KO ‘ĒMOSI 6
6
Ko Hono Faka‘auha ‘o ‘Isileli
1‘OIAUĒ ‘a e fa‘ahinga ‘oku nofo hamumu noa ‘i Saione, mo kinautolu ‘oku falalanoa ki Mo‘unga Samēlia, ‘a e kau ‘ilonga he ‘uluaki ‘o e ngaahi pule‘anga, ‘io, ‘a kinautolu ‘oku ‘ulutukua ki ai ‘a e fale ‘o ‘Isileli! 2Lakaange ki Kāline, ‘o sio; pea ‘alu mei ai ki Hēmati Lahi: pea hifo ki Kati Filisitia: he ‘oku nau lelei hake he ongo pule‘anga ko ē? Pe ‘oku lahi honau kau‘ā ‘i homou kau‘ā? 3‘a e fa‘ahinga ‘oku mou fakamama‘o ‘a e ‘aho ‘o e kovi, kae hiki ke ofi ‘a e nofo‘anga ‘o e fakamālohi; 4‘A kimoutolu ‘oku lavaki tokoto ‘i he ngaahi mohenga lei, ‘o fakaloloa ‘i honau ngaahi sofa, he‘enau kai ‘a e fanga lami mei he tākanga, mo e fanga pulu mui mei he ‘ā fafanga; 5‘oku nau lavaki hiva pe ki he tā ‘o e helefilo; ‘oku nau fakakaukau ma‘anautolu ‘a e ngaahi me‘a hiva, hangē ko Tēvita; 6‘oku nau inu uaine mei he ngaahi pēsoni afuhi, pea ‘oku nau pani ‘aki ‘a e ngaahi lolo fungani; ka ‘oku ‘ikai te nau fai ha fakamamahi koe‘uhi ko e ngaahi lavea ‘o Siosifa. 7Ko ia ‘i he taimi ni te nau ‘alu pōpula, ‘o fotu ‘i he kau pōpula, pea ‘e mole ‘a e mavava ‘a e kau fakaloloa.
8Kuo fuakava ‘a ‘Ātonai Sihova ‘i he‘ene ‘Afio–ko Sihova ‘Otua Sāpaoti ‘oku lea mei he Ta‘ehāmai–Fakalili‘a ai au ki he laukau ‘a Sēkope, pea u fehi‘a ki hono ngaahi palasi: ko ia te u tukuange ‘a e kolo mo e me‘a kotoa ‘oku ‘i ai.
9Pea ‘e faifai, pea ka ‘oku toe ha tu‘unga tangata ‘e toko hongofulu ‘i ha fale ‘e taha, pea te nau mate. 10Pea ka hanga ‘a e tokoua ‘o e tamai ‘a ha taha, ‘a ia kuo ha‘u ke fakamomofi ia, ‘o ne hiki ia ke ‘ave ‘a e me‘a-faka‘eiki mei he fale ki tu‘a, pea ka lea ia ki he siana ‘oku ‘i he tā ‘o e fale, ‘Oku toe koā ha taha mo koe? pea ka tali ‘e ia, ‘Ikai; pea ‘e toki pehē ‘e he kāinga, Sī! ‘oua ‘e lea; he koe‘uma‘ā ke tāpafua ‘a e huafa ‘o Sihova.#6.10 ‘Oku ‘ikai ke mahino ‘a hono faka-Hepelū ‘o e vēsí ni. 11He vakai ‘oku fai tu‘utu‘uni ‘e Sihova, pea te ne taa‘i ‘a e fale lahi ke koto maumau, pea ko e fale si‘i ko e koto havehave. 12‘E lele ha fanga hoosi ‘i he maka tu‘u? ‘O fai ai ha huo palau ‘aki ‘a e fanga pulu? He#6.12 pe ‘Ā. kuo mou liliu ‘a e fakalao ke kona‘ī‘ī, pea ko e fua ‘o e faitotonu ko e koto teve;
13‘a e fa‘ahinga ‘oku fiefia ‘i ha ‘ata‘i me‘a,#6.13 ‘a e… me‘a; Ko hono hiki ‘e taha ko e: ‘Oku mou pōlepole ‘aki ‘a ho‘omou puke ‘a e kolo ko Lō-tipale, ‘a ia ko e hingoa ‘oku vāofi ‘a hono pu‘akí mo e faka-Hepelū ‘o e hala (ha me‘a). ‘a e fa‘ahinga ‘oku lau, ‘Ikai kuo tau to‘o nifo mai ‘aki ‘a e ngū ‘otautolu?#6.13 ‘Ikai… ‘otautolu? ‘Oku ngali tonu hono hiki ‘o: Na‘a mau ivi kaukaua ‘o mau puke ‘a e kolo ko) Ka‘anaimi. Ko e ‘uhinga ‘o e hingoa ‘o e kolo si‘isi‘i ko ení ko e “me‘a tui”, ‘a ia ko e faka‘ilonga ia ‘o e kaukaua.
14He ko au eni ‘oku ou fokotu‘u ha pule‘anga ke fai mo kimoutolu, ‘e fale ‘o ‘Isileli–ko Sihova ko e ‘Otua Sāpaoti ‘oku lea mei he Ta‘ehāmai–pea te ne fakamamahi kinautolu mei he Hū‘anga ‘o Hēmati ‘o a‘u ki he vaitafe ‘o e ‘Alapā.
Currently Selected:
KO ‘ĒMOSI 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘ĒMOSI 6
6
Ko Hono Faka‘auha ‘o ‘Isileli
1‘OIAUĒ ‘a e fa‘ahinga ‘oku nofo hamumu noa ‘i Saione, mo kinautolu ‘oku falalanoa ki Mo‘unga Samēlia, ‘a e kau ‘ilonga he ‘uluaki ‘o e ngaahi pule‘anga, ‘io, ‘a kinautolu ‘oku ‘ulutukua ki ai ‘a e fale ‘o ‘Isileli! 2Lakaange ki Kāline, ‘o sio; pea ‘alu mei ai ki Hēmati Lahi: pea hifo ki Kati Filisitia: he ‘oku nau lelei hake he ongo pule‘anga ko ē? Pe ‘oku lahi honau kau‘ā ‘i homou kau‘ā? 3‘a e fa‘ahinga ‘oku mou fakamama‘o ‘a e ‘aho ‘o e kovi, kae hiki ke ofi ‘a e nofo‘anga ‘o e fakamālohi; 4‘A kimoutolu ‘oku lavaki tokoto ‘i he ngaahi mohenga lei, ‘o fakaloloa ‘i honau ngaahi sofa, he‘enau kai ‘a e fanga lami mei he tākanga, mo e fanga pulu mui mei he ‘ā fafanga; 5‘oku nau lavaki hiva pe ki he tā ‘o e helefilo; ‘oku nau fakakaukau ma‘anautolu ‘a e ngaahi me‘a hiva, hangē ko Tēvita; 6‘oku nau inu uaine mei he ngaahi pēsoni afuhi, pea ‘oku nau pani ‘aki ‘a e ngaahi lolo fungani; ka ‘oku ‘ikai te nau fai ha fakamamahi koe‘uhi ko e ngaahi lavea ‘o Siosifa. 7Ko ia ‘i he taimi ni te nau ‘alu pōpula, ‘o fotu ‘i he kau pōpula, pea ‘e mole ‘a e mavava ‘a e kau fakaloloa.
8Kuo fuakava ‘a ‘Ātonai Sihova ‘i he‘ene ‘Afio–ko Sihova ‘Otua Sāpaoti ‘oku lea mei he Ta‘ehāmai–Fakalili‘a ai au ki he laukau ‘a Sēkope, pea u fehi‘a ki hono ngaahi palasi: ko ia te u tukuange ‘a e kolo mo e me‘a kotoa ‘oku ‘i ai.
9Pea ‘e faifai, pea ka ‘oku toe ha tu‘unga tangata ‘e toko hongofulu ‘i ha fale ‘e taha, pea te nau mate. 10Pea ka hanga ‘a e tokoua ‘o e tamai ‘a ha taha, ‘a ia kuo ha‘u ke fakamomofi ia, ‘o ne hiki ia ke ‘ave ‘a e me‘a-faka‘eiki mei he fale ki tu‘a, pea ka lea ia ki he siana ‘oku ‘i he tā ‘o e fale, ‘Oku toe koā ha taha mo koe? pea ka tali ‘e ia, ‘Ikai; pea ‘e toki pehē ‘e he kāinga, Sī! ‘oua ‘e lea; he koe‘uma‘ā ke tāpafua ‘a e huafa ‘o Sihova.#6.10 ‘Oku ‘ikai ke mahino ‘a hono faka-Hepelū ‘o e vēsí ni. 11He vakai ‘oku fai tu‘utu‘uni ‘e Sihova, pea te ne taa‘i ‘a e fale lahi ke koto maumau, pea ko e fale si‘i ko e koto havehave. 12‘E lele ha fanga hoosi ‘i he maka tu‘u? ‘O fai ai ha huo palau ‘aki ‘a e fanga pulu? He#6.12 pe ‘Ā. kuo mou liliu ‘a e fakalao ke kona‘ī‘ī, pea ko e fua ‘o e faitotonu ko e koto teve;
13‘a e fa‘ahinga ‘oku fiefia ‘i ha ‘ata‘i me‘a,#6.13 ‘a e… me‘a; Ko hono hiki ‘e taha ko e: ‘Oku mou pōlepole ‘aki ‘a ho‘omou puke ‘a e kolo ko Lō-tipale, ‘a ia ko e hingoa ‘oku vāofi ‘a hono pu‘akí mo e faka-Hepelū ‘o e hala (ha me‘a). ‘a e fa‘ahinga ‘oku lau, ‘Ikai kuo tau to‘o nifo mai ‘aki ‘a e ngū ‘otautolu?#6.13 ‘Ikai… ‘otautolu? ‘Oku ngali tonu hono hiki ‘o: Na‘a mau ivi kaukaua ‘o mau puke ‘a e kolo ko) Ka‘anaimi. Ko e ‘uhinga ‘o e hingoa ‘o e kolo si‘isi‘i ko ení ko e “me‘a tui”, ‘a ia ko e faka‘ilonga ia ‘o e kaukaua.
14He ko au eni ‘oku ou fokotu‘u ha pule‘anga ke fai mo kimoutolu, ‘e fale ‘o ‘Isileli–ko Sihova ko e ‘Otua Sāpaoti ‘oku lea mei he Ta‘ehāmai–pea te ne fakamamahi kinautolu mei he Hū‘anga ‘o Hēmati ‘o a‘u ki he vaitafe ‘o e ‘Alapā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.