KO TĀNIELA 4
4
Ko e Misi Hono Ua ‘a Nepukanesa
1KO AU KINGI NEPUKANESA ki he ngaahi kakai, matakali, mo fa‘ahinga lea ‘oku nofo ‘i māmani; ‘ofa ke lahi ho‘omou fiemālie!
2Kuo hā kiate au ‘oku lelei ke fakahā atu ‘a e ngaahi faka‘ilonga mo e ngaahi me‘a fakaofo kuo fai ‘e he ‘Otua Taupotu kiate au. 3Ko ‘ene ngaahi faka‘ilonga, hono ‘ikai fakamanavahē! pea ko ‘ene ngaahi me‘a fakaofo, hono ‘ikai faka‘ulia! ko hono pule‘anga ko e pule‘anga ta‘engata, pea ko hono hau ‘oku mei he to‘utangata ki he to‘utangata.
4Ko au Nepukanesa na‘a ku mālōlō ‘i hoku ‘api, pea u tu‘umālie ‘i hoku palasi. 5Na‘e ai ha misi na‘a ku sio ki ai, pea u manavahē; pea ko e ngaahi fifili na‘e hake ‘i he‘eku ‘i he mohenga, mo e ngaahi vīsone na‘e hā ki hoku ‘ulu, na‘a nau fakailifia‘i au. 6Ko ia na‘a ku tu‘utu‘uni ke ‘omi ki hoku ‘ao ‘a ha‘a poto kotoa pē ‘o Pāpilone, ke nau faka‘uhinga ‘a e misi. 7Pea ha‘u ai ‘a e kau sikalaipe, ‘a e kau maki, ‘a e kau Kalitia, mo e kau ‘asitalōnome: pea u fakamatala kiate kinautolu ‘a e misi, ka na‘e ‘ikai te nau mafaka‘uhinga mai, 8ka na‘e faifai pea hū mai, ‘a Tāniela, ‘a ia ‘oku hingoa ko Pelitisasa, ‘o tatau mo e hingoa ‘o hoku ‘otua, pea ko e toko taha ‘oku ‘iate ia ‘a e laumālie ‘o e ngaahi ‘otua toputapu:#4.8 ngaahi ‘otua toputapu; pe ‘Otua. pea u ‘a‘au ‘a e misi kiate ia. 9‘E Pelitisasa, Pule ‘o ha‘a maki, ‘oku ou ‘ilo ‘oku ‘iate koe ‘a e laumālie ‘o e ngaahi ‘otua toputapu, pea ‘oku ‘ikai ha misiteli te ke faingata‘a‘ia ai; ke ke tala mai ‘a e ngaahi vīsone, ‘a e misi kuo u mamata ki ai,#4.9 ke ke… ‘uhingá; Ko hono faka-‘Ālameá ia, ka ‘oku ngali tonu ‘a hono hiki ‘o: Ko e misi ia kuó u mamata ki aí. Ke ke tala mai ‘a hono ‘uhingá.
10Pea ko e ngaahi vīsone na‘e hā ki hoku ‘ulu ‘i hoku mohenga: ‘oku ou mo‘usioa pē, pea ‘iloange ko e ‘akau ‘i loto māmani, pea ko hono mā‘olunga ko e me‘a kehe. 11Na‘e tupu ai pē ‘a e ‘akau ke lahi, pea na‘e a‘u hono tumutumu ki he langi, mo hono holofa ki he pā‘angangalu ‘o māmani. 12Na‘e faka‘ofo‘ofa hono ‘ulu‘ulu, pea lahi hono fua, pea na‘e ‘i ai ha me‘akai ki he me‘a kotoa: na‘e fakamalumalu ai ‘a e fanga manu ‘o e vao, pea ‘i hono ngaahi va‘a na‘e nofo ‘a e manupuna ‘o e ‘atā, pea na‘e kai noa pē mei ai ‘a e kakano kotoa pē.
13Na‘a ku sio ai pē ‘i he vīsone na‘e hā ki hoku ‘ulu ‘i hoku mohenga, pea ‘iloange ‘oku hifo mei langi ha taha le‘o#4.13 le‘o; pe tauhi. ‘i he fa‘ahinga tapu. 14Na‘a ne kalanga le‘o lahi, ‘o pehē, Tā ‘a e ‘akau, pea tu‘usi hono ‘ulu‘ulu, ‘au‘ulu hono lau, mo fakamovetevete hono fua: ke hola ‘a e fanga manu mei hono malu, mo e manupuna mei hono ngaahi va‘a. 15Kae tuku pē ‘i he kelekele ‘a hono tefito, pea ha‘i ‘aki ‘a e ‘aione mo e palasa ‘i he mohuku mui ‘o e vao; pea tuku ke viku ia ‘i he hahau mei langi, pea ke ne ma‘u ‘inasi fakataha mo e fanga manu ‘i he mohuku ‘o e kelekele: 16ke liliu hono loto‘i tangata, kae ‘ange ki ai ha loto‘i manu; pea ke ‘osi ai ha fitu‘i kuonga. 17Ko e fekau ‘oku ‘i he tu‘utu‘uni ‘a e kau Le‘o, pea ko e tala ‘oku ‘i he folofola ‘a ha‘a Tapu; koe‘uhi ke ‘ilo ‘e ha‘a mo‘ui ‘oku hau ‘a ‘Elioni ‘i he pule‘anga ‘o e tangata, pea ‘oku ne ‘atu ia kiate ia ‘oku ne finangalo ki ai; pea ‘oku ne mafakanofo ki ai ‘a e taupotu ki lalo ‘o e kakai.
18Ko e misi ko eni na‘a ku mamata ki ai ‘e au Kingi Nepukanesa; pea ko koe, Pelitisasa, ke ke ‘a‘au hono ‘uhinga; he ‘oku ‘ikai ke lava ‘e he kau poto kotoa ‘o hoku pule‘anga ke faka‘uhinga: ka ko koe te ke fe‘unga, he ko e laumālie ‘o e ngaahi ‘otua toputapu#4.18 ngaahi ‘otua toputapu; pe ‘Otua. ‘oku ‘iate koe.
Ko Hono Faka‘uhinga ‘e Tāniela ‘a e Misí
19Pea mo‘u tāfu‘ua ai ‘a Tāniela, ‘a ia ko Pelitisasa, ‘o houa kātoa, pea na‘e fakailifia‘i ia ‘e he‘ene ngaahi fakakaukau. Folofola ‘a e tu‘i, ‘Oua ‘e manavahē, Pelitisasa, koe‘uhi ko e misi, pe koe‘uhi ko hono ‘uhinga. Tali hake ai ‘a Pelitisasa, ‘Ēī, taumaiā ke kau ‘a e misi kiate kinautolu ‘oku fehi‘a ki he ‘afiona, pea ko hono ‘uhinga ki ho ngaahi fili.
20Ko e ‘akau na‘a ke mamata ki ai, ‘a ia na‘e lahi mo mālohi, na‘e tatae ‘e hono tumutumu ‘a e langi, pea mātā ‘e māmani kātoa; 21‘a ia na‘e faka‘ofo‘ofa hono ‘ulu‘ulu, mo lahi hono fua, pea ‘i ai ha me‘akai ki he me‘a kotoa; na‘e nofo ‘a e fanga manu ‘o e vao ‘i hono malu, pea fale ‘a e ngaahi manupuna ‘o e ‘atā ‘i hono va‘a–
22ko e ‘afiona ia, he kuo ke tupu ke lahi mo mālohi, pea kuo tupu ho lahi ‘o a‘u ki langi, pea ‘oku a‘u ho hau ki he pā‘angangalu ‘o māmani. 23Pea hangē na‘e vakai ‘e he ‘afiona ki ha taha le‘o, ha taha ‘i he fa‘ahinga tapu, ‘oku ne hifo mei langi, ‘o ne fekau, ‘o pehē, Tā ‘a e ‘akau, ‘o faka‘auha ia; kae tuku ‘i he kelekele ‘a hono tefito, ‘io, ‘o ha‘i ‘aki ‘a e ‘aione mo e palasa ‘i he mohuku mui ‘o e vao, pea tuku ke viku ia ‘i he hahau mei langi, pea ke ne ma‘u ‘inasi fakataha mo e fanga manu ‘o e vao, kae‘oua ke laka atu ai ha fitu‘i kuonga–
24‘Ēī, ko hono ‘uhinga eni, pea ko e tu‘utu‘uni ia ‘a ‘Elioni, ‘a ia ‘e hoko ki he ‘afiona, 25‘E kapusi koe mei he kakai, pea ‘e fai ho‘o nofo mo e manu ‘o e vao, pea ‘e ngaohi koe ke kai musie hangē ko e pulu, pea te ke viku ‘i he hahau mei langi, pea ‘e laka atu ‘i he ‘afiona ha fitu‘i kuonga; kae‘oua ke ke mea‘i ‘oku hau ‘a ‘Elioni ‘i he pule‘anga ‘o e tangata, ‘o ne foaki ia ko ‘ene fa‘iteliha. 26Pea ko e me‘a ‘i he‘enau fekau ke tuku ‘a e tefito ‘o e ‘akau; ‘e ma‘u pē ‘a ho‘o pule‘anga ma‘au, ‘oka kuo ke mea‘i ko langi ‘oku pule. 27Ko ia, ‘e tu‘i, ‘ofa ke tō lelei ‘eku tokoni ki he ‘afiona: Motuhi ho‘o ngaahi angahala ‘i he faitotonu, mo ho‘o ngaahi kovi ‘i ho‘o fai ‘ofa ki he tu‘utāmaki;#4.27 Motuhi… tu‘utāmaki; pe Huhu‘i ‘aki ho‘o ngaahi faikoví ha‘o faitotonu mo ‘ofa ki he masivá. hei‘ilo ‘e tolonga ai ho‘o tu‘umālie.
28Na‘e hoko kotoa ‘a e me‘a ko ia kia Kingi Nepukanesa. 29Hili ‘a e māhina ‘e hongofulu mā ua ‘oku ne hā‘ele ‘i he funga palasi ‘i Pāpilone. 30Folofola ‘a e tu‘i ‘o pehē, ‘Ikai ko fu‘u Pāpilone ena, ‘a ia kuo u langa mōku fale hau ‘aki ‘a e ivi ‘o hoku māfimafi, ke ongoongoa hoku lāngilangi?
31Lolotonga na‘e kei ‘i he fofonga ‘o e tu‘i ‘a e lea, na‘e tō ha le‘o mei he langi, ‘o pehē, Kingi Nepukanesa, ko e folofola eni kiate koe: kuo hiki ho‘o pule‘anga meiate koe. 32Pea ‘e kapusi koe mei he kakai, pea ‘e fai ho‘o nofo fakataha mo e fanga manu ‘o e vao: ‘e ngaohi koe ke kai musie ‘o hangē ko e pulu, pea ‘e laka ‘iate koe ha fitu‘i kuonga; kae‘oua ke ke ‘ilo ‘oku hau ‘a ‘Elioni ‘i he pule‘anga ‘o e tangata, pea ‘oku ne foaki ia ko ‘ene fa‘iteliha.
33‘I he houa pē ko ia na‘e fakaai ‘a e lea kia Nepukanesa; he na‘e kapusi ia mei he kakai, pea ne kai musie hangē ko e pulu, pea na‘e viku hono sino ‘i he hahau mei langi, kae‘oua ke tatau hono fulufulu mo e ‘īkale, pea mo hono nge‘esi va‘e mo e pesipesi ‘o e manupuna.
Ko Hono Fakahīkihiki‘i ‘e Nepukanesa ‘a e ‘Otuá
34‘I he ‘osi ‘a e ngaahi ‘aho, ko au Nepukanesa na‘a ku tāngaki hoku mata ki he langi, pea na‘e foki mai hoku loto, pea u fakamālō‘ia ‘a ‘Elioni, pea u fakafeta‘ia mo fakahīkihiki‘i ‘a ia ‘oku ‘afio ‘o ta‘engata; he ko hono hau ko e hau ta‘engata, pea ko hono pule‘anga ‘oku mei he to‘utangata ki he to‘utangata. 35Pea ko e kotoa ‘o e nofo ‘i māmani ‘oku lau ‘e ia ko e me‘a noa, pea ‘oku ne fai hono finangalo ‘i he tau ‘o e langi, pea ‘i he lotolotonga ‘o e nofo ‘i māmani: pea ‘oku ‘ikai ha taha te ne mata‘ofi hono nima, pe ‘eke kiate ia, Ko e hā ‘oku ke fai?
36‘I he taimi ko ia na‘e foki mai ‘eku poto; pea ko e me‘a ki he lāngilangi ‘o hoku pule‘anga na‘e foki mai hoku teunga‘ia mo hoku toulekeleka; pea na‘e kumi kiate au ‘eku kau minisitā mo hoku hou‘eiki, pea na‘e fokotu‘u au ‘i he‘eku pule, pea na‘e fakalahi mai hoku lāngilangi‘ia.
37Pea ko eni, ko au Nepukanesa ‘oku ou fakamālō mo fakahīkihiki‘i mo fakalāngilangi‘i ‘a e Hau ‘o langi; he ko ‘ene ngāue kotoa pē ‘oku fai tu‘unga, pea ko hono ngaahi ‘alunga ‘oku ‘osi-‘a-sivi: pea ko kinautolu ‘oku taka fielahi, ‘oku ne mafai ke fakavaivai‘i.
Currently Selected:
KO TĀNIELA 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO TĀNIELA 4
4
Ko e Misi Hono Ua ‘a Nepukanesa
1KO AU KINGI NEPUKANESA ki he ngaahi kakai, matakali, mo fa‘ahinga lea ‘oku nofo ‘i māmani; ‘ofa ke lahi ho‘omou fiemālie!
2Kuo hā kiate au ‘oku lelei ke fakahā atu ‘a e ngaahi faka‘ilonga mo e ngaahi me‘a fakaofo kuo fai ‘e he ‘Otua Taupotu kiate au. 3Ko ‘ene ngaahi faka‘ilonga, hono ‘ikai fakamanavahē! pea ko ‘ene ngaahi me‘a fakaofo, hono ‘ikai faka‘ulia! ko hono pule‘anga ko e pule‘anga ta‘engata, pea ko hono hau ‘oku mei he to‘utangata ki he to‘utangata.
4Ko au Nepukanesa na‘a ku mālōlō ‘i hoku ‘api, pea u tu‘umālie ‘i hoku palasi. 5Na‘e ai ha misi na‘a ku sio ki ai, pea u manavahē; pea ko e ngaahi fifili na‘e hake ‘i he‘eku ‘i he mohenga, mo e ngaahi vīsone na‘e hā ki hoku ‘ulu, na‘a nau fakailifia‘i au. 6Ko ia na‘a ku tu‘utu‘uni ke ‘omi ki hoku ‘ao ‘a ha‘a poto kotoa pē ‘o Pāpilone, ke nau faka‘uhinga ‘a e misi. 7Pea ha‘u ai ‘a e kau sikalaipe, ‘a e kau maki, ‘a e kau Kalitia, mo e kau ‘asitalōnome: pea u fakamatala kiate kinautolu ‘a e misi, ka na‘e ‘ikai te nau mafaka‘uhinga mai, 8ka na‘e faifai pea hū mai, ‘a Tāniela, ‘a ia ‘oku hingoa ko Pelitisasa, ‘o tatau mo e hingoa ‘o hoku ‘otua, pea ko e toko taha ‘oku ‘iate ia ‘a e laumālie ‘o e ngaahi ‘otua toputapu:#4.8 ngaahi ‘otua toputapu; pe ‘Otua. pea u ‘a‘au ‘a e misi kiate ia. 9‘E Pelitisasa, Pule ‘o ha‘a maki, ‘oku ou ‘ilo ‘oku ‘iate koe ‘a e laumālie ‘o e ngaahi ‘otua toputapu, pea ‘oku ‘ikai ha misiteli te ke faingata‘a‘ia ai; ke ke tala mai ‘a e ngaahi vīsone, ‘a e misi kuo u mamata ki ai,#4.9 ke ke… ‘uhingá; Ko hono faka-‘Ālameá ia, ka ‘oku ngali tonu ‘a hono hiki ‘o: Ko e misi ia kuó u mamata ki aí. Ke ke tala mai ‘a hono ‘uhingá.
10Pea ko e ngaahi vīsone na‘e hā ki hoku ‘ulu ‘i hoku mohenga: ‘oku ou mo‘usioa pē, pea ‘iloange ko e ‘akau ‘i loto māmani, pea ko hono mā‘olunga ko e me‘a kehe. 11Na‘e tupu ai pē ‘a e ‘akau ke lahi, pea na‘e a‘u hono tumutumu ki he langi, mo hono holofa ki he pā‘angangalu ‘o māmani. 12Na‘e faka‘ofo‘ofa hono ‘ulu‘ulu, pea lahi hono fua, pea na‘e ‘i ai ha me‘akai ki he me‘a kotoa: na‘e fakamalumalu ai ‘a e fanga manu ‘o e vao, pea ‘i hono ngaahi va‘a na‘e nofo ‘a e manupuna ‘o e ‘atā, pea na‘e kai noa pē mei ai ‘a e kakano kotoa pē.
13Na‘a ku sio ai pē ‘i he vīsone na‘e hā ki hoku ‘ulu ‘i hoku mohenga, pea ‘iloange ‘oku hifo mei langi ha taha le‘o#4.13 le‘o; pe tauhi. ‘i he fa‘ahinga tapu. 14Na‘a ne kalanga le‘o lahi, ‘o pehē, Tā ‘a e ‘akau, pea tu‘usi hono ‘ulu‘ulu, ‘au‘ulu hono lau, mo fakamovetevete hono fua: ke hola ‘a e fanga manu mei hono malu, mo e manupuna mei hono ngaahi va‘a. 15Kae tuku pē ‘i he kelekele ‘a hono tefito, pea ha‘i ‘aki ‘a e ‘aione mo e palasa ‘i he mohuku mui ‘o e vao; pea tuku ke viku ia ‘i he hahau mei langi, pea ke ne ma‘u ‘inasi fakataha mo e fanga manu ‘i he mohuku ‘o e kelekele: 16ke liliu hono loto‘i tangata, kae ‘ange ki ai ha loto‘i manu; pea ke ‘osi ai ha fitu‘i kuonga. 17Ko e fekau ‘oku ‘i he tu‘utu‘uni ‘a e kau Le‘o, pea ko e tala ‘oku ‘i he folofola ‘a ha‘a Tapu; koe‘uhi ke ‘ilo ‘e ha‘a mo‘ui ‘oku hau ‘a ‘Elioni ‘i he pule‘anga ‘o e tangata, pea ‘oku ne ‘atu ia kiate ia ‘oku ne finangalo ki ai; pea ‘oku ne mafakanofo ki ai ‘a e taupotu ki lalo ‘o e kakai.
18Ko e misi ko eni na‘a ku mamata ki ai ‘e au Kingi Nepukanesa; pea ko koe, Pelitisasa, ke ke ‘a‘au hono ‘uhinga; he ‘oku ‘ikai ke lava ‘e he kau poto kotoa ‘o hoku pule‘anga ke faka‘uhinga: ka ko koe te ke fe‘unga, he ko e laumālie ‘o e ngaahi ‘otua toputapu#4.18 ngaahi ‘otua toputapu; pe ‘Otua. ‘oku ‘iate koe.
Ko Hono Faka‘uhinga ‘e Tāniela ‘a e Misí
19Pea mo‘u tāfu‘ua ai ‘a Tāniela, ‘a ia ko Pelitisasa, ‘o houa kātoa, pea na‘e fakailifia‘i ia ‘e he‘ene ngaahi fakakaukau. Folofola ‘a e tu‘i, ‘Oua ‘e manavahē, Pelitisasa, koe‘uhi ko e misi, pe koe‘uhi ko hono ‘uhinga. Tali hake ai ‘a Pelitisasa, ‘Ēī, taumaiā ke kau ‘a e misi kiate kinautolu ‘oku fehi‘a ki he ‘afiona, pea ko hono ‘uhinga ki ho ngaahi fili.
20Ko e ‘akau na‘a ke mamata ki ai, ‘a ia na‘e lahi mo mālohi, na‘e tatae ‘e hono tumutumu ‘a e langi, pea mātā ‘e māmani kātoa; 21‘a ia na‘e faka‘ofo‘ofa hono ‘ulu‘ulu, mo lahi hono fua, pea ‘i ai ha me‘akai ki he me‘a kotoa; na‘e nofo ‘a e fanga manu ‘o e vao ‘i hono malu, pea fale ‘a e ngaahi manupuna ‘o e ‘atā ‘i hono va‘a–
22ko e ‘afiona ia, he kuo ke tupu ke lahi mo mālohi, pea kuo tupu ho lahi ‘o a‘u ki langi, pea ‘oku a‘u ho hau ki he pā‘angangalu ‘o māmani. 23Pea hangē na‘e vakai ‘e he ‘afiona ki ha taha le‘o, ha taha ‘i he fa‘ahinga tapu, ‘oku ne hifo mei langi, ‘o ne fekau, ‘o pehē, Tā ‘a e ‘akau, ‘o faka‘auha ia; kae tuku ‘i he kelekele ‘a hono tefito, ‘io, ‘o ha‘i ‘aki ‘a e ‘aione mo e palasa ‘i he mohuku mui ‘o e vao, pea tuku ke viku ia ‘i he hahau mei langi, pea ke ne ma‘u ‘inasi fakataha mo e fanga manu ‘o e vao, kae‘oua ke laka atu ai ha fitu‘i kuonga–
24‘Ēī, ko hono ‘uhinga eni, pea ko e tu‘utu‘uni ia ‘a ‘Elioni, ‘a ia ‘e hoko ki he ‘afiona, 25‘E kapusi koe mei he kakai, pea ‘e fai ho‘o nofo mo e manu ‘o e vao, pea ‘e ngaohi koe ke kai musie hangē ko e pulu, pea te ke viku ‘i he hahau mei langi, pea ‘e laka atu ‘i he ‘afiona ha fitu‘i kuonga; kae‘oua ke ke mea‘i ‘oku hau ‘a ‘Elioni ‘i he pule‘anga ‘o e tangata, ‘o ne foaki ia ko ‘ene fa‘iteliha. 26Pea ko e me‘a ‘i he‘enau fekau ke tuku ‘a e tefito ‘o e ‘akau; ‘e ma‘u pē ‘a ho‘o pule‘anga ma‘au, ‘oka kuo ke mea‘i ko langi ‘oku pule. 27Ko ia, ‘e tu‘i, ‘ofa ke tō lelei ‘eku tokoni ki he ‘afiona: Motuhi ho‘o ngaahi angahala ‘i he faitotonu, mo ho‘o ngaahi kovi ‘i ho‘o fai ‘ofa ki he tu‘utāmaki;#4.27 Motuhi… tu‘utāmaki; pe Huhu‘i ‘aki ho‘o ngaahi faikoví ha‘o faitotonu mo ‘ofa ki he masivá. hei‘ilo ‘e tolonga ai ho‘o tu‘umālie.
28Na‘e hoko kotoa ‘a e me‘a ko ia kia Kingi Nepukanesa. 29Hili ‘a e māhina ‘e hongofulu mā ua ‘oku ne hā‘ele ‘i he funga palasi ‘i Pāpilone. 30Folofola ‘a e tu‘i ‘o pehē, ‘Ikai ko fu‘u Pāpilone ena, ‘a ia kuo u langa mōku fale hau ‘aki ‘a e ivi ‘o hoku māfimafi, ke ongoongoa hoku lāngilangi?
31Lolotonga na‘e kei ‘i he fofonga ‘o e tu‘i ‘a e lea, na‘e tō ha le‘o mei he langi, ‘o pehē, Kingi Nepukanesa, ko e folofola eni kiate koe: kuo hiki ho‘o pule‘anga meiate koe. 32Pea ‘e kapusi koe mei he kakai, pea ‘e fai ho‘o nofo fakataha mo e fanga manu ‘o e vao: ‘e ngaohi koe ke kai musie ‘o hangē ko e pulu, pea ‘e laka ‘iate koe ha fitu‘i kuonga; kae‘oua ke ke ‘ilo ‘oku hau ‘a ‘Elioni ‘i he pule‘anga ‘o e tangata, pea ‘oku ne foaki ia ko ‘ene fa‘iteliha.
33‘I he houa pē ko ia na‘e fakaai ‘a e lea kia Nepukanesa; he na‘e kapusi ia mei he kakai, pea ne kai musie hangē ko e pulu, pea na‘e viku hono sino ‘i he hahau mei langi, kae‘oua ke tatau hono fulufulu mo e ‘īkale, pea mo hono nge‘esi va‘e mo e pesipesi ‘o e manupuna.
Ko Hono Fakahīkihiki‘i ‘e Nepukanesa ‘a e ‘Otuá
34‘I he ‘osi ‘a e ngaahi ‘aho, ko au Nepukanesa na‘a ku tāngaki hoku mata ki he langi, pea na‘e foki mai hoku loto, pea u fakamālō‘ia ‘a ‘Elioni, pea u fakafeta‘ia mo fakahīkihiki‘i ‘a ia ‘oku ‘afio ‘o ta‘engata; he ko hono hau ko e hau ta‘engata, pea ko hono pule‘anga ‘oku mei he to‘utangata ki he to‘utangata. 35Pea ko e kotoa ‘o e nofo ‘i māmani ‘oku lau ‘e ia ko e me‘a noa, pea ‘oku ne fai hono finangalo ‘i he tau ‘o e langi, pea ‘i he lotolotonga ‘o e nofo ‘i māmani: pea ‘oku ‘ikai ha taha te ne mata‘ofi hono nima, pe ‘eke kiate ia, Ko e hā ‘oku ke fai?
36‘I he taimi ko ia na‘e foki mai ‘eku poto; pea ko e me‘a ki he lāngilangi ‘o hoku pule‘anga na‘e foki mai hoku teunga‘ia mo hoku toulekeleka; pea na‘e kumi kiate au ‘eku kau minisitā mo hoku hou‘eiki, pea na‘e fokotu‘u au ‘i he‘eku pule, pea na‘e fakalahi mai hoku lāngilangi‘ia.
37Pea ko eni, ko au Nepukanesa ‘oku ou fakamālō mo fakahīkihiki‘i mo fakalāngilangi‘i ‘a e Hau ‘o langi; he ko ‘ene ngāue kotoa pē ‘oku fai tu‘unga, pea ko hono ngaahi ‘alunga ‘oku ‘osi-‘a-sivi: pea ko kinautolu ‘oku taka fielahi, ‘oku ne mafai ke fakavaivai‘i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.