Roma 16
16
Bulusu u kya̱sa̱i a̱ja̱Ꞌa̱ a̱ ni
1Mi ta̱ n ili i singai i na n kudansa adama a̱ Fibi, vuza na wi a kuyaꞋan tsugbashi a̱ a̱Ꞌisa̱ a aza o Kutoni a Seneriya. 2N folono ɗa̱ ta̱ yi isa yi a uye u Vuzagbayin uteku u na u yotsoi uma a̱ Ka̱shile a isa uma. Ɓa̱nka̱i ni a uye u na yi a kufuɗa dem, adama a na u ɓa̱nka̱ mu ta̱ n uma o yoku n a̱bunda̱i feu.
3Kya̱sa̱ka̱i mu Pirisila n Akila, aza a na a yaꞋin ulinga koɓolo nu mpa a̱ ubuta̱ u kuyaꞋanka Yesu Kirisiti Kishi tsugbashi. 4Ishi ta̱ a̱ kukuwa̱ adama a̱ kuɓa̱nka̱ mu. N yaꞋanka le ta̱ ogodiya ka̱u, a̱ a̱Ꞌisa̱ a aza o Kutoni a Aza̱ka̱yimbi ra̱ka̱ a yaꞋanka le ta̱ feu ogodiya. 5Kya̱sa̱ka̱i mu feu a̱Ꞌisa̱ a na a tsu gasasa a kpaꞋa ku le.
Kya̱sa̱ka̱i mu ka̱ja̱Ꞌa̱ ku ucigi ka̱ va̱ Abanita. A̱yi ɗa vuza iyain vu na wo okpoi vuza vu Kutoni a uɓon u Asiya.
6Kya̱sa̱ka̱i mu Meri, vuza na u yaꞋin ulinga ka̱u adama a̱ ɗa̱.
7Kya̱sa̱ka̱i mu uma a̱ va̱ Andaronika n Juniyasu, aza a na o yongoi a ugbashi koɓolo nu mpa. O okpo ta̱ aza o Kutoni a̱ Kirisiti a cau nu mpa, azusuki kpamu a cikpa le ta̱.
8Kya̱sa̱ka̱i mu Afiliya, a̱yi ka̱ja̱Ꞌa̱ ku ucigi ka̱ va̱ kaꞋa, vuza na wi vuma vu Vuzagbayin.
9Kya̱sa̱ka̱i mu Ubanasu, vuza na wi a kuyaꞋanka Kirisiti Kishi tsugbashi koɓolo n a̱tsu.
Kya̱sa̱ka̱i mu ka̱ja̱Ꞌa̱ ku ucigi ka̱ va̱ Sitaka.
10Kya̱sa̱ka̱i mu Abali, vuza na u yotsongi a na mayun ɗa wi o kutono Kishi.
Kya̱sa̱ka̱i mu Arisotobulu, n aza a kpaꞋa a̱ ni.
11Kya̱sa̱ka̱i mu Horodiya, vuma vu va̱.
Kya̱sa̱ka̱i mu Nakisa n aza a kpaꞋa a̱ ni a na i aza o Kutoni a Vuzagbayin.
12Kya̱sa̱ka̱i mu Tarafina n Tarafusa, a̱ma̱ci a na a yaꞋin ulinga ka̱u adama a Vuzagbayin.
Kya̱sa̱ka̱i mu ka̱ja̱Ꞌa̱ ku ucigi ka̱ va̱ Basisa, vuka vi yoku vu na vi yaꞋin ulinga ka̱u adama a Vuzagbayin.
13Kya̱sa̱ka̱i mu Rufas, vuza na wi kagbashi ka singai a̱ ubuta̱ u Vuzagbayin, ka̱ta̱ kpamu i kya̱sa̱ a̱na̱ku a̱ ni, vuza na wo okpoi tsu mma wa̱ va̱.
14Kya̱sa̱ka̱i mu Asinkirita, n Filiguna, n Hamisa, m Baturoba, n Hamasa, ka̱ta̱ feu i kya̱sa̱ aza o Kutoni a na i koɓolo n ele.
15Kya̱sa̱ka̱i mu Filulugusa, n Juliya, n Niriya vali, n taku vi ni, koɓolo n Ulamfa, n uma a̱ Ka̱shile ra̱ka̱ a na i koɓolo n ele.
16Kya̱sa̱na̱i n ucigi u Kirisiti Kishi.
A̱Ꞌisa̱ a aza o Kutoni a̱ Kishi ra̱ka̱ i ta̱ a̱ kukya̱sa̱ ɗa̱.
Kadanshi ku ukocishi
17Uma a̱ va̱, n folono ɗa̱ ta̱ ka̱ta̱ i zuka n aza a na a̱ tsu tuka̱ m mepecemgbenei ka̱ta̱ a zuwa uma a̱ ta̱ɗa̱tsa̱ a̱ ubuta̱ wu uneki u ka̱ɗu u le, ka̱ta̱ kpamu o yotsongusu ili i yoku kau n i na yi isai ɗe. YaꞋin daꞋin n ele. 18Aza a na a ci yaꞋan nannai Kishi Vuzagbayin vu tsu ɗa i a kuyaꞋanka tsugbashi ba, amma i ta̱ kuyaꞋan ili i na i yokpoi le koci. A tsu dansa ta̱ n uma n una̱ u singai n kuyaꞋan kucikpa ka aꞋuwa kpamu, nannai a̱ ci ya̱nsa̱ ta̱ aza a na a̱ kpa̱ɗa̱i kuyeve ukuna wi ili i kavama i nam pa. 19Aza o Kutoni ra̱ka̱ a pana ta̱ a na i tonoi Vuzagbayin, adama a nannai mi ta̱ a̱ ma̱za̱nga̱ adama a̱ ɗa̱. Amma n ciga ɗa̱ ta̱ i yaꞋan n ugboji a̱ ubuta̱ wi ili i singai, ka̱ta̱ kpamu ili i bura ɗa̱ n kawuya ba.
20Ka̱shile ka na ka̱ tsu tuka̱ m ma̱ta̱na̱, wi ta̱ a kuminjarangu MalyaꞋi ɗaka vu ene a̱ ɗa̱ babu megeshe.
N vasa ta̱ adama a na kasingai ka Vuzagbayin vu tsu Yesu u yongo n a̱ɗa̱.
21Timoti, vuza na wi ulinga koɓolo nu mpa wi ta̱ ikya̱shi i ɗa̱. Uma a̱ va̱ feu, Lusiya, n Yason, n Susibatara i ta̱ ikya̱shi i ɗa̱.
22Mpa ɗa Taratiya, mi ta̱ kpamu a kuɗana ili i na Bulusu u danai mu n ɗana. Mpa feu mi ta̱ a̱ kukya̱sa̱ ɗa̱ a uye u Vuzagbayin.
23Gayu wi ta̱ ikya̱shi i ɗa̱. U rabasa mu ta̱ n aza o Kutoni ra̱ka̱ ana a tsu uwa a kpaꞋa ku ni.
Arasata, kofoɓi ki ikebe ki likuci, n ka̱ja̱Ꞌa̱ ku ucigi ka̱ tsu Kawata i ta̱ ikya̱shi i ɗa̱ feu.
[ 24N vasa ta̱ adama a na Vuzagbayin vu tsu Yesu Kishi u yaꞋanka ɗa̱ ra̱ka̱ kasingai ka̱ ni. Ta nannai.]
Avasa a kucikpa
25YaꞋan ci neke Ka̱shile tsugbayin! Wi ta̱ a kufuɗa wa zuwa ɗa̱ i shamgba n utsura a̱ ubuta̱ wu uneki u ka̱ɗu u ɗa̱, uteku u na Arabali a Singai a danai. Ɗaɗa akaka adama e Yesu Kirisiti Kishi n kusheshe ku ni ku na Ka̱shile ko sokongi ali m mani-mani va ɗe. 26Amma gogo na iɗani i eneki i zuwa le ta̱ e yeve mayun e keteshe. Ka̱shile kpamu, vuza na u tsu kuwa̱ ba, u dana ta̱ a zuwa akaka a nam pa a yaꞋan uyevi ra̱ka̱ a iɗika adama a na e neke a̱ɗu ka̱ta̱ kpamu o tono yi. 27Ka̱sa̱kpa̱ Ka̱shile, vuza vu ugboji endeꞋen, wi isa tsugbayin a̱ ubuta̱ u Yesu Kirisiti Kishi ko wanai. Ta nannai.
Currently Selected:
Roma 16: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
Roma 16
16
Bulusu u kya̱sa̱i a̱ja̱Ꞌa̱ a̱ ni
1Mi ta̱ n ili i singai i na n kudansa adama a̱ Fibi, vuza na wi a kuyaꞋan tsugbashi a̱ a̱Ꞌisa̱ a aza o Kutoni a Seneriya. 2N folono ɗa̱ ta̱ yi isa yi a uye u Vuzagbayin uteku u na u yotsoi uma a̱ Ka̱shile a isa uma. Ɓa̱nka̱i ni a uye u na yi a kufuɗa dem, adama a na u ɓa̱nka̱ mu ta̱ n uma o yoku n a̱bunda̱i feu.
3Kya̱sa̱ka̱i mu Pirisila n Akila, aza a na a yaꞋin ulinga koɓolo nu mpa a̱ ubuta̱ u kuyaꞋanka Yesu Kirisiti Kishi tsugbashi. 4Ishi ta̱ a̱ kukuwa̱ adama a̱ kuɓa̱nka̱ mu. N yaꞋanka le ta̱ ogodiya ka̱u, a̱ a̱Ꞌisa̱ a aza o Kutoni a Aza̱ka̱yimbi ra̱ka̱ a yaꞋanka le ta̱ feu ogodiya. 5Kya̱sa̱ka̱i mu feu a̱Ꞌisa̱ a na a tsu gasasa a kpaꞋa ku le.
Kya̱sa̱ka̱i mu ka̱ja̱Ꞌa̱ ku ucigi ka̱ va̱ Abanita. A̱yi ɗa vuza iyain vu na wo okpoi vuza vu Kutoni a uɓon u Asiya.
6Kya̱sa̱ka̱i mu Meri, vuza na u yaꞋin ulinga ka̱u adama a̱ ɗa̱.
7Kya̱sa̱ka̱i mu uma a̱ va̱ Andaronika n Juniyasu, aza a na o yongoi a ugbashi koɓolo nu mpa. O okpo ta̱ aza o Kutoni a̱ Kirisiti a cau nu mpa, azusuki kpamu a cikpa le ta̱.
8Kya̱sa̱ka̱i mu Afiliya, a̱yi ka̱ja̱Ꞌa̱ ku ucigi ka̱ va̱ kaꞋa, vuza na wi vuma vu Vuzagbayin.
9Kya̱sa̱ka̱i mu Ubanasu, vuza na wi a kuyaꞋanka Kirisiti Kishi tsugbashi koɓolo n a̱tsu.
Kya̱sa̱ka̱i mu ka̱ja̱Ꞌa̱ ku ucigi ka̱ va̱ Sitaka.
10Kya̱sa̱ka̱i mu Abali, vuza na u yotsongi a na mayun ɗa wi o kutono Kishi.
Kya̱sa̱ka̱i mu Arisotobulu, n aza a kpaꞋa a̱ ni.
11Kya̱sa̱ka̱i mu Horodiya, vuma vu va̱.
Kya̱sa̱ka̱i mu Nakisa n aza a kpaꞋa a̱ ni a na i aza o Kutoni a Vuzagbayin.
12Kya̱sa̱ka̱i mu Tarafina n Tarafusa, a̱ma̱ci a na a yaꞋin ulinga ka̱u adama a Vuzagbayin.
Kya̱sa̱ka̱i mu ka̱ja̱Ꞌa̱ ku ucigi ka̱ va̱ Basisa, vuka vi yoku vu na vi yaꞋin ulinga ka̱u adama a Vuzagbayin.
13Kya̱sa̱ka̱i mu Rufas, vuza na wi kagbashi ka singai a̱ ubuta̱ u Vuzagbayin, ka̱ta̱ kpamu i kya̱sa̱ a̱na̱ku a̱ ni, vuza na wo okpoi tsu mma wa̱ va̱.
14Kya̱sa̱ka̱i mu Asinkirita, n Filiguna, n Hamisa, m Baturoba, n Hamasa, ka̱ta̱ feu i kya̱sa̱ aza o Kutoni a na i koɓolo n ele.
15Kya̱sa̱ka̱i mu Filulugusa, n Juliya, n Niriya vali, n taku vi ni, koɓolo n Ulamfa, n uma a̱ Ka̱shile ra̱ka̱ a na i koɓolo n ele.
16Kya̱sa̱na̱i n ucigi u Kirisiti Kishi.
A̱Ꞌisa̱ a aza o Kutoni a̱ Kishi ra̱ka̱ i ta̱ a̱ kukya̱sa̱ ɗa̱.
Kadanshi ku ukocishi
17Uma a̱ va̱, n folono ɗa̱ ta̱ ka̱ta̱ i zuka n aza a na a̱ tsu tuka̱ m mepecemgbenei ka̱ta̱ a zuwa uma a̱ ta̱ɗa̱tsa̱ a̱ ubuta̱ wu uneki u ka̱ɗu u le, ka̱ta̱ kpamu o yotsongusu ili i yoku kau n i na yi isai ɗe. YaꞋin daꞋin n ele. 18Aza a na a ci yaꞋan nannai Kishi Vuzagbayin vu tsu ɗa i a kuyaꞋanka tsugbashi ba, amma i ta̱ kuyaꞋan ili i na i yokpoi le koci. A tsu dansa ta̱ n uma n una̱ u singai n kuyaꞋan kucikpa ka aꞋuwa kpamu, nannai a̱ ci ya̱nsa̱ ta̱ aza a na a̱ kpa̱ɗa̱i kuyeve ukuna wi ili i kavama i nam pa. 19Aza o Kutoni ra̱ka̱ a pana ta̱ a na i tonoi Vuzagbayin, adama a nannai mi ta̱ a̱ ma̱za̱nga̱ adama a̱ ɗa̱. Amma n ciga ɗa̱ ta̱ i yaꞋan n ugboji a̱ ubuta̱ wi ili i singai, ka̱ta̱ kpamu ili i bura ɗa̱ n kawuya ba.
20Ka̱shile ka na ka̱ tsu tuka̱ m ma̱ta̱na̱, wi ta̱ a kuminjarangu MalyaꞋi ɗaka vu ene a̱ ɗa̱ babu megeshe.
N vasa ta̱ adama a na kasingai ka Vuzagbayin vu tsu Yesu u yongo n a̱ɗa̱.
21Timoti, vuza na wi ulinga koɓolo nu mpa wi ta̱ ikya̱shi i ɗa̱. Uma a̱ va̱ feu, Lusiya, n Yason, n Susibatara i ta̱ ikya̱shi i ɗa̱.
22Mpa ɗa Taratiya, mi ta̱ kpamu a kuɗana ili i na Bulusu u danai mu n ɗana. Mpa feu mi ta̱ a̱ kukya̱sa̱ ɗa̱ a uye u Vuzagbayin.
23Gayu wi ta̱ ikya̱shi i ɗa̱. U rabasa mu ta̱ n aza o Kutoni ra̱ka̱ ana a tsu uwa a kpaꞋa ku ni.
Arasata, kofoɓi ki ikebe ki likuci, n ka̱ja̱Ꞌa̱ ku ucigi ka̱ tsu Kawata i ta̱ ikya̱shi i ɗa̱ feu.
[ 24N vasa ta̱ adama a na Vuzagbayin vu tsu Yesu Kishi u yaꞋanka ɗa̱ ra̱ka̱ kasingai ka̱ ni. Ta nannai.]
Avasa a kucikpa
25YaꞋan ci neke Ka̱shile tsugbayin! Wi ta̱ a kufuɗa wa zuwa ɗa̱ i shamgba n utsura a̱ ubuta̱ wu uneki u ka̱ɗu u ɗa̱, uteku u na Arabali a Singai a danai. Ɗaɗa akaka adama e Yesu Kirisiti Kishi n kusheshe ku ni ku na Ka̱shile ko sokongi ali m mani-mani va ɗe. 26Amma gogo na iɗani i eneki i zuwa le ta̱ e yeve mayun e keteshe. Ka̱shile kpamu, vuza na u tsu kuwa̱ ba, u dana ta̱ a zuwa akaka a nam pa a yaꞋan uyevi ra̱ka̱ a iɗika adama a na e neke a̱ɗu ka̱ta̱ kpamu o tono yi. 27Ka̱sa̱kpa̱ Ka̱shile, vuza vu ugboji endeꞋen, wi isa tsugbayin a̱ ubuta̱ u Yesu Kirisiti Kishi ko wanai. Ta nannai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved