KO 1 SĀMIUELA 28
28
1PEA ko e taimi ko ia na‘e tānaki ‘e he kau Filisitia ‘enau ngaahi kongakau, ke fakataha ‘o fai tau mo ‘Isileli. Pea me‘a ‘a ‘Ākisi kia Tēvita, Ke mahino kiate koe te ta ō mo au ‘i he kongakau, ‘a koe mo ho‘o kau tangata.
2Pea tali ‘e Tēvita kia ‘Ākisi, Ka pehē, te ke ‘ilo ‘a e me‘a ‘e fai ‘e ho‘o tamaio‘eiki. Pea tali ‘e ‘Ākisi kia Tēvita, Ka pehē, te u ngaohi koe ko e tauhi ‘o hoku ‘ulu ma‘u ai pē.
3Pea ko eni, ko Sāmiuela kuo pekia, pea kuo fai hono tēngihia ‘e ‘Isileli kotoa, pea kuo nau telio ia ‘i Lama, ‘i hono kolo ‘o‘ona; pea kuo kapusi ‘e Saula ‘a e kau fakahā‘ele fa‘ahikehe mo e fa‘ahinga tuki mei he fonua.#Lev 20.27; Teu 18.10-11; 1 Sām 25.1
4Pea fakataha ‘a e kau Filisitia, pea nau ha‘u ‘o fokotu‘u tēniti ‘i Sūnemi; pea tānaki ‘e Saula ‘a ‘Isileli kātoa, ‘o nau fokotu‘u tēniti ‘i Kilipoa. 5Pea ‘i he vakai ‘e Saula ‘a e hōsitē Filisitia, na‘a ne ilifia, pea toutou hono manava. 6Pea kuo huhū ‘a Saula ki he ‘Eiki, ka na‘e ‘ikai te ne tali ‘i ha misi, pe ‘i he ‘Ūlimi, pe ‘i ha palōfita.#28.6 ‘Ūlimi mo e Tūmemi; Ko e ongo nāunau na‘e fai ‘aki e fekumi pe ko e hā e finangalo ‘o e ‘Otuá. ‘Oku ‘ikai ‘ilo pau ‘a e anga hono ngāue‘akí. #Nōm 27.21 7Pea na‘e toki me‘a ‘a Saula ki he‘ene kau tamaio‘eiki, Kumi mai ha fefine fakahā‘ele fa‘ahikehe, ka u ‘alu ki ai, ‘o huhū ki ai. Pea tali ‘e he‘ene kau tamaio‘eiki, Tokua ‘oku ‘i ai ha fefine ‘i ‘Enitoa ‘oku fai fakahā‘ele.
8Pea fakakehe ia ‘e Saula, ‘o ne ‘ai ha kofu kehe, ‘o ne ‘alu fakataha mo ha ongo tangata, ‘o nau a‘u ki he fefine po‘uli, ‘o ne pehē, Fai mu‘a ha tongafisi ma‘aku ‘i ho tēvolo, pea fakahā‘ele hake kiate au ‘a e toko taha te u tala kiate koe.
9Pea tali ‘e he fefine, ‘Ē, ‘oku ke ‘ilo ‘a e me‘a kuo fai ‘e Saula, ‘ene kapusi mei he fonua ‘a e kau fakahā‘ele mo e kau tuki#28.9 ‘ene kapusi mei he fonuá… mo e kau tukí; pe ‘ene tāmate‘i…. ‘i he fonuá. pea ko e hā ai ‘oku ke ‘ai ha tauhele ki he‘eku mo‘ui ke u mate ai?
10Pea fuakava ‘a Saula ki he fefine ‘ia Sihova, he‘ene pehē, Tangi mo‘oni ‘a Sihova ‘e ‘ikai tō kia koe ha kovi ‘i he me‘a ni.
11Pea toki pehē ‘a e fefine, Ko hai te u ‘ohake kiate koe? Pea tali ‘e ia, Fakahā‘ele mai ‘a Sāmiuela.
12Pea ‘i he mamata ‘a e fefine kia Sāmiuela, na‘a ne fu‘u kaila le‘o lahi. Pea lea ‘a e fefine kia Saula, ‘o pehē, Ko e hā kuo ke kākaa‘i ai au, he ko Saula koe?
13Pea me‘a ‘a e tu‘i ki ai, ‘Oua te ke manavahē; he ko e hā ‘a e me‘a ‘oku ke sio ki ai? Pea tali ‘e he fefine kia Saula, ‘Oku ou sio ki ha fa‘ahikehe ‘oku ‘alu hake mei he kelekele.
14Pea ne me‘a kiate ia, ko e hā hono anga? Pea ne tali, Ko e tangata motu‘a ‘oku ‘alu hake, pea ‘oku ne ‘ai ha kofu tōtōlofa. Pea ‘ilo ‘e Saula, tā ko Sāmiuela, pea ne punou ki he kele kele, ‘o faka‘apa‘apa.
15Pea pehē ‘e Sāmiuela kia Saula, Ko e hā kuo ke ue‘i ai au ke ‘ohake au? Pea tali ‘e Saula, Kuo u faingata‘a‘ia lahi, he ‘oku fai tau kiate au ‘e he kau Filisitia, pea kuo mahu‘i ‘a e ‘Otua meiate au, ‘o ‘ikai te ne kei tali au ‘i he kau palōfita, pe ‘i ha misi; ko ia kuo u ui ai koe, koe‘uhi ke ke fale‘i au ki ha me‘a te u fai.
16Pea tali ‘e Sāmiuela, Pea koe‘uma‘ā ho‘o huhū kiate au, ka kuo mahu‘i ‘a e ‘Eiki meiate koe, pea kuo ne hoko ko ho fili? 17Pea kuo hanga ‘o fai ‘e Sihova ‘o hangē ko ‘ene folofola ‘iate au, pea hae ‘e Sihova ‘a e pule‘anga meiate koe, pea kuo ne tuku ki ho kaungā‘api, kia Tēvita.#1 Sām 15.28 18Koe‘uhi ā na‘e ‘ikai te ke fakaongo ki he le‘o ‘o Sihova; pea na‘e ‘ikai te ke fakaai ‘a e kakaha ‘o ‘ene houhau ki ‘Amaleki, ‘a ē ā kuo feia ai ‘e Sihova ‘a e me‘a ko eni kia koe he ‘aho ni.#1 Sām 15.3-9 19Kae‘uma‘ā ‘e tuku ‘e Sihova ‘a ‘Isileli foki fakataha mo koe ki he nima ‘o e kau Filisitia; pea ko e ‘apongipongi ko koe mo ho ngaahi foha te mou ‘i heni mo au: pea ‘e tuku foki ‘e Sihova ‘a e hōsitē ‘o ‘Isileli ki he nima ‘o e kau Filisitia.
20Pea tō lafalafa leva ‘a Saula ki he kelekele kuo ne ilifia ‘aupito ‘i he ngaahi lea ‘a Sāmiuela; na‘e ‘ikai foki ha mālohi ‘iate ia, he kuo ‘ikai te ne kai me‘akai ‘i he ‘aho kotoa mo e pō. 21Pea ha‘u ‘a e fefine kia Saula, ‘o ne vakai kuo ne mo‘utāfu‘ua, ‘o ne fakatau folofola kiate ia, Ko eni, kuo fakaongo ‘e ho‘o kaunanga ko au ki ho le‘o, pea kuo u tuku noa ‘eku mo‘ui, pea u fakaongo ki he folofola na‘a ke fai mai. 22Pea ko ia, fakamolemole ka ke fakaongo mo koe foki ki he le‘o ‘o kita tu‘a ni, ka u tuku ‘i ho ‘ao ha kihi‘i me‘a tokoni, ka ke fai ho‘o taumafa, ke ai ha‘o mālohi ‘oka ke ka fai atu ho‘o fononga.
23Ka ka fakafisi ‘e ia, ‘o ne pehē, ‘E ‘ikai te u tokoni. Ka ka fai mālohi ki ai ‘ene ongo tamaio‘eiki mo e fefine foki; pea ne fakaongo kiate kinautolu; ko ia na‘a ne tu‘u mei he kelekele, ‘o ne nofo ‘i he mohenga. 24Pea na‘e ma‘u ‘e he fefine ‘i he fale ha ki‘i pulu tali ‘eiki: pea ne fai vave ‘o tāmate‘i ia, ‘o ne to‘o mahoa‘a ‘o natu, ‘o ta‘o keke ta‘elēvani. 25Pea ne ‘omi, ‘o tuku ‘i he ‘ao ‘o Saula, pea ki he ‘ao ‘o ‘ene ongo tamaio‘eiki, pea na‘a nau tokoni, pea nau tutu‘u ‘o ‘alu ‘i he pō ko ia.
Currently Selected:
KO 1 SĀMIUELA 28: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 28
28
1PEA ko e taimi ko ia na‘e tānaki ‘e he kau Filisitia ‘enau ngaahi kongakau, ke fakataha ‘o fai tau mo ‘Isileli. Pea me‘a ‘a ‘Ākisi kia Tēvita, Ke mahino kiate koe te ta ō mo au ‘i he kongakau, ‘a koe mo ho‘o kau tangata.
2Pea tali ‘e Tēvita kia ‘Ākisi, Ka pehē, te ke ‘ilo ‘a e me‘a ‘e fai ‘e ho‘o tamaio‘eiki. Pea tali ‘e ‘Ākisi kia Tēvita, Ka pehē, te u ngaohi koe ko e tauhi ‘o hoku ‘ulu ma‘u ai pē.
3Pea ko eni, ko Sāmiuela kuo pekia, pea kuo fai hono tēngihia ‘e ‘Isileli kotoa, pea kuo nau telio ia ‘i Lama, ‘i hono kolo ‘o‘ona; pea kuo kapusi ‘e Saula ‘a e kau fakahā‘ele fa‘ahikehe mo e fa‘ahinga tuki mei he fonua.#Lev 20.27; Teu 18.10-11; 1 Sām 25.1
4Pea fakataha ‘a e kau Filisitia, pea nau ha‘u ‘o fokotu‘u tēniti ‘i Sūnemi; pea tānaki ‘e Saula ‘a ‘Isileli kātoa, ‘o nau fokotu‘u tēniti ‘i Kilipoa. 5Pea ‘i he vakai ‘e Saula ‘a e hōsitē Filisitia, na‘a ne ilifia, pea toutou hono manava. 6Pea kuo huhū ‘a Saula ki he ‘Eiki, ka na‘e ‘ikai te ne tali ‘i ha misi, pe ‘i he ‘Ūlimi, pe ‘i ha palōfita.#28.6 ‘Ūlimi mo e Tūmemi; Ko e ongo nāunau na‘e fai ‘aki e fekumi pe ko e hā e finangalo ‘o e ‘Otuá. ‘Oku ‘ikai ‘ilo pau ‘a e anga hono ngāue‘akí. #Nōm 27.21 7Pea na‘e toki me‘a ‘a Saula ki he‘ene kau tamaio‘eiki, Kumi mai ha fefine fakahā‘ele fa‘ahikehe, ka u ‘alu ki ai, ‘o huhū ki ai. Pea tali ‘e he‘ene kau tamaio‘eiki, Tokua ‘oku ‘i ai ha fefine ‘i ‘Enitoa ‘oku fai fakahā‘ele.
8Pea fakakehe ia ‘e Saula, ‘o ne ‘ai ha kofu kehe, ‘o ne ‘alu fakataha mo ha ongo tangata, ‘o nau a‘u ki he fefine po‘uli, ‘o ne pehē, Fai mu‘a ha tongafisi ma‘aku ‘i ho tēvolo, pea fakahā‘ele hake kiate au ‘a e toko taha te u tala kiate koe.
9Pea tali ‘e he fefine, ‘Ē, ‘oku ke ‘ilo ‘a e me‘a kuo fai ‘e Saula, ‘ene kapusi mei he fonua ‘a e kau fakahā‘ele mo e kau tuki#28.9 ‘ene kapusi mei he fonuá… mo e kau tukí; pe ‘ene tāmate‘i…. ‘i he fonuá. pea ko e hā ai ‘oku ke ‘ai ha tauhele ki he‘eku mo‘ui ke u mate ai?
10Pea fuakava ‘a Saula ki he fefine ‘ia Sihova, he‘ene pehē, Tangi mo‘oni ‘a Sihova ‘e ‘ikai tō kia koe ha kovi ‘i he me‘a ni.
11Pea toki pehē ‘a e fefine, Ko hai te u ‘ohake kiate koe? Pea tali ‘e ia, Fakahā‘ele mai ‘a Sāmiuela.
12Pea ‘i he mamata ‘a e fefine kia Sāmiuela, na‘a ne fu‘u kaila le‘o lahi. Pea lea ‘a e fefine kia Saula, ‘o pehē, Ko e hā kuo ke kākaa‘i ai au, he ko Saula koe?
13Pea me‘a ‘a e tu‘i ki ai, ‘Oua te ke manavahē; he ko e hā ‘a e me‘a ‘oku ke sio ki ai? Pea tali ‘e he fefine kia Saula, ‘Oku ou sio ki ha fa‘ahikehe ‘oku ‘alu hake mei he kelekele.
14Pea ne me‘a kiate ia, ko e hā hono anga? Pea ne tali, Ko e tangata motu‘a ‘oku ‘alu hake, pea ‘oku ne ‘ai ha kofu tōtōlofa. Pea ‘ilo ‘e Saula, tā ko Sāmiuela, pea ne punou ki he kele kele, ‘o faka‘apa‘apa.
15Pea pehē ‘e Sāmiuela kia Saula, Ko e hā kuo ke ue‘i ai au ke ‘ohake au? Pea tali ‘e Saula, Kuo u faingata‘a‘ia lahi, he ‘oku fai tau kiate au ‘e he kau Filisitia, pea kuo mahu‘i ‘a e ‘Otua meiate au, ‘o ‘ikai te ne kei tali au ‘i he kau palōfita, pe ‘i ha misi; ko ia kuo u ui ai koe, koe‘uhi ke ke fale‘i au ki ha me‘a te u fai.
16Pea tali ‘e Sāmiuela, Pea koe‘uma‘ā ho‘o huhū kiate au, ka kuo mahu‘i ‘a e ‘Eiki meiate koe, pea kuo ne hoko ko ho fili? 17Pea kuo hanga ‘o fai ‘e Sihova ‘o hangē ko ‘ene folofola ‘iate au, pea hae ‘e Sihova ‘a e pule‘anga meiate koe, pea kuo ne tuku ki ho kaungā‘api, kia Tēvita.#1 Sām 15.28 18Koe‘uhi ā na‘e ‘ikai te ke fakaongo ki he le‘o ‘o Sihova; pea na‘e ‘ikai te ke fakaai ‘a e kakaha ‘o ‘ene houhau ki ‘Amaleki, ‘a ē ā kuo feia ai ‘e Sihova ‘a e me‘a ko eni kia koe he ‘aho ni.#1 Sām 15.3-9 19Kae‘uma‘ā ‘e tuku ‘e Sihova ‘a ‘Isileli foki fakataha mo koe ki he nima ‘o e kau Filisitia; pea ko e ‘apongipongi ko koe mo ho ngaahi foha te mou ‘i heni mo au: pea ‘e tuku foki ‘e Sihova ‘a e hōsitē ‘o ‘Isileli ki he nima ‘o e kau Filisitia.
20Pea tō lafalafa leva ‘a Saula ki he kelekele kuo ne ilifia ‘aupito ‘i he ngaahi lea ‘a Sāmiuela; na‘e ‘ikai foki ha mālohi ‘iate ia, he kuo ‘ikai te ne kai me‘akai ‘i he ‘aho kotoa mo e pō. 21Pea ha‘u ‘a e fefine kia Saula, ‘o ne vakai kuo ne mo‘utāfu‘ua, ‘o ne fakatau folofola kiate ia, Ko eni, kuo fakaongo ‘e ho‘o kaunanga ko au ki ho le‘o, pea kuo u tuku noa ‘eku mo‘ui, pea u fakaongo ki he folofola na‘a ke fai mai. 22Pea ko ia, fakamolemole ka ke fakaongo mo koe foki ki he le‘o ‘o kita tu‘a ni, ka u tuku ‘i ho ‘ao ha kihi‘i me‘a tokoni, ka ke fai ho‘o taumafa, ke ai ha‘o mālohi ‘oka ke ka fai atu ho‘o fononga.
23Ka ka fakafisi ‘e ia, ‘o ne pehē, ‘E ‘ikai te u tokoni. Ka ka fai mālohi ki ai ‘ene ongo tamaio‘eiki mo e fefine foki; pea ne fakaongo kiate kinautolu; ko ia na‘a ne tu‘u mei he kelekele, ‘o ne nofo ‘i he mohenga. 24Pea na‘e ma‘u ‘e he fefine ‘i he fale ha ki‘i pulu tali ‘eiki: pea ne fai vave ‘o tāmate‘i ia, ‘o ne to‘o mahoa‘a ‘o natu, ‘o ta‘o keke ta‘elēvani. 25Pea ne ‘omi, ‘o tuku ‘i he ‘ao ‘o Saula, pea ki he ‘ao ‘o ‘ene ongo tamaio‘eiki, pea na‘a nau tokoni, pea nau tutu‘u ‘o ‘alu ‘i he pō ko ia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.