Salmos 57
57
David Yusen: Yainkata tusa seamuri
1Yusru wait anentrurta.
Tura ayamrutkata tusan seajme.
Shamrumtin ainau nangkamarti tusan ami kakarmarmin ejamkatasan wakerajai.
2Yus timiá juun aa nuna wina yainkatin asamtai untsuktatjai.
3Yus ni wait anengkratairin tura ni chichamen nekas aa nuna nayaimpinmayan akupkatatui.
Tura wina kajertinak papeetinamtaisha uwemtikrurtatui.
4Juun yawaa aintsun esai yuwinawa tumaunum wikia nungkanam ajuarmawaitjai.
Nu aints ainau naingkia nangkia tumau ainawai,
turasha wachia tumau ainawai.
Tura ni inajingkia saapi tsakamua tumau ainawai.
5Yusru ameka nayaimpisha nangkaikim pujuuwitme.
Aminu paaniurmeka mash nungka ainaun tinamui.#Sal 8.1
6Wina nemasur ainau wina pasé nintimtikrurartas aints ejatkajai achikmi tinawa nunisarang armiayi.
Tura waanam ujuarmi tinawa nunisarang armiayi.
Turinayat waan wina tautriniarmia nuni ningki ayaararmiayi.
7Yusru wina nintirjai amincha kantan kantamruatasan wakerajai.
8Kinta yama tsawaa nuning wisha shintartatjai.
9Apuru aints untsuri iruntramunam kantan kantamkun amincha wararsatatjame.
10Ami anengkratairumka nayaimpinam jeawai.
Tura ami pengkeerumka nayaim kingkiaya nuni jeawai.#Sal 36.5
11Yusru ameka nayaimpisha nangkaikim pujuuwitme.
Aminu paaniurmeka mash nungka ainaun tinamui.#Sal 8.1
Currently Selected:
Salmos 57: acu
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
