KO HAPAKUKI 3
3
Ko e Lotu ‘a Hapakuki
1KO E lotu ‘a Hapakuki ko e palōfita
Ke fai‘aki ‘a e fa‘ahinga fasi fakalotomāfana.#3.1 Ke… fakalotomāfana; ‘Oku ‘ikai ke mahino ‘a hono faka-Hepeluú.
2E Sihova, kuo u fanongo ki ho ongoongo,#3.2 pe ho‘o ongoongo. Pea u manavahē:
‘E Sihova, to‘o ki mu‘a ‘a e fakapuho hake ho‘o ngāue,
To‘o ki mu‘a ‘o fakae‘a ia;
Lolotonga he fai houhau manatu ke faka‘atu‘i.
3‘Oku hā‘ele mai ‘a ‘Elohā mei Tīmani,
‘Io, ‘a e Tāpuhā mei Mo‘unga Pēlana, (Sila)
Na‘e ‘ufi‘ufi ‘a e langi ‘aki hono kolōlia,
Pea na‘e fonu ‘a e fonua ‘i hono mālō.
4Pea ko ‘ene huhulu na‘e hangē ko e maama ‘aho;
Tapa mei hono tafa‘aki ‘ani ngaahi huelo;
Pea ko e potu ko ia ko hono toenga ivi.
5Fakamelomelo ki ai ‘a e mahaki faka‘auha,
Pea ‘alu ‘i mui ‘a e mofi.
6Tu‘u pē Ia, ‘o lieliaki#3.6 pe fua: ‘Oku ‘ikai ‘ilo ‘a e ‘uhinga ‘o e laine ko eni. ‘a māmani;
Hanga atu pē Ia, ‘o faka‘ohovale‘i ‘a e ngaahi pule‘anga:
Pea laiki ai ‘a e ngaahi mo‘unga ta‘engata,
Lafalafa ‘a e ngaahi mā‘olunga tupu‘a;
Ko hono ngaahi ‘alunga na‘e fakatupu‘a.
7Na‘a ku sio ki he ngaahi tēniti ‘o Kusa
‘Oku ta‘omia ‘e he tu‘utāmaki:
‘Oku tete ‘a e ngaahi puipui ‘o e fonua ko Mitiani.
8Ko e ngaahi vaitafe koā na‘e houhau ki ai ‘a Sihova?
‘Io, ko e ngaahi vaitafe na‘a ke ‘ita ki ai?
Ko e tahi koā na‘a ke huhua ki ai,
‘A ia na‘a ke heka ai ki ho‘o fanga hoosi,
Ki ho‘o ngaahi sāliote fakamo‘ui‘anga?
9Na‘e mātu‘aki to‘o ‘a e kofu ‘o ho‘o pā;#3.9 Na‘e… paá; …. … ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Na‘á ke teuteu ke ngāue‘aki ho‘o kaufaná, na‘á ke teu fana ho‘o ngahaú. (Sila)
Na‘a ke fahi ‘a e fonua ke koto vaitafe,
10Na‘e sio kiate koe ‘e he ngaahi mo‘unga, ‘o nau mākauua
Ko e taufa vai ē ‘oku laka atu,
Na‘e tukuna atu ‘e he loloto hono le‘o,
Na‘a ne hiki hono nima ki ‘olunga;
11Ko e la‘ā, ko e māhina, na‘a na moulu ki hona nofo‘anga,
‘I he ngingila ‘a ho ngaahi ngahau na‘a na laka ange,
‘I he tapa ‘a e ‘uhila ho tao.
12Na‘a ke hā‘elea ‘a e fonua ‘i ho‘o tuputāmaki,
Na‘a ke malaki ‘a e ngaahi pule‘anga ‘i ho houhau.
13Na‘a ke ‘alu atu ke fakahaofi ho kakai,
‘Io, ke fakahaofi ho‘o pani:
‘Oku ke taa‘i ‘a e to‘ufufū mei he fale ‘o e pau‘u na;
‘Oku ke fakatelefua ‘a e tu‘unga, ‘o a‘u ki he funga holisi.#3.13 ‘Oku ke… holisi: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: ‘Okú ke faka‘auha faka‘aufuli ‘a hono kau muimuí. (Sila)
14Na‘a ke vili ‘aki ‘ene pōvai ‘a‘ana ‘a e tu‘ukimu‘a ‘o ‘ene ngaahi kongakau:
Na‘a nau ha‘u hangē ha afā ke veteki au:
Ko ‘enau fiefia na‘e tatau mo ha taha ‘oku tokamalumu ke fōngia si‘i vaivai.#3.14 ‘Oku ‘ikai ke mahino ‘a hono faka-Hepelū ‘o e vēsí ni.
15Na‘a ke hā‘elea ‘a e tahi ‘aki ho‘o fanga hoosi,
‘A e fokotu‘unga vai lahi.
16Na‘a ku fanongo, pea na‘e tatū hoku manava,
Na‘e ngatata hoku loungutu ‘i he longoa‘a;
Na‘e hū ‘a popo ki hoku hui,
Ne u kamata tete hake ‘i lalo:#3.16 Ne u… lalo: Ko hono faka-Hepeluú ia, ka ‘oku ngali tonu hono hiki ‘o: peá u humu.
‘A ia te u manofo ai ‘o tatali ki he ‘aho ‘o e ‘efihia,
Ki he ‘alu hake ki he kakai ‘a ia te ne ‘oho fakakongakau mai.#3.16 Ko e veesi fihi. ‘Oku lahi hono ngaahi hikí.
17He neongo ‘e ‘ikai fisi ‘a e fiki,
Pea ‘ikai ha fua ‘i he vaine;
Si‘isi‘i ‘a e ngāue ‘a e ‘ōlive,
Pea hala ‘a e ngaahi ngoue‘anga ‘i he me‘akai;
Kuo tu‘usi ‘a e tākanga mei he ‘ā manu,
Pea ‘ikai ha pulu ‘i he fale manu:
18Ka ko au te u fiefia ‘ia Sihova,
Te u tome‘e ‘i hoku ‘Otua fakamo‘ui‘anga.
19Ko Sihova ‘Ātonai ‘a hoku mālohinga,#2 Sām 22.34; Saame 18.33
Pea kuo ne ‘ai hoku va‘e ke hangē ko e motu‘a tia,
Pea ‘oku ne fakahā‘ele au ‘i hoku ngaahi potu mā‘olunga.
(Ki he pule ‘o e hiva: ke fai mo ‘eku ngaahi me‘a helefilo.)
Currently Selected:
KO HAPAKUKI 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO HAPAKUKI 3
3
Ko e Lotu ‘a Hapakuki
1KO E lotu ‘a Hapakuki ko e palōfita
Ke fai‘aki ‘a e fa‘ahinga fasi fakalotomāfana.#3.1 Ke… fakalotomāfana; ‘Oku ‘ikai ke mahino ‘a hono faka-Hepeluú.
2E Sihova, kuo u fanongo ki ho ongoongo,#3.2 pe ho‘o ongoongo. Pea u manavahē:
‘E Sihova, to‘o ki mu‘a ‘a e fakapuho hake ho‘o ngāue,
To‘o ki mu‘a ‘o fakae‘a ia;
Lolotonga he fai houhau manatu ke faka‘atu‘i.
3‘Oku hā‘ele mai ‘a ‘Elohā mei Tīmani,
‘Io, ‘a e Tāpuhā mei Mo‘unga Pēlana, (Sila)
Na‘e ‘ufi‘ufi ‘a e langi ‘aki hono kolōlia,
Pea na‘e fonu ‘a e fonua ‘i hono mālō.
4Pea ko ‘ene huhulu na‘e hangē ko e maama ‘aho;
Tapa mei hono tafa‘aki ‘ani ngaahi huelo;
Pea ko e potu ko ia ko hono toenga ivi.
5Fakamelomelo ki ai ‘a e mahaki faka‘auha,
Pea ‘alu ‘i mui ‘a e mofi.
6Tu‘u pē Ia, ‘o lieliaki#3.6 pe fua: ‘Oku ‘ikai ‘ilo ‘a e ‘uhinga ‘o e laine ko eni. ‘a māmani;
Hanga atu pē Ia, ‘o faka‘ohovale‘i ‘a e ngaahi pule‘anga:
Pea laiki ai ‘a e ngaahi mo‘unga ta‘engata,
Lafalafa ‘a e ngaahi mā‘olunga tupu‘a;
Ko hono ngaahi ‘alunga na‘e fakatupu‘a.
7Na‘a ku sio ki he ngaahi tēniti ‘o Kusa
‘Oku ta‘omia ‘e he tu‘utāmaki:
‘Oku tete ‘a e ngaahi puipui ‘o e fonua ko Mitiani.
8Ko e ngaahi vaitafe koā na‘e houhau ki ai ‘a Sihova?
‘Io, ko e ngaahi vaitafe na‘a ke ‘ita ki ai?
Ko e tahi koā na‘a ke huhua ki ai,
‘A ia na‘a ke heka ai ki ho‘o fanga hoosi,
Ki ho‘o ngaahi sāliote fakamo‘ui‘anga?
9Na‘e mātu‘aki to‘o ‘a e kofu ‘o ho‘o pā;#3.9 Na‘e… paá; …. … ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Na‘á ke teuteu ke ngāue‘aki ho‘o kaufaná, na‘á ke teu fana ho‘o ngahaú. (Sila)
Na‘a ke fahi ‘a e fonua ke koto vaitafe,
10Na‘e sio kiate koe ‘e he ngaahi mo‘unga, ‘o nau mākauua
Ko e taufa vai ē ‘oku laka atu,
Na‘e tukuna atu ‘e he loloto hono le‘o,
Na‘a ne hiki hono nima ki ‘olunga;
11Ko e la‘ā, ko e māhina, na‘a na moulu ki hona nofo‘anga,
‘I he ngingila ‘a ho ngaahi ngahau na‘a na laka ange,
‘I he tapa ‘a e ‘uhila ho tao.
12Na‘a ke hā‘elea ‘a e fonua ‘i ho‘o tuputāmaki,
Na‘a ke malaki ‘a e ngaahi pule‘anga ‘i ho houhau.
13Na‘a ke ‘alu atu ke fakahaofi ho kakai,
‘Io, ke fakahaofi ho‘o pani:
‘Oku ke taa‘i ‘a e to‘ufufū mei he fale ‘o e pau‘u na;
‘Oku ke fakatelefua ‘a e tu‘unga, ‘o a‘u ki he funga holisi.#3.13 ‘Oku ke… holisi: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: ‘Okú ke faka‘auha faka‘aufuli ‘a hono kau muimuí. (Sila)
14Na‘a ke vili ‘aki ‘ene pōvai ‘a‘ana ‘a e tu‘ukimu‘a ‘o ‘ene ngaahi kongakau:
Na‘a nau ha‘u hangē ha afā ke veteki au:
Ko ‘enau fiefia na‘e tatau mo ha taha ‘oku tokamalumu ke fōngia si‘i vaivai.#3.14 ‘Oku ‘ikai ke mahino ‘a hono faka-Hepelū ‘o e vēsí ni.
15Na‘a ke hā‘elea ‘a e tahi ‘aki ho‘o fanga hoosi,
‘A e fokotu‘unga vai lahi.
16Na‘a ku fanongo, pea na‘e tatū hoku manava,
Na‘e ngatata hoku loungutu ‘i he longoa‘a;
Na‘e hū ‘a popo ki hoku hui,
Ne u kamata tete hake ‘i lalo:#3.16 Ne u… lalo: Ko hono faka-Hepeluú ia, ka ‘oku ngali tonu hono hiki ‘o: peá u humu.
‘A ia te u manofo ai ‘o tatali ki he ‘aho ‘o e ‘efihia,
Ki he ‘alu hake ki he kakai ‘a ia te ne ‘oho fakakongakau mai.#3.16 Ko e veesi fihi. ‘Oku lahi hono ngaahi hikí.
17He neongo ‘e ‘ikai fisi ‘a e fiki,
Pea ‘ikai ha fua ‘i he vaine;
Si‘isi‘i ‘a e ngāue ‘a e ‘ōlive,
Pea hala ‘a e ngaahi ngoue‘anga ‘i he me‘akai;
Kuo tu‘usi ‘a e tākanga mei he ‘ā manu,
Pea ‘ikai ha pulu ‘i he fale manu:
18Ka ko au te u fiefia ‘ia Sihova,
Te u tome‘e ‘i hoku ‘Otua fakamo‘ui‘anga.
19Ko Sihova ‘Ātonai ‘a hoku mālohinga,#2 Sām 22.34; Saame 18.33
Pea kuo ne ‘ai hoku va‘e ke hangē ko e motu‘a tia,
Pea ‘oku ne fakahā‘ele au ‘i hoku ngaahi potu mā‘olunga.
(Ki he pule ‘o e hiva: ke fai mo ‘eku ngaahi me‘a helefilo.)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.