KO 1 SĀMIUELA 7
7
1PEA faifai pea kuo fuoloa ‘a e nofo‘a e ‘A‘ake ‘i Kiliati-sialimi, ‘o ‘osi ‘a e uofulu ta‘u.
2Pea tangi toupili ‘a e fale kotoa ‘o ‘Isileli kia Sihova.
3Pea lea ‘a Sāmiuela ki he fale kotoa ‘Isileli, ‘o pehē, Ka ko ho‘omou foki kia Sihova ‘aki ‘a e kotoa ‘o homou loto, pe‘i hu‘ihu‘i ‘a e ngaahi ‘otua kehe meiate kimoutolu, mo e kau ‘Asiteloti, pea ‘ai ke hangatonu homou loto kia Sihova, ‘o tauhi kiate ia toko taha: pea te ne hamusi kimoutolu mei he nima ‘o e kau Filisitia. 4Pea hu‘ihu‘i ‘e ha‘a ‘Isileli ‘a e ngaahi Peali mo e ngaahi ‘Asiteloti, pea nau tauhi kia Sihova toko taha pē.
5Pea pehē ‘e Sāmiuela, Tānaki mai ‘a ‘Isileli kātoa ki Mīsipa, pea te u hūfia kimoutolu kia Sihova. 6Pea na‘a nau fakataha mai ki Mīsipa, pea nau ‘utu vai, ‘o lilingi ‘i he ‘ao ‘o Sihova, pea nau ‘aukai ‘i he ‘aho ko ia, ‘o nau pehē, ‘i he potu ko ia, Kuo mau hia ki he ‘Afiona. Pea na‘e fakamāu‘i ‘e Sāmiuela ‘a ha‘a ‘Isileli ‘i Mīsipa.
7Pea ‘i he fanongo ‘e he kau Filisitia kuo nau fakataha mai ‘a ha‘a ‘Isileli ki Mīsipa, pea ‘alu hake ‘a e kau ‘ulu ‘o e kakai Filisitia ke fai mo ‘Isileli. Pea ‘i he fanongo ki ai ‘a ha‘a ‘Isileli, na‘a nau manavahē ke tali ‘a e kau Filisitia. 8Pea pehē ‘e ha‘a ‘Isileli kia Sāmiuela, ‘Oua te ke longo ‘o tuku ho‘o tautapa kia Sihova ko hotau ‘Otua, koe‘uhi ko kitautolu, ke ne fakahaofi kitautolu mei he nima ‘o e kau Filisitia. 9Pea to‘o ‘e Sāmiuela ha lami kei huhu, ‘o ne feia hono kotoa ko e feilaulau-mōifua kia Sihova: pea tautapa ‘a Sāmiuela kia Sihova telia ‘a ‘Isileli; pea na‘e tali ia ‘e Sihova. 10Pea lototonga hono fai ‘o e feilaulau ‘e Sāmiuela, mo e ‘unu‘unu mai ‘a e kau Filisitia ke fakahoko tau mo ‘Isileli: ka ka tuku atu ‘e Sihova ki he kau Filisitia ‘i he ‘aho ko ia ha mana le‘o lahi, ‘o ne veuveuki kinautolu; pea na‘e te‘ia kinautolu ‘i he ‘ao ‘o ‘Isileli. 11Pea ‘alu atu ‘a e kau tangata mei Mīsipa, pea nau tuli ki he kau Filisitia, pea nau taa‘i kinautolu ‘o a‘u ki he talalo ‘o Pete-kā.
12Pea to‘o ‘e Sāmiuela ha maka, ‘o ne fokotu‘u ‘i he vaha‘a ‘o Mīsipa mo Seni, ‘o ne fakahingoa ia ko ‘Epenisa (ko Maka-tokoni), he‘ene pehē, Kuo a‘u ki heni ‘a e tokoni ‘a Sihova. 13Ko ia, na‘e fakavaivai‘i ‘a e kau Filisitia, pea na‘e ‘ikai te nau toe ha‘u ki he feitu‘u ‘o ‘Isileli, pea ko e nima ‘o Sihova na‘e ‘i he kau Filisitia ‘i he taimi kotoa ‘o Sāmiuela. 14Pea ko e ngaahi kolo kuo to‘o ‘e he kau Filisitia mei ‘Isileli na‘e fakafoki ki ‘Isileli, mei ‘Ekiloni ‘o a‘u ki Kati: pea ko honau ngaahi feitu‘u na‘e hamusi ‘e ‘Isileli mei he nima ‘o e kau Filisitia, pea na‘e melino ‘a e vaha‘a ‘o ‘Isileli mo e kau ‘Āmoli.
15Pea na‘e fai ‘e Sāmiuela ‘a e fakamaau ‘o ‘Isileli ke ‘osi ‘ene mo‘ui. 16Pea ne ‘alu ‘i he ta‘u kotoa pē, ‘o foli takai ki Pēteli mo Kilikali mo Mīsipa; ‘o ne fai ‘a e fakamaau ‘o ‘Isileli ‘i he ngaahi potu ko ia kotoa. 17Pea ko ‘ene foki na‘e fai ki Lama, he na‘e tu‘u ai hono fale; pea ‘i he potu ko ia na‘a ne fai ‘a e fakamaau ‘o ‘Isileli; pea ne langa ai ha ‘ōlita kia Sihova.
Currently Selected:
KO 1 SĀMIUELA 7: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 7
7
1PEA faifai pea kuo fuoloa ‘a e nofo‘a e ‘A‘ake ‘i Kiliati-sialimi, ‘o ‘osi ‘a e uofulu ta‘u.
2Pea tangi toupili ‘a e fale kotoa ‘o ‘Isileli kia Sihova.
3Pea lea ‘a Sāmiuela ki he fale kotoa ‘Isileli, ‘o pehē, Ka ko ho‘omou foki kia Sihova ‘aki ‘a e kotoa ‘o homou loto, pe‘i hu‘ihu‘i ‘a e ngaahi ‘otua kehe meiate kimoutolu, mo e kau ‘Asiteloti, pea ‘ai ke hangatonu homou loto kia Sihova, ‘o tauhi kiate ia toko taha: pea te ne hamusi kimoutolu mei he nima ‘o e kau Filisitia. 4Pea hu‘ihu‘i ‘e ha‘a ‘Isileli ‘a e ngaahi Peali mo e ngaahi ‘Asiteloti, pea nau tauhi kia Sihova toko taha pē.
5Pea pehē ‘e Sāmiuela, Tānaki mai ‘a ‘Isileli kātoa ki Mīsipa, pea te u hūfia kimoutolu kia Sihova. 6Pea na‘a nau fakataha mai ki Mīsipa, pea nau ‘utu vai, ‘o lilingi ‘i he ‘ao ‘o Sihova, pea nau ‘aukai ‘i he ‘aho ko ia, ‘o nau pehē, ‘i he potu ko ia, Kuo mau hia ki he ‘Afiona. Pea na‘e fakamāu‘i ‘e Sāmiuela ‘a ha‘a ‘Isileli ‘i Mīsipa.
7Pea ‘i he fanongo ‘e he kau Filisitia kuo nau fakataha mai ‘a ha‘a ‘Isileli ki Mīsipa, pea ‘alu hake ‘a e kau ‘ulu ‘o e kakai Filisitia ke fai mo ‘Isileli. Pea ‘i he fanongo ki ai ‘a ha‘a ‘Isileli, na‘a nau manavahē ke tali ‘a e kau Filisitia. 8Pea pehē ‘e ha‘a ‘Isileli kia Sāmiuela, ‘Oua te ke longo ‘o tuku ho‘o tautapa kia Sihova ko hotau ‘Otua, koe‘uhi ko kitautolu, ke ne fakahaofi kitautolu mei he nima ‘o e kau Filisitia. 9Pea to‘o ‘e Sāmiuela ha lami kei huhu, ‘o ne feia hono kotoa ko e feilaulau-mōifua kia Sihova: pea tautapa ‘a Sāmiuela kia Sihova telia ‘a ‘Isileli; pea na‘e tali ia ‘e Sihova. 10Pea lototonga hono fai ‘o e feilaulau ‘e Sāmiuela, mo e ‘unu‘unu mai ‘a e kau Filisitia ke fakahoko tau mo ‘Isileli: ka ka tuku atu ‘e Sihova ki he kau Filisitia ‘i he ‘aho ko ia ha mana le‘o lahi, ‘o ne veuveuki kinautolu; pea na‘e te‘ia kinautolu ‘i he ‘ao ‘o ‘Isileli. 11Pea ‘alu atu ‘a e kau tangata mei Mīsipa, pea nau tuli ki he kau Filisitia, pea nau taa‘i kinautolu ‘o a‘u ki he talalo ‘o Pete-kā.
12Pea to‘o ‘e Sāmiuela ha maka, ‘o ne fokotu‘u ‘i he vaha‘a ‘o Mīsipa mo Seni, ‘o ne fakahingoa ia ko ‘Epenisa (ko Maka-tokoni), he‘ene pehē, Kuo a‘u ki heni ‘a e tokoni ‘a Sihova. 13Ko ia, na‘e fakavaivai‘i ‘a e kau Filisitia, pea na‘e ‘ikai te nau toe ha‘u ki he feitu‘u ‘o ‘Isileli, pea ko e nima ‘o Sihova na‘e ‘i he kau Filisitia ‘i he taimi kotoa ‘o Sāmiuela. 14Pea ko e ngaahi kolo kuo to‘o ‘e he kau Filisitia mei ‘Isileli na‘e fakafoki ki ‘Isileli, mei ‘Ekiloni ‘o a‘u ki Kati: pea ko honau ngaahi feitu‘u na‘e hamusi ‘e ‘Isileli mei he nima ‘o e kau Filisitia, pea na‘e melino ‘a e vaha‘a ‘o ‘Isileli mo e kau ‘Āmoli.
15Pea na‘e fai ‘e Sāmiuela ‘a e fakamaau ‘o ‘Isileli ke ‘osi ‘ene mo‘ui. 16Pea ne ‘alu ‘i he ta‘u kotoa pē, ‘o foli takai ki Pēteli mo Kilikali mo Mīsipa; ‘o ne fai ‘a e fakamaau ‘o ‘Isileli ‘i he ngaahi potu ko ia kotoa. 17Pea ko ‘ene foki na‘e fai ki Lama, he na‘e tu‘u ai hono fale; pea ‘i he potu ko ia na‘a ne fai ‘a e fakamaau ‘o ‘Isileli; pea ne langa ai ha ‘ōlita kia Sihova.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.