KO 2 SĀMIUELA 3
3
1PEA na‘e fuoloa ‘a e nofo tau ‘a e fale ‘o Saula mo e fale ‘o Tēvita; ka na‘e fakautuutu ai pē ‘a e mālohi ‘o Tēvita, kae faka‘au ai pē ke vaivai ‘a e fale ‘o Saula.
Ko e ngaahi Foha ‘o Tēvitá
2Pea na‘e fanau‘i ha ngaahi foha kia Tēvita ‘i Hepeloni: pea ko hono ‘uluaki ko ‘Amanoni, ‘a ‘Ahinoami ko e fefine Sisilili; 3pea ko hono ua ‘a Kiliapi, ‘a ‘Apikale na‘e nonofo mo e Kāmeli ko Nāpale; pea ko hono tolu ko ‘Apisalome, ko e tama ‘a Mā‘aka ko e ‘ōfefine ‘o Talimai ko e Tu‘i Kēsuli; 4pea ko hono fā ko ‘Atunaisa, ko e tama ‘a Hākiti; pea ko hono nima ‘a Sefataia, ko e tama ‘a ‘Apitali; 5pea ko hono ono ko ‘Itilami, ‘a ‘Ēkela ko e uaifi ‘o Tēvita. Ko kinautolu ni na‘e fanau‘i kia Tēvita ‘i Hepeloni.
Ko e Kau Mai ‘a ‘Āpina kia Tēvita
6Pea ko eni, lolotonga ‘a e nofo tau ‘a e fale ‘o Saula mo e fale ‘o Tēvita, na‘e kakapa ‘a ‘Āpina ke aoniu ‘i he fale ‘o Saula.
7Pea na‘e ‘i ai ‘a e sinifu ‘a Saula na‘e hingoa ko Līsipa, ko e ‘ōfefine ‘o ‘Aia: pea ne folofola kia ‘Āpina, Ko e hā kuo ke ‘alu ai ki he sinifu ‘a ‘eku tamai? 8Pea ‘ita ‘aupito ‘a ‘Āpina ‘i he lea pehē ‘a ‘Isiposeti, ‘o ne pehē, He ko e ‘ulu‘i kulī au ‘i he fa‘ahi ‘a Siuta? Ko e ‘aho ni ‘oku ou fai ‘ofa ki he fale ‘o ho‘o ‘eiki ko Saula, ki hono kāinga, mo hono kau fe‘iloaki, pea kuo ‘ikai te u tuku ange koā ki he nima ‘o Tēvita, ka neongo ia ka ‘oku ke lau au he ‘aho ni ko e kovi, koe‘uhi ko e fefine ni. 9‘Ilo ‘e ‘Āpina ‘o lahi hake, ‘o kapau ‘e ‘ikai te u fai kia Tēvita, ‘o hangē ko e fuakava ‘a e ‘Eiki kiate ia; 10ke hiki ‘a e pule‘anga mei he fale ‘o Saula, ‘o fokotu‘u ‘a e taloni ‘o Tēvita ke pule ki ‘Isileli mo Siuta, mei Tani ki Peasipa.#1 Sām 15.28 11Pea na‘e ‘ikai te ne lava ha‘ane toe tali kia ‘Āpina, ko ‘ene manavahē kiate ia.
12Pea kouna atu ‘e ‘Āpina ha kau talafekau kia Tēvita,#3.12 kia Tēvita; Ko hono faka-Hepelū kakató: kia Tēvita ki he feitu‘u na‘á ne ‘i ai [‘a ‘Āpina], ka ‘oku pehē he hiki fuoloa ‘e taha: kia Tēvita ki Hepeloni. ke fakafofonga kiate ia, ke nau lea ‘o pehē, ‘Oku ‘o hai ‘a e fonua? pea ke nau pehē, Ta talite mu‘a, pea ko au eni te u kau mo koe, ke fakafoki ‘a ‘Isileli kātoa kiate koe.
13Pea ne tali, ‘Oku lelei; te u fai talite mo koe; ka ko e me‘a ‘e taha ‘oku ou ‘eke atu kiate koe, ‘a ‘eni, ‘e ‘ikai te ke sio ki hoku mata, ‘oka ‘ikai te ke tomu‘a ‘omi ‘a Maikale ko e ‘ōfefine ‘o Saula, ‘i ho‘o ha‘u ke ta fe‘iloaki. 14Pea fekau atu ‘e Tēvita ha tu‘unga me‘a kia ‘Isiposeti ko e foha ‘o Saula, ke fakahā, ‘o pehē, Tuku mai hoku uaifi ko Maikale, ‘a ia na‘a ku polo‘i kiate au ‘aki ‘a e teau‘i kili‘i ‘ao ‘o e kau Filisitia.#1 Sām 18.27 15Pea ‘alu ‘a e fekau ‘a ‘Isiposeti, ‘o ‘omi ‘a e fefine mei hono husepāniti, ‘io, meia Palatieli ko e foha ‘o Laisi. 16Pea omi mo ia hono husepāniti, ‘o ne muimui tangi pē ‘o a‘u ki Pahulimi. Pea toki pehē ‘e ‘Āpina kiate ia, Foki atu: pea ne foki.
17Pea fanafana ‘a ‘Āpina ki he kau mātu‘a ‘Isileli, ‘o pehē, ‘I he taimi mu‘a na‘a mou feinga ke tu‘i ‘a Tēvita kiate kimoutolu: 18pea ko eni mou fai ia; he kuo folofola ‘a Sihova ‘ia Tēvita, ‘o pehē, ‘I he nima ‘o ‘eku tamaio‘eiki ko Tēvita te u fakahaofi hoku kakai ‘Isileli mei he nima ‘o e kau Filisitia, mo honau ngaahi fili fua pē. 19Pea lea foki ‘a ‘Āpina ki ha‘a Penisimani: pea ne ‘alu foki ke ‘a‘au kia Tēvita ‘i Hepeloni ‘a e ngaahi me‘a ‘oku loto ki ai ‘a ‘Isileli, mo e fale kotoa ‘o Penisimani.
20Ko ia na‘e ha‘u ‘a ‘Āpina ki Hepeloni kia Tēvita, ‘o ne ha‘u mo ia ha kau tangata ‘e toko uofulu. Pea fai ‘e Tēvita ha kātoanga kia ‘Āpina mo e kau tangata na‘e ‘iate ia. 21Pea pehē ‘e ‘Āpina kia Tēvita, ko ‘eku tu‘u eni ke ‘alu, ka u tānaki ‘a ‘Isileli kātoa ki he ‘afio ‘a e tu‘i, ke nau fai kovinānite mo koe, ka ke tu‘i ki he me‘a kotoa ‘oku holi ki ai ho loto. Pea tuku ‘e Tēvita ‘a ‘Āpina ke ‘alu; pea ne ‘alu melino.
Ko Hono Fakapoongi ‘o ‘Āpina
22Pea ‘iloange na‘e ha‘u ‘a e kau tamaio‘eiki ‘a Tēvita mo Sioape mei ha‘anau tau takataka, pea nau ha‘u mo kinautolu ha vete lahi: ka kuo ‘ikai ‘ia Tēvita ‘a ‘Āpina ‘i Hepeloni; he kuo ne tuku ia ke ‘alu, pea kuo ne ‘alu melino. 23Pea ‘i he ha‘u ‘a Sioape mo e fu‘u kongakau na‘e ‘iate ia, na‘a nau tala kia Sioape, ‘o pehē, Na‘e ha‘u ‘a ‘Āpina foha ‘o Nā ki he tu‘i, pea ne tuku atu ia, pea kuo ne ‘alu melino. 24Pea hū atu ‘a Sioape ki he tu‘i, ‘o ne fakatau folofola ki ai, Ko e hā kuo ke fai? tā na‘e ha‘u ‘a ‘Āpina kiate koe: ko e hā kuo ke tukuange pehē ai ke ne ‘alu ‘aupito? 25‘Oku ke ‘ilo ‘a ‘Āpina foha ‘o Nā, na‘a ne ha‘u pē ke fiemua‘i koe, pea ke ‘ilo ki ho‘o ‘alu atu mo ho‘o hū mai, pea ke ‘ilo ‘a e me‘a kotoa ‘oku ke fai.
26Pea ‘i he hū kitu‘a ‘a Sioape meia Tēvita, na‘a ne fekau atu ha tu‘unga me‘a ke tuli kia ‘Āpina, pea nau ma‘u ia fe‘unga mo e lepa ‘i Sila, ‘o fakafoki mai: ka na‘e ‘ikai ‘ilo ki ai ‘e Tēvita. 27Pea ‘i he foki ‘a ‘Āpina ki Hepeloni, na‘e fakaafe ia ‘e Sioape ki he leke ‘o e matanikolo, ke alea tokua fakaekinaua, ‘o ne tui‘i ia ‘i hono kete, koe‘uhi ko e toto ‘o ‘Asaeli ko hono tehina. 28Pea ‘i he fanongo ki ai ‘e Tēvita ki mui, na‘a ne pehē, ‘Oku ou ‘atā au mo hoku pule‘anga ‘i he ‘ao ‘o Sihova ‘o ta‘engata mei he toto ‘o ‘Āpina ko e foha ‘o Nā. 29Ke tō ia ki he tumu‘aki ‘o Sioape, pea ki he fale kotoa ‘o ‘ene tamai; ke ‘oua na‘a hala ‘i he fale ‘o Sioape ha taha ‘oku ‘au, pe ha kilia, pe ha heke, pe ha mate tāmate‘i, pe ha masiva me‘akai. 30Ko ia, na‘e fakapoongi ‘a ‘Āpina ‘e Sioape mo hono tehina ko ‘Apisai, koe‘uhi ko ‘ene tāmate‘i hona tehina ‘i Kipione ‘i he tau.
Ko Hono Tanu ‘o ‘Āpina
31Pea lea ‘a Tēvita kia Sioape, mo e kakai kotoa na‘e ‘iate ia, Mou hae hifo homou kofu, ‘o no‘o tauanga‘a, mo tangi fetuki, ‘o mu‘omu‘a ‘ia ‘Āpina. Pea ko Kingi Tēvita na‘a ne muimui ki he fata. 32Pea nau tanu ‘a ‘Āpina ‘i Hepeloni: pea hanga ‘e he tu‘i, ‘o fai ‘ene fu‘u fākafoa ‘i he fa‘itoka ‘o ‘Āpina: pea tangi mo e kakai kotoa. 33Pea fai ‘e he tu‘i ‘a e tangilāulau ‘o ‘Āpina, ‘o pehē,
Ko e pehē ke mate ‘a ‘Āpina ‘i he mate‘anga ‘o e vale?
34Hono kafai ho nima ē,
Pe ‘ai ukamea ki ho va‘e?
Hangē ha tō ‘i he ‘ao he kakai pau‘u,
Na‘e pehē ho‘o tō ‘a‘au.
Pea toe pā mai ‘a e tangi ‘a e kakai kotoa ‘iate ia.
35Pea ha‘u ‘a e kakai kotoa ke fai ha feitokoni kia Tēvita kei ‘aho; ka ka fuakava ‘a Tēvita, ‘o pehē, ‘Ilo ‘e au ‘o lahi hake, ‘o kapau te u mama ha mā, pe ha me‘akai kehe, te‘eki tō ‘a e la‘ā. 36Pea tokanga‘i ia ‘e he kakai kotoa ‘o nau lelei‘ia ai; seuke, na‘a nau lelei‘ia ‘i he me‘a kotoa na‘e fai ‘e he tu‘i. 37Ko ia, na‘e mahino ki he kakai, mo ‘Isileli kātoa, ‘i he ‘aho ko ia, na‘e ‘ikai kau ‘a e tu‘i ‘i he tāmate‘i ‘o ‘Āpina foha ‘o Nā. 38Pea me‘a ‘a e tu‘i ki he‘ene kau tamaio‘eiki, ‘Oku mou ‘ilo koā kuo tō he ‘aho ni ha ‘eiki mo ha tangata lahi? 39Pea ko au ‘oku ou vaivai he ‘aho ni neongo ko e tu‘i fakanofo; pea ‘oku faingata‘a fau kiate au ‘a e tu‘unga me‘a ni ko e fānau ‘a Seluvaia: ke totongi ‘e he ‘Eiki ki he tangata faikovi ‘o taau mo ‘ene kovi.
Currently Selected:
KO 2 SĀMIUELA 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 3
3
1PEA na‘e fuoloa ‘a e nofo tau ‘a e fale ‘o Saula mo e fale ‘o Tēvita; ka na‘e fakautuutu ai pē ‘a e mālohi ‘o Tēvita, kae faka‘au ai pē ke vaivai ‘a e fale ‘o Saula.
Ko e ngaahi Foha ‘o Tēvitá
2Pea na‘e fanau‘i ha ngaahi foha kia Tēvita ‘i Hepeloni: pea ko hono ‘uluaki ko ‘Amanoni, ‘a ‘Ahinoami ko e fefine Sisilili; 3pea ko hono ua ‘a Kiliapi, ‘a ‘Apikale na‘e nonofo mo e Kāmeli ko Nāpale; pea ko hono tolu ko ‘Apisalome, ko e tama ‘a Mā‘aka ko e ‘ōfefine ‘o Talimai ko e Tu‘i Kēsuli; 4pea ko hono fā ko ‘Atunaisa, ko e tama ‘a Hākiti; pea ko hono nima ‘a Sefataia, ko e tama ‘a ‘Apitali; 5pea ko hono ono ko ‘Itilami, ‘a ‘Ēkela ko e uaifi ‘o Tēvita. Ko kinautolu ni na‘e fanau‘i kia Tēvita ‘i Hepeloni.
Ko e Kau Mai ‘a ‘Āpina kia Tēvita
6Pea ko eni, lolotonga ‘a e nofo tau ‘a e fale ‘o Saula mo e fale ‘o Tēvita, na‘e kakapa ‘a ‘Āpina ke aoniu ‘i he fale ‘o Saula.
7Pea na‘e ‘i ai ‘a e sinifu ‘a Saula na‘e hingoa ko Līsipa, ko e ‘ōfefine ‘o ‘Aia: pea ne folofola kia ‘Āpina, Ko e hā kuo ke ‘alu ai ki he sinifu ‘a ‘eku tamai? 8Pea ‘ita ‘aupito ‘a ‘Āpina ‘i he lea pehē ‘a ‘Isiposeti, ‘o ne pehē, He ko e ‘ulu‘i kulī au ‘i he fa‘ahi ‘a Siuta? Ko e ‘aho ni ‘oku ou fai ‘ofa ki he fale ‘o ho‘o ‘eiki ko Saula, ki hono kāinga, mo hono kau fe‘iloaki, pea kuo ‘ikai te u tuku ange koā ki he nima ‘o Tēvita, ka neongo ia ka ‘oku ke lau au he ‘aho ni ko e kovi, koe‘uhi ko e fefine ni. 9‘Ilo ‘e ‘Āpina ‘o lahi hake, ‘o kapau ‘e ‘ikai te u fai kia Tēvita, ‘o hangē ko e fuakava ‘a e ‘Eiki kiate ia; 10ke hiki ‘a e pule‘anga mei he fale ‘o Saula, ‘o fokotu‘u ‘a e taloni ‘o Tēvita ke pule ki ‘Isileli mo Siuta, mei Tani ki Peasipa.#1 Sām 15.28 11Pea na‘e ‘ikai te ne lava ha‘ane toe tali kia ‘Āpina, ko ‘ene manavahē kiate ia.
12Pea kouna atu ‘e ‘Āpina ha kau talafekau kia Tēvita,#3.12 kia Tēvita; Ko hono faka-Hepelū kakató: kia Tēvita ki he feitu‘u na‘á ne ‘i ai [‘a ‘Āpina], ka ‘oku pehē he hiki fuoloa ‘e taha: kia Tēvita ki Hepeloni. ke fakafofonga kiate ia, ke nau lea ‘o pehē, ‘Oku ‘o hai ‘a e fonua? pea ke nau pehē, Ta talite mu‘a, pea ko au eni te u kau mo koe, ke fakafoki ‘a ‘Isileli kātoa kiate koe.
13Pea ne tali, ‘Oku lelei; te u fai talite mo koe; ka ko e me‘a ‘e taha ‘oku ou ‘eke atu kiate koe, ‘a ‘eni, ‘e ‘ikai te ke sio ki hoku mata, ‘oka ‘ikai te ke tomu‘a ‘omi ‘a Maikale ko e ‘ōfefine ‘o Saula, ‘i ho‘o ha‘u ke ta fe‘iloaki. 14Pea fekau atu ‘e Tēvita ha tu‘unga me‘a kia ‘Isiposeti ko e foha ‘o Saula, ke fakahā, ‘o pehē, Tuku mai hoku uaifi ko Maikale, ‘a ia na‘a ku polo‘i kiate au ‘aki ‘a e teau‘i kili‘i ‘ao ‘o e kau Filisitia.#1 Sām 18.27 15Pea ‘alu ‘a e fekau ‘a ‘Isiposeti, ‘o ‘omi ‘a e fefine mei hono husepāniti, ‘io, meia Palatieli ko e foha ‘o Laisi. 16Pea omi mo ia hono husepāniti, ‘o ne muimui tangi pē ‘o a‘u ki Pahulimi. Pea toki pehē ‘e ‘Āpina kiate ia, Foki atu: pea ne foki.
17Pea fanafana ‘a ‘Āpina ki he kau mātu‘a ‘Isileli, ‘o pehē, ‘I he taimi mu‘a na‘a mou feinga ke tu‘i ‘a Tēvita kiate kimoutolu: 18pea ko eni mou fai ia; he kuo folofola ‘a Sihova ‘ia Tēvita, ‘o pehē, ‘I he nima ‘o ‘eku tamaio‘eiki ko Tēvita te u fakahaofi hoku kakai ‘Isileli mei he nima ‘o e kau Filisitia, mo honau ngaahi fili fua pē. 19Pea lea foki ‘a ‘Āpina ki ha‘a Penisimani: pea ne ‘alu foki ke ‘a‘au kia Tēvita ‘i Hepeloni ‘a e ngaahi me‘a ‘oku loto ki ai ‘a ‘Isileli, mo e fale kotoa ‘o Penisimani.
20Ko ia na‘e ha‘u ‘a ‘Āpina ki Hepeloni kia Tēvita, ‘o ne ha‘u mo ia ha kau tangata ‘e toko uofulu. Pea fai ‘e Tēvita ha kātoanga kia ‘Āpina mo e kau tangata na‘e ‘iate ia. 21Pea pehē ‘e ‘Āpina kia Tēvita, ko ‘eku tu‘u eni ke ‘alu, ka u tānaki ‘a ‘Isileli kātoa ki he ‘afio ‘a e tu‘i, ke nau fai kovinānite mo koe, ka ke tu‘i ki he me‘a kotoa ‘oku holi ki ai ho loto. Pea tuku ‘e Tēvita ‘a ‘Āpina ke ‘alu; pea ne ‘alu melino.
Ko Hono Fakapoongi ‘o ‘Āpina
22Pea ‘iloange na‘e ha‘u ‘a e kau tamaio‘eiki ‘a Tēvita mo Sioape mei ha‘anau tau takataka, pea nau ha‘u mo kinautolu ha vete lahi: ka kuo ‘ikai ‘ia Tēvita ‘a ‘Āpina ‘i Hepeloni; he kuo ne tuku ia ke ‘alu, pea kuo ne ‘alu melino. 23Pea ‘i he ha‘u ‘a Sioape mo e fu‘u kongakau na‘e ‘iate ia, na‘a nau tala kia Sioape, ‘o pehē, Na‘e ha‘u ‘a ‘Āpina foha ‘o Nā ki he tu‘i, pea ne tuku atu ia, pea kuo ne ‘alu melino. 24Pea hū atu ‘a Sioape ki he tu‘i, ‘o ne fakatau folofola ki ai, Ko e hā kuo ke fai? tā na‘e ha‘u ‘a ‘Āpina kiate koe: ko e hā kuo ke tukuange pehē ai ke ne ‘alu ‘aupito? 25‘Oku ke ‘ilo ‘a ‘Āpina foha ‘o Nā, na‘a ne ha‘u pē ke fiemua‘i koe, pea ke ‘ilo ki ho‘o ‘alu atu mo ho‘o hū mai, pea ke ‘ilo ‘a e me‘a kotoa ‘oku ke fai.
26Pea ‘i he hū kitu‘a ‘a Sioape meia Tēvita, na‘a ne fekau atu ha tu‘unga me‘a ke tuli kia ‘Āpina, pea nau ma‘u ia fe‘unga mo e lepa ‘i Sila, ‘o fakafoki mai: ka na‘e ‘ikai ‘ilo ki ai ‘e Tēvita. 27Pea ‘i he foki ‘a ‘Āpina ki Hepeloni, na‘e fakaafe ia ‘e Sioape ki he leke ‘o e matanikolo, ke alea tokua fakaekinaua, ‘o ne tui‘i ia ‘i hono kete, koe‘uhi ko e toto ‘o ‘Asaeli ko hono tehina. 28Pea ‘i he fanongo ki ai ‘e Tēvita ki mui, na‘a ne pehē, ‘Oku ou ‘atā au mo hoku pule‘anga ‘i he ‘ao ‘o Sihova ‘o ta‘engata mei he toto ‘o ‘Āpina ko e foha ‘o Nā. 29Ke tō ia ki he tumu‘aki ‘o Sioape, pea ki he fale kotoa ‘o ‘ene tamai; ke ‘oua na‘a hala ‘i he fale ‘o Sioape ha taha ‘oku ‘au, pe ha kilia, pe ha heke, pe ha mate tāmate‘i, pe ha masiva me‘akai. 30Ko ia, na‘e fakapoongi ‘a ‘Āpina ‘e Sioape mo hono tehina ko ‘Apisai, koe‘uhi ko ‘ene tāmate‘i hona tehina ‘i Kipione ‘i he tau.
Ko Hono Tanu ‘o ‘Āpina
31Pea lea ‘a Tēvita kia Sioape, mo e kakai kotoa na‘e ‘iate ia, Mou hae hifo homou kofu, ‘o no‘o tauanga‘a, mo tangi fetuki, ‘o mu‘omu‘a ‘ia ‘Āpina. Pea ko Kingi Tēvita na‘a ne muimui ki he fata. 32Pea nau tanu ‘a ‘Āpina ‘i Hepeloni: pea hanga ‘e he tu‘i, ‘o fai ‘ene fu‘u fākafoa ‘i he fa‘itoka ‘o ‘Āpina: pea tangi mo e kakai kotoa. 33Pea fai ‘e he tu‘i ‘a e tangilāulau ‘o ‘Āpina, ‘o pehē,
Ko e pehē ke mate ‘a ‘Āpina ‘i he mate‘anga ‘o e vale?
34Hono kafai ho nima ē,
Pe ‘ai ukamea ki ho va‘e?
Hangē ha tō ‘i he ‘ao he kakai pau‘u,
Na‘e pehē ho‘o tō ‘a‘au.
Pea toe pā mai ‘a e tangi ‘a e kakai kotoa ‘iate ia.
35Pea ha‘u ‘a e kakai kotoa ke fai ha feitokoni kia Tēvita kei ‘aho; ka ka fuakava ‘a Tēvita, ‘o pehē, ‘Ilo ‘e au ‘o lahi hake, ‘o kapau te u mama ha mā, pe ha me‘akai kehe, te‘eki tō ‘a e la‘ā. 36Pea tokanga‘i ia ‘e he kakai kotoa ‘o nau lelei‘ia ai; seuke, na‘a nau lelei‘ia ‘i he me‘a kotoa na‘e fai ‘e he tu‘i. 37Ko ia, na‘e mahino ki he kakai, mo ‘Isileli kātoa, ‘i he ‘aho ko ia, na‘e ‘ikai kau ‘a e tu‘i ‘i he tāmate‘i ‘o ‘Āpina foha ‘o Nā. 38Pea me‘a ‘a e tu‘i ki he‘ene kau tamaio‘eiki, ‘Oku mou ‘ilo koā kuo tō he ‘aho ni ha ‘eiki mo ha tangata lahi? 39Pea ko au ‘oku ou vaivai he ‘aho ni neongo ko e tu‘i fakanofo; pea ‘oku faingata‘a fau kiate au ‘a e tu‘unga me‘a ni ko e fānau ‘a Seluvaia: ke totongi ‘e he ‘Eiki ki he tangata faikovi ‘o taau mo ‘ene kovi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.