ဢွၵ်ႇၵႂႃႇ 31
31
ၵူၼ်းဢၼ်မေႃႁဵတ်းသုမ်ႉထဵင်ၸဝ်ႈ
(တူၺ်း၊ ဢွၵ်ႇၵႂႃႇ 35:30-36:1)
1ၵမ်းၼၼ်ႉ၊ထႃႇဝရႃႉၽြႃး၊လၢတ်ႈတီႈမူဝ်းသေႇ၊လႄႈဝႃႈ၊- 2“ၵဝ်ႁွင်ႉၸွမ်းလူၺ်ႈၸိုဝ်ႈသဵင်ဢၼ်ႁွင်ႉဝႃႈ၊ပေႇၸလေႇလႃႉ၊လုၵ်ႈၸၢႆးဢုရိ၊ဢၼ်ပဵၼ်လုၵ်ႈၸၢႆးႁုရႃႉ၊ၵႃႈၼႂ်းၸိူဝ်ႉၶိူဝ်းယုတႃႉ၊ၼၼ်ႉသေယဝ်ႉ၊- 3ၵဝ်ႁႂ်ႈမၼ်းတဵမ်ဝႆႉတင်းဝိၺိၺ်ႇၽြႃးပဵၼ်ၸဝ်ႈလႄႈပၼ်ၺၢၼ်ႇပိင်ႇၺႃႇတၢင်းဢၼ်ၵတ်ႉဢၼ်ၶၼ်၊ဢတၢတ်ႈဢၼ်မေႃဢၼ်ၸၢင်ႈၼႂ်းတၢင်းဢၼ်ၸၢင်ႈႁဵတ်းလၢၵ်ႇလၢၵ်ႇလၢႆးလၢႆးၵူႈၸိူဝ်ႉၵူႈမဵဝ်း၊- 4ၸၢင်ႈၶႆႈၸႂ်လႄႈႁဵတ်းဢွၵ်ႇပုင်ႇႁၢင်ႈၵူႈၸိူဝ်ႉၵူႈမဵဝ်း၊ဢိၵ်ႇတင်းတၢင်းဢၼ်မေႃၸၢင်ႈၶမ်း၊ၸၢင်ႈငိုၼ်း၊ၸၢင်ႈတွင်းလိူင်၊- 5တၢင်းဢၼ်မေႃသူၺ်းသႅင်လႄႈၶပ်ႉၸႅၼ်ႇ၊တၢင်းဢၼ်မေႃတွင်ႈမေႃၶွၵ်းမႆႉ၊တၢင်းဢၼ်မေႃဢၼ်ၸၢင်ႈႁဵတ်းၶိူင်ႈဢၼ်လၢၵ်ႇလၢၵ်ႇလၢႆးလၢႆး တၢင်ႇၸိူဝ်ႉတၢင်ႇမဵဝ်းၸိူဝ်းၼၼ်ႉဝႆႉတီႈမၼ်းဢေႃႈ။- 6ဢႁေႃႇလျႃႇၽႃႉ၊လုၵ်ႈၸၢႆးဢႁိသမၵ်ႉ၊ၼႂ်းၸိူဝ်ႉၶိူဝ်းတၢၼ်ႇ၊ၼၼ်ႉၵေႃႈၵဝ်ၶၢၼ်းဝႆႉလူၺ်ႈၵၼ်တင်းမၼ်းဢေႃႈ။ ၵူၼ်းဢၼ်မေႃဢၼ်ၸၢင်ႈလႄႈၵတ်ႉၶၼ်ၼႃႇတၢင်ႇၵေႃႉတၢင်ႇၵူၼ်းတင်းသဵင်ႈတင်းလူင်ၵေႃႈၵဝ်ပၼ်တၢင်းမေႃၺၢၼ်ႇပိင်ႇၺႃႇဝႆႉ၊ႁႂ်ႈၶဝ်လႆႈႁဵတ်းၵႃႈဢၼ်ၵဝ်သင်ႇလၢတ်ႈဝႆႉတီႈမႂ်း၊- 7ဢၼ်ပဵၼ်သုမ်ႉထဵင်ၸဝ်ႈတီႈဢၼ်ၸုတုမ်ၵၼ်၊တိူၵ်ႈပတိၺိၺ်ႇၸဝ်ႈတင်းပလၢင်ႇတီႈဢၼ်ၽေႇဢပျတ်ႈဢိၵ်ႇတင်းၶိူင်ႈပိူင်သုမ်ႉထဵင်ၸဝ်ႈတင်းသဵင်ႈတင်းလူင်၊- 8ၽိူၼ်ၸဝ်ႈဢိၵ်ႇတင်းၶိူင်ႈမၼ်းတင်းသဵင်ႈတင်းလူင်၊ၶဵင်ႇတီႈတႆႈၽႆးဢၼ်ဢဝ်ၶမ်းလွတ်ႈငၢၼ်ႇႁဵတ်းဝႆႉ၊ဢိၵ်ႇတင်းၶိူင်ႈမၼ်းတင်းသဵင်ႈတင်းလူင်၊ၶဵင်ႇတၢင်းလူႇဢၼ်ၽဝ်ၼၢမ်ႇသႃႇ၊- 9ၶဵင်ႇတၢင်းလူႇပုၼ်ႈတူဝ်တၢင်းလူႇဢၼ်တုတ်ႇၽႆးဢိၵ်ႇတင်းၶိူင်ႈပိူင်မၼ်းတင်းသဵင်ႈတင်းလူင်၊ဢၢင်ႇလူင်ဢိၵ်ႇတင်းႁွင်းတိၼ်မၼ်း၊- 10ၶူဝ်းၼုင်ႈၶူဝ်းမႆဢၼ်ၶိုၵ်ႉဢၼ်ၶမ်ႇပုၼ်ႈဢႃႇရုၼ်ႇ၊တင်းလုၵ်ႈၸၢႆးမၼ်းၸိူဝ်းၼၼ်ႉၼုင်ႈမႆယၢမ်းမိူဝ်ႈဢၼ်ၶဝ်ပွင်ႁဵတ်းၼႃႈၵၢၼ်ယဵၸ်ႈပရေႃးႁဵၵ်ႈ၊-#31:10 “ယဵၸ်ႈပရေႃးႁဵၵ်ႈ” - ပဵၼ်ၽူႈတၢင်တူဝ်ႁဵတ်းဝၢတ်ႈသၢၵ်ႈၵၢပ်ႈတၢင်းလူႇတီႈၽြႃးပဵၼ်ၸဝ်ႈ 11ၼမ်ႉမၼ်းပုၼ်ႈဢၼ်တၵ်းသွၼ်းလေႃႇ၊ၼၢမ်ႇသႃႇဢၼ်ႁွမ်ဢၼ်ႁူၺ်းပုၼ်ႈထႃႇၼႃႉတီႈမူတ်းၸၢင်ႇၸိူဝ်းၼၼ်ႉဢေႃႈ။ ၼႂ်းတၢင်းဢၼ်ႁဵတ်းၶိူင်ႈၸိူဝ်းၼႆႉတင်းသဵင်ႈတင်းလူင်ၼၼ်ႉၶဝ်တၵ်းလႆႈဢွၼ်ၵၼ်ႁဵတ်းမႅၼ်ႈၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈမႂ်းၼၼ်ႉၸေးၸေးဢေႃႈ၊” ဝႃႈၼင်ႇၼႆဢေႃႈ။
ဝၼ်းၵမ်သိၼ်
12 ထႃႇဝရႃႉၽြႃး၊သမ်ႉမီးဢမိင်ႉတီႈမူဝ်းသေႇ၊လႄႈဝႃႈၸမ်ႉ၊- 13“မႂ်းတၵ်းလႆႈသင်ႇလၢတ်ႈတီႈၵူၼ်းမဵဝ်းဢိသရေး၊တင်းလၢႆၼၼ်ႉလႄႈဝႃႈ၊ ‘ပႂ်ႉဝၼ်းၵမ်သိၼ်၊ဝၼ်းဢၼ်ၵဝ်ၵိုတ်းလိုဝ်ႈၼၼ်ႉၼိမ်ၼိမ်လီလီတႃႉ။ လွင်ႈမၼ်းၸမ်ႉ၊မၼ်းပဵၼ်လၢၵ်ႈၶၼႃႇသၢၵ်ႈသေႇၵႃႈတီႈဝူင်ႈၵၢင်ၵဝ်တင်းသူၵူႈၵၢပ်ႈၵႃႇလႃႉသိုပ်ႇသိုပ်ႇတၢမ်တၢမ်၊ႁႂ်ႈလႆႈၼႄပျႃးလွင်ႈဢၼ်ၵဝ်ထႃႇဝရႃႉၽြႃး၊ႁဵတ်းႁႂ်ႈသူမႃးပဵၼ်ၵူၼ်းၵဝ်#31:13 “ၵဝ်ထႃႇဝရႃႉၽြႃးႁဵတ်းႁႂ်ႈသူပဵၼ်ၵူၼ်းၵဝ်၊” ၵျၢမ်းမၢင်မူႇဝႃႈ၊ “ၵဝ်ပဵၼ်ထႃႇဝရႃႉၽြႃးဢၼ်ႁႂ်ႈသူမူတ်းၸၢင်ႇ” ဢေႃႈ။ ဢေႃႈ။- 14သူတၵ်းလႆႈပႂ်ႉဝၼ်းၵမ်သိၼ်ၼၼ်ႉၵွပ်ႈပိူဝ်ႈပဵၼ်ဝၼ်းဢၼ်မူတ်းၸၢင်ႇဢေႃႈ။ ၵေႃႉဢၼ်ဢမ်ႇပႂ်ႉဝၼ်းၵမ်သိၼ်လႄႈယင်းႁဵတ်းႁႂ်ႈဝၼ်းၵမ်သိၼ်ၵူဝ်ႈၵိူၵ်ႇၸိုင်၊တၵ်းလႆႈၶၢမ်ႇတၢင်းဢၼ်ဢဝ်တၢႆလႄႈၵေႃႉဢၼ်ႁဵတ်းၵၢၼ်ႁဵတ်းငၢၼ်းၼႂ်းဝၼ်းၵမ်သိၼ်ၸမ်ႉ၊တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေၵႃႈၼႂ်းၸိူဝ်ႉၶိူဝ်းမၼ်းဢေႃႈ။- 15သူမီးဢၶိင်ႇႁူၵ်းဝၼ်းတဵမ်တဵမ်ပုၼ်ႈဢၼ်တၵ်းႁဵတ်းၵၢၼ်တၢင်းႁဵတ်းတူဝ်ၸဝ်ႈၵဝ်ႇဢေႃႈ။ ၵူၺ်းၵႃႈ၊ဝၼ်းဢၼ်ထူၼ်ႈတီႈၸဵတ်းၼၼ်ႉပဵၼ်ဝၼ်းၵမ်သိၼ်ဢၼ်တၵ်းလႆႈၵိုတ်းလိုဝ်ႈၼိမ်ၼိမ်လီလီလႄႈမူတ်းၸၢင်ႇပုၼ်ႈထႃႇဝရႃႉၽြႃး၊ဢေႃႈ။ ၵေႃႉဢၼ်ႁဵတ်းၵၢၼ်ႁဵတ်းငၢၼ်းၼႂ်းဝၼ်းၵမ်သိၼ်ၼၼ်ႉတၵ်းလႆႈၶၢမ်ႇတၢင်းတၢႆဢမၢၼ်ႇၶၼ်ပဵၼ်ဢေႃႈ။- 16ပိူဝ်ႈၼႆလႄႈၵူၼ်းမဵဝ်းဢိသရေး၊တင်းလၢႆတၵ်းလႆႈပႂ်ႉဝၼ်းၵမ်သိၼ်ၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်တၢမ်ႁႂ်ႈပဵၼ်လၢၵ်ႈၶၼႃႇသၢၵ်ႈသေႇၵႃႈတီႈပတိၺိၺ်ႇထႃႇဝရႃႉဢေႃႈ။- 17ဢၼ်ၼၼ်ႉတၵ်းပဵၼ်လၢၵ်ႈၶၼႃႇသၢၵ်ႈသေႇထႃႇဝရႃႉၵႃႈတီႈဝူင်ႈၵၢင်ၵဝ်တင်းၵူၼ်းမဵဝ်းဢိသရေး၊တင်းလၢႆဢေႃႈ။ လွင်ႈမၼ်းၸမ်ႉ၊ၵဝ်ထႃႇဝရႃႉၽြႃး၊ၽၢၼ်ႇသၢင်းႁဵတ်းပဵၼ်ၽႃႉၵၢင်ႁၢဝ်တင်းလိၼ်မိူင်းၼႂ်းႁူၵ်းဝၼ်းလႄႈ၊ၼႂ်းဝၼ်းဢၼ်ထူၼ်ႈထိုင်ၸဵတ်းဝၼ်းၼၼ်ႉၵဝ်ၵိုတ်းၼႃႈၵၢၼ်တၢင်းႁဵတ်းသေလႄႈလိုဝ်ႈသဝ်းဢေႃႈ၊’ ဝႃႈၼင်ႇၼႆတႃႉ၊” ဝႃႈၼင်ႇၼႆဢေႃႈ။
18မိူဝ်ႈဢၼ်ၽြႃးပဵၼ်ၸဝ်ႈလၢတ်ႈတေႃႇမူဝ်းသေႇ၊ၵႃႈၼိူဝ်လွႆသိၼႃႉ၊ယဝ်ႉတူဝ်ႈယဝ်ႉၼၼ်ႉၸိုင်၊မၼ်းၸဝ်ႈဢဝ်ၶႅပ်းမၢၵ်ႇႁိၼ်သွင်ၽႅၼ်ႇဢၼ်ၵႃႈၼိူဝ်မၼ်းတႅမ်ႈပိင်းၺၢပ်ႈတြႃးဝႆႉလူၺ်ႈၼိဝ်ႉမိုဝ်းမၼ်းၸဝ်ႈၼၼ်ႉပၼ်တီႈမၼ်းဢေႃႈ။
Currently Selected:
ဢွၵ်ႇၵႂႃႇ 31: SHNCL
Highlight
Share
Copy
Want to have your highlights saved across all your devices? Sign up or sign in
ဢွၵ်ႇၵႂႃႇ 31
31
ၵူၼ်းဢၼ်မေႃႁဵတ်းသုမ်ႉထဵင်ၸဝ်ႈ
(တူၺ်း၊ ဢွၵ်ႇၵႂႃႇ 35:30-36:1)
1ၵမ်းၼၼ်ႉ၊ထႃႇဝရႃႉၽြႃး၊လၢတ်ႈတီႈမူဝ်းသေႇ၊လႄႈဝႃႈ၊- 2“ၵဝ်ႁွင်ႉၸွမ်းလူၺ်ႈၸိုဝ်ႈသဵင်ဢၼ်ႁွင်ႉဝႃႈ၊ပေႇၸလေႇလႃႉ၊လုၵ်ႈၸၢႆးဢုရိ၊ဢၼ်ပဵၼ်လုၵ်ႈၸၢႆးႁုရႃႉ၊ၵႃႈၼႂ်းၸိူဝ်ႉၶိူဝ်းယုတႃႉ၊ၼၼ်ႉသေယဝ်ႉ၊- 3ၵဝ်ႁႂ်ႈမၼ်းတဵမ်ဝႆႉတင်းဝိၺိၺ်ႇၽြႃးပဵၼ်ၸဝ်ႈလႄႈပၼ်ၺၢၼ်ႇပိင်ႇၺႃႇတၢင်းဢၼ်ၵတ်ႉဢၼ်ၶၼ်၊ဢတၢတ်ႈဢၼ်မေႃဢၼ်ၸၢင်ႈၼႂ်းတၢင်းဢၼ်ၸၢင်ႈႁဵတ်းလၢၵ်ႇလၢၵ်ႇလၢႆးလၢႆးၵူႈၸိူဝ်ႉၵူႈမဵဝ်း၊- 4ၸၢင်ႈၶႆႈၸႂ်လႄႈႁဵတ်းဢွၵ်ႇပုင်ႇႁၢင်ႈၵူႈၸိူဝ်ႉၵူႈမဵဝ်း၊ဢိၵ်ႇတင်းတၢင်းဢၼ်မေႃၸၢင်ႈၶမ်း၊ၸၢင်ႈငိုၼ်း၊ၸၢင်ႈတွင်းလိူင်၊- 5တၢင်းဢၼ်မေႃသူၺ်းသႅင်လႄႈၶပ်ႉၸႅၼ်ႇ၊တၢင်းဢၼ်မေႃတွင်ႈမေႃၶွၵ်းမႆႉ၊တၢင်းဢၼ်မေႃဢၼ်ၸၢင်ႈႁဵတ်းၶိူင်ႈဢၼ်လၢၵ်ႇလၢၵ်ႇလၢႆးလၢႆး တၢင်ႇၸိူဝ်ႉတၢင်ႇမဵဝ်းၸိူဝ်းၼၼ်ႉဝႆႉတီႈမၼ်းဢေႃႈ။- 6ဢႁေႃႇလျႃႇၽႃႉ၊လုၵ်ႈၸၢႆးဢႁိသမၵ်ႉ၊ၼႂ်းၸိူဝ်ႉၶိူဝ်းတၢၼ်ႇ၊ၼၼ်ႉၵေႃႈၵဝ်ၶၢၼ်းဝႆႉလူၺ်ႈၵၼ်တင်းမၼ်းဢေႃႈ။ ၵူၼ်းဢၼ်မေႃဢၼ်ၸၢင်ႈလႄႈၵတ်ႉၶၼ်ၼႃႇတၢင်ႇၵေႃႉတၢင်ႇၵူၼ်းတင်းသဵင်ႈတင်းလူင်ၵေႃႈၵဝ်ပၼ်တၢင်းမေႃၺၢၼ်ႇပိင်ႇၺႃႇဝႆႉ၊ႁႂ်ႈၶဝ်လႆႈႁဵတ်းၵႃႈဢၼ်ၵဝ်သင်ႇလၢတ်ႈဝႆႉတီႈမႂ်း၊- 7ဢၼ်ပဵၼ်သုမ်ႉထဵင်ၸဝ်ႈတီႈဢၼ်ၸုတုမ်ၵၼ်၊တိူၵ်ႈပတိၺိၺ်ႇၸဝ်ႈတင်းပလၢင်ႇတီႈဢၼ်ၽေႇဢပျတ်ႈဢိၵ်ႇတင်းၶိူင်ႈပိူင်သုမ်ႉထဵင်ၸဝ်ႈတင်းသဵင်ႈတင်းလူင်၊- 8ၽိူၼ်ၸဝ်ႈဢိၵ်ႇတင်းၶိူင်ႈမၼ်းတင်းသဵင်ႈတင်းလူင်၊ၶဵင်ႇတီႈတႆႈၽႆးဢၼ်ဢဝ်ၶမ်းလွတ်ႈငၢၼ်ႇႁဵတ်းဝႆႉ၊ဢိၵ်ႇတင်းၶိူင်ႈမၼ်းတင်းသဵင်ႈတင်းလူင်၊ၶဵင်ႇတၢင်းလူႇဢၼ်ၽဝ်ၼၢမ်ႇသႃႇ၊- 9ၶဵင်ႇတၢင်းလူႇပုၼ်ႈတူဝ်တၢင်းလူႇဢၼ်တုတ်ႇၽႆးဢိၵ်ႇတင်းၶိူင်ႈပိူင်မၼ်းတင်းသဵင်ႈတင်းလူင်၊ဢၢင်ႇလူင်ဢိၵ်ႇတင်းႁွင်းတိၼ်မၼ်း၊- 10ၶူဝ်းၼုင်ႈၶူဝ်းမႆဢၼ်ၶိုၵ်ႉဢၼ်ၶမ်ႇပုၼ်ႈဢႃႇရုၼ်ႇ၊တင်းလုၵ်ႈၸၢႆးမၼ်းၸိူဝ်းၼၼ်ႉၼုင်ႈမႆယၢမ်းမိူဝ်ႈဢၼ်ၶဝ်ပွင်ႁဵတ်းၼႃႈၵၢၼ်ယဵၸ်ႈပရေႃးႁဵၵ်ႈ၊-#31:10 “ယဵၸ်ႈပရေႃးႁဵၵ်ႈ” - ပဵၼ်ၽူႈတၢင်တူဝ်ႁဵတ်းဝၢတ်ႈသၢၵ်ႈၵၢပ်ႈတၢင်းလူႇတီႈၽြႃးပဵၼ်ၸဝ်ႈ 11ၼမ်ႉမၼ်းပုၼ်ႈဢၼ်တၵ်းသွၼ်းလေႃႇ၊ၼၢမ်ႇသႃႇဢၼ်ႁွမ်ဢၼ်ႁူၺ်းပုၼ်ႈထႃႇၼႃႉတီႈမူတ်းၸၢင်ႇၸိူဝ်းၼၼ်ႉဢေႃႈ။ ၼႂ်းတၢင်းဢၼ်ႁဵတ်းၶိူင်ႈၸိူဝ်းၼႆႉတင်းသဵင်ႈတင်းလူင်ၼၼ်ႉၶဝ်တၵ်းလႆႈဢွၼ်ၵၼ်ႁဵတ်းမႅၼ်ႈၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈမႂ်းၼၼ်ႉၸေးၸေးဢေႃႈ၊” ဝႃႈၼင်ႇၼႆဢေႃႈ။
ဝၼ်းၵမ်သိၼ်
12 ထႃႇဝရႃႉၽြႃး၊သမ်ႉမီးဢမိင်ႉတီႈမူဝ်းသေႇ၊လႄႈဝႃႈၸမ်ႉ၊- 13“မႂ်းတၵ်းလႆႈသင်ႇလၢတ်ႈတီႈၵူၼ်းမဵဝ်းဢိသရေး၊တင်းလၢႆၼၼ်ႉလႄႈဝႃႈ၊ ‘ပႂ်ႉဝၼ်းၵမ်သိၼ်၊ဝၼ်းဢၼ်ၵဝ်ၵိုတ်းလိုဝ်ႈၼၼ်ႉၼိမ်ၼိမ်လီလီတႃႉ။ လွင်ႈမၼ်းၸမ်ႉ၊မၼ်းပဵၼ်လၢၵ်ႈၶၼႃႇသၢၵ်ႈသေႇၵႃႈတီႈဝူင်ႈၵၢင်ၵဝ်တင်းသူၵူႈၵၢပ်ႈၵႃႇလႃႉသိုပ်ႇသိုပ်ႇတၢမ်တၢမ်၊ႁႂ်ႈလႆႈၼႄပျႃးလွင်ႈဢၼ်ၵဝ်ထႃႇဝရႃႉၽြႃး၊ႁဵတ်းႁႂ်ႈသူမႃးပဵၼ်ၵူၼ်းၵဝ်#31:13 “ၵဝ်ထႃႇဝရႃႉၽြႃးႁဵတ်းႁႂ်ႈသူပဵၼ်ၵူၼ်းၵဝ်၊” ၵျၢမ်းမၢင်မူႇဝႃႈ၊ “ၵဝ်ပဵၼ်ထႃႇဝရႃႉၽြႃးဢၼ်ႁႂ်ႈသူမူတ်းၸၢင်ႇ” ဢေႃႈ။ ဢေႃႈ။- 14သူတၵ်းလႆႈပႂ်ႉဝၼ်းၵမ်သိၼ်ၼၼ်ႉၵွပ်ႈပိူဝ်ႈပဵၼ်ဝၼ်းဢၼ်မူတ်းၸၢင်ႇဢေႃႈ။ ၵေႃႉဢၼ်ဢမ်ႇပႂ်ႉဝၼ်းၵမ်သိၼ်လႄႈယင်းႁဵတ်းႁႂ်ႈဝၼ်းၵမ်သိၼ်ၵူဝ်ႈၵိူၵ်ႇၸိုင်၊တၵ်းလႆႈၶၢမ်ႇတၢင်းဢၼ်ဢဝ်တၢႆလႄႈၵေႃႉဢၼ်ႁဵတ်းၵၢၼ်ႁဵတ်းငၢၼ်းၼႂ်းဝၼ်းၵမ်သိၼ်ၸမ်ႉ၊တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေၵႃႈၼႂ်းၸိူဝ်ႉၶိူဝ်းမၼ်းဢေႃႈ။- 15သူမီးဢၶိင်ႇႁူၵ်းဝၼ်းတဵမ်တဵမ်ပုၼ်ႈဢၼ်တၵ်းႁဵတ်းၵၢၼ်တၢင်းႁဵတ်းတူဝ်ၸဝ်ႈၵဝ်ႇဢေႃႈ။ ၵူၺ်းၵႃႈ၊ဝၼ်းဢၼ်ထူၼ်ႈတီႈၸဵတ်းၼၼ်ႉပဵၼ်ဝၼ်းၵမ်သိၼ်ဢၼ်တၵ်းလႆႈၵိုတ်းလိုဝ်ႈၼိမ်ၼိမ်လီလီလႄႈမူတ်းၸၢင်ႇပုၼ်ႈထႃႇဝရႃႉၽြႃး၊ဢေႃႈ။ ၵေႃႉဢၼ်ႁဵတ်းၵၢၼ်ႁဵတ်းငၢၼ်းၼႂ်းဝၼ်းၵမ်သိၼ်ၼၼ်ႉတၵ်းလႆႈၶၢမ်ႇတၢင်းတၢႆဢမၢၼ်ႇၶၼ်ပဵၼ်ဢေႃႈ။- 16ပိူဝ်ႈၼႆလႄႈၵူၼ်းမဵဝ်းဢိသရေး၊တင်းလၢႆတၵ်းလႆႈပႂ်ႉဝၼ်းၵမ်သိၼ်ၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်တၢမ်ႁႂ်ႈပဵၼ်လၢၵ်ႈၶၼႃႇသၢၵ်ႈသေႇၵႃႈတီႈပတိၺိၺ်ႇထႃႇဝရႃႉဢေႃႈ။- 17ဢၼ်ၼၼ်ႉတၵ်းပဵၼ်လၢၵ်ႈၶၼႃႇသၢၵ်ႈသေႇထႃႇဝရႃႉၵႃႈတီႈဝူင်ႈၵၢင်ၵဝ်တင်းၵူၼ်းမဵဝ်းဢိသရေး၊တင်းလၢႆဢေႃႈ။ လွင်ႈမၼ်းၸမ်ႉ၊ၵဝ်ထႃႇဝရႃႉၽြႃး၊ၽၢၼ်ႇသၢင်းႁဵတ်းပဵၼ်ၽႃႉၵၢင်ႁၢဝ်တင်းလိၼ်မိူင်းၼႂ်းႁူၵ်းဝၼ်းလႄႈ၊ၼႂ်းဝၼ်းဢၼ်ထူၼ်ႈထိုင်ၸဵတ်းဝၼ်းၼၼ်ႉၵဝ်ၵိုတ်းၼႃႈၵၢၼ်တၢင်းႁဵတ်းသေလႄႈလိုဝ်ႈသဝ်းဢေႃႈ၊’ ဝႃႈၼင်ႇၼႆတႃႉ၊” ဝႃႈၼင်ႇၼႆဢေႃႈ။
18မိူဝ်ႈဢၼ်ၽြႃးပဵၼ်ၸဝ်ႈလၢတ်ႈတေႃႇမူဝ်းသေႇ၊ၵႃႈၼိူဝ်လွႆသိၼႃႉ၊ယဝ်ႉတူဝ်ႈယဝ်ႉၼၼ်ႉၸိုင်၊မၼ်းၸဝ်ႈဢဝ်ၶႅပ်းမၢၵ်ႇႁိၼ်သွင်ၽႅၼ်ႇဢၼ်ၵႃႈၼိူဝ်မၼ်းတႅမ်ႈပိင်းၺၢပ်ႈတြႃးဝႆႉလူၺ်ႈၼိဝ်ႉမိုဝ်းမၼ်းၸဝ်ႈၼၼ်ႉပၼ်တီႈမၼ်းဢေႃႈ။
Currently Selected:
:
Highlight
Share
Copy
Want to have your highlights saved across all your devices? Sign up or sign in