KO ‘ĒSETA 2
2
Ko Hoko ‘a ‘Ēseta ko e Kuini
1HILI ‘a e ngaahi me‘a ko ia, pea kuo lolou ‘a e houhau ‘a Kingi ‘Ehasivelo, na‘a ne manatu kia Vasitai, mo e me‘a na‘a ne fai, mo e me‘a na‘e tu‘utu‘uni kiate ia. 2Pea fakatau folofola hake ‘a e kau tama ‘a e tu‘i na‘e fai hono tauhi, ‘Ē, tuku ke kumi ma‘a e ‘afiona ha kau finemui hōihoifua: 3pea ke fakanofo ‘e he tu‘i ha kau ‘ōfisa ‘i he ngaahi vahefonua kotoa ‘o hono pule‘anga, ke tānaki ‘a e kau finemui tāupo‘ou ‘oku hōihoifua ki Sūsani Lotokolo, ki he fale sinifu, ki he pule ‘a Hēkai ko e ‘iunoke ‘a e tu‘i ‘oku tauhi ‘a e kau sinifu; pea ke ‘ange kiate kinautolu ha‘anau me‘a fulutuitui; 4pea ko e ta‘ahine ‘e hōihoifua‘ia ai ‘a e tu‘i, ke kuini ia ko e fetongi ‘o Vasitai.
Pea na‘e hā lelei ‘a e me‘a ko ia ki he tu‘i, pea ne fai pehē.
5Na‘e ai ha matāpule Siu ‘i Sūsani Lotokolo na‘e hingoa ko Motekiai foha ‘o Siaili, foha ‘o Simi, foha ‘o Kisi, ko e tangata Penisimani, 6‘a ia na‘e taki pōpula mei Selusalema fakataha mo e kau pōpula na‘e ‘ave mo Sekonaia Tu‘i Siuta, ‘a ia na‘e fetuku ‘e Nepukanesa Tu‘i Pāpilone.#2 Tu‘i 24.10-16; 2 Kal 36.10 7Pea kuo ne pusiaki ‘a A‘atasa (ko ‘Ēseta ia), ko e ‘ōfefine ‘o e tokoua ‘o ‘ene tamai; he na‘e ‘ikai ha‘ane tamai pe fa‘ē, pea ko e ta‘ahine faka‘ofo‘ofa ia, mo hōihoifua; pea ‘i he pekia ‘ene tamai mo ‘ene fa‘ē, na‘e to‘o ia ‘e Motekiai mōno ‘ōfefine.
8Pea ‘i he ‘iloange na‘e ongoongo mai ‘a e me‘a ‘a e tu‘i, mo ‘ene fekau, mo e tānaki mai ‘a e kau ta‘ahine tokolahi ki Sūsani Lotokolo ki he pule ‘a Hēkai, na‘e ‘ave ‘a ‘Ēseta foki ki he fale ‘o e tu‘i ki he pule ‘a Hēkai ko e tauhi ‘o e kau sinifu. 9Pea na‘a ne matamatalelei‘ia ‘i he ta‘ahine, pea na‘a ne ‘ofa ai; pea ne ‘ange vave hano fulutuitui, mo hono ngaahi ‘inasi, mo e fitu‘i kaunanga na‘e taau ke ‘omi ma‘ana mei he fale ‘o e tu‘i: pea ne hiki ia mo ‘ene kau fefine ki he potu lelei ‘o e fale sinifu.
10Kuo te‘eki ke fakahā ‘e ‘Ēseta ‘a e kakai ‘oku ne kau ki ai, mo hono tupu‘anga: he kuo fonosi ‘e Motekiai ke ‘oua te ne tala ia. 11Pea ‘i he ‘aho kotoa pē na‘e ‘eve‘eva ‘a Motekiai ‘i he mata loto‘ā ‘o e fale sinifu, ke ‘ilo pe kuo fēfē ‘a ‘Ēseta, mo e hā ‘e fai ki ai.
12Pea ‘i he hoko ‘a e lākanga ‘o e ta‘ahine takitaha ke ‘alu kia Kingi ‘Ehasivelo, ‘i he ‘osi ‘a e fai ki ai ‘o taau mo e lao ‘o e sinifu, ‘o māhina hongofulu mā ua (he ko e kakato ia ‘a e taimi ‘o honau fulutuitui; ko e māhina ‘e ono na‘e fai‘aki ‘a e lolo mula, pea ko e māhina ‘e ono na‘e fai‘aki ‘a e me‘a namu kakala, mo e me‘a kehekehe ‘oku fufulu ‘aki ‘a e fefine), 13pea ko e anga eni ‘o e ‘alu ‘a e ta‘ahine ki he tu‘i, ‘ilonga ha me‘a na‘a ne tala na‘e ‘ange kiate ia, ke ‘alu mo ia mei he fale sinifu ki he fale ‘o e tu‘i. 14Na‘a ne ‘alu efiafi, pea ‘i he ‘apongipongi na‘a ne foki ki hono ua ‘o e fale sinifu, ki he pule ‘a Sa‘asikasi, ko e ‘iunoke ‘a e tu‘i na‘a ne tauhi ‘a e kau sinifu; na‘e ‘ikai te ne toe ‘alu ki he tu‘i ka ‘i he lelei‘ia ai ‘a e tu‘i, ‘o ne tapa hingoa.
15Pea ‘i he hoko ‘a e lakanga ‘o ‘Ēseta ko e ‘ōfefine ‘o ‘Apihaili, ko e tokoua ‘o e tamai ‘a Motekiai, ‘a ia kuo ne ‘ōfefine ‘aki, ke ‘alu ki he tu‘i, na‘e ‘ikai te ne toe kole ha me‘a, ka ko ia pē na‘e tu‘utu‘uni ‘e Hēkai ko e ‘iunoke ‘a e tu‘i na‘e tauhi ‘a e fale sinifu. Pea na‘e ‘ofeina ‘a ‘Ēseta ‘e he kakai kotoa na‘e sio ki ai. 16Pea na‘e ‘ave ‘a ‘Ēseta kia Kingi ‘Ehasivelo ki he fale fakapule‘anga ‘i hono hongofulu ‘o e māhina, ‘a ia ko e māhina ko Tēpeti, ‘i he fitu ta‘u ‘o ‘ene pule. 17Pea na‘e ‘ofa ‘a e tu‘i kia ‘Ēseta ‘o lahi hake ‘i he kau fefine kotoa, pea na‘e lahi ‘a e ‘ofa mo e tokanga ‘a e tu‘i ki ai ‘i he kau tāupo‘ou kotoa; ko ia na‘a ne ‘ai ‘a e kalauni fakakuini ki hono ‘ulu, pea ne fakanofo ia ke kuini ko e fetongi ‘o Vasitai. 18Pea fai ‘e he tu‘i ha kātoanga lahi ki hono hou‘eiki kotoa, mo ‘ene kau tamaio‘eiki, ‘a ia ko e Kātoanga ‘o ‘Ēseta: pea ne fai ha fakafiemālie#2.18 fakafiemālie; ‘a ia ko e ‘aho mālōlo, pe ko e fakamolemole‘i ‘o e tukuhau. ki he ngaahi vahefonua, ‘o ne tufa me‘a‘ofa ‘o taau mo e mohu me‘a ‘a e tu‘i.
Ko Hono Fakahaofi ‘e ‘e Motekiai ‘a e mo‘ui ‘a e Tu‘í
19Pea ‘i he fai ha tānaki tāupo‘ou (ko hono tu‘o ua ia, pea ‘oku nofo ‘a Motekiai ‘i he matapā ‘o e tu‘i: 20kuo te‘eki fakahā ‘e ‘Ēseta hono tupu‘anga, mo e kakai na‘a ne kau ki ai, ‘o hangē ko hono tu‘utu‘uni ‘e Motekiai; he na‘e fai ‘e ‘Ēseta ‘a e lea ‘a Motekiai, ‘o hangē ko e taimi na‘a ne nofo pusiaki ai mo ia): 21‘i he taimi ko ia, pea ‘oku nofo ‘a Motekiai ‘i he matapā ‘o e tu‘i, na‘e ‘ita ‘a Pikitana mo Tēlesi, ko ha ongo ‘iunoke ‘a e tu‘i na‘e ‘i he kau le‘o hū‘anga, pea na‘a na feinga ke ala kia Kingi ‘Ehasivelo. 22Pea na‘e ‘ilo ‘a e me‘a ‘e Motekiai, pea ne fakahā kia ‘Ēseta ko e kuini; pea tala ‘e ‘Ēseta ki he tu‘i, ‘o taku kia Motekiai. 23Pea na‘e ‘eke ‘a e me‘a, ‘o ma‘u, pea na‘e fakatūfana‘i kinaua ‘i ha ‘akau: pea na‘e tohi ia ‘i he tohi Kalonikali ‘i he ‘ao ‘o e tu‘i.
Currently Selected:
KO ‘ĒSETA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ĒSETA 2
2
Ko Hoko ‘a ‘Ēseta ko e Kuini
1HILI ‘a e ngaahi me‘a ko ia, pea kuo lolou ‘a e houhau ‘a Kingi ‘Ehasivelo, na‘a ne manatu kia Vasitai, mo e me‘a na‘a ne fai, mo e me‘a na‘e tu‘utu‘uni kiate ia. 2Pea fakatau folofola hake ‘a e kau tama ‘a e tu‘i na‘e fai hono tauhi, ‘Ē, tuku ke kumi ma‘a e ‘afiona ha kau finemui hōihoifua: 3pea ke fakanofo ‘e he tu‘i ha kau ‘ōfisa ‘i he ngaahi vahefonua kotoa ‘o hono pule‘anga, ke tānaki ‘a e kau finemui tāupo‘ou ‘oku hōihoifua ki Sūsani Lotokolo, ki he fale sinifu, ki he pule ‘a Hēkai ko e ‘iunoke ‘a e tu‘i ‘oku tauhi ‘a e kau sinifu; pea ke ‘ange kiate kinautolu ha‘anau me‘a fulutuitui; 4pea ko e ta‘ahine ‘e hōihoifua‘ia ai ‘a e tu‘i, ke kuini ia ko e fetongi ‘o Vasitai.
Pea na‘e hā lelei ‘a e me‘a ko ia ki he tu‘i, pea ne fai pehē.
5Na‘e ai ha matāpule Siu ‘i Sūsani Lotokolo na‘e hingoa ko Motekiai foha ‘o Siaili, foha ‘o Simi, foha ‘o Kisi, ko e tangata Penisimani, 6‘a ia na‘e taki pōpula mei Selusalema fakataha mo e kau pōpula na‘e ‘ave mo Sekonaia Tu‘i Siuta, ‘a ia na‘e fetuku ‘e Nepukanesa Tu‘i Pāpilone.#2 Tu‘i 24.10-16; 2 Kal 36.10 7Pea kuo ne pusiaki ‘a A‘atasa (ko ‘Ēseta ia), ko e ‘ōfefine ‘o e tokoua ‘o ‘ene tamai; he na‘e ‘ikai ha‘ane tamai pe fa‘ē, pea ko e ta‘ahine faka‘ofo‘ofa ia, mo hōihoifua; pea ‘i he pekia ‘ene tamai mo ‘ene fa‘ē, na‘e to‘o ia ‘e Motekiai mōno ‘ōfefine.
8Pea ‘i he ‘iloange na‘e ongoongo mai ‘a e me‘a ‘a e tu‘i, mo ‘ene fekau, mo e tānaki mai ‘a e kau ta‘ahine tokolahi ki Sūsani Lotokolo ki he pule ‘a Hēkai, na‘e ‘ave ‘a ‘Ēseta foki ki he fale ‘o e tu‘i ki he pule ‘a Hēkai ko e tauhi ‘o e kau sinifu. 9Pea na‘a ne matamatalelei‘ia ‘i he ta‘ahine, pea na‘a ne ‘ofa ai; pea ne ‘ange vave hano fulutuitui, mo hono ngaahi ‘inasi, mo e fitu‘i kaunanga na‘e taau ke ‘omi ma‘ana mei he fale ‘o e tu‘i: pea ne hiki ia mo ‘ene kau fefine ki he potu lelei ‘o e fale sinifu.
10Kuo te‘eki ke fakahā ‘e ‘Ēseta ‘a e kakai ‘oku ne kau ki ai, mo hono tupu‘anga: he kuo fonosi ‘e Motekiai ke ‘oua te ne tala ia. 11Pea ‘i he ‘aho kotoa pē na‘e ‘eve‘eva ‘a Motekiai ‘i he mata loto‘ā ‘o e fale sinifu, ke ‘ilo pe kuo fēfē ‘a ‘Ēseta, mo e hā ‘e fai ki ai.
12Pea ‘i he hoko ‘a e lākanga ‘o e ta‘ahine takitaha ke ‘alu kia Kingi ‘Ehasivelo, ‘i he ‘osi ‘a e fai ki ai ‘o taau mo e lao ‘o e sinifu, ‘o māhina hongofulu mā ua (he ko e kakato ia ‘a e taimi ‘o honau fulutuitui; ko e māhina ‘e ono na‘e fai‘aki ‘a e lolo mula, pea ko e māhina ‘e ono na‘e fai‘aki ‘a e me‘a namu kakala, mo e me‘a kehekehe ‘oku fufulu ‘aki ‘a e fefine), 13pea ko e anga eni ‘o e ‘alu ‘a e ta‘ahine ki he tu‘i, ‘ilonga ha me‘a na‘a ne tala na‘e ‘ange kiate ia, ke ‘alu mo ia mei he fale sinifu ki he fale ‘o e tu‘i. 14Na‘a ne ‘alu efiafi, pea ‘i he ‘apongipongi na‘a ne foki ki hono ua ‘o e fale sinifu, ki he pule ‘a Sa‘asikasi, ko e ‘iunoke ‘a e tu‘i na‘a ne tauhi ‘a e kau sinifu; na‘e ‘ikai te ne toe ‘alu ki he tu‘i ka ‘i he lelei‘ia ai ‘a e tu‘i, ‘o ne tapa hingoa.
15Pea ‘i he hoko ‘a e lakanga ‘o ‘Ēseta ko e ‘ōfefine ‘o ‘Apihaili, ko e tokoua ‘o e tamai ‘a Motekiai, ‘a ia kuo ne ‘ōfefine ‘aki, ke ‘alu ki he tu‘i, na‘e ‘ikai te ne toe kole ha me‘a, ka ko ia pē na‘e tu‘utu‘uni ‘e Hēkai ko e ‘iunoke ‘a e tu‘i na‘e tauhi ‘a e fale sinifu. Pea na‘e ‘ofeina ‘a ‘Ēseta ‘e he kakai kotoa na‘e sio ki ai. 16Pea na‘e ‘ave ‘a ‘Ēseta kia Kingi ‘Ehasivelo ki he fale fakapule‘anga ‘i hono hongofulu ‘o e māhina, ‘a ia ko e māhina ko Tēpeti, ‘i he fitu ta‘u ‘o ‘ene pule. 17Pea na‘e ‘ofa ‘a e tu‘i kia ‘Ēseta ‘o lahi hake ‘i he kau fefine kotoa, pea na‘e lahi ‘a e ‘ofa mo e tokanga ‘a e tu‘i ki ai ‘i he kau tāupo‘ou kotoa; ko ia na‘a ne ‘ai ‘a e kalauni fakakuini ki hono ‘ulu, pea ne fakanofo ia ke kuini ko e fetongi ‘o Vasitai. 18Pea fai ‘e he tu‘i ha kātoanga lahi ki hono hou‘eiki kotoa, mo ‘ene kau tamaio‘eiki, ‘a ia ko e Kātoanga ‘o ‘Ēseta: pea ne fai ha fakafiemālie#2.18 fakafiemālie; ‘a ia ko e ‘aho mālōlo, pe ko e fakamolemole‘i ‘o e tukuhau. ki he ngaahi vahefonua, ‘o ne tufa me‘a‘ofa ‘o taau mo e mohu me‘a ‘a e tu‘i.
Ko Hono Fakahaofi ‘e ‘e Motekiai ‘a e mo‘ui ‘a e Tu‘í
19Pea ‘i he fai ha tānaki tāupo‘ou (ko hono tu‘o ua ia, pea ‘oku nofo ‘a Motekiai ‘i he matapā ‘o e tu‘i: 20kuo te‘eki fakahā ‘e ‘Ēseta hono tupu‘anga, mo e kakai na‘a ne kau ki ai, ‘o hangē ko hono tu‘utu‘uni ‘e Motekiai; he na‘e fai ‘e ‘Ēseta ‘a e lea ‘a Motekiai, ‘o hangē ko e taimi na‘a ne nofo pusiaki ai mo ia): 21‘i he taimi ko ia, pea ‘oku nofo ‘a Motekiai ‘i he matapā ‘o e tu‘i, na‘e ‘ita ‘a Pikitana mo Tēlesi, ko ha ongo ‘iunoke ‘a e tu‘i na‘e ‘i he kau le‘o hū‘anga, pea na‘a na feinga ke ala kia Kingi ‘Ehasivelo. 22Pea na‘e ‘ilo ‘a e me‘a ‘e Motekiai, pea ne fakahā kia ‘Ēseta ko e kuini; pea tala ‘e ‘Ēseta ki he tu‘i, ‘o taku kia Motekiai. 23Pea na‘e ‘eke ‘a e me‘a, ‘o ma‘u, pea na‘e fakatūfana‘i kinaua ‘i ha ‘akau: pea na‘e tohi ia ‘i he tohi Kalonikali ‘i he ‘ao ‘o e tu‘i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.