KO ‘ĒMOSI 9
9
Ko e ngaahi Fakamaau ‘a e ‘Otuá
1NE U māta‘ia ‘a ‘Ātonai ‘oku ne tu‘u ‘i he ‘ōlita: ‘o ne folofola mai, Taa‘i ‘a e teuteu ‘i he funga pou, ke ngaue ‘a e ngaahi tu‘unga hū‘anga: ‘io, pea laiki ke tō ki he ‘ulu ‘o e kakai kātoa; pea ko honau toe te u have‘i ‘aki ‘a e heletā: ko kinautolu ‘oku hola ‘e ‘ikai hao, pea ko kinautolu ‘oku moulu mai ‘e ‘ikai te nau mo‘ui. 2Neongo te nau keli hifo ki Hētesi, ko hoku nima ni te ne to‘o kinautolu mei he potu ko ia; pea neongo ‘enau ‘alu hake ki he langi, te u ‘ohifo kinautolu mei he potu ko ia. 3Pea neongo te nau toi ‘i funga Kāmeli, te u kumi ‘o to‘o kinautolu mei he potu ko ia: pea neongo te nau fufū kinautolu ‘i he takele ‘o ngātai, ke ‘oua na‘a sio ki ai hoku mata, te u fekau mei ai ‘a e ngata,#9.3 ngata; pe fu‘u manu tahi fakailifia. Na‘e tui ‘a e kakai ‘o ono‘ahó na‘e nofo he tahí ha fu‘u manu fakailifia ‘aupito. ‘I he lau ‘a ‘Ēmosí na‘e pule‘i fakataha ‘a e manu ko ‘ení mo e manu kotoa pē ‘e he ‘Otuá. pea te ne ‘uusi kinautolu. 4Pea neongo te nau ‘alu pōpula he fakateka kinautolu ‘e honau ngaahi fili, ko e potu ko ia te u fekau mai ‘a e heletā, pea te ne tāmate‘i kinautolu: pea te u ‘ai hoku mata kiate kinautolu ke ‘omi ha kovi, ‘o ‘ikai ha lelei. 5He ko ‘Ātonai Sihova, ko Mohu Hōsitē, ko ia ia ‘oku ala ki he fonua pea ‘oku vai, pea ‘oku tangi ‘a e nofo kotoa ‘i ai; pea ‘oku hake ‘o hangē ko Naila hono kotoa; pea ‘oku fonohifo hangē ko e vaitafe ‘o ‘Isipite– 6‘a e ‘Afio ‘oku langa ‘i he ngaahi langi ‘a hono ngaahi loki ‘olunga, ‘o ne tu‘u hono aku ki he fonua, ‘a e ‘Afio ‘oku ne ui mai ‘a e vai ‘o e tahi, ‘o ne lilingi ki he funga fonua–ko Sihova hono huafa.
7‘Ikai ‘oku mou tatau kiate au mo e fānau ‘a e kau ‘Itiopea,#9.7 ‘Itiopea; Vakai ki he “Ngaahi Huluhulu”. si‘i fānau ‘a ‘Isileli?–ko Sihova ia mei he Ta‘ehāmai–‘ikai na‘a ku ‘ohake ‘a ‘Isileli mei ‘Isipite, mo e kau Filisitia mei Kafitoli, mo e Sīlia mei Kili? 8Tala atu, ko e ongo fo‘i fofonga ‘o ‘Ātonai Sihova ‘oku hila ki he pule‘anga angahala‘ia, pea te u faka‘auha ia mei he funga ‘o e kelekele; ko hono me‘a pē, ‘e ‘ikai te u faka‘auha ‘aupito ‘a e fale ‘o Sēkope–ko Sihova ia mei he Ta‘ehāmai.
9He ko au eni ‘oku ou fai tu‘utu‘uni, pea te u lulu ‘a e fale ‘o ‘Isileli ‘i he ngaahi pule‘anga kehekehe, hangē ko e lulu ha uite ‘i he sivi, kae ‘ikai tō kelekele ha fo‘i tenga. 10‘E mate ‘i he heletā ‘a e kau angahala ‘o hoku kakai, ‘a kinautolu ‘oku lau, ‘E ‘ikai a‘u mai, pe kapui kitautolu ‘e he kovi.
Ko Hono toe Langa Fo‘ou ‘o ‘Isileli
11‘I he taimi ko ia te u fokotu‘u ‘a e fakahekeheke ‘o Tēvita, ‘a ia kuo tō ki lalo, pea te u fakamā‘opo‘opo hono ngaahi ava: pea te u langa‘i hono ngaahi me‘a kuo movetevete, pea te u ngaohi ia ‘o hangē ko e ngaahi taimi mu‘a atu.#Ngā 15.16-18 12Koe‘uhi ā ke nau tofi‘a ‘aki ‘a e toenga ‘o ‘Ītomi, pea mo e ngaahi pule‘anga kotoa pē ‘oku ui‘aki hoku hingoa–ko e folofola ia mei he Ta‘ehāmai–‘a Sihova, ‘a ia ‘oku ne fai ‘a e me‘a ni. 13Tala atu, ‘oku ‘unu‘unu mai ha taimi–ko Sihova ia mei he Ta‘ehāmai ‘a ia ‘e fea‘utaki ai ‘a e tama keli mo e tama utu, mo e tama malaki kālepi mo e tama tūtuu‘i tenga; pea ‘e huhua hifo ‘a e ngaahi mo‘unga ko e uaine fo‘ou, pea hoko ‘o vai ‘a e ngaahi tafungofunga. 14Pea te u fakafoki ‘a e pōpula ‘o hoku kakai ‘Isileli, pea te nau langa ‘a e ngaahi kolo kuo lala, ‘o nofo ai; pea te nau tō ngoue vaine, ‘o inu ‘a e uaine mei ai; pea te nau ngaohi ngouetapu, ‘o kai hono fua. 15‘Io, te u hunuki kinautolu ‘i honau kelekele, pea ‘e ‘ikai toe ta‘aki kinautolu mei honau kelekele; he kuo u foaki ia kiate kinautolu–ko e folofola ia ‘a Sihova ko homou ‘Otua.
Currently Selected:
KO ‘ĒMOSI 9: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ĒMOSI 9
9
Ko e ngaahi Fakamaau ‘a e ‘Otuá
1NE U māta‘ia ‘a ‘Ātonai ‘oku ne tu‘u ‘i he ‘ōlita: ‘o ne folofola mai, Taa‘i ‘a e teuteu ‘i he funga pou, ke ngaue ‘a e ngaahi tu‘unga hū‘anga: ‘io, pea laiki ke tō ki he ‘ulu ‘o e kakai kātoa; pea ko honau toe te u have‘i ‘aki ‘a e heletā: ko kinautolu ‘oku hola ‘e ‘ikai hao, pea ko kinautolu ‘oku moulu mai ‘e ‘ikai te nau mo‘ui. 2Neongo te nau keli hifo ki Hētesi, ko hoku nima ni te ne to‘o kinautolu mei he potu ko ia; pea neongo ‘enau ‘alu hake ki he langi, te u ‘ohifo kinautolu mei he potu ko ia. 3Pea neongo te nau toi ‘i funga Kāmeli, te u kumi ‘o to‘o kinautolu mei he potu ko ia: pea neongo te nau fufū kinautolu ‘i he takele ‘o ngātai, ke ‘oua na‘a sio ki ai hoku mata, te u fekau mei ai ‘a e ngata,#9.3 ngata; pe fu‘u manu tahi fakailifia. Na‘e tui ‘a e kakai ‘o ono‘ahó na‘e nofo he tahí ha fu‘u manu fakailifia ‘aupito. ‘I he lau ‘a ‘Ēmosí na‘e pule‘i fakataha ‘a e manu ko ‘ení mo e manu kotoa pē ‘e he ‘Otuá. pea te ne ‘uusi kinautolu. 4Pea neongo te nau ‘alu pōpula he fakateka kinautolu ‘e honau ngaahi fili, ko e potu ko ia te u fekau mai ‘a e heletā, pea te ne tāmate‘i kinautolu: pea te u ‘ai hoku mata kiate kinautolu ke ‘omi ha kovi, ‘o ‘ikai ha lelei. 5He ko ‘Ātonai Sihova, ko Mohu Hōsitē, ko ia ia ‘oku ala ki he fonua pea ‘oku vai, pea ‘oku tangi ‘a e nofo kotoa ‘i ai; pea ‘oku hake ‘o hangē ko Naila hono kotoa; pea ‘oku fonohifo hangē ko e vaitafe ‘o ‘Isipite– 6‘a e ‘Afio ‘oku langa ‘i he ngaahi langi ‘a hono ngaahi loki ‘olunga, ‘o ne tu‘u hono aku ki he fonua, ‘a e ‘Afio ‘oku ne ui mai ‘a e vai ‘o e tahi, ‘o ne lilingi ki he funga fonua–ko Sihova hono huafa.
7‘Ikai ‘oku mou tatau kiate au mo e fānau ‘a e kau ‘Itiopea,#9.7 ‘Itiopea; Vakai ki he “Ngaahi Huluhulu”. si‘i fānau ‘a ‘Isileli?–ko Sihova ia mei he Ta‘ehāmai–‘ikai na‘a ku ‘ohake ‘a ‘Isileli mei ‘Isipite, mo e kau Filisitia mei Kafitoli, mo e Sīlia mei Kili? 8Tala atu, ko e ongo fo‘i fofonga ‘o ‘Ātonai Sihova ‘oku hila ki he pule‘anga angahala‘ia, pea te u faka‘auha ia mei he funga ‘o e kelekele; ko hono me‘a pē, ‘e ‘ikai te u faka‘auha ‘aupito ‘a e fale ‘o Sēkope–ko Sihova ia mei he Ta‘ehāmai.
9He ko au eni ‘oku ou fai tu‘utu‘uni, pea te u lulu ‘a e fale ‘o ‘Isileli ‘i he ngaahi pule‘anga kehekehe, hangē ko e lulu ha uite ‘i he sivi, kae ‘ikai tō kelekele ha fo‘i tenga. 10‘E mate ‘i he heletā ‘a e kau angahala ‘o hoku kakai, ‘a kinautolu ‘oku lau, ‘E ‘ikai a‘u mai, pe kapui kitautolu ‘e he kovi.
Ko Hono toe Langa Fo‘ou ‘o ‘Isileli
11‘I he taimi ko ia te u fokotu‘u ‘a e fakahekeheke ‘o Tēvita, ‘a ia kuo tō ki lalo, pea te u fakamā‘opo‘opo hono ngaahi ava: pea te u langa‘i hono ngaahi me‘a kuo movetevete, pea te u ngaohi ia ‘o hangē ko e ngaahi taimi mu‘a atu.#Ngā 15.16-18 12Koe‘uhi ā ke nau tofi‘a ‘aki ‘a e toenga ‘o ‘Ītomi, pea mo e ngaahi pule‘anga kotoa pē ‘oku ui‘aki hoku hingoa–ko e folofola ia mei he Ta‘ehāmai–‘a Sihova, ‘a ia ‘oku ne fai ‘a e me‘a ni. 13Tala atu, ‘oku ‘unu‘unu mai ha taimi–ko Sihova ia mei he Ta‘ehāmai ‘a ia ‘e fea‘utaki ai ‘a e tama keli mo e tama utu, mo e tama malaki kālepi mo e tama tūtuu‘i tenga; pea ‘e huhua hifo ‘a e ngaahi mo‘unga ko e uaine fo‘ou, pea hoko ‘o vai ‘a e ngaahi tafungofunga. 14Pea te u fakafoki ‘a e pōpula ‘o hoku kakai ‘Isileli, pea te nau langa ‘a e ngaahi kolo kuo lala, ‘o nofo ai; pea te nau tō ngoue vaine, ‘o inu ‘a e uaine mei ai; pea te nau ngaohi ngouetapu, ‘o kai hono fua. 15‘Io, te u hunuki kinautolu ‘i honau kelekele, pea ‘e ‘ikai toe ta‘aki kinautolu mei honau kelekele; he kuo u foaki ia kiate kinautolu–ko e folofola ia ‘a Sihova ko homou ‘Otua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.