KO 2 SĀMIUELA 5
5
Ko e Hoko ‘a Tēvita ko e Tu‘i ‘o ‘Isileli mo Siuta
(1 Kal 11.1-9; 14.1-7)
1PEA ha‘u ‘a e ngaahi matakali kotoa pē ‘o ‘Isileli kia Tēvita ki Hepeloni, ‘o nau fakatau folofola, ‘o pehē, ‘Eni, ko ho hui mo kakano ‘a kimautolu. 2Na‘a mo e taimi mu‘a ‘i he pule ‘a Saula kiate kimautolu, ko koe ia na‘e taki atu mo taki mai ‘a ha‘a ‘Isileli: pea na‘e folofola ‘a Sihova kiate koe, Ko koe te ke tauhi hoku kakai ‘Isileli, ‘io, ko koe te ke ‘eiki ki ‘Isileli. 3Ko ia na‘e ha‘u ‘a e kau mātu‘a kotoa pē ‘o ‘Isileli ki he tu‘i ki Hepeloni; pea na‘e fai kovinānite mo kinautolu ‘e Kingi Tēvita ‘i Hepeloni ‘i he ‘ao ‘o e ‘Eiki: pea nau fakanofo ‘a Tēvita ke Tu‘i ‘Isileli. 4Na‘e tolungofulu ta‘u ‘a Tēvita ‘i he‘ene kamata pule, pea na‘e fāngofulu ta‘u ‘ene tu‘i.#1 Tu‘i 2.11; 1 Kal 3.4; 29.27 5Na‘a ne tu‘i ‘i Hepeloni ki Siuta ko e fitu ta‘u mo e māhina ‘e ono: pea na‘e tolungofulu mā tolu ta‘u ‘ene tu‘i ‘i Selusalema ki ‘Isileli kātoa mo Siuta.
6Pea ‘alu ‘a e tu‘i mo ‘ene kau tangata ki Selusalema ke tau‘i ‘a e kau Siepusi na‘e nofo ‘i he fonua: ‘a ia na‘a nau lea kia Tēvita, ‘o pehē, ‘E ‘ikai te ke ha‘u ki heni, ‘o kapau ‘e ‘ikai te ke ‘ave mu‘a ‘a e kui mo e heke: ko ‘enau lau ‘e ‘ikai lava nai ‘e Tēvita.#Sios 15.63; Fkm 1.21 7Ka na‘e hamu pē ‘e Tēvita ‘a e talitau‘anga ko Saione (‘a ia kuo Kolo-‘o-Tēvita).
8Pea folofola ‘a Tēvita ‘i he ‘aho ko ia, Ko ia ‘oku taa‘i ‘a e kau Siepusi, ke ne a‘u ki he halanga vai, ‘o fai ki he heke mo e kui, ‘a ia ‘oku fehi‘a ki ai ‘a e loto ‘o Tēvita#5.8 ‘Oku fihi ‘a e kupu ko ia. ‘A ē ā ‘oku nau lea fakatokotokanaki ‘aki, Kuo ‘i ai ‘a e kui mo e heke, ‘e ‘ikai te ne hū mai ki fale.#5.8 ‘Oku ‘ikai ke mahino ‘a e faka-Hepelū ‘o e vēsí ni.
9Pea na‘e nofo ‘a Tēvita ‘i he talitau‘anga, ‘o ne ui ia ko Kolo-‘o-Tēvita. Pea langa ‘e Tēvita ‘o takatakai mei Milo, ‘o fai ki loto. 10Pea fakautuutu ai pē ‘a e mālohi ‘o Tēvita, he na‘e kau mo ia ‘a Sihova ko e ‘Otua-Mohu-Hositē.
11Pea tuku mai ‘e Hailame ko e Tu‘i Taia ha tu‘unga talafekau kia Tēvita, mo e ngaahi ‘akau ko e sita, mo e kau tufunga, mo e kau tā maka; pea na‘a nau langa ha fale mo‘o Tēvita. 12Pea na‘e mahino kia Tēvita kuo fakapapau ‘e he ‘Eiki ‘ene Tu‘i ‘Isileli, pea kuo ne hākeaki‘i hono pule‘anga, koe‘uhi ko hono kakai ‘Isileli.
13Pea toe ma‘u ‘e Tēvita mo ha ngaahi sinifu, mo ha ngaahi uaifi mei Selusalema, hili ‘ene hiki mei Hepeloni: pea na‘e toe fā‘ele‘i kia Tēvita ha ngaahi foha mo ha ngaahi ‘ōfefine. 14Pea ko e ngaahi hingoa eni ‘o kinautolu na‘e fā‘ele‘i kiate ia ‘i Selusalema; ko Samua, mo Sōpapi, mo Nētane, mo Solomone, 15mo ‘Ipihale, mo ‘Elisua; mo Nēfeki, mo ‘Iafia; 16mo ‘Elisama, mo ‘Eliata, mo ‘Elifeleti.
Ko e Ikuna‘i ‘o e Kakai Filisitiá
(1 Kal 14.8-17)
17Pea ‘i he fanongo ‘e he kau Filisitia kuo nau fakanofo ‘a Tēvita ke Tu‘i ‘Isileli, na‘a nau ‘alu hake kotoa pē ke kumi ‘a Tēvita; pea fanongo ki ai ‘a Tēvita, ‘o ne ‘alu hifo ki he talitau‘anga. 18Pea kuo ha‘u ‘a e kau Filisitia, pea kuo nau mafola atu ‘i he lautoka ‘o Lefaimi. 19Pea huhū ‘a Tēvita kia Sihova, ‘o pehē, Ka u ‘alu hake koā ke u fai mo e kau Filisitia? Te ke tuku kinautolu ki hoku nima? Pea tali ‘a e ‘Eiki kia Tēvita, ‘Alu hake pē: he te u mātu‘aki tuku ‘a e kau Filisitia ki ho nima.
20Pea a‘u ‘a Tēvita ki Peali-pelasimi, ‘o ne taa‘i kinautolu ‘i he potu ko ia; pea pehē ‘e Tēvita, Kuo pā atu ‘a Sihova ki hoku ngaahi fili ‘i hoku ‘ao, ‘o hangē ko e pā atu ha fu‘u vai. Ko ia na‘a nau fakahingoa ai ‘a e potu ko ē ko Peali-felesimi (ko ‘Eiki–‘o e-ngaahi-pā-atu). 21Pea nau li‘aki ‘enau ngaahi ‘aitoli ‘i he potu ko ia, pea ‘ave ia ‘e Tēvita mo ‘ene kau tangata.
22Pea toe ‘alu hake ‘a e kau Filisitia, ‘o nau mafola ‘i he lautoka ‘o Lefaimi. 23Pea huhū ‘a Tēvita kia Sihova, ka ka tali ‘e ia, ‘Oua te ke ‘alu hake; fakatakamilo, ‘o ha‘u mei honau tu‘a, fe‘unga mo e ‘ulu moli peli. 24Pea ka faifai pea ke ongo‘i ‘a e ngahaha ‘o ha ‘alu ‘i he funga moli peli, pea te ke toki ngaue hake: he ko e hā‘ele atu ia ‘a Sihova ‘i ho ‘ao, ke taa‘i ‘a e tau Filisitia, 25pea na‘e fai pehē ‘e Tēvita, hangē ko e tu‘utu‘uni ‘a e ‘Eiki, ‘o ne taa‘i ‘a e kau Filisitia mei Kepa, ‘o fakapehē ki Kēseli.
Currently Selected:
KO 2 SĀMIUELA 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 5
5
Ko e Hoko ‘a Tēvita ko e Tu‘i ‘o ‘Isileli mo Siuta
(1 Kal 11.1-9; 14.1-7)
1PEA ha‘u ‘a e ngaahi matakali kotoa pē ‘o ‘Isileli kia Tēvita ki Hepeloni, ‘o nau fakatau folofola, ‘o pehē, ‘Eni, ko ho hui mo kakano ‘a kimautolu. 2Na‘a mo e taimi mu‘a ‘i he pule ‘a Saula kiate kimautolu, ko koe ia na‘e taki atu mo taki mai ‘a ha‘a ‘Isileli: pea na‘e folofola ‘a Sihova kiate koe, Ko koe te ke tauhi hoku kakai ‘Isileli, ‘io, ko koe te ke ‘eiki ki ‘Isileli. 3Ko ia na‘e ha‘u ‘a e kau mātu‘a kotoa pē ‘o ‘Isileli ki he tu‘i ki Hepeloni; pea na‘e fai kovinānite mo kinautolu ‘e Kingi Tēvita ‘i Hepeloni ‘i he ‘ao ‘o e ‘Eiki: pea nau fakanofo ‘a Tēvita ke Tu‘i ‘Isileli. 4Na‘e tolungofulu ta‘u ‘a Tēvita ‘i he‘ene kamata pule, pea na‘e fāngofulu ta‘u ‘ene tu‘i.#1 Tu‘i 2.11; 1 Kal 3.4; 29.27 5Na‘a ne tu‘i ‘i Hepeloni ki Siuta ko e fitu ta‘u mo e māhina ‘e ono: pea na‘e tolungofulu mā tolu ta‘u ‘ene tu‘i ‘i Selusalema ki ‘Isileli kātoa mo Siuta.
6Pea ‘alu ‘a e tu‘i mo ‘ene kau tangata ki Selusalema ke tau‘i ‘a e kau Siepusi na‘e nofo ‘i he fonua: ‘a ia na‘a nau lea kia Tēvita, ‘o pehē, ‘E ‘ikai te ke ha‘u ki heni, ‘o kapau ‘e ‘ikai te ke ‘ave mu‘a ‘a e kui mo e heke: ko ‘enau lau ‘e ‘ikai lava nai ‘e Tēvita.#Sios 15.63; Fkm 1.21 7Ka na‘e hamu pē ‘e Tēvita ‘a e talitau‘anga ko Saione (‘a ia kuo Kolo-‘o-Tēvita).
8Pea folofola ‘a Tēvita ‘i he ‘aho ko ia, Ko ia ‘oku taa‘i ‘a e kau Siepusi, ke ne a‘u ki he halanga vai, ‘o fai ki he heke mo e kui, ‘a ia ‘oku fehi‘a ki ai ‘a e loto ‘o Tēvita#5.8 ‘Oku fihi ‘a e kupu ko ia. ‘A ē ā ‘oku nau lea fakatokotokanaki ‘aki, Kuo ‘i ai ‘a e kui mo e heke, ‘e ‘ikai te ne hū mai ki fale.#5.8 ‘Oku ‘ikai ke mahino ‘a e faka-Hepelū ‘o e vēsí ni.
9Pea na‘e nofo ‘a Tēvita ‘i he talitau‘anga, ‘o ne ui ia ko Kolo-‘o-Tēvita. Pea langa ‘e Tēvita ‘o takatakai mei Milo, ‘o fai ki loto. 10Pea fakautuutu ai pē ‘a e mālohi ‘o Tēvita, he na‘e kau mo ia ‘a Sihova ko e ‘Otua-Mohu-Hositē.
11Pea tuku mai ‘e Hailame ko e Tu‘i Taia ha tu‘unga talafekau kia Tēvita, mo e ngaahi ‘akau ko e sita, mo e kau tufunga, mo e kau tā maka; pea na‘a nau langa ha fale mo‘o Tēvita. 12Pea na‘e mahino kia Tēvita kuo fakapapau ‘e he ‘Eiki ‘ene Tu‘i ‘Isileli, pea kuo ne hākeaki‘i hono pule‘anga, koe‘uhi ko hono kakai ‘Isileli.
13Pea toe ma‘u ‘e Tēvita mo ha ngaahi sinifu, mo ha ngaahi uaifi mei Selusalema, hili ‘ene hiki mei Hepeloni: pea na‘e toe fā‘ele‘i kia Tēvita ha ngaahi foha mo ha ngaahi ‘ōfefine. 14Pea ko e ngaahi hingoa eni ‘o kinautolu na‘e fā‘ele‘i kiate ia ‘i Selusalema; ko Samua, mo Sōpapi, mo Nētane, mo Solomone, 15mo ‘Ipihale, mo ‘Elisua; mo Nēfeki, mo ‘Iafia; 16mo ‘Elisama, mo ‘Eliata, mo ‘Elifeleti.
Ko e Ikuna‘i ‘o e Kakai Filisitiá
(1 Kal 14.8-17)
17Pea ‘i he fanongo ‘e he kau Filisitia kuo nau fakanofo ‘a Tēvita ke Tu‘i ‘Isileli, na‘a nau ‘alu hake kotoa pē ke kumi ‘a Tēvita; pea fanongo ki ai ‘a Tēvita, ‘o ne ‘alu hifo ki he talitau‘anga. 18Pea kuo ha‘u ‘a e kau Filisitia, pea kuo nau mafola atu ‘i he lautoka ‘o Lefaimi. 19Pea huhū ‘a Tēvita kia Sihova, ‘o pehē, Ka u ‘alu hake koā ke u fai mo e kau Filisitia? Te ke tuku kinautolu ki hoku nima? Pea tali ‘a e ‘Eiki kia Tēvita, ‘Alu hake pē: he te u mātu‘aki tuku ‘a e kau Filisitia ki ho nima.
20Pea a‘u ‘a Tēvita ki Peali-pelasimi, ‘o ne taa‘i kinautolu ‘i he potu ko ia; pea pehē ‘e Tēvita, Kuo pā atu ‘a Sihova ki hoku ngaahi fili ‘i hoku ‘ao, ‘o hangē ko e pā atu ha fu‘u vai. Ko ia na‘a nau fakahingoa ai ‘a e potu ko ē ko Peali-felesimi (ko ‘Eiki–‘o e-ngaahi-pā-atu). 21Pea nau li‘aki ‘enau ngaahi ‘aitoli ‘i he potu ko ia, pea ‘ave ia ‘e Tēvita mo ‘ene kau tangata.
22Pea toe ‘alu hake ‘a e kau Filisitia, ‘o nau mafola ‘i he lautoka ‘o Lefaimi. 23Pea huhū ‘a Tēvita kia Sihova, ka ka tali ‘e ia, ‘Oua te ke ‘alu hake; fakatakamilo, ‘o ha‘u mei honau tu‘a, fe‘unga mo e ‘ulu moli peli. 24Pea ka faifai pea ke ongo‘i ‘a e ngahaha ‘o ha ‘alu ‘i he funga moli peli, pea te ke toki ngaue hake: he ko e hā‘ele atu ia ‘a Sihova ‘i ho ‘ao, ke taa‘i ‘a e tau Filisitia, 25pea na‘e fai pehē ‘e Tēvita, hangē ko e tu‘utu‘uni ‘a e ‘Eiki, ‘o ne taa‘i ‘a e kau Filisitia mei Kepa, ‘o fakapehē ki Kēseli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.