1 Korintiya 14
14
Odoki n kuyotsongusu ku ukuna u kuneꞋe
1I dakaka uteku u na i kufuɗa i ciganai. Ka̱ta̱ kpamu i ciga mayin kuneꞋe dem ku na Ayinviki a̱ Ka̱shile e kuneke ɗa̱. KuneꞋe ku na ku laꞋi ku ɗaɗa kudana uma akaka a̱ Ka̱shile. 2Aza a na a ci yaꞋan kadanshi n elentsu kakau, a ci yaꞋanka aza a na i a̱ kukpa̱ɗa̱ kuyeve ili i na i a kudansa ba, amma Ka̱shile kaꞋa a ci yaꞋanka, vuza na u tsu panaka le. N utsura wa Ayinviki a̱ Ka̱shile i ta̱ a kuyaꞋan kadanshi ki ili i mayun i na yi usokongi. 3Amma aza a na a tsu dana uma akaka a̱ Ka̱shile a ci yaꞋanka ta̱ uma a kadanshi ka̱ta̱ o doku a̱ ɓa̱nka̱ le, n odoki n utsura u ka̱ɗu, n kadanshi ka kuvaꞋanka ka̱ɗu. 4Aza a na a tsu dansa n elentsu o yoku ka̱ci ke le kaꞋa a̱ tsu ɓa̱nka̱ koci, amma aza a na a tsu dansa akaka a̱ Ka̱shile i ta̱ a̱ kuɓa̱nka̱ aza o Kutoni ra̱ka̱. 5N dana ta̱, u gaꞋan ta̱ ra̱ka̱ vu ɗa̱ i dansa n elentsu o yoku, amma u kulaꞋa ta̱ n kugaꞋan ra̱ka̱ vu ɗa̱ yi ishi i fuɗa i dana uma akaka a̱ Ka̱shile. KuneꞋe ku kudana uma akaka a̱ Ka̱shile ku laꞋa ta̱ kuneꞋe ku kadanshi n elentsu o yoku m gbayin. KuneꞋe ku nam pa ku gaꞋan ta̱, amma sai vuza yoku u fuɗa kudana uma ili i na a dansai n elentsu o yoku a, adama a na aza o Kutoni ra̱ka̱ a̱ ciya̱ uɓa̱nki.
6Uma a̱ va̱, ishi baci n ta̱wa̱ wa̱ ɗa̱ ɗa n dansai n elentsu o yoku, nini ɗai na lo u kuɓa̱nka̱ ɗa̱? Nannai u kuɓa̱nka̱ ba, ko kenu, saidei n dana ɗa̱ ili i na Ka̱shile ko yotsongi mu, ko n dana ɗa̱ ili i kuyeve i yoku, ko akaka a na Ka̱shile ka cigakai mu n dana, ko kuyotsongusu. 7Ili i na a tsu waꞋa ko a̱ lika̱, agisana vishari ko umolu, i ɗa yi n wuma ba. Babu vuza na u kuyeve vishipa va vu na wi a kucanana n kula, sai kawaꞋashi ka ka waꞋa taki va derere. 8Kavana ka na ka tsu uka osoji kelime ke neke baci taki vu singai ba, nini ɗai osoji o kufoɓuso kuyaꞋan kuvon ka?
9Ta kpamu nannai, babu vuza na u kuyeve ili i na vi a kudansa, sai ayin a na vu dansai derere. Ta baci nannai ba, saidei vi yongo a kuyaꞋan kadanshi a̱ wunla̱i. 10Elentsu i ta̱ lo kakau a aduniyan, babu ka na ki gbenderi-gbenderi a dansa baci kaꞋa. 11Amma vuza u dansa baci kelentsu ka na m kpa̱ɗa̱i kupana, tso okpo ta̱ omoci dem vu tsu. 12Mayun ɗa baci vi cigai kuneꞋe ka Ayinviki a̱ Ka̱shile, folono Ka̱shile ke neke wu kuneꞋe ku na ka̱ kuɓa̱nka̱ aza o Kutoni dem.
13Vuza na baci wi n kuneꞋe ku kuyaꞋan kadanshi n elentsu o yoku, u yaꞋan kavasa adama a na u ciya̱ kuneꞋe ku na u kufuɗa kudana e keteshe ili i na u dansai. 14N yaꞋan baci kavasa n elentsu o yoku, ayinviki a̱ va̱ feu i ta̱ a kuyaꞋan kavasa, amma n yeve ili i na mi a kudansa ba. 15Yi ɗa̱i n kuyaꞋan? Mi ta̱ a kuyaꞋan ili i re dem. Mi ta̱ a kuyaꞋan kavasa punu n ayinviki a̱ va̱, ka̱ta̱ kpamu n yaꞋan kavasa ka n kadanshi ka na n yevei. Mi ta̱ a kuyaꞋan ishipa n ayinviki a̱ va̱, ka̱ta̱ kpamu n yaꞋan ishipa n kadanshi ka na n yevei. 16Ayin a na baci i gasai koɓolo, ɗa i cikpai Ka̱shile n ayinviki a̱ ɗa̱, uma o yoku e kuyeve ba. A panaka ɗa̱ baci ba, nini ɗai e kuyeve ali a dana, “Ta nannai”?† 17Yi ta̱ a kuyaꞋanka Ka̱shile ogodiya n uye u singai, amma na lo va u ɓa̱nka̱ vuza yoku ba.
18N yaꞋanka ta̱ Ka̱shile ogodiya tsu na n laꞋi yaba dem vu ɗa̱ kudansa n elentsu o yoku. 19Amma ayin a na baci tsu gasai adama a na ci yaꞋanka Ka̱shile kucikpa, n dana ta̱ u laꞋa ta̱ n kugaꞋan ko n fuɗa n dansa udani u tawun u na uma a kupana a na ma dansa n kelentsu ko yoku ka na ka yawai udani a̱kpa̱n kupa (10,000).
20Uma a̱ va̱, ka̱sa̱kpa̱i kusheshe tsu na muku n ci sheshe. Yo okpo tsu muku n na a̱ tsu kpa̱ɗa̱ kuyaꞋan ili i gbani-gbani. I yaꞋan kusheshe ku na ku gaꞋin an aza a̱ gba̱ra̱-gba̱ra̱. 21A ɗana ta̱ a Katagarda ka Ciɗa:
“Vuzavaguɗu u danai,
‘Mi ta̱ a kuyaꞋan kadanshi n uma a̱ va̱ n elentsu o yoku
a na omoci a kufuɗa e yeve kudansa.
Amma ko n nannai i a kupanaka mu ba.’ ”#Ish. 28:11-12.
22KuneꞋe ku kuyaꞋan kadanshi n elentsu o yoku urotu u ɗa wa aza a na i aza o Kutoni ba, amma a̱ ubuta̱ wa aza o Kutoni ili i yoku i ɗa ba. KuneꞋe ku kudana akaka a̱ Ka̱shile ki ta̱ adama a aza a na i aza o Kutoni, amma wa aza a na ka̱ta̱ i aza o Kutoni ba. 23Ko n nannai, aza a na a̱ kpa̱ɗa̱i kuneke a̱ɗu, ko aza a na e yevei ili i nam pa ba, a̱ ta̱wa̱ baci a̱ ubuta̱ wo oɓolo u ɗa̱ ɗa a panai ili i na yi a kudansa ra̱ka̱ n elentsu o yoku, i ta̱ e kusheshe ka̱ta̱ a dana a̱ɗa̱ ajarishi a ɗa yi. 24Amma uma a nam pa a pana baci yaba dem a kudansa akaka a̱ Ka̱shile, i ta̱ e kuyeve ele aza a unushi a ɗa, i na a panai kpamu yi ta̱ a kuyaꞋanka le afada. 25I ta̱ a kudansa ili i na yi punu usokongi a̱ a̱ɗu e le. I ta̱ a̱ kukuɗa̱ngu a iɗika a cikpa Ka̱shile ka̱ta̱ a dana, “Mayun ɗa vi koɓolo n uma a nam pa.”
KuyaꞋan ma̱riki a̱ ubuta̱ u kuyaꞋan kucikpa
26A̱ja̱Ꞌa̱ a̱ va̱, i gasa baci a̱ a̱Ꞌisa̱ aza o Kutoni adama a na i yaꞋan kucikpa, i yaꞋan ili i singai ra̱ka̱ adama a yaba dem vu na wi ɗe. Ta u gaꞋin u yaꞋan nannai ayin a na baci vuza yoku wi a ishipa, ko wi o kuyotsongusu, ko wi a kudana ili i na Ka̱shile ka danai, ko wi a kuyaꞋan kadanshi n kelentsu ko yoku, ko wi a kudana e keteshe ili i na vuza yoku u danai. 27I gasa baci koɓolo, yi ta̱ a kufuɗa ya̱ ka̱sa̱kpa̱ vuza yoku u dansa n kelentsu ko yoku, ko aza e re, amma ka̱ta̱ u laꞋa uma a tatsu ba. A dansa n e nekenei, ka̱ta̱ vuza yoku kau u dansa e keteshe ili i na a danai. 28Amma vuza wi baci lo a na wa dana e keteshe ili ya ba, a̱yi vuza na u kudansa n kelentsu ko yoku ka u paɗa bini, ka̱ta̱ u dansaka ka̱ci ka̱ ni koci n Ka̱shile kpamu.
29Ka̱sa̱kpa̱ uma e re ko uma a tatsu a dana uma akaka a̱ Ka̱shile, ka̱ta̱ uma a na a buwai o kondo ili i na uma a na lo a dansai va. 30Vuza wi baci a kudana uma akaka a̱ Ka̱shile, ɗa Ka̱shile ko yotsongi vuza yoku ili i yoku, vuza na wi a kudana uma akaka a̱ Ka̱shile a u paɗa biꞋi bini u ka̱sa̱kpa̱ vuza yoku vu nan lo va u dansa. 31Vuza te te ɗa u kuyaꞋan kadanshi, ka̱ta̱ ra̱ka̱ vu ɗa̱ i piꞋisa ili ali i ciya̱ utsura u ka̱ɗu. 32Uma a na a tsu dana uma akaka a̱ Ka̱shile i ta̱ a kufuɗa kuka̱na̱ ka̱ci ke le ka̱ta̱ a̱ ka̱sa̱kpa̱ aza o yoku a dansa feu. 33Ka̱shile ka ciga ta̱ uma a yaꞋan ili dem m ma̱ta̱na̱ m motononoi babu kudansa vama.
Uma a̱ Ka̱shile a gasa baci adama a na a yaꞋan kucikpa, 34a̱ma̱ci a paɗa bini. I ka̱sa̱kpa̱ le a dansa ba, adama a na Wila̱ u dana ta̱ a̱ma̱ci a kuyaꞋan aza e kelime ba. 35Ili yi baci lo i na a cigai e yeve, a yawa baci a kpaꞋa e ece ali e le. Ili i wono i ɗa a̱ma̱ci a yaꞋan kadanshi a̱ ubuta̱ wo oɓolo wa aza e Yesu.
36Akaka a̱ Ka̱shile a̱ gita̱ wa̱ a̱ɗa̱ ba, a̱ ɗa̱ ɗa kpamu a yawai koci ba. 37Vi ɗika baci ka̱ci ka̱ nu vuza na u tsu dana akaka a̱ Ka̱shile, ko vi ta̱ n kuneꞋe ka Ayinviki a̱ Ka̱shile, vi ta̱ kuyeve a na mi a kuɗana ili i na Vuzagbayin u danai mu koci n ɗanaka ɗa̱. 38Adama a nannai, ka̱ta̱ i panaka vuza na u kpa̱ɗa̱i kupana ili i na n ɗanai ba.
39Uma a̱ va̱, ucikali u ka̱ɗu u ɗa̱ u yaꞋan kuciga kudana uma akaka a̱ Ka̱shile, amma ka̱ta̱ i sa̱nga̱ vuza na u tsu dansa n elentsu o yoku ba. 40Ili ra̱ka̱ i yaꞋan derere n uye u na u gaꞋin, i ɗa i yaꞋan kpamu m motononoi mayin.
Currently Selected:
1 Korintiya 14: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
1 Korintiya 14
14
Odoki n kuyotsongusu ku ukuna u kuneꞋe
1I dakaka uteku u na i kufuɗa i ciganai. Ka̱ta̱ kpamu i ciga mayin kuneꞋe dem ku na Ayinviki a̱ Ka̱shile e kuneke ɗa̱. KuneꞋe ku na ku laꞋi ku ɗaɗa kudana uma akaka a̱ Ka̱shile. 2Aza a na a ci yaꞋan kadanshi n elentsu kakau, a ci yaꞋanka aza a na i a̱ kukpa̱ɗa̱ kuyeve ili i na i a kudansa ba, amma Ka̱shile kaꞋa a ci yaꞋanka, vuza na u tsu panaka le. N utsura wa Ayinviki a̱ Ka̱shile i ta̱ a kuyaꞋan kadanshi ki ili i mayun i na yi usokongi. 3Amma aza a na a tsu dana uma akaka a̱ Ka̱shile a ci yaꞋanka ta̱ uma a kadanshi ka̱ta̱ o doku a̱ ɓa̱nka̱ le, n odoki n utsura u ka̱ɗu, n kadanshi ka kuvaꞋanka ka̱ɗu. 4Aza a na a tsu dansa n elentsu o yoku ka̱ci ke le kaꞋa a̱ tsu ɓa̱nka̱ koci, amma aza a na a tsu dansa akaka a̱ Ka̱shile i ta̱ a̱ kuɓa̱nka̱ aza o Kutoni ra̱ka̱. 5N dana ta̱, u gaꞋan ta̱ ra̱ka̱ vu ɗa̱ i dansa n elentsu o yoku, amma u kulaꞋa ta̱ n kugaꞋan ra̱ka̱ vu ɗa̱ yi ishi i fuɗa i dana uma akaka a̱ Ka̱shile. KuneꞋe ku kudana uma akaka a̱ Ka̱shile ku laꞋa ta̱ kuneꞋe ku kadanshi n elentsu o yoku m gbayin. KuneꞋe ku nam pa ku gaꞋan ta̱, amma sai vuza yoku u fuɗa kudana uma ili i na a dansai n elentsu o yoku a, adama a na aza o Kutoni ra̱ka̱ a̱ ciya̱ uɓa̱nki.
6Uma a̱ va̱, ishi baci n ta̱wa̱ wa̱ ɗa̱ ɗa n dansai n elentsu o yoku, nini ɗai na lo u kuɓa̱nka̱ ɗa̱? Nannai u kuɓa̱nka̱ ba, ko kenu, saidei n dana ɗa̱ ili i na Ka̱shile ko yotsongi mu, ko n dana ɗa̱ ili i kuyeve i yoku, ko akaka a na Ka̱shile ka cigakai mu n dana, ko kuyotsongusu. 7Ili i na a tsu waꞋa ko a̱ lika̱, agisana vishari ko umolu, i ɗa yi n wuma ba. Babu vuza na u kuyeve vishipa va vu na wi a kucanana n kula, sai kawaꞋashi ka ka waꞋa taki va derere. 8Kavana ka na ka tsu uka osoji kelime ke neke baci taki vu singai ba, nini ɗai osoji o kufoɓuso kuyaꞋan kuvon ka?
9Ta kpamu nannai, babu vuza na u kuyeve ili i na vi a kudansa, sai ayin a na vu dansai derere. Ta baci nannai ba, saidei vi yongo a kuyaꞋan kadanshi a̱ wunla̱i. 10Elentsu i ta̱ lo kakau a aduniyan, babu ka na ki gbenderi-gbenderi a dansa baci kaꞋa. 11Amma vuza u dansa baci kelentsu ka na m kpa̱ɗa̱i kupana, tso okpo ta̱ omoci dem vu tsu. 12Mayun ɗa baci vi cigai kuneꞋe ka Ayinviki a̱ Ka̱shile, folono Ka̱shile ke neke wu kuneꞋe ku na ka̱ kuɓa̱nka̱ aza o Kutoni dem.
13Vuza na baci wi n kuneꞋe ku kuyaꞋan kadanshi n elentsu o yoku, u yaꞋan kavasa adama a na u ciya̱ kuneꞋe ku na u kufuɗa kudana e keteshe ili i na u dansai. 14N yaꞋan baci kavasa n elentsu o yoku, ayinviki a̱ va̱ feu i ta̱ a kuyaꞋan kavasa, amma n yeve ili i na mi a kudansa ba. 15Yi ɗa̱i n kuyaꞋan? Mi ta̱ a kuyaꞋan ili i re dem. Mi ta̱ a kuyaꞋan kavasa punu n ayinviki a̱ va̱, ka̱ta̱ kpamu n yaꞋan kavasa ka n kadanshi ka na n yevei. Mi ta̱ a kuyaꞋan ishipa n ayinviki a̱ va̱, ka̱ta̱ kpamu n yaꞋan ishipa n kadanshi ka na n yevei. 16Ayin a na baci i gasai koɓolo, ɗa i cikpai Ka̱shile n ayinviki a̱ ɗa̱, uma o yoku e kuyeve ba. A panaka ɗa̱ baci ba, nini ɗai e kuyeve ali a dana, “Ta nannai”?† 17Yi ta̱ a kuyaꞋanka Ka̱shile ogodiya n uye u singai, amma na lo va u ɓa̱nka̱ vuza yoku ba.
18N yaꞋanka ta̱ Ka̱shile ogodiya tsu na n laꞋi yaba dem vu ɗa̱ kudansa n elentsu o yoku. 19Amma ayin a na baci tsu gasai adama a na ci yaꞋanka Ka̱shile kucikpa, n dana ta̱ u laꞋa ta̱ n kugaꞋan ko n fuɗa n dansa udani u tawun u na uma a kupana a na ma dansa n kelentsu ko yoku ka na ka yawai udani a̱kpa̱n kupa (10,000).
20Uma a̱ va̱, ka̱sa̱kpa̱i kusheshe tsu na muku n ci sheshe. Yo okpo tsu muku n na a̱ tsu kpa̱ɗa̱ kuyaꞋan ili i gbani-gbani. I yaꞋan kusheshe ku na ku gaꞋin an aza a̱ gba̱ra̱-gba̱ra̱. 21A ɗana ta̱ a Katagarda ka Ciɗa:
“Vuzavaguɗu u danai,
‘Mi ta̱ a kuyaꞋan kadanshi n uma a̱ va̱ n elentsu o yoku
a na omoci a kufuɗa e yeve kudansa.
Amma ko n nannai i a kupanaka mu ba.’ ”#Ish. 28:11-12.
22KuneꞋe ku kuyaꞋan kadanshi n elentsu o yoku urotu u ɗa wa aza a na i aza o Kutoni ba, amma a̱ ubuta̱ wa aza o Kutoni ili i yoku i ɗa ba. KuneꞋe ku kudana akaka a̱ Ka̱shile ki ta̱ adama a aza a na i aza o Kutoni, amma wa aza a na ka̱ta̱ i aza o Kutoni ba. 23Ko n nannai, aza a na a̱ kpa̱ɗa̱i kuneke a̱ɗu, ko aza a na e yevei ili i nam pa ba, a̱ ta̱wa̱ baci a̱ ubuta̱ wo oɓolo u ɗa̱ ɗa a panai ili i na yi a kudansa ra̱ka̱ n elentsu o yoku, i ta̱ e kusheshe ka̱ta̱ a dana a̱ɗa̱ ajarishi a ɗa yi. 24Amma uma a nam pa a pana baci yaba dem a kudansa akaka a̱ Ka̱shile, i ta̱ e kuyeve ele aza a unushi a ɗa, i na a panai kpamu yi ta̱ a kuyaꞋanka le afada. 25I ta̱ a kudansa ili i na yi punu usokongi a̱ a̱ɗu e le. I ta̱ a̱ kukuɗa̱ngu a iɗika a cikpa Ka̱shile ka̱ta̱ a dana, “Mayun ɗa vi koɓolo n uma a nam pa.”
KuyaꞋan ma̱riki a̱ ubuta̱ u kuyaꞋan kucikpa
26A̱ja̱Ꞌa̱ a̱ va̱, i gasa baci a̱ a̱Ꞌisa̱ aza o Kutoni adama a na i yaꞋan kucikpa, i yaꞋan ili i singai ra̱ka̱ adama a yaba dem vu na wi ɗe. Ta u gaꞋin u yaꞋan nannai ayin a na baci vuza yoku wi a ishipa, ko wi o kuyotsongusu, ko wi a kudana ili i na Ka̱shile ka danai, ko wi a kuyaꞋan kadanshi n kelentsu ko yoku, ko wi a kudana e keteshe ili i na vuza yoku u danai. 27I gasa baci koɓolo, yi ta̱ a kufuɗa ya̱ ka̱sa̱kpa̱ vuza yoku u dansa n kelentsu ko yoku, ko aza e re, amma ka̱ta̱ u laꞋa uma a tatsu ba. A dansa n e nekenei, ka̱ta̱ vuza yoku kau u dansa e keteshe ili i na a danai. 28Amma vuza wi baci lo a na wa dana e keteshe ili ya ba, a̱yi vuza na u kudansa n kelentsu ko yoku ka u paɗa bini, ka̱ta̱ u dansaka ka̱ci ka̱ ni koci n Ka̱shile kpamu.
29Ka̱sa̱kpa̱ uma e re ko uma a tatsu a dana uma akaka a̱ Ka̱shile, ka̱ta̱ uma a na a buwai o kondo ili i na uma a na lo a dansai va. 30Vuza wi baci a kudana uma akaka a̱ Ka̱shile, ɗa Ka̱shile ko yotsongi vuza yoku ili i yoku, vuza na wi a kudana uma akaka a̱ Ka̱shile a u paɗa biꞋi bini u ka̱sa̱kpa̱ vuza yoku vu nan lo va u dansa. 31Vuza te te ɗa u kuyaꞋan kadanshi, ka̱ta̱ ra̱ka̱ vu ɗa̱ i piꞋisa ili ali i ciya̱ utsura u ka̱ɗu. 32Uma a na a tsu dana uma akaka a̱ Ka̱shile i ta̱ a kufuɗa kuka̱na̱ ka̱ci ke le ka̱ta̱ a̱ ka̱sa̱kpa̱ aza o yoku a dansa feu. 33Ka̱shile ka ciga ta̱ uma a yaꞋan ili dem m ma̱ta̱na̱ m motononoi babu kudansa vama.
Uma a̱ Ka̱shile a gasa baci adama a na a yaꞋan kucikpa, 34a̱ma̱ci a paɗa bini. I ka̱sa̱kpa̱ le a dansa ba, adama a na Wila̱ u dana ta̱ a̱ma̱ci a kuyaꞋan aza e kelime ba. 35Ili yi baci lo i na a cigai e yeve, a yawa baci a kpaꞋa e ece ali e le. Ili i wono i ɗa a̱ma̱ci a yaꞋan kadanshi a̱ ubuta̱ wo oɓolo wa aza e Yesu.
36Akaka a̱ Ka̱shile a̱ gita̱ wa̱ a̱ɗa̱ ba, a̱ ɗa̱ ɗa kpamu a yawai koci ba. 37Vi ɗika baci ka̱ci ka̱ nu vuza na u tsu dana akaka a̱ Ka̱shile, ko vi ta̱ n kuneꞋe ka Ayinviki a̱ Ka̱shile, vi ta̱ kuyeve a na mi a kuɗana ili i na Vuzagbayin u danai mu koci n ɗanaka ɗa̱. 38Adama a nannai, ka̱ta̱ i panaka vuza na u kpa̱ɗa̱i kupana ili i na n ɗanai ba.
39Uma a̱ va̱, ucikali u ka̱ɗu u ɗa̱ u yaꞋan kuciga kudana uma akaka a̱ Ka̱shile, amma ka̱ta̱ i sa̱nga̱ vuza na u tsu dansa n elentsu o yoku ba. 40Ili ra̱ka̱ i yaꞋan derere n uye u na u gaꞋin, i ɗa i yaꞋan kpamu m motononoi mayin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved