KO ‘ĒSETA 4
4
Ko e Kole Tokoni ‘a Motekiai kia ‘Ēseta
1PEA ‘i he ‘ilo ‘e Motekiai ‘a e me‘a kotoa kuo fai, na‘a ne hae hifo hono kofu, ‘o ne ‘ai ‘a e tauanga‘a mo e efu, ‘o ne hala loto kolo, ‘o ne ‘ai ‘ene fu‘u fākafoa fakamamahi.
2Na‘a ne a‘u foki ki he mata hū‘anga ki Loto‘ā; he na‘e tapu ke hū ha taha ‘i he matapā ‘o e tu‘i ‘oku ne ‘ai tauanga‘a. 3Pea ‘i he tukui vahefonua, ‘ilonga ha potu na‘e a‘u ki ai ‘a e fanongonongo mo e tu‘utu‘uni ‘a e tu‘i, na‘e hoko ai ‘a e fu‘u tangi ‘a e kakai Siu, mo e ‘aukai, mo e tangi lo‘imata, mo e lau‘aitu: pea na‘e fola ‘a e tauanga‘a mo e efu ki he tokolahi.
4Pea hū mai ‘a e kau fefine ‘a ‘Ēseta, mo ‘ene kau ‘iunoke, ‘o nau fakahā kiate ia; pea fu‘u teketekelili ai ‘a e kuini: pea ne fekau atu ha ni‘ihi mo e kofu ke fakakofu ‘a Motekiai, pea ke hu‘i ‘a e tauanga‘a meiate ia: ka na‘e ‘ikai te ne tali. 5Pea ui ange ‘e ‘Ēseta ‘a Hātaki, ko e taha ‘i he kau ‘iunoke ‘a e tu‘i, ‘a ia kuo ne fokotu‘u ke fakafe‘ao kiate ia, ‘o ne fekau ke ne ‘alu kia Motekiai ke ‘ilo pe ko e hā ‘a e me‘a, mo e hā ‘oku ne peheni ai. 6Pea hū ki tu‘a ‘a Hātaki kia Motekiai, ki he mala‘e ‘o e kolo ‘oku ‘i he mata hū‘anga ki Loto‘ā. 7Pea fakahā ki ai ‘e Motekiai ‘a e me‘a kotoa pē kuo hoko kiate ia, pea mo e mahu‘inga ‘o e siliva kuo tala‘ofa ‘e Hāmani te ne fakahū ki he ngaahi fale koloa ‘o e tu‘i, koe‘uhi ko e faka‘auha ‘o e kakai Siu. 8Na‘a ne ‘ange foki kiate ia ‘a e hiki ‘o e tohi tu‘utu‘uni kuo tufa ‘i Sūsani ke faka‘auha kinautolu, ke sio ki ai ‘a ‘Ēseta, pea ke fakahinohino kiate ia; pea ke fonosi ia ke ‘alu ki he tu‘i, ‘o hū, ‘o kole tonu ‘i hono fofonga telia hono kakai. 9Pea ha‘u ‘a Hātaki, ‘o fakahā kia ‘Ēseta ‘a e ngaahi lea ‘a Motekiai. 10Pea tali ‘e ‘Ēseta kia Hātaki, ‘o tuku ‘ene fekau kia Motekiai, ‘o pehē, 11‘Oku lāu‘ilo ‘a e kau tamaio‘eiki ‘a e tu‘i, mo e kakai ‘o hono ngaahi vahefonua, ka ‘ilonga ha taha–ha tangata pe fefine–‘a ia te ne a‘u atu ki he tu‘i, ki he loto‘ā loto, te‘eki ke ui mai ‘e he tu‘i, ‘oku taha pē ‘a e lao ki ai, ke ne mate, ngata pē ‘i ha taha ‘e mafao atu ki ai ‘e he tu‘i ‘a e sēpita koula, ka ne mo‘ui: ka ko au kuo ‘aho tolungofulu mo e ‘ikai ui mai au ke u ‘alu ki he tu‘i.
12Pea na‘a nau tala kia Motekiai ‘a e ngaahi lea ‘a ‘Ēseta. 13Toki fekau ‘e Motekiai ke nau foki kia ‘Ēseta mo e lea ko eni, ‘Oua te ke lau ‘i ho loto ko koe ‘oku ke ngali hao ‘i he kau Siu kotoa ko ho‘o ‘i he fale ‘o e tu‘i. 14He kapau te ke mātu‘aki fakalongo ‘i he taimi ni, ‘e tupu ma‘a e kakai Siu ha fakahaofi mo ha fakamo‘ui mei ha potu kehe, ka ko koe mo e fale ‘o ho‘o tamai ‘e ‘auha: pea na‘a kuo ke a‘u ki ho tu‘unga fakapule‘anga koe‘uhi pē ko ha taimi pehē.
15Pea fekau ‘e ‘Ēseta ke nau foki kia Motekiai mo e lea ko eni, ‘Alu, fakataha ‘a e kau Siu kotoa ‘oku toe ‘i Sūsani; 16pea mou ‘aukai ma‘aku, pea ‘oua te mou kai pe inu ‘o ‘aho tolu, po‘uli mo ‘aho: ko au foki mo ‘eku kau fefine te mau ‘aukai pehē; pea te u toki ‘alu ai ki he tu‘i, neongo ‘oku fehālaaki mo e lao: pea kapau te u mate ai, pea u mate.
17Pea laka ange ‘a Motekiai, ‘o fai ‘o hangē tofu pē hono tu‘utu‘uni ‘e ‘Ēseta.
Currently Selected:
KO ‘ĒSETA 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ĒSETA 4
4
Ko e Kole Tokoni ‘a Motekiai kia ‘Ēseta
1PEA ‘i he ‘ilo ‘e Motekiai ‘a e me‘a kotoa kuo fai, na‘a ne hae hifo hono kofu, ‘o ne ‘ai ‘a e tauanga‘a mo e efu, ‘o ne hala loto kolo, ‘o ne ‘ai ‘ene fu‘u fākafoa fakamamahi.
2Na‘a ne a‘u foki ki he mata hū‘anga ki Loto‘ā; he na‘e tapu ke hū ha taha ‘i he matapā ‘o e tu‘i ‘oku ne ‘ai tauanga‘a. 3Pea ‘i he tukui vahefonua, ‘ilonga ha potu na‘e a‘u ki ai ‘a e fanongonongo mo e tu‘utu‘uni ‘a e tu‘i, na‘e hoko ai ‘a e fu‘u tangi ‘a e kakai Siu, mo e ‘aukai, mo e tangi lo‘imata, mo e lau‘aitu: pea na‘e fola ‘a e tauanga‘a mo e efu ki he tokolahi.
4Pea hū mai ‘a e kau fefine ‘a ‘Ēseta, mo ‘ene kau ‘iunoke, ‘o nau fakahā kiate ia; pea fu‘u teketekelili ai ‘a e kuini: pea ne fekau atu ha ni‘ihi mo e kofu ke fakakofu ‘a Motekiai, pea ke hu‘i ‘a e tauanga‘a meiate ia: ka na‘e ‘ikai te ne tali. 5Pea ui ange ‘e ‘Ēseta ‘a Hātaki, ko e taha ‘i he kau ‘iunoke ‘a e tu‘i, ‘a ia kuo ne fokotu‘u ke fakafe‘ao kiate ia, ‘o ne fekau ke ne ‘alu kia Motekiai ke ‘ilo pe ko e hā ‘a e me‘a, mo e hā ‘oku ne peheni ai. 6Pea hū ki tu‘a ‘a Hātaki kia Motekiai, ki he mala‘e ‘o e kolo ‘oku ‘i he mata hū‘anga ki Loto‘ā. 7Pea fakahā ki ai ‘e Motekiai ‘a e me‘a kotoa pē kuo hoko kiate ia, pea mo e mahu‘inga ‘o e siliva kuo tala‘ofa ‘e Hāmani te ne fakahū ki he ngaahi fale koloa ‘o e tu‘i, koe‘uhi ko e faka‘auha ‘o e kakai Siu. 8Na‘a ne ‘ange foki kiate ia ‘a e hiki ‘o e tohi tu‘utu‘uni kuo tufa ‘i Sūsani ke faka‘auha kinautolu, ke sio ki ai ‘a ‘Ēseta, pea ke fakahinohino kiate ia; pea ke fonosi ia ke ‘alu ki he tu‘i, ‘o hū, ‘o kole tonu ‘i hono fofonga telia hono kakai. 9Pea ha‘u ‘a Hātaki, ‘o fakahā kia ‘Ēseta ‘a e ngaahi lea ‘a Motekiai. 10Pea tali ‘e ‘Ēseta kia Hātaki, ‘o tuku ‘ene fekau kia Motekiai, ‘o pehē, 11‘Oku lāu‘ilo ‘a e kau tamaio‘eiki ‘a e tu‘i, mo e kakai ‘o hono ngaahi vahefonua, ka ‘ilonga ha taha–ha tangata pe fefine–‘a ia te ne a‘u atu ki he tu‘i, ki he loto‘ā loto, te‘eki ke ui mai ‘e he tu‘i, ‘oku taha pē ‘a e lao ki ai, ke ne mate, ngata pē ‘i ha taha ‘e mafao atu ki ai ‘e he tu‘i ‘a e sēpita koula, ka ne mo‘ui: ka ko au kuo ‘aho tolungofulu mo e ‘ikai ui mai au ke u ‘alu ki he tu‘i.
12Pea na‘a nau tala kia Motekiai ‘a e ngaahi lea ‘a ‘Ēseta. 13Toki fekau ‘e Motekiai ke nau foki kia ‘Ēseta mo e lea ko eni, ‘Oua te ke lau ‘i ho loto ko koe ‘oku ke ngali hao ‘i he kau Siu kotoa ko ho‘o ‘i he fale ‘o e tu‘i. 14He kapau te ke mātu‘aki fakalongo ‘i he taimi ni, ‘e tupu ma‘a e kakai Siu ha fakahaofi mo ha fakamo‘ui mei ha potu kehe, ka ko koe mo e fale ‘o ho‘o tamai ‘e ‘auha: pea na‘a kuo ke a‘u ki ho tu‘unga fakapule‘anga koe‘uhi pē ko ha taimi pehē.
15Pea fekau ‘e ‘Ēseta ke nau foki kia Motekiai mo e lea ko eni, ‘Alu, fakataha ‘a e kau Siu kotoa ‘oku toe ‘i Sūsani; 16pea mou ‘aukai ma‘aku, pea ‘oua te mou kai pe inu ‘o ‘aho tolu, po‘uli mo ‘aho: ko au foki mo ‘eku kau fefine te mau ‘aukai pehē; pea te u toki ‘alu ai ki he tu‘i, neongo ‘oku fehālaaki mo e lao: pea kapau te u mate ai, pea u mate.
17Pea laka ange ‘a Motekiai, ‘o fai ‘o hangē tofu pē hono tu‘utu‘uni ‘e ‘Ēseta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.