KO ‘ISIKELI 46
46
Ko e ‘Eiki ‘o e Kakaí mo e ngaahi Kātoangá
1KO E folofola ‘eni ‘a ‘Ātonai Sihova: Ko e matapā ‘o e Loto‘ā Loto ‘oku hanga ki hahake ‘e mo‘u tāpunia ‘i he ono‘i ‘aho ngāue; ka ‘i he ‘aho Sāpate ‘e to‘o, pea ‘i he ‘aho ‘o e fakamāhina fo‘ou ‘e to‘o. 2Pea ‘e hū ‘a e ‘eiki ‘o e kakai, ‘o fou ‘i he hūfanga ‘o e matanikolo mei tu‘a, ‘o tu‘u ofi ki he pou matapā; pea ‘e feia ‘e he kau taula‘eiki ‘ene feilaulau-mōifua, mo ‘ene feilaulau-‘ofa; pea te ne fai ‘ene hū ‘i he tu‘unga matapā ‘o e matanikolo, ‘o toki hū kitu‘a: kae ‘ikai tāpuni ‘a e matapā kae‘oua ke efiafi hifo. 3Pea ko e kakai ‘o e fonua te nau fai ‘enau lotu ‘i he matapā ‘o e matanikolo ko ia ‘i he ngaahi ‘aho Sāpate, pea mo e ngaahi fakamāhina fo‘ou: ko ‘enau ‘i he ‘ao ‘o Sihova ia. 4Pea ko e feilaulau-mōifua ‘e ‘atu ‘e he ‘eiki ‘o e kakai kia Sihova ‘i he ‘aho Sāpate, ko e ono‘i lami ta‘emele, pea mo e sipi tangata ta‘emele; 5pea ko e feilaulau-me‘akai ko e efa ‘e taha ki he sipi tangata; ka ko e me‘a ki he fanga lami, ko e feilaulau-me‘akai ha me‘a pē te ne lava; pea ko e me‘a ki he lolo ‘e ō ha hini ‘e taha mo ha efa ‘e taha. 6Pea ‘i he ‘aho ‘o e fakamāhina fo‘ou, ko e pulu mui ta‘emele, pea mo e ono‘i lami, mo e sipi tangata; te nau ta‘emele kotoa. 7Pea te ne teu ha efa ‘e taha ki he pulu, mo e efa ‘e taha ki he sipi tangata; ko e kiki ia, pea ko e me‘a ki he fanga lami, ha me‘a pē te ne lava ke ma‘u; pea ko e me‘a ki he lolo, ‘e ō ‘a e hini ‘e taha mo ha efa ‘e taha. 8Pea ‘i he ha‘u ‘a e ‘eiki ‘o e kakai te ne fou mai ‘i he hū‘anga ‘o e matanikolo, pea te ne hū ki tu‘a ‘i he hala pē ko ia.
9Ka ‘i he hū ‘a e kakai ‘o e fonua ki he ‘ao ‘o Sihova, ‘i he ngaahi ‘aho kātoanga, ko ia ‘oku hū mai ‘i he matanikolo tokelau ke fai ‘ene lotu te ne hū ki tu‘a ‘i he matanikolo tonga; pea ko ia te ne hū mai ‘i he matanikolo tonga te ne hū ki tu‘a ‘i he matanikolo tokelau: ‘e ‘ikai te ne foki ‘i he matanikolo na‘a ne hū mei ai, kae hangatonu atu ‘ene hū ki tu‘a. 10Pea ‘e hū mai ‘a e ‘eiki ‘o e kakai fakataha mo kinautolu ‘i he‘enau hū mai, pea te nau hū ki tu‘a fakataha. 11Pea ‘i he ngaahi kātoanga, pea ‘i he ngaahi ‘aho tu‘utu‘uni, ko e feilaulau-me‘akai ko e efa ‘e taha ki ha pulu, pea mo e efa ‘e taha ki ha sipi tangata; ka ko e me‘a ki he fanga lami, ha me‘a pē te ne lava; pea ko e me‘a ki he lolo, ‘e ō ‘a e hini ‘e taha mo e efa ‘e taha.
12Pea ka teu ‘e he ‘eiki ‘o e kakai ‘ene me‘a‘ofa, pe ko e feilaulau-mōifua, pe ko e feilaulau-‘ofa, ka ko e me‘a‘ofa pē kia Sihova, te nau to‘o kiate ia ‘a e matanikolo ‘oku hanga ki hahake, pea te ne fai ‘ene feilaulau-mōifua, pe ko ‘ene feilaulau-‘ofa, ‘o hangē ko ‘ene fai ‘i ha ‘aho Sāpate: pea te ne toki hū kitu‘a, pea hili ‘ene hū kitu‘a te nau tāpuni ‘a e matanikolo.
Ko e Feilaulau Faka‘aho
13Pea te ke teu ha lami ‘oku ta‘u taha mo ta‘emele ko e feilaulau-mōifua lau ‘aho kia Sihova: te ke feia ‘i he pongipongi kotoa pē. 14Pea ko e kiki te ke teu ki ai ‘i he pongipongi kotoa pē ko e vahe ono ‘o e efa, pea ko e lolo ko e vahetolu ‘o e hini ke hakaluku ‘aki ‘a e mahoa‘a mo‘o feilaulau-me‘akai kia Sihova: ko e ngaahi tu‘utu‘uni ta‘engata ia ke fai ma‘u pē. 15‘E pehē ‘enau teu ‘a e lami mo e kiki mo e lolo ‘i he pongipongi kotoa pē, ko e feilaulau-mōifua fai ma‘u pē.
Ko e ‘Eiki ‘o e kakaí mo e Fonuá
16Ko e folofola ‘eni ‘a ‘Ātonai Sihova: Ka fai ‘e he ‘eiki ‘o e kakai ha foaki ki ha taha ‘o hono ngaahi foha, ko hono tofi‘a leva ia, ‘e kau ki hono ngaahi foha; ko honau ‘inasi ia ‘i he tofi‘a. 17Ka ‘o kapau te ne fai ha foaki mei hono tofi‘a ki ha taha ‘o ‘ene kau tamaio‘eiki, te ne ma‘u pē ‘o a‘u ki he ta‘u ‘o e Siupeli,#46.17: Siupeli; pe tukuange. Na‘e tu‘utu‘uni he Laó ke fakahili-ta‘u-nimangofulu ‘a hono veteange ‘e he kau ‘Isileli kotoa pē ha taha pē na‘e ngāue pōpula ‘iate kinautolu koe‘uhi ko e malu‘i ‘o ha mo‘ua pa‘anga. Na‘e toe tu‘utu‘uni he Laó, kapau ‘oku ‘ia kita ha kelekele fakafāmili ‘o ha taha koe‘uhi ko e malu‘i ‘o ha mo‘ua pa‘anga, kuo pau ke fakafoki ‘a e kelekele ko iá ki he tokotaha na‘e ‘o‘oná, pe ko hono hakó (vakai ange kia Lev 25.8-55). pea ‘e toki foki ki he ‘eiki; ngata pē ‘i hono ngaahi foha ‘e tu‘u ma‘u ki ai hono tofi‘a.#Lev 25.10 18Pea ‘e ‘ikai to‘o ‘e he ‘eiki ha me‘a mei he tofi‘a ‘o e kakai ke kapusi fakamālohi mei honau ‘api tō; te ne fakatofi‘a‘aki ‘ene fānau mei hono ‘api tō pē ‘o‘ona; koe‘uhi ke ‘oua na‘a kapusi ha taha ‘i hoku kakai mei hono ‘api tō.
Ko e ngaahi Peito ‘o e Temipalé
19Pea ne ‘ave au ‘i he hala na‘e tau mai ki he tuliki ‘o e matanikolo, ‘o a‘u ki he ‘aaki loki na‘e tapu ki he kau taula‘eiki, ko e ngaahi loki na‘e hanga ki he tokelau; pea tā na‘e tu‘u ai ha potu ‘i hono tafa‘aki ki lulunga. 20Pea ne pehē mai kiate au, Ko e potu ‘eni ‘e haka ai ‘e he kau taula‘eiki ‘a e feilaulau-halaia, mo e feilaulau-angahala, pea te nau ta‘o ai ‘a e feilaulau-me‘akai, ke ‘oua na‘a ‘ave ia ki he Loto‘ā Tu‘afale, na‘a ‘iloange ‘e mo‘ua ‘a e kakai ‘i ha tapu.#46.20 mo‘ua… tapu; Vakai ki he 44.19.
21Pea ne toki taki atu au ki he Loto‘ā Tu‘afale, ‘o ne fakalaka au ki he faa‘i tuliki ‘o e loto‘ā; pea tā na‘e ai ha loto‘ā ‘i he tuliki loto‘ā takitaha. 22‘I he faa‘i tuliki ‘o e loto‘ā na‘e ai ha ngaahi loto‘ā mapuni,#46.21-22 mapuni: Ko hono faka-Hepeluú ia, ka ‘oku pehē ‘i he hiki fuoloa ‘e taha: si‘isi‘i ange. ko e lōloa ko e fāngofulu, pea ko e māukupu ko e tolungofulu; na‘e fua taha pē ‘a e faa‘i loto‘ā tuliki. 23Pea ko e ‘otu me‘a na‘e tu‘u takatakai ki he me‘a ko ia ‘e fā, pea na‘e ngaohi ‘a e ngaahi matanavu haka ‘i he lalo ‘o e ngaahi tu‘unga kulo#46.23 pe ngaahi seakale; pe ngaahi ‘otu. takatakai. 24Pea pehē mai ‘e ia kiate au, Ko e fale haka‘anga ‘eni, ‘a ia ‘e haka ai ‘e he kakai ‘oku ngāue ki he fale ‘a e ngaahi feilaulau ‘a e kakai.
Currently Selected:
KO ‘ISIKELI 46: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ISIKELI 46
46
Ko e ‘Eiki ‘o e Kakaí mo e ngaahi Kātoangá
1KO E folofola ‘eni ‘a ‘Ātonai Sihova: Ko e matapā ‘o e Loto‘ā Loto ‘oku hanga ki hahake ‘e mo‘u tāpunia ‘i he ono‘i ‘aho ngāue; ka ‘i he ‘aho Sāpate ‘e to‘o, pea ‘i he ‘aho ‘o e fakamāhina fo‘ou ‘e to‘o. 2Pea ‘e hū ‘a e ‘eiki ‘o e kakai, ‘o fou ‘i he hūfanga ‘o e matanikolo mei tu‘a, ‘o tu‘u ofi ki he pou matapā; pea ‘e feia ‘e he kau taula‘eiki ‘ene feilaulau-mōifua, mo ‘ene feilaulau-‘ofa; pea te ne fai ‘ene hū ‘i he tu‘unga matapā ‘o e matanikolo, ‘o toki hū kitu‘a: kae ‘ikai tāpuni ‘a e matapā kae‘oua ke efiafi hifo. 3Pea ko e kakai ‘o e fonua te nau fai ‘enau lotu ‘i he matapā ‘o e matanikolo ko ia ‘i he ngaahi ‘aho Sāpate, pea mo e ngaahi fakamāhina fo‘ou: ko ‘enau ‘i he ‘ao ‘o Sihova ia. 4Pea ko e feilaulau-mōifua ‘e ‘atu ‘e he ‘eiki ‘o e kakai kia Sihova ‘i he ‘aho Sāpate, ko e ono‘i lami ta‘emele, pea mo e sipi tangata ta‘emele; 5pea ko e feilaulau-me‘akai ko e efa ‘e taha ki he sipi tangata; ka ko e me‘a ki he fanga lami, ko e feilaulau-me‘akai ha me‘a pē te ne lava; pea ko e me‘a ki he lolo ‘e ō ha hini ‘e taha mo ha efa ‘e taha. 6Pea ‘i he ‘aho ‘o e fakamāhina fo‘ou, ko e pulu mui ta‘emele, pea mo e ono‘i lami, mo e sipi tangata; te nau ta‘emele kotoa. 7Pea te ne teu ha efa ‘e taha ki he pulu, mo e efa ‘e taha ki he sipi tangata; ko e kiki ia, pea ko e me‘a ki he fanga lami, ha me‘a pē te ne lava ke ma‘u; pea ko e me‘a ki he lolo, ‘e ō ‘a e hini ‘e taha mo ha efa ‘e taha. 8Pea ‘i he ha‘u ‘a e ‘eiki ‘o e kakai te ne fou mai ‘i he hū‘anga ‘o e matanikolo, pea te ne hū ki tu‘a ‘i he hala pē ko ia.
9Ka ‘i he hū ‘a e kakai ‘o e fonua ki he ‘ao ‘o Sihova, ‘i he ngaahi ‘aho kātoanga, ko ia ‘oku hū mai ‘i he matanikolo tokelau ke fai ‘ene lotu te ne hū ki tu‘a ‘i he matanikolo tonga; pea ko ia te ne hū mai ‘i he matanikolo tonga te ne hū ki tu‘a ‘i he matanikolo tokelau: ‘e ‘ikai te ne foki ‘i he matanikolo na‘a ne hū mei ai, kae hangatonu atu ‘ene hū ki tu‘a. 10Pea ‘e hū mai ‘a e ‘eiki ‘o e kakai fakataha mo kinautolu ‘i he‘enau hū mai, pea te nau hū ki tu‘a fakataha. 11Pea ‘i he ngaahi kātoanga, pea ‘i he ngaahi ‘aho tu‘utu‘uni, ko e feilaulau-me‘akai ko e efa ‘e taha ki ha pulu, pea mo e efa ‘e taha ki ha sipi tangata; ka ko e me‘a ki he fanga lami, ha me‘a pē te ne lava; pea ko e me‘a ki he lolo, ‘e ō ‘a e hini ‘e taha mo e efa ‘e taha.
12Pea ka teu ‘e he ‘eiki ‘o e kakai ‘ene me‘a‘ofa, pe ko e feilaulau-mōifua, pe ko e feilaulau-‘ofa, ka ko e me‘a‘ofa pē kia Sihova, te nau to‘o kiate ia ‘a e matanikolo ‘oku hanga ki hahake, pea te ne fai ‘ene feilaulau-mōifua, pe ko ‘ene feilaulau-‘ofa, ‘o hangē ko ‘ene fai ‘i ha ‘aho Sāpate: pea te ne toki hū kitu‘a, pea hili ‘ene hū kitu‘a te nau tāpuni ‘a e matanikolo.
Ko e Feilaulau Faka‘aho
13Pea te ke teu ha lami ‘oku ta‘u taha mo ta‘emele ko e feilaulau-mōifua lau ‘aho kia Sihova: te ke feia ‘i he pongipongi kotoa pē. 14Pea ko e kiki te ke teu ki ai ‘i he pongipongi kotoa pē ko e vahe ono ‘o e efa, pea ko e lolo ko e vahetolu ‘o e hini ke hakaluku ‘aki ‘a e mahoa‘a mo‘o feilaulau-me‘akai kia Sihova: ko e ngaahi tu‘utu‘uni ta‘engata ia ke fai ma‘u pē. 15‘E pehē ‘enau teu ‘a e lami mo e kiki mo e lolo ‘i he pongipongi kotoa pē, ko e feilaulau-mōifua fai ma‘u pē.
Ko e ‘Eiki ‘o e kakaí mo e Fonuá
16Ko e folofola ‘eni ‘a ‘Ātonai Sihova: Ka fai ‘e he ‘eiki ‘o e kakai ha foaki ki ha taha ‘o hono ngaahi foha, ko hono tofi‘a leva ia, ‘e kau ki hono ngaahi foha; ko honau ‘inasi ia ‘i he tofi‘a. 17Ka ‘o kapau te ne fai ha foaki mei hono tofi‘a ki ha taha ‘o ‘ene kau tamaio‘eiki, te ne ma‘u pē ‘o a‘u ki he ta‘u ‘o e Siupeli,#46.17: Siupeli; pe tukuange. Na‘e tu‘utu‘uni he Laó ke fakahili-ta‘u-nimangofulu ‘a hono veteange ‘e he kau ‘Isileli kotoa pē ha taha pē na‘e ngāue pōpula ‘iate kinautolu koe‘uhi ko e malu‘i ‘o ha mo‘ua pa‘anga. Na‘e toe tu‘utu‘uni he Laó, kapau ‘oku ‘ia kita ha kelekele fakafāmili ‘o ha taha koe‘uhi ko e malu‘i ‘o ha mo‘ua pa‘anga, kuo pau ke fakafoki ‘a e kelekele ko iá ki he tokotaha na‘e ‘o‘oná, pe ko hono hakó (vakai ange kia Lev 25.8-55). pea ‘e toki foki ki he ‘eiki; ngata pē ‘i hono ngaahi foha ‘e tu‘u ma‘u ki ai hono tofi‘a.#Lev 25.10 18Pea ‘e ‘ikai to‘o ‘e he ‘eiki ha me‘a mei he tofi‘a ‘o e kakai ke kapusi fakamālohi mei honau ‘api tō; te ne fakatofi‘a‘aki ‘ene fānau mei hono ‘api tō pē ‘o‘ona; koe‘uhi ke ‘oua na‘a kapusi ha taha ‘i hoku kakai mei hono ‘api tō.
Ko e ngaahi Peito ‘o e Temipalé
19Pea ne ‘ave au ‘i he hala na‘e tau mai ki he tuliki ‘o e matanikolo, ‘o a‘u ki he ‘aaki loki na‘e tapu ki he kau taula‘eiki, ko e ngaahi loki na‘e hanga ki he tokelau; pea tā na‘e tu‘u ai ha potu ‘i hono tafa‘aki ki lulunga. 20Pea ne pehē mai kiate au, Ko e potu ‘eni ‘e haka ai ‘e he kau taula‘eiki ‘a e feilaulau-halaia, mo e feilaulau-angahala, pea te nau ta‘o ai ‘a e feilaulau-me‘akai, ke ‘oua na‘a ‘ave ia ki he Loto‘ā Tu‘afale, na‘a ‘iloange ‘e mo‘ua ‘a e kakai ‘i ha tapu.#46.20 mo‘ua… tapu; Vakai ki he 44.19.
21Pea ne toki taki atu au ki he Loto‘ā Tu‘afale, ‘o ne fakalaka au ki he faa‘i tuliki ‘o e loto‘ā; pea tā na‘e ai ha loto‘ā ‘i he tuliki loto‘ā takitaha. 22‘I he faa‘i tuliki ‘o e loto‘ā na‘e ai ha ngaahi loto‘ā mapuni,#46.21-22 mapuni: Ko hono faka-Hepeluú ia, ka ‘oku pehē ‘i he hiki fuoloa ‘e taha: si‘isi‘i ange. ko e lōloa ko e fāngofulu, pea ko e māukupu ko e tolungofulu; na‘e fua taha pē ‘a e faa‘i loto‘ā tuliki. 23Pea ko e ‘otu me‘a na‘e tu‘u takatakai ki he me‘a ko ia ‘e fā, pea na‘e ngaohi ‘a e ngaahi matanavu haka ‘i he lalo ‘o e ngaahi tu‘unga kulo#46.23 pe ngaahi seakale; pe ngaahi ‘otu. takatakai. 24Pea pehē mai ‘e ia kiate au, Ko e fale haka‘anga ‘eni, ‘a ia ‘e haka ai ‘e he kakai ‘oku ngāue ki he fale ‘a e ngaahi feilaulau ‘a e kakai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.