KO 1 SĀMIUELA 31
31
Ko e Pekia ‘a Saula mo Hono ngaahi ‘Aló
(1 Kal 10.1-12)
1PEA fai tau ‘a e kau Filisitia ki ‘Isileli, pea hola ‘a e kau tangata ‘Isileli mei he ‘ao ‘o e kau Filisitia, pea na‘e ai ha tō ‘i Mo‘unga Kilipoa. 2Pea tata‘o mai ‘a e kau Filisitia, ‘o nau tuli kia Saula mo hono ngaahi foha, ‘o nau taa‘i ‘a Sonatane, mo ‘Apinatape, mo Malikisua, ko e ngaahi foha ‘o Saula. 3Pea na‘e mamafa ‘a e tau kia Saula, pea na‘e ma‘u ia ‘e he kakai fana ngahau, pea na‘a ne mamahi lahi ‘i he a‘u ‘a e kau fana. 4Pea pehē ‘e Saula ki he‘ene fua mahafu, Unuhi ho‘o heletā, ‘o tui ‘aki au; na‘a a‘u mai ‘a e kau ta‘ekamu na, ‘o tui‘i au, ‘o nau fakatakataka ‘aki au. Ka na‘e ‘ikai fie fai ‘e he‘ene fua mahafu, ko ‘ene manavahē lahi; ko ia, na‘e to‘o ‘e Saula ‘ene heletā ‘a‘ana, ‘o ne fakahinga ki ai. 5Pea ‘i he vakai ‘e he‘ene fua mahafu kuo pekia ‘a Saula, na‘a ne fakahinga mo ia ki he‘ene heletā, ‘o na mate fakataha. 6Ko ia, na‘e pekia ‘a Saula, mo hono foha ‘e toko tolu, mo ‘ene fua mahafu, pea mo ‘ene kau tangata kotoa pē ‘i he ‘aho ko ia fakataha. 7Pea ko e kau tangata ‘Isileli na‘e ‘i he potu ‘e taha ‘o e lautoka, mo kinautolu na‘e ‘i he potu mai ‘o Soatani, ‘i he‘enau vakai ‘oku hola ‘a e kau tangata ‘Isileli, pea kuo pekia ‘a Saula mo hono ngaahi foha, na‘a nau li‘aki ‘a e ngaahi kolo ko ē ‘o nau hola: pea ha‘u ‘a e kau Filisitia, ‘o nofo ai.
8Pea ‘i he ha‘u ‘a e kau Filisitia pongipongi ke vete ‘a e pekia, na‘a nau ‘ilo ‘a Saula mo hono foha ‘e toko tolu ‘oku nau fetākoto‘i ‘i Mo‘unga Kilipoa. 9Pea nau tu‘usi hono ‘ulu, mo vete ‘ene mahafu, ‘o nau ‘ave holo ‘i he fonua ‘o e kau Filisitia, ke ongoongo ‘a e me‘a ki honau fale ‘aitoli mo e kakai. 10Pea nau tuku ‘ene mahafu ki he fale ‘o ‘Asiteloti: ka ko hono ‘anga‘anga na‘a nau fakama‘u fakau‘u ki he ‘ā ‘o Petesani.
11Pea ‘i he fanongo ki ai ‘e he nofo Siepesikiliati, ki he me‘a kuo fai ‘e he kakai Filisitia kia Saula, 12pea tutu‘u ‘a e kau to‘a kotoa pē, pea nau to‘o ‘a e ‘anga‘anga ‘o Saula, mo e ngaahi ‘anga‘anga ‘o ‘ene fānau, mei he ‘ā ‘o Petesani; pea nau ha‘u mo kinautolu ki Siepesi, ‘o tanu ai. 13Pea nau to‘o honau ngaahi hui, ‘o tanu ‘i he lolo tamalisi ‘oku ‘i Siepesi, ‘o nau ‘aukai ‘o ‘aho fitu.
Currently Selected:
KO 1 SĀMIUELA 31: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 31
31
Ko e Pekia ‘a Saula mo Hono ngaahi ‘Aló
(1 Kal 10.1-12)
1PEA fai tau ‘a e kau Filisitia ki ‘Isileli, pea hola ‘a e kau tangata ‘Isileli mei he ‘ao ‘o e kau Filisitia, pea na‘e ai ha tō ‘i Mo‘unga Kilipoa. 2Pea tata‘o mai ‘a e kau Filisitia, ‘o nau tuli kia Saula mo hono ngaahi foha, ‘o nau taa‘i ‘a Sonatane, mo ‘Apinatape, mo Malikisua, ko e ngaahi foha ‘o Saula. 3Pea na‘e mamafa ‘a e tau kia Saula, pea na‘e ma‘u ia ‘e he kakai fana ngahau, pea na‘a ne mamahi lahi ‘i he a‘u ‘a e kau fana. 4Pea pehē ‘e Saula ki he‘ene fua mahafu, Unuhi ho‘o heletā, ‘o tui ‘aki au; na‘a a‘u mai ‘a e kau ta‘ekamu na, ‘o tui‘i au, ‘o nau fakatakataka ‘aki au. Ka na‘e ‘ikai fie fai ‘e he‘ene fua mahafu, ko ‘ene manavahē lahi; ko ia, na‘e to‘o ‘e Saula ‘ene heletā ‘a‘ana, ‘o ne fakahinga ki ai. 5Pea ‘i he vakai ‘e he‘ene fua mahafu kuo pekia ‘a Saula, na‘a ne fakahinga mo ia ki he‘ene heletā, ‘o na mate fakataha. 6Ko ia, na‘e pekia ‘a Saula, mo hono foha ‘e toko tolu, mo ‘ene fua mahafu, pea mo ‘ene kau tangata kotoa pē ‘i he ‘aho ko ia fakataha. 7Pea ko e kau tangata ‘Isileli na‘e ‘i he potu ‘e taha ‘o e lautoka, mo kinautolu na‘e ‘i he potu mai ‘o Soatani, ‘i he‘enau vakai ‘oku hola ‘a e kau tangata ‘Isileli, pea kuo pekia ‘a Saula mo hono ngaahi foha, na‘a nau li‘aki ‘a e ngaahi kolo ko ē ‘o nau hola: pea ha‘u ‘a e kau Filisitia, ‘o nofo ai.
8Pea ‘i he ha‘u ‘a e kau Filisitia pongipongi ke vete ‘a e pekia, na‘a nau ‘ilo ‘a Saula mo hono foha ‘e toko tolu ‘oku nau fetākoto‘i ‘i Mo‘unga Kilipoa. 9Pea nau tu‘usi hono ‘ulu, mo vete ‘ene mahafu, ‘o nau ‘ave holo ‘i he fonua ‘o e kau Filisitia, ke ongoongo ‘a e me‘a ki honau fale ‘aitoli mo e kakai. 10Pea nau tuku ‘ene mahafu ki he fale ‘o ‘Asiteloti: ka ko hono ‘anga‘anga na‘a nau fakama‘u fakau‘u ki he ‘ā ‘o Petesani.
11Pea ‘i he fanongo ki ai ‘e he nofo Siepesikiliati, ki he me‘a kuo fai ‘e he kakai Filisitia kia Saula, 12pea tutu‘u ‘a e kau to‘a kotoa pē, pea nau to‘o ‘a e ‘anga‘anga ‘o Saula, mo e ngaahi ‘anga‘anga ‘o ‘ene fānau, mei he ‘ā ‘o Petesani; pea nau ha‘u mo kinautolu ki Siepesi, ‘o tanu ai. 13Pea nau to‘o honau ngaahi hui, ‘o tanu ‘i he lolo tamalisi ‘oku ‘i Siepesi, ‘o nau ‘aukai ‘o ‘aho fitu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.