KO 2 SĀMIUELA 20
20
Ko e Angatu‘u ‘a Sipa
1Pea tā na‘e tu‘u loto ai ha tangata faka-Pileali na‘e hingoa ko Sipa foha ‘o Pīkeli, ko e Penisimani: pea ifi talupite ia, ‘o ne pehē, ‘Oku ‘ikai hatau kaunga kia Tēvita, pea ‘oku ‘ikai hatau tofi‘a ‘i he foha ‘o Sese: takitaha ‘alu ki hono tēniti ‘a e tangata ‘Isileli.#1 Tu‘i 12.16; 2 Kal 10.16 2Ko ia na‘e hiki ai ‘a e kau tangata ‘Isileli kotoa pē mei he lahi ‘o Tēvita, ‘o nau muimui kia Sipa foha ‘o Pīkeli: ka ka pīkitai ‘a e tangata Siuta ki honau tu‘i mei Soatani ‘o a‘u ki Selusalema.
3Pea ha‘u ‘a Tēvita ki hono fale ‘i Selusalema. Pea to‘o ‘e he tu‘i ‘ene hongofulu‘i sinifu, ‘a ia na‘a ne tuku ke tauhi ‘a e fale, ‘o ne tuku ki ha fale le‘o, ‘o ne fafanga kinautolu, ka na‘e ‘ikai te ne toe ‘alu ki ai. Pea na‘e tāpuni kinautolu, ‘o a‘u ki he ‘aho ‘o ‘enau pekia, ‘o nau nofo uitou pē.#2 Sām 16.22
4Pea toki folofola ‘a e tu‘i kia ‘Āmasa, Fanongonongo ke fakataha mai ‘a e tangata Siuta ki hono tolu ‘o e ‘aho, pea ke tu‘u mai mo koe heni. 5Pea ‘alu ‘a ‘Āmasa ke fakataha mai ‘a Siuta: ka na‘e hulu atu ‘ene nofo ‘i he taimi na‘a ne tu‘utu‘uni kiate ia. 6Pea folofola ‘a Tēvita kia ‘Apisai, Tā ‘e kovi ange kiate kitautolu ‘a e fai ‘a Sipa foha ‘o Pīkeli ‘ia ‘Apisalome: ‘ave ‘e koe ‘a e kau tamaio‘eiki ‘a ho ‘eiki, pea tuli kiate ia, na‘a ne ma‘u ha ngaahi kolo ‘aa‘i, ‘o puli meiate kinautolu. 7Pea hū kitu‘a mo ia ‘a e lahi ‘o Sioape, mo e ha‘a Kēliti mo Pēleti, mo e kau Helo; ‘io, na‘a nau hū kitu‘a mei Selusalema ke tuli kia Sipa foha ‘o Pīkeli. 8Kuo nau fe‘unga mo e fu‘u maka ‘i Kipione, mo e ha‘u ‘a ‘Āmasa ki honau ‘ao. Pea ko Sioape kuo ne pulupulu ‘aki hono kofu tau, pea na‘e ‘i ai ha no‘o heletā kuo fakama‘u ki hono kongaloto ‘i hono ‘ai‘anga; pea na‘e homo ia ‘o tō. 9Pea pehē ‘e Sioape kia ‘Āmasa, ‘Oku ke lelei, ‘alā? Pea puke ‘e Sioape ‘a e kava ‘o ‘Āmasa ‘aki hono nima to‘omata‘u ke ‘uma kiate ia. 10Pea na‘e ‘ikai tokanga ‘a ‘Āmasa ki he heletā ‘oku to‘o ‘e Sioape, ‘o ne hoka‘i ‘aki hono kete, ‘o ne hua‘i hono to‘oto‘onga ki he kelekele, pea na‘e ‘ikai ha‘ane toe tā; ‘o ne pekia. Ka ka tuli atu ‘e Sioape mo hono tokoua ko ‘Apisai kia Sipa foha ‘o Pīkeli.
11Pea ko e taha ‘i he kau talavou ‘a Sioape na‘e tu‘u ofi ai, ‘o ne pehē, Ko ia ‘oku ‘ofa kia Sioape, pea ko ia ‘oku kau mo Tēvita, ke ne muimui kia Sioape. 12Ka ko ‘Āmasa ē ‘oku tekefili ‘i he toto ‘i he loto hala tanu. Pea ‘i he vakai ‘e he tangata ‘oku mo‘utu‘ua ‘a e kakai kotoa, na‘a ne teka‘i ‘a ‘Āmasa mei he hala tanu ki he vao, ‘o ne ‘ufi‘ufi ‘aki ha kofu, ko ‘ene vakai ko e a‘u leva ha taha ki ai pea tu‘u. 13‘I he ‘ave leva mei he hala tanu, na‘e laka atu ‘a e kakai, ‘o muimui kia Sioape ke tuli kia Sipa foha ‘o Pīkeli.
14Pea ne ‘asi atu ‘i he ngaahi matakali ‘Isileli, ‘o a‘u ki ‘Ēpeli mo Pete-maaka mo e ha‘a Peli kotoa:#20.14 Peli; Ko hono faka-Hepeluú ia, ka ‘oku ngali tonu ange ‘a e Pīkili. pea na‘e fakataha kinautolu, ‘o nau muimui atu foki ki ai. 15Pea nau a‘u ki ‘Ēpeli Pete-maaka, ‘o nau ‘ākolo‘i ia ‘i ai, pea nau tanu ha puke ki he kolo, pea tu‘u ia ‘i he keli: pea ko e kakai kotoa na‘e ‘ia Sioape na‘a nau tuki‘i ‘a e ‘ā ke holoki. 16Pea kalanga mai ha fefine poto mei he kolo, Fanongo mai! fanongo mai! mou tala mu‘a kia Sioape ke ne ‘unu mai ki heni ka u lea kiate ia. 17Ko ia, na‘a ne ‘unu‘unu ki ai; pea lea mai ‘a e fefine, Ko Sioape koe? Pea ne tali, Ko au. Pea pehē ange ‘a e fefine, Fanongo ki he lea ‘a ho‘o kaunanga ko au. Pea tali ‘e ia, Ko au eni ‘oku ou tokanga atu.
18Pea lea ‘a e fefine, ‘o pehē, Na‘a nau fa‘a lau mu‘a ‘o pehē, Ko hono totonu ke tau huhū ki ‘Ēpeli; pea ‘i hono fai pehē na‘e mate ai ‘a e me‘a. 19Ko e taha au ‘iate kinautolu ‘oku fai melino mo tōnunga ‘i ‘Isileli: ko ho‘o tuli eni ke tāmate‘i ha kolo mo ha fa‘ē ‘i ‘Isileli, Ko e hā ‘oku ke fie fōngia ai ‘a e tofi‘a ‘o Sihova?
20Pea tali ‘e Sioape, ‘o pehē, Molekemama‘o, molekemama‘o ha‘aku fōngia hifo pe maumau‘i ha me‘a. 21‘Oku ‘ikai ke pehē ‘a e me‘a: ka ko e tangata mei he fonua mo‘unga ‘o ‘Ifalemi, ko Sipa foha ‘o Pīkeli tokua, kuo ne hiki hono nima ki he tu‘i, ‘io, kia Tēvita: tuku mai ia toko taha pē, pea te u ‘alu mei he kolo. Pea tali ‘a e fefine kia Sioape, ‘Eni, ‘e lī atu hono ‘ulu ‘i he funga ‘ā.
22Pea ‘alu ai ‘a e fefine ki he kakai ‘i he‘ene poto, pea nau tu‘usi ‘a e ‘ulu ‘o Sipa foha ‘e Pīkeli, ‘o lī kia Sioape. Pea ne ifi talupite, pea na‘a nau movete mei he kolo, ‘o ‘alu takitaha ki hono tēniti. Pea foki ‘a Sioape ki Selusalema ki he tu‘i.
23Ko ia, ko Sioape ko e ‘eiki ‘o e tau kotoa ‘o ‘Isileli: pea ko Penaia foha ‘o Sihoiata na‘e pule ki he ha‘a Kēliti mo Pēleti: 24pea ko ‘Atolami na‘e pule ki he fatongia: pea ko Sihosafate foha ‘o ‘Ahiluti na‘e tauhi ‘a e tohi Kalonikali; 25pea ko Seua na‘e sēkelitali, pea ko Sātoki mo ‘Āpaiata ko e ongo taula‘eiki: 26pea ko ‘Ila foki ko e tangata Siaili na‘e minisitā kia Tēvita.
Currently Selected:
KO 2 SĀMIUELA 20: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 20
20
Ko e Angatu‘u ‘a Sipa
1Pea tā na‘e tu‘u loto ai ha tangata faka-Pileali na‘e hingoa ko Sipa foha ‘o Pīkeli, ko e Penisimani: pea ifi talupite ia, ‘o ne pehē, ‘Oku ‘ikai hatau kaunga kia Tēvita, pea ‘oku ‘ikai hatau tofi‘a ‘i he foha ‘o Sese: takitaha ‘alu ki hono tēniti ‘a e tangata ‘Isileli.#1 Tu‘i 12.16; 2 Kal 10.16 2Ko ia na‘e hiki ai ‘a e kau tangata ‘Isileli kotoa pē mei he lahi ‘o Tēvita, ‘o nau muimui kia Sipa foha ‘o Pīkeli: ka ka pīkitai ‘a e tangata Siuta ki honau tu‘i mei Soatani ‘o a‘u ki Selusalema.
3Pea ha‘u ‘a Tēvita ki hono fale ‘i Selusalema. Pea to‘o ‘e he tu‘i ‘ene hongofulu‘i sinifu, ‘a ia na‘a ne tuku ke tauhi ‘a e fale, ‘o ne tuku ki ha fale le‘o, ‘o ne fafanga kinautolu, ka na‘e ‘ikai te ne toe ‘alu ki ai. Pea na‘e tāpuni kinautolu, ‘o a‘u ki he ‘aho ‘o ‘enau pekia, ‘o nau nofo uitou pē.#2 Sām 16.22
4Pea toki folofola ‘a e tu‘i kia ‘Āmasa, Fanongonongo ke fakataha mai ‘a e tangata Siuta ki hono tolu ‘o e ‘aho, pea ke tu‘u mai mo koe heni. 5Pea ‘alu ‘a ‘Āmasa ke fakataha mai ‘a Siuta: ka na‘e hulu atu ‘ene nofo ‘i he taimi na‘a ne tu‘utu‘uni kiate ia. 6Pea folofola ‘a Tēvita kia ‘Apisai, Tā ‘e kovi ange kiate kitautolu ‘a e fai ‘a Sipa foha ‘o Pīkeli ‘ia ‘Apisalome: ‘ave ‘e koe ‘a e kau tamaio‘eiki ‘a ho ‘eiki, pea tuli kiate ia, na‘a ne ma‘u ha ngaahi kolo ‘aa‘i, ‘o puli meiate kinautolu. 7Pea hū kitu‘a mo ia ‘a e lahi ‘o Sioape, mo e ha‘a Kēliti mo Pēleti, mo e kau Helo; ‘io, na‘a nau hū kitu‘a mei Selusalema ke tuli kia Sipa foha ‘o Pīkeli. 8Kuo nau fe‘unga mo e fu‘u maka ‘i Kipione, mo e ha‘u ‘a ‘Āmasa ki honau ‘ao. Pea ko Sioape kuo ne pulupulu ‘aki hono kofu tau, pea na‘e ‘i ai ha no‘o heletā kuo fakama‘u ki hono kongaloto ‘i hono ‘ai‘anga; pea na‘e homo ia ‘o tō. 9Pea pehē ‘e Sioape kia ‘Āmasa, ‘Oku ke lelei, ‘alā? Pea puke ‘e Sioape ‘a e kava ‘o ‘Āmasa ‘aki hono nima to‘omata‘u ke ‘uma kiate ia. 10Pea na‘e ‘ikai tokanga ‘a ‘Āmasa ki he heletā ‘oku to‘o ‘e Sioape, ‘o ne hoka‘i ‘aki hono kete, ‘o ne hua‘i hono to‘oto‘onga ki he kelekele, pea na‘e ‘ikai ha‘ane toe tā; ‘o ne pekia. Ka ka tuli atu ‘e Sioape mo hono tokoua ko ‘Apisai kia Sipa foha ‘o Pīkeli.
11Pea ko e taha ‘i he kau talavou ‘a Sioape na‘e tu‘u ofi ai, ‘o ne pehē, Ko ia ‘oku ‘ofa kia Sioape, pea ko ia ‘oku kau mo Tēvita, ke ne muimui kia Sioape. 12Ka ko ‘Āmasa ē ‘oku tekefili ‘i he toto ‘i he loto hala tanu. Pea ‘i he vakai ‘e he tangata ‘oku mo‘utu‘ua ‘a e kakai kotoa, na‘a ne teka‘i ‘a ‘Āmasa mei he hala tanu ki he vao, ‘o ne ‘ufi‘ufi ‘aki ha kofu, ko ‘ene vakai ko e a‘u leva ha taha ki ai pea tu‘u. 13‘I he ‘ave leva mei he hala tanu, na‘e laka atu ‘a e kakai, ‘o muimui kia Sioape ke tuli kia Sipa foha ‘o Pīkeli.
14Pea ne ‘asi atu ‘i he ngaahi matakali ‘Isileli, ‘o a‘u ki ‘Ēpeli mo Pete-maaka mo e ha‘a Peli kotoa:#20.14 Peli; Ko hono faka-Hepeluú ia, ka ‘oku ngali tonu ange ‘a e Pīkili. pea na‘e fakataha kinautolu, ‘o nau muimui atu foki ki ai. 15Pea nau a‘u ki ‘Ēpeli Pete-maaka, ‘o nau ‘ākolo‘i ia ‘i ai, pea nau tanu ha puke ki he kolo, pea tu‘u ia ‘i he keli: pea ko e kakai kotoa na‘e ‘ia Sioape na‘a nau tuki‘i ‘a e ‘ā ke holoki. 16Pea kalanga mai ha fefine poto mei he kolo, Fanongo mai! fanongo mai! mou tala mu‘a kia Sioape ke ne ‘unu mai ki heni ka u lea kiate ia. 17Ko ia, na‘a ne ‘unu‘unu ki ai; pea lea mai ‘a e fefine, Ko Sioape koe? Pea ne tali, Ko au. Pea pehē ange ‘a e fefine, Fanongo ki he lea ‘a ho‘o kaunanga ko au. Pea tali ‘e ia, Ko au eni ‘oku ou tokanga atu.
18Pea lea ‘a e fefine, ‘o pehē, Na‘a nau fa‘a lau mu‘a ‘o pehē, Ko hono totonu ke tau huhū ki ‘Ēpeli; pea ‘i hono fai pehē na‘e mate ai ‘a e me‘a. 19Ko e taha au ‘iate kinautolu ‘oku fai melino mo tōnunga ‘i ‘Isileli: ko ho‘o tuli eni ke tāmate‘i ha kolo mo ha fa‘ē ‘i ‘Isileli, Ko e hā ‘oku ke fie fōngia ai ‘a e tofi‘a ‘o Sihova?
20Pea tali ‘e Sioape, ‘o pehē, Molekemama‘o, molekemama‘o ha‘aku fōngia hifo pe maumau‘i ha me‘a. 21‘Oku ‘ikai ke pehē ‘a e me‘a: ka ko e tangata mei he fonua mo‘unga ‘o ‘Ifalemi, ko Sipa foha ‘o Pīkeli tokua, kuo ne hiki hono nima ki he tu‘i, ‘io, kia Tēvita: tuku mai ia toko taha pē, pea te u ‘alu mei he kolo. Pea tali ‘a e fefine kia Sioape, ‘Eni, ‘e lī atu hono ‘ulu ‘i he funga ‘ā.
22Pea ‘alu ai ‘a e fefine ki he kakai ‘i he‘ene poto, pea nau tu‘usi ‘a e ‘ulu ‘o Sipa foha ‘e Pīkeli, ‘o lī kia Sioape. Pea ne ifi talupite, pea na‘a nau movete mei he kolo, ‘o ‘alu takitaha ki hono tēniti. Pea foki ‘a Sioape ki Selusalema ki he tu‘i.
23Ko ia, ko Sioape ko e ‘eiki ‘o e tau kotoa ‘o ‘Isileli: pea ko Penaia foha ‘o Sihoiata na‘e pule ki he ha‘a Kēliti mo Pēleti: 24pea ko ‘Atolami na‘e pule ki he fatongia: pea ko Sihosafate foha ‘o ‘Ahiluti na‘e tauhi ‘a e tohi Kalonikali; 25pea ko Seua na‘e sēkelitali, pea ko Sātoki mo ‘Āpaiata ko e ongo taula‘eiki: 26pea ko ‘Ila foki ko e tangata Siaili na‘e minisitā kia Tēvita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.