Salmos 90
90
Moisés: Yuska tuke pujayayi, antsu aintska jumchik musach pujustinuitai timiauri
1Apuru ameka tuke iin ejakratin ayame.
2Ameka mash najanchayatmek,
tura murasha mash najanchayatmek,
Yus asam tuke pujayame,
tura tuke pujustinuitme.
3-4Ame aintsti pachisam chichaakum:
Ataksha nungka ati takumningkia,
ataksha nungka wajastinuitji.
Ameka mil (1,000) musach wainiatum,
kinta yaau nangkamarua tumau nintime.
Tura mil (1,000) musach wainiatum,
jumchik hora tumau wári nangkamartin ainawai,
tu nintime.#2 Pe 3.8
5Nujang aintsun jakatniunam juwawa nunisrik aji.
Tura ii karanam nintimu weaji nunisrik mengkakatin ainiaji.
6Tura nupaaya nunisrik ainiaji.
Nupaa tsapai kashik yangkurui.
Turayat kiaraikia jajatar kakarmachu minayi.#Stg 1.10-11
7Ami suwirumjai aints ainautinka amukratme.
Tura kajekakminkia,
napchau nintimsar pujaji.#Ap 19.15
8Ii tunaaringkia tura ii pasé nintimtairisha ameka paan nekame.
9Ame kajekakminkia,
ii iwiaakmauringkia aints mayairawa nunisang wári nangkaankatnuitai.
10Iikia setenta (70) musach pujusminuitji.
Tura kakaram akurkia ochenta (80) musach pujusminuitji.
Ii musachri wári nangkamartin asaramtai,
wári jakatnuitji.
Antsu sungkurjai wait wajayatrik,
tura najaimiayatrik jampesrik:
Miajuitjai taji.#Sal 39.5-6; 102.11
11Yusru ¿ame suwirumnasha yáki neka?
¿Tura ame kajekmaurumnasha yáki neka?
12Apuru jumchik musach iwiaaku pujarme tusam nintimtikiartukta.
Nu turakmin nekasar paan nintimratnuitji.
13Apuru yaimkartukta,
tura suwirum inaisata.
Iikia aminu inatiram asakrin,
ame wait anengkratairum nekamtikiartukta.
14Ame anengkratairum kashik ii nintin piaku ati tusam wakeruku ata.
Turakmin iisha tuke warasar kantamatatji.
15Iikia untsuri musach wait wajayaji nuna nangkamasmek untsuri musach warastaram tusam sukartusta.
16Iikia ami inatiram asar,
ami kakarmaram wainkatasar wakeraji.
Tura ii wearisha ame pengkeerumin wainkarti tusam nintimtikrarta.
17Apuru ii Yusri asam,
ame pengkeerum sukartusta.
Tura ii takatrin takakmakur pujakrincha,
nekasam pengker awajkartusta tusan seajme.
Currently Selected:
Salmos 90: acu
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
