Hepelū 2
2
Ko e Fakahaofi Lahí
1KO E me‘a ia ‘oku totonu ke ‘āsili ai ‘etau fakatokanga ki he ngaahi me‘a kuo ongo mai, na‘a ‘iloange te tau ‘auhia atu ‘o tovale mo ia. 2He kapau ā na‘e pau leva ‘a e lea na‘e talafono‘aki ‘e he kau ‘āngelo, pea ‘ilonga ha laka kehe pe ha talangata‘a na‘e tō ki ai hono totongi totonu. 3Pea te ta hao fēfē kitaua, ‘o kapau kuo ta ta‘etokanga‘i ‘a e fakamo‘ui ‘oku pehē fau? he na‘e kamata hono talafono‘aki ‘e he ‘Eiki, pea na‘e fakapapau kiate kitautolu ‘e kinautolu na‘e fanongo ki ai. 4Pea na‘e kaungā fakamo‘oni foki ‘a e ‘Otua ‘aki ha ngaahi faka‘ilonga, mo ha ngaahi me‘a fakaofo, mo ha ngaahi mana kehekehe: kae‘uma‘ā ha ngaahi tufakanga Laumālie Mā‘oni‘oni, ne vahevahe ‘o fakatatau ki he finangalo ‘o ‘Ene ‘Afio.
Ko Hotau Taki ‘i he Fakamo‘uí
5He tala‘ehai na‘a ne tuku ki lalo ki he kau ‘āngelo ‘a e tu‘u ka hoko, ‘a ia ‘oku tau lea ki ai.
6Ka ‘oku fakapapau mai ‘e ha taha ‘i ha potu ‘e taha, ‘o pehē,#Saame 8.4-6 (LXX)
Ko e hā ‘a e tangata, ke ke manatu kiate ia?
Pe ko e hako ‘o e tangata,
Ke ke ‘a‘ahi kiate ia?
7Na‘a ke tuku ia ke mā‘ulalo si‘i pē ‘i he kau ‘āngelo;
Na‘a ke fakakalauni ia
‘Aki ‘a e lāngilangi mo e faka‘apa‘apa‘ia.
Pea na‘a ke fakanofo ia
Ke pule ki he ngaahi ngāue ‘a ho nima:#2.7 Pea… nima; ‘Oku ‘ikai ke ‘asi eni ‘i he ngaahi hiki fuoloa ‘e ni‘ihi. (vakai kia Saame 8.6).
8Na‘a ke tuku ke ‘i he lalo va‘e ‘o‘ona
‘a e me‘a kotoa pē.
‘Io, ‘i he‘ene tuku ki lalo ‘a e me‘a kotoa pē kiate ia, na‘e ‘ikai te ne fakatoe ha momo‘i me‘a ta‘etuku ki lalo ‘iate ia. Ka ‘i onopooni, tala‘ehai ‘oku tau vakai kuo tuku ki lalo ‘a e me‘a kotoa pē kiate ia. 9Ka ko e toko taha pē ‘oku tau sio ki ai, ‘a ia na‘e ngaohi ke mā‘ulalo si‘i pē ‘i he kau ‘āngelo, ‘a Sīsū; ‘a ia, ko e me‘a ‘i he‘ene kātaki ‘a e mamahi ‘o e pekia, kuo fakakalauni ‘aki ‘a e lāngilangi mo e faka‘apa‘apa‘ia; koe‘uhi ‘i he ‘ofa ‘a e ‘Otua ke ne kamata ‘a e mate ma‘a e tangata takitaha. 10He na‘e taau mo ‘Ene ‘Afio, ‘a ia ‘oku ma‘ana ‘a e me‘a kotoa pē, pea ‘oku fo‘ou ‘iate ia ‘a e me‘a kotoa pē, ke ne taki ki he lāngilangi ha ngaahi foha tokolahi, he‘ene fakahaohaoa ‘a e Takimu‘u ‘o honau fakamo‘ui ‘i he‘ene kātaki ‘a e ngaahi mamahi.
11He ko Ia ‘oku fakatāpui, mo kinautolu ‘oku tapui, ‘oku tupu kotoa pē mei ha toko taha: ko hono ‘uhinga ia foki ‘oku ‘ikai te ne mā ai ke lau kinautolu ko e ngaahi tokoua, he‘ene pehē,
12Te u fakahā ho huafa
Ki hoku ngaahi tokoua;
Te u hiva‘aki koe
I he lotolotonga ‘o e fakataha.#Saame 22.22
13Pea ‘oku ne toe pehē,
Te u nofo au ko e falala kiate ia,
Mo ne pehē foki,
Ko au ‘eni mo e fānau kuo foaki ‘e he ‘Otua kiate au.#‘Ais 8.17,18
14‘Āua; ko ia, ko e me‘a ‘i he ‘inasi ‘a e fānau ‘i he toto mo kakano, pehē na‘e ‘inasi ‘a ia foki ‘i he ongo me‘a ko ia; koe‘uhi, ko e me‘a ‘i he‘ene mate, ke ne fakaka‘anga ‘a e toko taha ‘a ia ‘oku ‘a‘ana ‘a e mālohi ‘o e mate, ‘a ia ko e Tēvolo. 15Pea ke ne fakatau‘atāina ‘a e fa‘ahinga ko ia kotoa pē kuo nau mo‘ui‘aki ‘a e nofo pōpula, he‘enau manavahē ki he mate. 16He tala‘ehai koā, ko ha kau ‘āngelo ia ‘oku ne pukenima‘i; ka ko e hako ‘o ‘Epalahame ia ‘oku ne pukenima‘i.#‘Ais 41.8-9 17Ko ia ai, na‘e pau ke fakatatau ai ia mo hono ngaahi tokoua ‘i he me‘a kotoa pē, koe‘uhi ke ne hoko ko ha Taula‘eiki Lahi ‘oku ‘ofangofua mo lototō, ke ne tokanga ki he‘enau ngaahi me‘a mo e ‘Otua, koe‘uhi ke ne fai ‘a e fakalelei ‘i he angahala ‘a e kakai. 18He ko e me‘a kuo ne mamahi ai ‘e ia ‘i hono ‘ahi‘ahi‘i, ‘oku ne lava ke tokoni ai kiate kinautolu ‘oku ‘ahi‘ahi‘i.
Currently Selected:
Hepelū 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
Hepelū 2
2
Ko e Fakahaofi Lahí
1KO E me‘a ia ‘oku totonu ke ‘āsili ai ‘etau fakatokanga ki he ngaahi me‘a kuo ongo mai, na‘a ‘iloange te tau ‘auhia atu ‘o tovale mo ia. 2He kapau ā na‘e pau leva ‘a e lea na‘e talafono‘aki ‘e he kau ‘āngelo, pea ‘ilonga ha laka kehe pe ha talangata‘a na‘e tō ki ai hono totongi totonu. 3Pea te ta hao fēfē kitaua, ‘o kapau kuo ta ta‘etokanga‘i ‘a e fakamo‘ui ‘oku pehē fau? he na‘e kamata hono talafono‘aki ‘e he ‘Eiki, pea na‘e fakapapau kiate kitautolu ‘e kinautolu na‘e fanongo ki ai. 4Pea na‘e kaungā fakamo‘oni foki ‘a e ‘Otua ‘aki ha ngaahi faka‘ilonga, mo ha ngaahi me‘a fakaofo, mo ha ngaahi mana kehekehe: kae‘uma‘ā ha ngaahi tufakanga Laumālie Mā‘oni‘oni, ne vahevahe ‘o fakatatau ki he finangalo ‘o ‘Ene ‘Afio.
Ko Hotau Taki ‘i he Fakamo‘uí
5He tala‘ehai na‘a ne tuku ki lalo ki he kau ‘āngelo ‘a e tu‘u ka hoko, ‘a ia ‘oku tau lea ki ai.
6Ka ‘oku fakapapau mai ‘e ha taha ‘i ha potu ‘e taha, ‘o pehē,#Saame 8.4-6 (LXX)
Ko e hā ‘a e tangata, ke ke manatu kiate ia?
Pe ko e hako ‘o e tangata,
Ke ke ‘a‘ahi kiate ia?
7Na‘a ke tuku ia ke mā‘ulalo si‘i pē ‘i he kau ‘āngelo;
Na‘a ke fakakalauni ia
‘Aki ‘a e lāngilangi mo e faka‘apa‘apa‘ia.
Pea na‘a ke fakanofo ia
Ke pule ki he ngaahi ngāue ‘a ho nima:#2.7 Pea… nima; ‘Oku ‘ikai ke ‘asi eni ‘i he ngaahi hiki fuoloa ‘e ni‘ihi. (vakai kia Saame 8.6).
8Na‘a ke tuku ke ‘i he lalo va‘e ‘o‘ona
‘a e me‘a kotoa pē.
‘Io, ‘i he‘ene tuku ki lalo ‘a e me‘a kotoa pē kiate ia, na‘e ‘ikai te ne fakatoe ha momo‘i me‘a ta‘etuku ki lalo ‘iate ia. Ka ‘i onopooni, tala‘ehai ‘oku tau vakai kuo tuku ki lalo ‘a e me‘a kotoa pē kiate ia. 9Ka ko e toko taha pē ‘oku tau sio ki ai, ‘a ia na‘e ngaohi ke mā‘ulalo si‘i pē ‘i he kau ‘āngelo, ‘a Sīsū; ‘a ia, ko e me‘a ‘i he‘ene kātaki ‘a e mamahi ‘o e pekia, kuo fakakalauni ‘aki ‘a e lāngilangi mo e faka‘apa‘apa‘ia; koe‘uhi ‘i he ‘ofa ‘a e ‘Otua ke ne kamata ‘a e mate ma‘a e tangata takitaha. 10He na‘e taau mo ‘Ene ‘Afio, ‘a ia ‘oku ma‘ana ‘a e me‘a kotoa pē, pea ‘oku fo‘ou ‘iate ia ‘a e me‘a kotoa pē, ke ne taki ki he lāngilangi ha ngaahi foha tokolahi, he‘ene fakahaohaoa ‘a e Takimu‘u ‘o honau fakamo‘ui ‘i he‘ene kātaki ‘a e ngaahi mamahi.
11He ko Ia ‘oku fakatāpui, mo kinautolu ‘oku tapui, ‘oku tupu kotoa pē mei ha toko taha: ko hono ‘uhinga ia foki ‘oku ‘ikai te ne mā ai ke lau kinautolu ko e ngaahi tokoua, he‘ene pehē,
12Te u fakahā ho huafa
Ki hoku ngaahi tokoua;
Te u hiva‘aki koe
I he lotolotonga ‘o e fakataha.#Saame 22.22
13Pea ‘oku ne toe pehē,
Te u nofo au ko e falala kiate ia,
Mo ne pehē foki,
Ko au ‘eni mo e fānau kuo foaki ‘e he ‘Otua kiate au.#‘Ais 8.17,18
14‘Āua; ko ia, ko e me‘a ‘i he ‘inasi ‘a e fānau ‘i he toto mo kakano, pehē na‘e ‘inasi ‘a ia foki ‘i he ongo me‘a ko ia; koe‘uhi, ko e me‘a ‘i he‘ene mate, ke ne fakaka‘anga ‘a e toko taha ‘a ia ‘oku ‘a‘ana ‘a e mālohi ‘o e mate, ‘a ia ko e Tēvolo. 15Pea ke ne fakatau‘atāina ‘a e fa‘ahinga ko ia kotoa pē kuo nau mo‘ui‘aki ‘a e nofo pōpula, he‘enau manavahē ki he mate. 16He tala‘ehai koā, ko ha kau ‘āngelo ia ‘oku ne pukenima‘i; ka ko e hako ‘o ‘Epalahame ia ‘oku ne pukenima‘i.#‘Ais 41.8-9 17Ko ia ai, na‘e pau ke fakatatau ai ia mo hono ngaahi tokoua ‘i he me‘a kotoa pē, koe‘uhi ke ne hoko ko ha Taula‘eiki Lahi ‘oku ‘ofangofua mo lototō, ke ne tokanga ki he‘enau ngaahi me‘a mo e ‘Otua, koe‘uhi ke ne fai ‘a e fakalelei ‘i he angahala ‘a e kakai. 18He ko e me‘a kuo ne mamahi ai ‘e ia ‘i hono ‘ahi‘ahi‘i, ‘oku ne lava ke tokoni ai kiate kinautolu ‘oku ‘ahi‘ahi‘i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.