Filibiya 3
3
Uteku u na va̱ kuciya̱ ili i mayun
1Gogo na, uma a̱ va̱, yaꞋin ma̱za̱nga̱ adama a Vuzagbayin! N yaꞋan ta̱ ma̱za̱nga̱ adama a na n ɗanaka ɗa̱ ta̱ ili i te n i na n danai ɗa̱ ɗe. Ili ya yi ta̱ feu o kodoku ya̱ sa̱nka̱ ili i gbani-gbani i na i kusaꞋwa ɗa̱.
2Ka̱ta̱ i ka̱sa̱kpa̱ uma a kavama a nan lo a̱ ya̱nsa̱ ɗa̱ ba. Ele ɗa aza a na a̱ tsu la̱nsa̱ kukiɗa ka avaja wasasa, i ta̱ ana nsheꞋe mu unata. 3A̱tsu ci ta̱ n ukiɗi wa avaja u mayun adama a na ci ta̱ a kucikpa Ka̱shile a̱ ubuta̱ wa Ayinviki a̱ ni. Tsugbayin tsu tsu ci ta̱ a̱ ubuta̱ u Yesu Kishi ci kpamu a kuzuwa katsura n ili yi ikyamba i tsu ba.
4Amma u gaꞋan ba, mpa mi ta̱ a kufuɗa kuyaꞋan a̱ra̱ɗi n ili yi ikyamba i va̱. Vuza na baci u danai a̱yi wi ta̱ n i na u kuyaꞋan adama a na u lyaꞋaka ka̱ci ka̱ ni kelime n ili i nam pa, mi ta̱ a kulaꞋa yi n ili i nam pa dem. 5A kiɗa mu ta̱ kavaja a kanna ka̱ kunla̱i ana a matsai mu. Mpa vuza va aza a Israila ɗa. Mpa umaci u Bayami† u ɗa. Na va u yotsongu ta̱ mayun mpa umaci wi Ibrahim u ɗa. Ci baci a kadanshi ka̱ Wila̱, mpa Kafarishi kaꞋa. 6Mpa vuza vu kataci ɗa, n tuka̱ ta̱ n atakaci a̱ ubuta̱ wa aza e Yesu. Babu vuza na u dansukai mu a na n koɗoi Wila̱, ko kenu.
7N ayin ɗe, mpa n sheshe ta̱ ili i nam pa ya i singai i ɗa, amma gogo na m bonoko le ta̱ ili i gbani adama a ili i na Kishi u yaꞋin. 8Ili i na i laꞋi i nan lo i ɗaɗa, me ene ta̱ ili ra̱ka̱ tsu ukuna u gbani n gisanku baci i ɗa n tsu na n yevei Yesu Kishi. Uyevi u na n yevei Yesu Kishi Vuzagbayin vu va̱ u laꞋa ta̱ ili i nan lo ra̱ka̱, na lo va ta na mayun ɗa. Adama a̱ ni a ɗa n nambai ili ra̱ka̱, amma ele ka̱viri kaꞋa ka na a̱ kuka̱sa̱kpa̱ ka̱ca̱pa̱ adama a na n ciya̱ mo okpo vuza vu Kishi cika, 9ka̱ta̱ feu mo okpo koɓolo n a̱yi cika. N doku n neke katsura n kasingai ka̱ va̱ ko utsura u kutono Wila̱ ba, amma n neke ta̱ katsura n Kirisiti Kishi wi isa mu. N yaꞋan ta̱ nannai adama a na uye u na Ka̱shile ka tsu bonoko tsu aza a̱ usuɓi n a̱yi u ɗaɗa ubuta̱ wu uneki u ka̱ɗu. 10N ciga ta̱ n yeve Kirisiti Kishi, n ciga ta̱ kpamu n yeve utsura u na u ɗengusa̱i ni a̱ ubuta̱ wu ukpa̱. N ciga ta̱ m ɓolongu n a̱yi n ciga ta̱ kpamu n yeve atakaci a̱ ni. N ciga ta̱ m ɓolongu n a̱yi a̱ ubuta̱ wu ukpa̱ u ni. 11Nannai kpamu mi ta̱ n a̱pa̱Ꞌa̱ a na mpa feu a̱ kuɗengusa̱ mu a̱ ubuta̱ wu ukpa̱!
LyaꞋa kelime n kataci
12Ka̱ta̱ n yaꞋan ili nam pa ya ra̱ka̱ ba, ka̱ta̱ kpamu a zuwa mu mo okpo vuza na u shatangi ukuna cika ba. Amma mi ta̱ a kulyaꞋa kelime n ulinga ali a kubana ukocishi ka̱ta̱ a zuwa mu mo okpo ili i na Yesu Kirisiti Kishi u cigai mo okpo. 13Uma a̱ va̱, mpa n dana n ciya̱ ta̱ ɗe ili ya ra̱ka̱ ba, amma ili i na mi a kuyaꞋan i ɗaɗa: ili i bura mu n ili i na i lazai ɗe ba, mi ta̱ o kutono n utsura adama a na n reme ili i na yi kelime. 14Mi ta̱ a kulyaꞋa kelime adama a na n yawa a uteku ana e kuneke mu katsupu ka singai, ayin a na Ka̱shile ke kuɗeke mu a kubana gaɗi adama e Yesu Kishi.
15Yaba dem vu tsu vu na u kutsai a̱ ubuta̱ wu uneki u ka̱ɗu u sheshe tsu nam pa. Ili yi baci lo i na i kpa̱ɗa̱i kushuku n i ɗa, Ka̱shile ki ta̱ a kuzuwa ɗa̱ ye ene ili i na yi derere. 16Ili i na i laꞋi ili dem i ɗaɗa na: ci lyaꞋi kelime n kutono ili i mayun i na ci yevei.
17Uma a̱ va̱, yongoi uteku u na n yongoi, ka̱ta̱ i piꞋisa a̱ ubuta̱ u kinda uma a na o yongoi tsa agisana a na ci nekei ɗa̱. 18I yongo tsu nam pa adama a na uma i ta̱ lo n a̱bunda̱i a na i o kuyongo a uye u na u kuyotsongu uma ele irala i maɗanga ma atakaci me Yesu i ɗa. N dana ɗa̱ ta̱ ɗe ili i nam pa ya, ko n gogo kpamu mi ta̱ a̱ ma̱shi n kujilya adama a na ili ya mayun ɗa. 19Uma a nam pa i ta̱ a kuyawa uteku, ka̱ta̱ a cina ukpa̱ u babu uteku. Ili i na i a kuyaꞋanka tsugbashi i ɗaɗa ili i na ele a̱ ka̱ci ke le a cigakai ikyamba i le koci. Ele a̱ ci ciya̱ ta̱ tsugbayin a̱ ubuta̱ wi ili i wono i na a ci yaꞋan. A zuwa ta̱ a̱ɗu e le ra̱ka̱ a̱ ubuta̱ wi ili ya aduniyan i nam pa.
20Amma a̱tsu uma a gaɗi a ɗa, ubuta̱ u na Vuzagbayin Yesu Kishi wi o kuyongo. Ci ta̱ kpamu a kuvana yi m moloko u bono an Kishi ka̱ tsu. 21Wi ta̱ a kuɗika ikyamba i tsu i nam pa ya aduniyan i na yi babu utsura, ka̱ta̱ u sabaꞋa i ɗa yo okpo ikyamba i tsugbayin ci ni, a̱yi wi ta̱ a kuyaꞋan nannai n utsura u gbayin u na wi n u ɗa u na u tsu zuwa ili dem i panaka yi.
Currently Selected:
Filibiya 3: asgNT
Highlight
Copy
Compare
Share
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
Filibiya 3
3
Uteku u na va̱ kuciya̱ ili i mayun
1Gogo na, uma a̱ va̱, yaꞋin ma̱za̱nga̱ adama a Vuzagbayin! N yaꞋan ta̱ ma̱za̱nga̱ adama a na n ɗanaka ɗa̱ ta̱ ili i te n i na n danai ɗa̱ ɗe. Ili ya yi ta̱ feu o kodoku ya̱ sa̱nka̱ ili i gbani-gbani i na i kusaꞋwa ɗa̱.
2Ka̱ta̱ i ka̱sa̱kpa̱ uma a kavama a nan lo a̱ ya̱nsa̱ ɗa̱ ba. Ele ɗa aza a na a̱ tsu la̱nsa̱ kukiɗa ka avaja wasasa, i ta̱ ana nsheꞋe mu unata. 3A̱tsu ci ta̱ n ukiɗi wa avaja u mayun adama a na ci ta̱ a kucikpa Ka̱shile a̱ ubuta̱ wa Ayinviki a̱ ni. Tsugbayin tsu tsu ci ta̱ a̱ ubuta̱ u Yesu Kishi ci kpamu a kuzuwa katsura n ili yi ikyamba i tsu ba.
4Amma u gaꞋan ba, mpa mi ta̱ a kufuɗa kuyaꞋan a̱ra̱ɗi n ili yi ikyamba i va̱. Vuza na baci u danai a̱yi wi ta̱ n i na u kuyaꞋan adama a na u lyaꞋaka ka̱ci ka̱ ni kelime n ili i nam pa, mi ta̱ a kulaꞋa yi n ili i nam pa dem. 5A kiɗa mu ta̱ kavaja a kanna ka̱ kunla̱i ana a matsai mu. Mpa vuza va aza a Israila ɗa. Mpa umaci u Bayami† u ɗa. Na va u yotsongu ta̱ mayun mpa umaci wi Ibrahim u ɗa. Ci baci a kadanshi ka̱ Wila̱, mpa Kafarishi kaꞋa. 6Mpa vuza vu kataci ɗa, n tuka̱ ta̱ n atakaci a̱ ubuta̱ wa aza e Yesu. Babu vuza na u dansukai mu a na n koɗoi Wila̱, ko kenu.
7N ayin ɗe, mpa n sheshe ta̱ ili i nam pa ya i singai i ɗa, amma gogo na m bonoko le ta̱ ili i gbani adama a ili i na Kishi u yaꞋin. 8Ili i na i laꞋi i nan lo i ɗaɗa, me ene ta̱ ili ra̱ka̱ tsu ukuna u gbani n gisanku baci i ɗa n tsu na n yevei Yesu Kishi. Uyevi u na n yevei Yesu Kishi Vuzagbayin vu va̱ u laꞋa ta̱ ili i nan lo ra̱ka̱, na lo va ta na mayun ɗa. Adama a̱ ni a ɗa n nambai ili ra̱ka̱, amma ele ka̱viri kaꞋa ka na a̱ kuka̱sa̱kpa̱ ka̱ca̱pa̱ adama a na n ciya̱ mo okpo vuza vu Kishi cika, 9ka̱ta̱ feu mo okpo koɓolo n a̱yi cika. N doku n neke katsura n kasingai ka̱ va̱ ko utsura u kutono Wila̱ ba, amma n neke ta̱ katsura n Kirisiti Kishi wi isa mu. N yaꞋan ta̱ nannai adama a na uye u na Ka̱shile ka tsu bonoko tsu aza a̱ usuɓi n a̱yi u ɗaɗa ubuta̱ wu uneki u ka̱ɗu. 10N ciga ta̱ n yeve Kirisiti Kishi, n ciga ta̱ kpamu n yeve utsura u na u ɗengusa̱i ni a̱ ubuta̱ wu ukpa̱. N ciga ta̱ m ɓolongu n a̱yi n ciga ta̱ kpamu n yeve atakaci a̱ ni. N ciga ta̱ m ɓolongu n a̱yi a̱ ubuta̱ wu ukpa̱ u ni. 11Nannai kpamu mi ta̱ n a̱pa̱Ꞌa̱ a na mpa feu a̱ kuɗengusa̱ mu a̱ ubuta̱ wu ukpa̱!
LyaꞋa kelime n kataci
12Ka̱ta̱ n yaꞋan ili nam pa ya ra̱ka̱ ba, ka̱ta̱ kpamu a zuwa mu mo okpo vuza na u shatangi ukuna cika ba. Amma mi ta̱ a kulyaꞋa kelime n ulinga ali a kubana ukocishi ka̱ta̱ a zuwa mu mo okpo ili i na Yesu Kirisiti Kishi u cigai mo okpo. 13Uma a̱ va̱, mpa n dana n ciya̱ ta̱ ɗe ili ya ra̱ka̱ ba, amma ili i na mi a kuyaꞋan i ɗaɗa: ili i bura mu n ili i na i lazai ɗe ba, mi ta̱ o kutono n utsura adama a na n reme ili i na yi kelime. 14Mi ta̱ a kulyaꞋa kelime adama a na n yawa a uteku ana e kuneke mu katsupu ka singai, ayin a na Ka̱shile ke kuɗeke mu a kubana gaɗi adama e Yesu Kishi.
15Yaba dem vu tsu vu na u kutsai a̱ ubuta̱ wu uneki u ka̱ɗu u sheshe tsu nam pa. Ili yi baci lo i na i kpa̱ɗa̱i kushuku n i ɗa, Ka̱shile ki ta̱ a kuzuwa ɗa̱ ye ene ili i na yi derere. 16Ili i na i laꞋi ili dem i ɗaɗa na: ci lyaꞋi kelime n kutono ili i mayun i na ci yevei.
17Uma a̱ va̱, yongoi uteku u na n yongoi, ka̱ta̱ i piꞋisa a̱ ubuta̱ u kinda uma a na o yongoi tsa agisana a na ci nekei ɗa̱. 18I yongo tsu nam pa adama a na uma i ta̱ lo n a̱bunda̱i a na i o kuyongo a uye u na u kuyotsongu uma ele irala i maɗanga ma atakaci me Yesu i ɗa. N dana ɗa̱ ta̱ ɗe ili i nam pa ya, ko n gogo kpamu mi ta̱ a̱ ma̱shi n kujilya adama a na ili ya mayun ɗa. 19Uma a nam pa i ta̱ a kuyawa uteku, ka̱ta̱ a cina ukpa̱ u babu uteku. Ili i na i a kuyaꞋanka tsugbashi i ɗaɗa ili i na ele a̱ ka̱ci ke le a cigakai ikyamba i le koci. Ele a̱ ci ciya̱ ta̱ tsugbayin a̱ ubuta̱ wi ili i wono i na a ci yaꞋan. A zuwa ta̱ a̱ɗu e le ra̱ka̱ a̱ ubuta̱ wi ili ya aduniyan i nam pa.
20Amma a̱tsu uma a gaɗi a ɗa, ubuta̱ u na Vuzagbayin Yesu Kishi wi o kuyongo. Ci ta̱ kpamu a kuvana yi m moloko u bono an Kishi ka̱ tsu. 21Wi ta̱ a kuɗika ikyamba i tsu i nam pa ya aduniyan i na yi babu utsura, ka̱ta̱ u sabaꞋa i ɗa yo okpo ikyamba i tsugbayin ci ni, a̱yi wi ta̱ a kuyaꞋan nannai n utsura u gbayin u na wi n u ɗa u na u tsu zuwa ili dem i panaka yi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved