko ‘a ‘Ifalemi ko e fonua ‘auha ‘i he ‘aho ‘o e tautea: kuo u fakahā ‘i he ngaahi matakali ‘o ‘Isileli ‘a e me‘a kuo pau.
10Kuo hoko ‘a e hou‘eiki Siuta ‘o hangē ko e fa‘ahinga hiki kau‘ā: te u huhua ‘eku ‘ita kiate kinautolu ‘o hangē ko e vai. 11Ko e fakamālohia ‘a ‘Ifalemi, ko e laikina ‘i he fakamaau; koe‘uhi na‘a ne loto ke muimui ki he tu‘utu‘uni.#5.11 muimui… tu‘utu‘uni: Ko hono faka-Hepeluú ia, ka ‘oku ngali tonu hono hiki ‘o: ‘alu ‘o kole tokoni kiate kinautolu na‘e ‘ikai te nau lava ‘o tokoni. 12Ko ia, ‘oku ou hangē ko ha mū ki ‘Ifalemi, pea hangē ko ha tunga ki he fale ‘o Siuta.
13Pea ‘i he vakai ‘e ‘Ifalemi hono mahaki, pea mo Siuta hono pala, na‘e ‘alu ‘a ‘Ifalemi ki ‘Āsilia, ‘o ‘alu ‘ene fekau ki he Tu‘i Taukapo:#5.13 pe Tu‘i ko Sialepi. ka ‘oku ‘ikai te ne lava ‘e ia ke faito‘o kimoua, pea ‘oku ‘ikai te ne mateka‘i atu ‘a e pala. 14He te u hoko hangē ha laione ki ‘Ifalemi, pea hangē ko e manu hau ki he fale ‘o Siuta: ko au, ‘io, ko au te u hae ‘o ‘alu; te u ‘ave, pea ‘oku ‘ikai ha hamusi.
15Te u ‘alu, ‘o fou ki hoku potu, kae‘oua ke nau ongo‘i halaia, ‘o kumi ki hoku mata: ka hoko ha mamahi kiate kinautolu, te nau kumi vave kiate au.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.