1 Korintiya 3
3
Agbashi a̱ Ka̱shile
1Uma a̱ va̱, ayin a na mi n a̱ɗa̱ n yaꞋan kadanshi n a̱ɗa̱ tsu na n cigai tsa aza a na e kutsai a̱ ubuta̱ u Kutoni ba. Kadanshi ka sai n yaꞋan adanshi a̱ɗa̱ aza a aduniyan a ɗa yi, ko nreɓu a̱ ubuta̱ u Kishi. 2N neke ɗa̱ tsuwaꞋa ba, adama a na i buwa ta̱ biꞋi a kapa mani. Ko n gogo na ka̱ta̱ i kutsa kulyaꞋa tsuwaꞋa ba, adama a na yi ta̱ o kuyongo tsu na uma a aduniyan i o kuyongo. 3Yi ta̱ e cisheꞋe uteku u ɗa̱ ɗa kpamu yi a kuyaꞋan vishili uteku u ɗa̱ feu. Na va u yotsongu an a̱ɗa̱ uma a aduniyan a ɗa yi ɗa yi kpamu o kutono uye wa aduniyan ba? 4Vuza ɗa̱ vi yoku u danai, “Mi ta̱ o kutono Bulusu.” Vuza yoku kpamu u danai, “Mi ta̱ o kutono Apolosu.” I dansa baci ili tsu nam pa, yi ta̱ a kuyaꞋan tsa aduniyan a nam pa.
5A̱yi Apolosu ili i yoku i ɗa wi? A̱Ꞌa̱! A̱yi Bulusu ili i yoku i ɗa wi? A̱Ꞌa̱! A̱tsu agbashi a̱ Ka̱shile a ɗa koci a na a̱ ɓa̱nka̱i ɗa̱ i neke a̱ɗu. Yaba dem vu tsu u yaꞋan ta̱ ulinga u na Vuzagbayin Yesu u zuwai tsu ci yaꞋan. 6N ca̱Ꞌi icuꞋu, ɗa Apolosu u tsungi i ɗa mini. Amma Ka̱shile kaꞋa ka zuwai i ɗa i gbonguroi. 7Vuza na u yaꞋin vica̱Ꞌa̱ n vuza na u tsungi mini dem ele gbani ɗa i, amma Ka̱shile kaꞋa vuza vu usuɓi adama a na a̱yi u zuwai icuꞋu ya i gbonguroi. 8Ka̱ca̱Ꞌi n ka̱tsungi ka̱ mini dem vi le a ciga ta̱ ashina a singai. Ka̱shile ki ta̱ e kuneke yaba dem vi le katsupu adama a ulinga u na a yaꞋin. 9A̱tsu ci ta̱ ulinga koɓolo n Ka̱shile, a̱ɗa̱ ɗa kashina ka̱ Ka̱shile.
A̱ɗa̱ ɗa kpamu kumaꞋa ku na Ka̱shile ka maꞋi. 10N yaꞋan ta̱ ulinga u kamaꞋi ka na ki mayun adama a na Ka̱shile ka zuwa mu ta̱ n fuɗa ku ɗa. Mpa ɗa n varai kasaka ka, vuza yoku tamkpamu wi a kulyaꞋa kelime n kuyaꞋan kumaꞋa. Amma yaba dem vu ɗa̱ u zuka n uteku u na wi a kuyaꞋan kumaꞋa ka. 11KumaꞋa ku na tsu varai va Yesu Kishi† ɗa, babu kpamu vuza na u kuvara kumaꞋa ku yoku.
12Uma a yaꞋan baci kumaꞋa a̱ ubuta̱ u na a varai, aza o yoku i ta̱ a kuyaꞋan ulinga n azanariya, ko azurufa, ko atali a na i n ikebe. Aza o yoku i ta̱ a kuyaꞋan ulinga nu nɗanga ko mita̱ mi ijanu ko ciꞋiwa̱. 13Amma ayin o kukondo a na a kuyaꞋanka uma afada i ta̱ lo a̱ kuta̱wa̱ a kanna ku ukocishi, adama a na e ene ulinga u na kamaꞋi dem ka yaꞋin. Ulinga u yaba dem i ta̱ a kuzuwa u ɗa a akina ko u ɗa u kukula̱. 14KumaꞋa ka ku kula̱ baci ba, kamaꞋi ka ki ta̱ a̱ kuciya̱ katsupu. 15Amma kumaꞋa ka ku kula̱ baci, kamaꞋi ka ki ta̱ a kunamba ili ra̱ka̱. KamaꞋi ka ki ta̱ a̱ kuciya̱ wishi, amma wi ta̱ o kuyotso an vuza na u fa̱ta̱tsa̱i a akina.
16N yeve ta̱ i yeve ta̱ a̱ɗa̱ a̱Ꞌisa̱ a̱ Ka̱shile a ɗa yi, i yeve ta̱ kpamu Ayinviki a̱ Ka̱shile feu i ta̱ punu n a̱ɗa̱! 17Ka̱shile ki ta̱ a̱ kuniꞋwa̱nta̱ngu yaba dem vu na u fa̱da̱i a̱Ꞌisa̱ a̱ ni. Ili i na i zuwai i ɗaɗa, adama a na a̱Ꞌisa̱ a̱ Ka̱shile i ta̱ ciɗa, a̱ɗa̱ a̱ ka̱ci ka̱ ɗa̱ feu a̱Ꞌisa̱ a̱ ni a ɗa yi.
18Ka̱sa̱kpa̱i kudoro ka̱ci ka̱ ɗa̱. Aza o yoku a̱ ɗa̱ e ene ta̱ adanshi i ta̱ n ugboji a aduniyan a nam pa. Amma uma a nan lo sai o bonoko ka̱ci ke le alau a̱ ubuta̱ wi ili ya aduniyan, adama a na o okpo uma a na i n ugboji mayun. 19Ili i na aduniyan i a kinda an tsulau i ɗaɗa Ka̱shile ko bonokoi ili yu ugboji. Katagarda ka Ciɗa ka danai, “Ka̱shile ka tsu aza ta̱ aza a ugboji a ayin a na baci a yaꞋin ugboji u modoroko u le.” 20Ɗa kpamu u danai, “Vuzavaguɗu u yeve ta̱ ofoɓuso a na uma a ugboji a ci yaꞋan gbani ɗa a ɗa i.” 21Ka̱ta̱ vi yaꞋan a̱ra̱ɗi a ayin a na vi o kutono uma a gbagbaꞋin ba. Ili ra̱ka̱ i nu i ɗa: 22Bulusu, n Apolosu m Biturusu uma a̱ ɗa̱ a ɗa. Aduniyan ra̱ka̱ kpamu a̱ ɗa̱ a ɗa. Nannai kpamu wuma n ukpa̱ u ɗa̱ u ɗa. Ko gogo na ko ayin a na i lo a̱ kuta̱wa̱ a̱ ɗa̱ a ɗa. Mayun ili ra̱ka̱ i ɗa̱ i ɗa, 23a̱ɗa̱ kpamu aza a̱ Kishi a ɗa, Kishi kpamu vu Ka̱shile ɗa.
Currently Selected:
1 Korintiya 3: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
1 Korintiya 3
3
Agbashi a̱ Ka̱shile
1Uma a̱ va̱, ayin a na mi n a̱ɗa̱ n yaꞋan kadanshi n a̱ɗa̱ tsu na n cigai tsa aza a na e kutsai a̱ ubuta̱ u Kutoni ba. Kadanshi ka sai n yaꞋan adanshi a̱ɗa̱ aza a aduniyan a ɗa yi, ko nreɓu a̱ ubuta̱ u Kishi. 2N neke ɗa̱ tsuwaꞋa ba, adama a na i buwa ta̱ biꞋi a kapa mani. Ko n gogo na ka̱ta̱ i kutsa kulyaꞋa tsuwaꞋa ba, adama a na yi ta̱ o kuyongo tsu na uma a aduniyan i o kuyongo. 3Yi ta̱ e cisheꞋe uteku u ɗa̱ ɗa kpamu yi a kuyaꞋan vishili uteku u ɗa̱ feu. Na va u yotsongu an a̱ɗa̱ uma a aduniyan a ɗa yi ɗa yi kpamu o kutono uye wa aduniyan ba? 4Vuza ɗa̱ vi yoku u danai, “Mi ta̱ o kutono Bulusu.” Vuza yoku kpamu u danai, “Mi ta̱ o kutono Apolosu.” I dansa baci ili tsu nam pa, yi ta̱ a kuyaꞋan tsa aduniyan a nam pa.
5A̱yi Apolosu ili i yoku i ɗa wi? A̱Ꞌa̱! A̱yi Bulusu ili i yoku i ɗa wi? A̱Ꞌa̱! A̱tsu agbashi a̱ Ka̱shile a ɗa koci a na a̱ ɓa̱nka̱i ɗa̱ i neke a̱ɗu. Yaba dem vu tsu u yaꞋan ta̱ ulinga u na Vuzagbayin Yesu u zuwai tsu ci yaꞋan. 6N ca̱Ꞌi icuꞋu, ɗa Apolosu u tsungi i ɗa mini. Amma Ka̱shile kaꞋa ka zuwai i ɗa i gbonguroi. 7Vuza na u yaꞋin vica̱Ꞌa̱ n vuza na u tsungi mini dem ele gbani ɗa i, amma Ka̱shile kaꞋa vuza vu usuɓi adama a na a̱yi u zuwai icuꞋu ya i gbonguroi. 8Ka̱ca̱Ꞌi n ka̱tsungi ka̱ mini dem vi le a ciga ta̱ ashina a singai. Ka̱shile ki ta̱ e kuneke yaba dem vi le katsupu adama a ulinga u na a yaꞋin. 9A̱tsu ci ta̱ ulinga koɓolo n Ka̱shile, a̱ɗa̱ ɗa kashina ka̱ Ka̱shile.
A̱ɗa̱ ɗa kpamu kumaꞋa ku na Ka̱shile ka maꞋi. 10N yaꞋan ta̱ ulinga u kamaꞋi ka na ki mayun adama a na Ka̱shile ka zuwa mu ta̱ n fuɗa ku ɗa. Mpa ɗa n varai kasaka ka, vuza yoku tamkpamu wi a kulyaꞋa kelime n kuyaꞋan kumaꞋa. Amma yaba dem vu ɗa̱ u zuka n uteku u na wi a kuyaꞋan kumaꞋa ka. 11KumaꞋa ku na tsu varai va Yesu Kishi† ɗa, babu kpamu vuza na u kuvara kumaꞋa ku yoku.
12Uma a yaꞋan baci kumaꞋa a̱ ubuta̱ u na a varai, aza o yoku i ta̱ a kuyaꞋan ulinga n azanariya, ko azurufa, ko atali a na i n ikebe. Aza o yoku i ta̱ a kuyaꞋan ulinga nu nɗanga ko mita̱ mi ijanu ko ciꞋiwa̱. 13Amma ayin o kukondo a na a kuyaꞋanka uma afada i ta̱ lo a̱ kuta̱wa̱ a kanna ku ukocishi, adama a na e ene ulinga u na kamaꞋi dem ka yaꞋin. Ulinga u yaba dem i ta̱ a kuzuwa u ɗa a akina ko u ɗa u kukula̱. 14KumaꞋa ka ku kula̱ baci ba, kamaꞋi ka ki ta̱ a̱ kuciya̱ katsupu. 15Amma kumaꞋa ka ku kula̱ baci, kamaꞋi ka ki ta̱ a kunamba ili ra̱ka̱. KamaꞋi ka ki ta̱ a̱ kuciya̱ wishi, amma wi ta̱ o kuyotso an vuza na u fa̱ta̱tsa̱i a akina.
16N yeve ta̱ i yeve ta̱ a̱ɗa̱ a̱Ꞌisa̱ a̱ Ka̱shile a ɗa yi, i yeve ta̱ kpamu Ayinviki a̱ Ka̱shile feu i ta̱ punu n a̱ɗa̱! 17Ka̱shile ki ta̱ a̱ kuniꞋwa̱nta̱ngu yaba dem vu na u fa̱da̱i a̱Ꞌisa̱ a̱ ni. Ili i na i zuwai i ɗaɗa, adama a na a̱Ꞌisa̱ a̱ Ka̱shile i ta̱ ciɗa, a̱ɗa̱ a̱ ka̱ci ka̱ ɗa̱ feu a̱Ꞌisa̱ a̱ ni a ɗa yi.
18Ka̱sa̱kpa̱i kudoro ka̱ci ka̱ ɗa̱. Aza o yoku a̱ ɗa̱ e ene ta̱ adanshi i ta̱ n ugboji a aduniyan a nam pa. Amma uma a nan lo sai o bonoko ka̱ci ke le alau a̱ ubuta̱ wi ili ya aduniyan, adama a na o okpo uma a na i n ugboji mayun. 19Ili i na aduniyan i a kinda an tsulau i ɗaɗa Ka̱shile ko bonokoi ili yu ugboji. Katagarda ka Ciɗa ka danai, “Ka̱shile ka tsu aza ta̱ aza a ugboji a ayin a na baci a yaꞋin ugboji u modoroko u le.” 20Ɗa kpamu u danai, “Vuzavaguɗu u yeve ta̱ ofoɓuso a na uma a ugboji a ci yaꞋan gbani ɗa a ɗa i.” 21Ka̱ta̱ vi yaꞋan a̱ra̱ɗi a ayin a na vi o kutono uma a gbagbaꞋin ba. Ili ra̱ka̱ i nu i ɗa: 22Bulusu, n Apolosu m Biturusu uma a̱ ɗa̱ a ɗa. Aduniyan ra̱ka̱ kpamu a̱ ɗa̱ a ɗa. Nannai kpamu wuma n ukpa̱ u ɗa̱ u ɗa. Ko gogo na ko ayin a na i lo a̱ kuta̱wa̱ a̱ ɗa̱ a ɗa. Mayun ili ra̱ka̱ i ɗa̱ i ɗa, 23a̱ɗa̱ kpamu aza a̱ Kishi a ɗa, Kishi kpamu vu Ka̱shile ɗa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved