KO 1 SĀMIUELA 12
12
Ko e Lea ‘a Sāmiuela ki he Kakaí
1PEA lea ‘a Sāmiuela ki ‘Isileli kātoa ‘o pehē, Ko eni kuo u fakaongo kiate kimoutolu ‘i he me‘a kotoa pē na‘a mou lea ai kiate au, pea kuo u fakanofo hamou tu‘i. 2Pea vakai ko e tu‘i ena ‘oku laka ‘i homou ‘ao: pea ko au kuo u motu‘a mo hinā; ka ko ‘eku fānau ena ‘oku ‘iate kimoutolu: pea kuo u taka ‘i homou ‘ao talu ‘eku talavou ‘o a‘u ki he ‘aho ni. 3Ko au eni: mou fakamo‘oni kiate au ‘i he ‘ao ‘o Sihova, pea ‘i he ‘ao ‘o ‘ene pani; ko e pulu ‘o hai kuo u to‘o? Pe ko e ‘asi ‘o hai kuo u ‘ave? Pea ko hai ha taha kuo u fakahekeheke‘i? Mo hai ha taha kuo u fakamālohi‘i? Pe kuo u tali mei he nima ‘o hai ha koloa ke fakakuikui ‘aki au? ka u fakafoki ia kiate kimoutolu.
4Pea nau pehē, Kuo ‘ikai te ke fakahekeheke‘i kimautolu, pe te ke fakamālohia, pea kuo ‘ikai te ke tali mei he nima ‘o ha taha ha momo‘i me‘a.
5Pea ne pehē kiate kinautolu, Ko e fakamo‘oni ‘a Sihova kiate kimoutolu, pea ko e fakamo‘oni mo ‘ene pani he ‘aho ni, ki he ‘ikai te mou ‘ilo‘i hoku nima ha momo‘i me‘a. Pea nau pehē. Ko e fakamo‘oni ia.
6Pea me‘a ‘a Sāmiuela ki he kakai, Ko Sihova ia na‘a ne fokotu‘u ‘a Mōsese mo ‘Ēlone, mo ne ‘omi ho‘omou ngaahi kui mei he fonua ko ‘Isipite.#‘Eki 6.26 7Pea ko eni mou tu‘u mai ke tau sivi mo au ‘i he ‘ao ‘o e ‘Eiki ‘a e tonuhia ‘a Sihova, ‘i he ngaahi me‘a na‘a ne fai#12.7 ‘i he ngaahi… fai; Ko hono faka-Hepeluú ia, ka ‘oku pehē he hiki fuoloa ‘e taha ‘aki ‘eku fakamanatu atu ‘a e ngaahi me‘a na‘á ne fai. ‘i he‘ene feangai mo kimoutolu mo ho‘omou ngaahi kui. 8‘I he ha‘u ‘a Sēkope ki ‘Isipite,#12.8 ‘I he ha‘u… ‘Isipite; Ko hono faka-Hepeluú ia, ka ‘oku pehē he hiki fuoloa ‘e taha: ‘I he ha‘u ‘a Sēkope ki ‘Isipite pea ngaohikovia kinautolu ‘e he kakai ‘Isipité. pea tautapa ‘e ho‘omou ngaahi kui kia Sihova, na‘a ne fekau atu ‘a Mōsese mo ‘Ēlone, ‘a ia na‘a na ‘omi ho‘omou ngaahi tamai mei ‘Isipite ‘o fakanofo ‘i he potu ko eni.#‘Eki 2.23 9Ka na‘e ngalo ‘iate kinautolu ‘a Sihova ko honau ‘Otua, pea ne fakatau kinautolu ki he nima ‘o Siselā, ko e kapiteni ‘o e tau ‘a Hasoa, pea ki he nima ‘o e kau Filisitia, pea ki he nima ‘o e Tu‘i Moape, pea nau tau‘i kinautolu.#Fkm 3.12; 4.2; 13.1 10Pea nau tautapa kia Sihova, ‘o nau pehē, Kuo mau hia, he kuo mau li‘aki ‘a Sihova, pea kuo mau tauhi ‘a e ngaahi Peali mo e ngaahi ‘Asiteloti: ka ko eni ke ke hamusi kimautolu mei he nima ‘o homau ngaahi fili, pea te mau tauhi koe.#Fkm 10.10-15 11Pea fekau atu ‘e Sihova ‘a Selupeali, mo Pēlake,#12.11 Pēlake; Ko hono fakalea ia he ngaahi hiki fuoloa, ka ko hono faka-Hepeluú ko e Pētani. mo Sēfita, mo Sāmiuela, ‘o ne hamusi kimoutolu mei he nima ‘o homou ngaahi fili takatakai, pea mou nofo nonga.#1 Sām 3.20; Fkm 4.6; 7.1; 11.29 12Ka ‘i ho‘omou vakai ki he ha‘u ‘a Nā‘asi ko e Tu‘i Ha‘a ‘Āmoni, ke fai ha me‘a kiate kimoutolu, na‘a mou pehē kiate au, ‘Ikai, ka ‘e pule ha tu‘i kiate kitautolu: ‘osi, ko homou tu‘i ‘a Sihova ko homou ‘Otua.#1 Sām 8.19
13Pea ko eni, vakai ‘a e tu‘i kuo mou fili, ‘a ia na‘a mou kole ki ai: he vakai kuo ‘atu ‘e Sihova hamou tu‘i. 14Kapau te mou ‘apasia ki he ‘Eiki, ‘o tauhi ia mo fakaongo ki hono le‘o, ‘o ‘ikai te mou angatu‘u ki he‘ene fekau tonu, pea te mou toki ‘i he fa‘ahi ‘a Sihova ko homou ‘Otua, ‘a kimoutolu mo e tu‘i foki ‘oku pule kiate kimoutolu. 15Ka ‘o kapau ‘oku ‘ikai te mou fakaongo ki he le‘o ‘o Sihova, ka mou angatu‘u ki he‘ene fekau tonu, pea ‘e toki ‘iate kimoutolu ‘a e nima ‘o Sihova hangē ko ‘ene ‘i ho‘omou ngaahi kui,#12.15 ho‘omou ngaahi kuí; Ko hono faka-Hepeluú ia, ka ‘oku pehē he hiki fuoloa ‘e taha: homou tu‘í. ke kovi. 16Pea ko eni foki, mou tu‘u ma‘u ‘o mamata ki he fu‘u me‘a ni, ‘a ia ka fai ‘e Sihova ‘i homou mata tonu. 17‘Ikai ko e ututa‘u uite eni? Ka u ui kia Sihova ke ne tuku mai ha ngaahi mana mo ha ‘uha; ka mou ‘ilo ‘o sio, ‘oku lahi ho‘omou kovi ‘a ia kuo fai ‘i he ‘ao tonu ‘o Sihova, ‘i he kole hamou tu‘i.
18Ko ia na‘e ui ‘a Sāmiuela ki he ‘Eiki: pea tuku mai ‘e he‘ene ‘Afio ‘a e mana mo e ‘uha ‘i he ‘aho ko ia: pea manavahē lahi ‘a e kakai kia Sihova pea kia Sāmiuela. 19Pea lea ‘a e kakai kotoa kia Sāmiuela, ‘o pehē, Ke ke hūfia ho‘o kau tamaio‘eiki ko kimautolu kia Sihova ko ho ‘Otua, ke ‘oua na‘a mau mate: he kuo mau kanoni ‘aki ‘emau ngaahi angahala kotoa ‘a e kovi ni, ‘a e kole hamau tu‘i.
20Pea me‘a ‘a Sāmiuela ki he kakai, ‘Oua te mou manavahē: mo‘oni kuo mou fai ‘a e fu‘u kovi ko ē: ka neongo ia, ‘oua te mou afe mei he muimui kia Sihova, ka mou tauhi ki he‘ene ‘Afio ‘aki ‘a e kotoa ‘o homou loto; 21‘io ‘oua te mou afe: he ko e muimui ia ki he ngaahi nge‘esi me‘a,#12.21 ‘oua… muimui ia; ‘Oku fihi ‘aupito hono faka-Hepeluú. ‘a ia ‘oku ‘ikai ha‘anau ‘aonga, pea ‘oku ‘ikai te nau lava ha fakamo‘ui; he ko e koto nge‘esi pē. 22He tala‘ehai ‘e li‘aki ‘e he ‘Eiki hono kakai telia hono fu‘u huafa: he kuo finangalo ‘a Sihova ke ngaohi kimoutolu mōno kakai. 23Ko e me‘a kiate au foki, molekemama‘o ha‘aku hia kia Sihova, ‘i he‘eku tuku ‘eku hūfia kimoutolu: ka te u fale‘i kimoutolu ‘i he hala ‘oku lelei mo totonu. 24Ko e me‘a ke mou ‘apasia kia Sihova, mo tauhi ia mo‘oni, ‘aki ‘a e kotoa ‘o homou loto: he mou vakai ‘ene fai me‘a lahi he feangai mo kimoutolu. 25Ka ‘o kapau te mou taukave pē ho‘omou faikovi, te mou ‘auha ‘a kimoutolu mo homou tu‘i.
Currently Selected:
KO 1 SĀMIUELA 12: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 1 SĀMIUELA 12
12
Ko e Lea ‘a Sāmiuela ki he Kakaí
1PEA lea ‘a Sāmiuela ki ‘Isileli kātoa ‘o pehē, Ko eni kuo u fakaongo kiate kimoutolu ‘i he me‘a kotoa pē na‘a mou lea ai kiate au, pea kuo u fakanofo hamou tu‘i. 2Pea vakai ko e tu‘i ena ‘oku laka ‘i homou ‘ao: pea ko au kuo u motu‘a mo hinā; ka ko ‘eku fānau ena ‘oku ‘iate kimoutolu: pea kuo u taka ‘i homou ‘ao talu ‘eku talavou ‘o a‘u ki he ‘aho ni. 3Ko au eni: mou fakamo‘oni kiate au ‘i he ‘ao ‘o Sihova, pea ‘i he ‘ao ‘o ‘ene pani; ko e pulu ‘o hai kuo u to‘o? Pe ko e ‘asi ‘o hai kuo u ‘ave? Pea ko hai ha taha kuo u fakahekeheke‘i? Mo hai ha taha kuo u fakamālohi‘i? Pe kuo u tali mei he nima ‘o hai ha koloa ke fakakuikui ‘aki au? ka u fakafoki ia kiate kimoutolu.
4Pea nau pehē, Kuo ‘ikai te ke fakahekeheke‘i kimautolu, pe te ke fakamālohia, pea kuo ‘ikai te ke tali mei he nima ‘o ha taha ha momo‘i me‘a.
5Pea ne pehē kiate kinautolu, Ko e fakamo‘oni ‘a Sihova kiate kimoutolu, pea ko e fakamo‘oni mo ‘ene pani he ‘aho ni, ki he ‘ikai te mou ‘ilo‘i hoku nima ha momo‘i me‘a. Pea nau pehē. Ko e fakamo‘oni ia.
6Pea me‘a ‘a Sāmiuela ki he kakai, Ko Sihova ia na‘a ne fokotu‘u ‘a Mōsese mo ‘Ēlone, mo ne ‘omi ho‘omou ngaahi kui mei he fonua ko ‘Isipite.#‘Eki 6.26 7Pea ko eni mou tu‘u mai ke tau sivi mo au ‘i he ‘ao ‘o e ‘Eiki ‘a e tonuhia ‘a Sihova, ‘i he ngaahi me‘a na‘a ne fai#12.7 ‘i he ngaahi… fai; Ko hono faka-Hepeluú ia, ka ‘oku pehē he hiki fuoloa ‘e taha ‘aki ‘eku fakamanatu atu ‘a e ngaahi me‘a na‘á ne fai. ‘i he‘ene feangai mo kimoutolu mo ho‘omou ngaahi kui. 8‘I he ha‘u ‘a Sēkope ki ‘Isipite,#12.8 ‘I he ha‘u… ‘Isipite; Ko hono faka-Hepeluú ia, ka ‘oku pehē he hiki fuoloa ‘e taha: ‘I he ha‘u ‘a Sēkope ki ‘Isipite pea ngaohikovia kinautolu ‘e he kakai ‘Isipité. pea tautapa ‘e ho‘omou ngaahi kui kia Sihova, na‘a ne fekau atu ‘a Mōsese mo ‘Ēlone, ‘a ia na‘a na ‘omi ho‘omou ngaahi tamai mei ‘Isipite ‘o fakanofo ‘i he potu ko eni.#‘Eki 2.23 9Ka na‘e ngalo ‘iate kinautolu ‘a Sihova ko honau ‘Otua, pea ne fakatau kinautolu ki he nima ‘o Siselā, ko e kapiteni ‘o e tau ‘a Hasoa, pea ki he nima ‘o e kau Filisitia, pea ki he nima ‘o e Tu‘i Moape, pea nau tau‘i kinautolu.#Fkm 3.12; 4.2; 13.1 10Pea nau tautapa kia Sihova, ‘o nau pehē, Kuo mau hia, he kuo mau li‘aki ‘a Sihova, pea kuo mau tauhi ‘a e ngaahi Peali mo e ngaahi ‘Asiteloti: ka ko eni ke ke hamusi kimautolu mei he nima ‘o homau ngaahi fili, pea te mau tauhi koe.#Fkm 10.10-15 11Pea fekau atu ‘e Sihova ‘a Selupeali, mo Pēlake,#12.11 Pēlake; Ko hono fakalea ia he ngaahi hiki fuoloa, ka ko hono faka-Hepeluú ko e Pētani. mo Sēfita, mo Sāmiuela, ‘o ne hamusi kimoutolu mei he nima ‘o homou ngaahi fili takatakai, pea mou nofo nonga.#1 Sām 3.20; Fkm 4.6; 7.1; 11.29 12Ka ‘i ho‘omou vakai ki he ha‘u ‘a Nā‘asi ko e Tu‘i Ha‘a ‘Āmoni, ke fai ha me‘a kiate kimoutolu, na‘a mou pehē kiate au, ‘Ikai, ka ‘e pule ha tu‘i kiate kitautolu: ‘osi, ko homou tu‘i ‘a Sihova ko homou ‘Otua.#1 Sām 8.19
13Pea ko eni, vakai ‘a e tu‘i kuo mou fili, ‘a ia na‘a mou kole ki ai: he vakai kuo ‘atu ‘e Sihova hamou tu‘i. 14Kapau te mou ‘apasia ki he ‘Eiki, ‘o tauhi ia mo fakaongo ki hono le‘o, ‘o ‘ikai te mou angatu‘u ki he‘ene fekau tonu, pea te mou toki ‘i he fa‘ahi ‘a Sihova ko homou ‘Otua, ‘a kimoutolu mo e tu‘i foki ‘oku pule kiate kimoutolu. 15Ka ‘o kapau ‘oku ‘ikai te mou fakaongo ki he le‘o ‘o Sihova, ka mou angatu‘u ki he‘ene fekau tonu, pea ‘e toki ‘iate kimoutolu ‘a e nima ‘o Sihova hangē ko ‘ene ‘i ho‘omou ngaahi kui,#12.15 ho‘omou ngaahi kuí; Ko hono faka-Hepeluú ia, ka ‘oku pehē he hiki fuoloa ‘e taha: homou tu‘í. ke kovi. 16Pea ko eni foki, mou tu‘u ma‘u ‘o mamata ki he fu‘u me‘a ni, ‘a ia ka fai ‘e Sihova ‘i homou mata tonu. 17‘Ikai ko e ututa‘u uite eni? Ka u ui kia Sihova ke ne tuku mai ha ngaahi mana mo ha ‘uha; ka mou ‘ilo ‘o sio, ‘oku lahi ho‘omou kovi ‘a ia kuo fai ‘i he ‘ao tonu ‘o Sihova, ‘i he kole hamou tu‘i.
18Ko ia na‘e ui ‘a Sāmiuela ki he ‘Eiki: pea tuku mai ‘e he‘ene ‘Afio ‘a e mana mo e ‘uha ‘i he ‘aho ko ia: pea manavahē lahi ‘a e kakai kia Sihova pea kia Sāmiuela. 19Pea lea ‘a e kakai kotoa kia Sāmiuela, ‘o pehē, Ke ke hūfia ho‘o kau tamaio‘eiki ko kimautolu kia Sihova ko ho ‘Otua, ke ‘oua na‘a mau mate: he kuo mau kanoni ‘aki ‘emau ngaahi angahala kotoa ‘a e kovi ni, ‘a e kole hamau tu‘i.
20Pea me‘a ‘a Sāmiuela ki he kakai, ‘Oua te mou manavahē: mo‘oni kuo mou fai ‘a e fu‘u kovi ko ē: ka neongo ia, ‘oua te mou afe mei he muimui kia Sihova, ka mou tauhi ki he‘ene ‘Afio ‘aki ‘a e kotoa ‘o homou loto; 21‘io ‘oua te mou afe: he ko e muimui ia ki he ngaahi nge‘esi me‘a,#12.21 ‘oua… muimui ia; ‘Oku fihi ‘aupito hono faka-Hepeluú. ‘a ia ‘oku ‘ikai ha‘anau ‘aonga, pea ‘oku ‘ikai te nau lava ha fakamo‘ui; he ko e koto nge‘esi pē. 22He tala‘ehai ‘e li‘aki ‘e he ‘Eiki hono kakai telia hono fu‘u huafa: he kuo finangalo ‘a Sihova ke ngaohi kimoutolu mōno kakai. 23Ko e me‘a kiate au foki, molekemama‘o ha‘aku hia kia Sihova, ‘i he‘eku tuku ‘eku hūfia kimoutolu: ka te u fale‘i kimoutolu ‘i he hala ‘oku lelei mo totonu. 24Ko e me‘a ke mou ‘apasia kia Sihova, mo tauhi ia mo‘oni, ‘aki ‘a e kotoa ‘o homou loto: he mou vakai ‘ene fai me‘a lahi he feangai mo kimoutolu. 25Ka ‘o kapau te mou taukave pē ho‘omou faikovi, te mou ‘auha ‘a kimoutolu mo homou tu‘i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.