KO ‘ISIKELI 26
26
Ko ha Kikite ki Hano Fakamāu‘i ‘o Taia
1PEA ‘i hono hongofulu mā taha ‘o e ta‘u, pea ‘i he ‘uluaki ‘aho ‘o e māhina,#26.1 māhiná; ‘Oku ‘ikai ke fakahā mai ‘i he faka-Hepeluú pe ko e māhina fē. ‘iloange na‘e hoko ‘a e folofola ‘a Sihova kiate au, ‘o pehē,#‘Ais 23.1-18; Sioelí 3.4-8; ‘Ēmosi 1.9-10; Sāk 9.1-4; Māt 11.21-22; Luk 10.13-14 2Hako‘i-tangata, ko e me‘a ‘i he lau ‘e Taia ki Selusalema, Mālie, kuo maumau ‘aupito ‘a e matapā na‘e hū ni ‘a e ngaahi kakai! kuo afe ‘eni kiate au: ko au te u fonu; kuo fakalala ia.
3Ko ia ko e folofola ‘eni ‘a ‘Ātonai Sihova, ‘E Taia, ko au ‘eni te u fai mo koe, pea te u fakalaka ha ngaahi pule‘anga lahi ke tau‘i koe, ‘o hangē ko e fakalaka ‘e he tahi hono ngaahi peau. 4Pea te nau maumau‘i ‘a e ngaahi ‘ā ‘o Taia, mo holoki hono ngaahi taua: pea te u vau hono efu, ‘o ‘ave, pea te u ngaohi ia ko e makatu‘u molemole. 5Te ne hoko ko e taunga kupenga ‘i loto tahi; he ko au ia kuo u tala–ko ‘Ātonai Sihova ia mei he Ta‘ehāmai–pea te ne hoko ko e me‘a ke vete ‘e he ngaahi pule‘anga. 6Pea ko hono ngaahi ‘uhiki ‘oku ‘i ‘uta ‘e tāmate‘i ‘aki ‘a e heletā; pea te nau ‘ilo ko Sihova au.
7He ko e folofola ‘eni ‘a ‘Ātonai Sihova: Ko au ‘eni ‘oku ou ‘omi ki Taia ‘a Nepukanesa ko e Tu‘i Pāpilone, ‘a ia ‘oku ‘afio ‘i he tokelau, ko e tu‘i ‘o e ngaahi tu‘i; pea te ne ha‘u mo ia ‘a e hoosi mo e sāliote, mo e tau heka hoosi, mo ha kongakau, mo ha kakai lahi. 8Ko ho fanga ‘uhiki ‘i ‘uta te ne tāmate‘i ‘aki ‘a e heletā: pea te ne tuku atu kiate koe ha ngaahi taua, pea te ne tanu puke kiate koe, pea te ne fokotu‘u ha fakaū kiate koe. 9Pea te ne tuku atu ‘ene mīsini tuki ki ho ngaahi ‘ā, pea ko ho ngaahi taua te ne holoki ‘aki ‘ene ngaahi heletā. 10Ko e me‘a ‘i he tokolahi ‘ene fanga hoosi ‘e ‘ufi‘ufi ‘aki koe honau efu: ko e me‘a ‘i he longoa‘a ‘o e tau heka hoosi, mo e me‘a teka, mo e sāliote, ‘e ngaueue ho ngaahi ‘ā ‘i he‘ene hū mai ‘i he ngaahi matanikolo, ‘o hangē ko ha hū ki ha kolo kuo kapa. 11Te ne malakekina ho ngaahi fu‘u hala ‘aki ‘a e va‘e ‘o ‘ene fanga hoosi: te ne tāmate‘i ho kakai ‘aki ‘a e heletā, pea ‘e tulaki ki he kelekele ‘a e ngaahi pou hā‘anga ‘o ho ivi. 12Pea te nau vete ho‘o koloa, pea te nau fa‘ao ho‘o me‘a fakatau: pea te nau holoki ho ngaahi ‘ā, mo tulaki ho ngaahi fale tu‘utai: pea te nau ‘ai ki loto tahi ho ngaahi maka, mo ho‘o ‘akau, mo ho efu. 13Pea te u ‘ai ke tuku ‘a e ongoonga‘a ho‘o ngaahi hiva; pea ‘e ‘ikai toe ongona ‘a e le‘o ‘o ho‘o ngaahi ha‘ape.#Fkhā 18.22 14‘Io, te u ngaohi koe ko e makatu‘u molemole: te ke hoko ko e taunga kupenga pē; ‘e ‘ikai toe langa koe: he ko au Sihova kuo u lea–ko ‘Ātonai Sihova ia mei he Ta‘ehāmai.
15Ko e folofola ‘eni ‘a ‘Ātonai Sihova ki Taia: Hono ‘ikai tete ‘a e ngaahi matafonua#26.15 pe motu. ‘i he longoa‘a ‘o ho‘o tō, ‘i he to‘e ‘a e kau kafo, ‘i he kau tāmate ‘oku tekefili ‘i ho loto kolo! 16Pea ko e ngaahi Tu‘i Tahi te nau ‘alu hifo mei honau ngaahi taloni, pea te nau hu‘i honau ngaahi kofu tōtōlofa; pea te nau to‘o honau ngaahi kofu kuo tuitui fakananivi, ka nau kofu ‘aki ‘a e mo‘utāfu‘ua, ‘o nau nofo ki lalo ‘i he kelekele, pea nau tete ‘i he mōmeniti kotoa pē he ofongi koe.#Fkhā 18.9-10 17Pea te nau ofa‘aki hao tangilāulau, pea te nau lau kiate koe, ‘Oi! tā kuo ke ‘auha, ‘a koe na‘e tupu ho‘o nofo‘anga#26.17 tupu ho‘o nofo‘angá: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: tafi‘i hono ngaahi vaká. mei he ngaahi tahi, si‘i kolo na‘e taungalea‘ia, na‘e kaukaua ‘i tahi, ‘a ia mo hono kau nofo‘anga, ‘a ia na‘a nau tuku honau ngeia ki hono kau nofo‘anga kotoa! 18Ko e taimi ni ‘oku tete ‘a e ngaahi motu ‘i he hoko mai ho ‘aho ke tō; ‘io, ko e ngaahi motu ‘oku ‘i he tahi ‘oku mo‘utāfu‘ua ‘i ho‘o mole.
19He ko e folofola ‘eni ‘a ‘Ātonai Sihova: Ka u ka ngaohi koe ko e kolo lala, hangē ko e ngaahi kolo ‘oku ‘ikai ke kei nofo‘ia; ka u ka ngaohi ‘a e moana ke lolomi koe, kae ‘ufi‘ufi koe ‘e he vai lahi; 20te u toki ‘ohifo koe ke fakataha mo kinautolu kuo hifo ki he luo, ‘a e kakai ‘o e kuonga mu‘a, pea u ‘ai ke ke nofo ‘i Lolofonua, ‘i he ngaahi potu kuo lala talu mei mu‘a, fakataha mo kinautolu kuo hifo ki he luo, koe‘uhiā ke ‘oua na‘a nofo‘ia koe: ka u ‘ai ha lāngilangi#26.20 ka u ‘ai ha lāngilangi: ‘Oku ‘ikai ke mahino ‘a hono faka-Hepeluú, ka ‘oku pehē ‘i hono hiki fuoloa ‘e taha: pe te ke nofo ‘i ho nofo‘anga. ‘i he fonua ‘o e mo‘ui. 21Te u ngaohi koe ko e me‘a fakatupu ilifia, pea te ke ‘ikai: ‘io, te nau kumi kiate koe, kae ‘ikai te ke toe ‘iloa ‘o ta‘engata–ko ‘Ātonai Sihova ia mei he Ta‘ehāmai.#Fkhā 18.21
Currently Selected:
KO ‘ISIKELI 26: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ISIKELI 26
26
Ko ha Kikite ki Hano Fakamāu‘i ‘o Taia
1PEA ‘i hono hongofulu mā taha ‘o e ta‘u, pea ‘i he ‘uluaki ‘aho ‘o e māhina,#26.1 māhiná; ‘Oku ‘ikai ke fakahā mai ‘i he faka-Hepeluú pe ko e māhina fē. ‘iloange na‘e hoko ‘a e folofola ‘a Sihova kiate au, ‘o pehē,#‘Ais 23.1-18; Sioelí 3.4-8; ‘Ēmosi 1.9-10; Sāk 9.1-4; Māt 11.21-22; Luk 10.13-14 2Hako‘i-tangata, ko e me‘a ‘i he lau ‘e Taia ki Selusalema, Mālie, kuo maumau ‘aupito ‘a e matapā na‘e hū ni ‘a e ngaahi kakai! kuo afe ‘eni kiate au: ko au te u fonu; kuo fakalala ia.
3Ko ia ko e folofola ‘eni ‘a ‘Ātonai Sihova, ‘E Taia, ko au ‘eni te u fai mo koe, pea te u fakalaka ha ngaahi pule‘anga lahi ke tau‘i koe, ‘o hangē ko e fakalaka ‘e he tahi hono ngaahi peau. 4Pea te nau maumau‘i ‘a e ngaahi ‘ā ‘o Taia, mo holoki hono ngaahi taua: pea te u vau hono efu, ‘o ‘ave, pea te u ngaohi ia ko e makatu‘u molemole. 5Te ne hoko ko e taunga kupenga ‘i loto tahi; he ko au ia kuo u tala–ko ‘Ātonai Sihova ia mei he Ta‘ehāmai–pea te ne hoko ko e me‘a ke vete ‘e he ngaahi pule‘anga. 6Pea ko hono ngaahi ‘uhiki ‘oku ‘i ‘uta ‘e tāmate‘i ‘aki ‘a e heletā; pea te nau ‘ilo ko Sihova au.
7He ko e folofola ‘eni ‘a ‘Ātonai Sihova: Ko au ‘eni ‘oku ou ‘omi ki Taia ‘a Nepukanesa ko e Tu‘i Pāpilone, ‘a ia ‘oku ‘afio ‘i he tokelau, ko e tu‘i ‘o e ngaahi tu‘i; pea te ne ha‘u mo ia ‘a e hoosi mo e sāliote, mo e tau heka hoosi, mo ha kongakau, mo ha kakai lahi. 8Ko ho fanga ‘uhiki ‘i ‘uta te ne tāmate‘i ‘aki ‘a e heletā: pea te ne tuku atu kiate koe ha ngaahi taua, pea te ne tanu puke kiate koe, pea te ne fokotu‘u ha fakaū kiate koe. 9Pea te ne tuku atu ‘ene mīsini tuki ki ho ngaahi ‘ā, pea ko ho ngaahi taua te ne holoki ‘aki ‘ene ngaahi heletā. 10Ko e me‘a ‘i he tokolahi ‘ene fanga hoosi ‘e ‘ufi‘ufi ‘aki koe honau efu: ko e me‘a ‘i he longoa‘a ‘o e tau heka hoosi, mo e me‘a teka, mo e sāliote, ‘e ngaueue ho ngaahi ‘ā ‘i he‘ene hū mai ‘i he ngaahi matanikolo, ‘o hangē ko ha hū ki ha kolo kuo kapa. 11Te ne malakekina ho ngaahi fu‘u hala ‘aki ‘a e va‘e ‘o ‘ene fanga hoosi: te ne tāmate‘i ho kakai ‘aki ‘a e heletā, pea ‘e tulaki ki he kelekele ‘a e ngaahi pou hā‘anga ‘o ho ivi. 12Pea te nau vete ho‘o koloa, pea te nau fa‘ao ho‘o me‘a fakatau: pea te nau holoki ho ngaahi ‘ā, mo tulaki ho ngaahi fale tu‘utai: pea te nau ‘ai ki loto tahi ho ngaahi maka, mo ho‘o ‘akau, mo ho efu. 13Pea te u ‘ai ke tuku ‘a e ongoonga‘a ho‘o ngaahi hiva; pea ‘e ‘ikai toe ongona ‘a e le‘o ‘o ho‘o ngaahi ha‘ape.#Fkhā 18.22 14‘Io, te u ngaohi koe ko e makatu‘u molemole: te ke hoko ko e taunga kupenga pē; ‘e ‘ikai toe langa koe: he ko au Sihova kuo u lea–ko ‘Ātonai Sihova ia mei he Ta‘ehāmai.
15Ko e folofola ‘eni ‘a ‘Ātonai Sihova ki Taia: Hono ‘ikai tete ‘a e ngaahi matafonua#26.15 pe motu. ‘i he longoa‘a ‘o ho‘o tō, ‘i he to‘e ‘a e kau kafo, ‘i he kau tāmate ‘oku tekefili ‘i ho loto kolo! 16Pea ko e ngaahi Tu‘i Tahi te nau ‘alu hifo mei honau ngaahi taloni, pea te nau hu‘i honau ngaahi kofu tōtōlofa; pea te nau to‘o honau ngaahi kofu kuo tuitui fakananivi, ka nau kofu ‘aki ‘a e mo‘utāfu‘ua, ‘o nau nofo ki lalo ‘i he kelekele, pea nau tete ‘i he mōmeniti kotoa pē he ofongi koe.#Fkhā 18.9-10 17Pea te nau ofa‘aki hao tangilāulau, pea te nau lau kiate koe, ‘Oi! tā kuo ke ‘auha, ‘a koe na‘e tupu ho‘o nofo‘anga#26.17 tupu ho‘o nofo‘angá: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: tafi‘i hono ngaahi vaká. mei he ngaahi tahi, si‘i kolo na‘e taungalea‘ia, na‘e kaukaua ‘i tahi, ‘a ia mo hono kau nofo‘anga, ‘a ia na‘a nau tuku honau ngeia ki hono kau nofo‘anga kotoa! 18Ko e taimi ni ‘oku tete ‘a e ngaahi motu ‘i he hoko mai ho ‘aho ke tō; ‘io, ko e ngaahi motu ‘oku ‘i he tahi ‘oku mo‘utāfu‘ua ‘i ho‘o mole.
19He ko e folofola ‘eni ‘a ‘Ātonai Sihova: Ka u ka ngaohi koe ko e kolo lala, hangē ko e ngaahi kolo ‘oku ‘ikai ke kei nofo‘ia; ka u ka ngaohi ‘a e moana ke lolomi koe, kae ‘ufi‘ufi koe ‘e he vai lahi; 20te u toki ‘ohifo koe ke fakataha mo kinautolu kuo hifo ki he luo, ‘a e kakai ‘o e kuonga mu‘a, pea u ‘ai ke ke nofo ‘i Lolofonua, ‘i he ngaahi potu kuo lala talu mei mu‘a, fakataha mo kinautolu kuo hifo ki he luo, koe‘uhiā ke ‘oua na‘a nofo‘ia koe: ka u ‘ai ha lāngilangi#26.20 ka u ‘ai ha lāngilangi: ‘Oku ‘ikai ke mahino ‘a hono faka-Hepeluú, ka ‘oku pehē ‘i hono hiki fuoloa ‘e taha: pe te ke nofo ‘i ho nofo‘anga. ‘i he fonua ‘o e mo‘ui. 21Te u ngaohi koe ko e me‘a fakatupu ilifia, pea te ke ‘ikai: ‘io, te nau kumi kiate koe, kae ‘ikai te ke toe ‘iloa ‘o ta‘engata–ko ‘Ātonai Sihova ia mei he Ta‘ehāmai.#Fkhā 18.21
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.