Salmos 112
112
Anangmichu ainaun pachisar etserkamu
1¡Ii Apuri warartusmi!
Yusen pengkeraitme tinauka tura ni chicham akupamuri umirinak pujuinauka warasartin ainawai.
2Anangmichu ainau uchirinka chikich aints ainausha pengker awajsartin ainawai.
Tura anangmichu ainau chichamenka pengker anturkartin ainawai.
3Ni jeen warinchu untsuri iruninawai.
Tura tuke wait anengkratin ainawai.
4Tura nu aints ainau anangmichu asar,
chikich anangmichu ainaun pengker awajinamuri ji teeti tsantua nunisketai.
Nu aints ainau wait anengkratin tura jaimiasar nintimin tura anangmichu ainawai.
5Pengke aints ainauka ikiatsata tinamsha suriminatsui.
Tura chikich aints ainauncha anangtan nakitinawai.
6Tura asar mengkaakachartin ainawai.
Tura asamtai chikich ainausha anangmichu ainaunka tuke pachiu ainawai.
7Anangmichu ainauka shamarumtinun antukarsha shamchau ainawai.
Tura ni Apurin nintiminau asar,
ni nintisha kurarchartin ainawai.
8Ni nintisha kurarchartin asaramtai shaminatsui.
Tura asar ni nemase ainauncha pachinatsui.
9Tura aints yuuminak pujuinaun su asar,
tuke wait anengkratin ainawai.
Turin asar chikich aintsjai ingkiunikiar natsaamtsuk pangkainiar jiininawai.#2 Cor 9.9
10Antsu pasé aints ainauka nuna suwirpiaku jiinak kajerinawai.
Turayat nu anangmichu ainaun pasé awajsatatkamawar tujinkartin ainawai.
Antsu ni pasé turamuringkia mengkaakatnuitai.
Currently Selected:
Salmos 112: acu
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
