ဢွၵ်ႇၵႂႃႇ 25
25
တၢင်းလူႇပုၼ်ႈထႃႇၼႃႉဢၼ်မူတ်းၸၢင်ႇ
(တူၺ်း၊ ဢွၵ်ႇၵႂႃႇ 35:4-9)
1ၸဝ်ႈထႃႇဝရႃႉၽြႃး၊မီးဢမိင်ႉတီႈမူဝ်းသေႇ၊ထႅင်ႈလႄႈဝႃႈ၊- 2သင်ႇလၢတ်ႈတီႈၵူၼ်းမဵဝ်းဢိသရေး၊တင်းလၢႆႁႂ်ႈဢဝ်ၶိူင်ႈတၢင်းလူႇမႃးတီႈၵဝ်တႃႉ။ ႁပ်ႉၶၢမ်ႇဢဝ်ၶိူင်ႈတၢင်းလူႇဢၼ်ၶဝ်ပႃးၸႂ်ၸေႇတၼႃႇသတ်ႈထႃႇလႄႈမႃးလူႇမႃးတၢၼ်းတီႈၵဝ်ၼၼ်ႉတႃႉ။- 3ၶိူင်ႈတၢင်းလူႇဢၼ်မႂ်းတၵ်းလႆႈႁပ်ႉၶၢမ်ႇဢဝ်ၼၼ်ႉၸမ်ႉ၊ပဵၼ်ၶမ်း၊ငိုၼ်း၊တွင်းလိူင်၊- 4ၽႃႈပၢၼ်ႇၶျေႃး၊မႆၶူၼ်သူဝ်းဢၼ်ယွမ်ႉသွမ်ႇ၊ယွမ်ႉၵမ်ႇ၊ယွမ်ႉလႅင်ဝႆႉ၊- 5ၼင်သူဝ်းဢၼ်ယွမ်ႉလႅင်၊ၼင်သတ်းဢၼ်လီ၊မႆႉပဝ်း#25:5 “မႆႉပဝ်း” - ၼႂ်းၵျၢမ်းဢိင်းၵလဵတ်ႈဝႃႈ၊ “မႆႉဢၵႃႇသႃႉ” ဢေႃႈ၊- 6ၼမ်ႉမၼ်းတႆႈ၊ၼၢမ်ႇသႃႇတႃႇတေႁဵတ်းၼမ်ႉမၼ်းဢၼ်တႃး၊ၼၢမ်ႇသႃႇတႃႇတေႁဵတ်းဢၼ်ႁွမ်ဢၼ်ႁူၺ်းပုၼ်ႈဢၼ်တၵ်းတႆႈၽႆး၊- 7သႅင်ၸၢႆးၶႃးယွတ်ႇတင်းသႅင်ပတ်ႈတမျႃးဢၼ်တၵ်းၶပ်ႉၸႅၼ်ႇၵႃႈတီႈၼႃႈသိူဝ်ႈသုပ်းၸဝ်ႈ၊တင်းၵႃႈတီႈၶိူင်ႈတပ်ႉၼႃႈဢူၵ်းမၼ်းၼၼ်ႉဢေႃႈ။- 8ႁႂ်ႈၵူၼ်းတင်းလၢႆႁဵတ်းထႃႇၼႃႉတီႈမူတ်းၸၢင်ႇဝႆႉပုၼ်ႈၵဝ်၊ၼင်ႇႁိုဝ်ၵဝ်တၵ်းလႆႈယူႇၼႂ်းၵႄႈၵၢင်ၶဝ်ၼၼ်ႉတႃႉ။- 9ပုင်ႇႁၢင်ႈသုမ်ႉထဵင်ၸဝ်ႈတင်းၶိူင်ႈၸႂ်ႉၶိူင်ႈတိုဝ်းမၼ်းတင်းသဵင်ႈတင်းလူင်ၸိူဝ်းၼၼ်ႉမႂ်းတၵ်းလႆႈႁဵတ်းၸွမ်းၵႃႈၼင်ႇဢၼ်ၵဝ်တၵ်းၼႄပျႃးတီႈမႂ်းၼၼ်ႉဢေႃႈ။
လွင်ႈတိူၵ်ႈပတိၺိၺ်ႇၸဝ်ႈ
(တူၺ်း၊ ဢွၵ်ႇၵႂႃႇ 37:1-9)
10“ႁႂ်ႈၶဝ်ဢဝ်မႆႉပဝ်းႁဵတ်းတိူၵ်ႈတႃႇလုၵ်ႈၼိုင်ႈတႃႉ။ တိူၵ်ႈၼၼ်ႉတၵ်းလႆႈမီးၼႃႈယၢဝ်းသွင်သွၵ်ႇၶိုပ်ႈ၊ၼႃႈပွတ်းသွၵ်ႇၶိုပ်ႈ၊တၢင်းသုင်သွၵ်ႇၶိုပ်ႈဢေႃႈ။- 11သမ်ႉတၵ်းလႆႈဢဝ်ၶမ်းလွတ်ႈငၢၼ်ႇဢုမ်ႇဝႆႉၸဵမ်ၼွၵ်ႈၸဵမ်ၼႂ်းလႄႈ၊ဢဝ်ၶႅပ်းၶမ်းႁေႃႇၶွပ်ႇတိူၵ်ႈဝႆႉႁွပ်ႈႁွပ်ႈဢေႃႈ။- 12လေႃႇႁဵတ်းမွင်ႈၶမ်းသီႇမွင်ႈပုၼ်ႈတႃႇတေဢဝ်တၢပ်ႈသႂ်ႇဝႆႉၵႃႈတီႈတိၼ်တိူၵ်ႈၼၼ်ႉၽၢႆႇၼႆႈသွင်မွင်ႈ၊ၽၢႆႇပုၼ်ႉသွင်မွင်ႈတႃႉ။- 13ဢဝ်မႆႉပဝ်းထၢၵ်ႇႁဵတ်းၵၢၼ်းသွင်လႅမ်ႈလႄႈဢဝ်ၶမ်းဢုမ်ႇဝႆႉတႃႉ။- 14တၵ်းလႆႈဢဝ်ၵၢၼ်းသွင်လႅမ်ႈၼၼ်ႉ သွတ်ႇသႂ်ႇၵႃႈၼႂ်းမွင်ႈၶမ်းဢၼ်မီးၵႃႈတီႈၼႃႈတိူၵ်ႈၼၼ်ႉဝႆႉပုၼ်ႈဢၼ်တၵ်းႁၢမ်တိူၵ်ႈၼၼ်ႉဢေႃႈ။- 15ၵၢၼ်းၸိူဝ်းၼၼ်ႉတၵ်းလႆႈသွတ်ႇသႂ်ႇၵႃႈၼႂ်းမွင်ႈၸိူဝ်းၼၼ်ႉဝႆႉ၊တႃႇသေႇလႄႈတၵ်းဢမ်ႇလႆႈထွတ်ႇဢွၵ်ႇဝႆႉ။- 16ႁဵတ်းၼၼ်လႄႈ၊ၵႃႈၼႂ်းတိူၵ်ႈၼၼ်ႉဢဝ်ၶႅပ်းမၢၵ်ႇႁိၼ်သွင်ၶႅပ်းဢၼ်တႅမ်ႈဝႆႉ၊ပိင်းၺၢပ်ႈတြႃးၵဝ်ဢၼ်ၵဝ်တၵ်းပၼ်မႂ်းၼၼ်ႉသႂ်ႇဝႆႉတႃႉ။
17“မႂ်းတၵ်းလႆႈဢဝ်ၶမ်းလွတ်ႈငၢၼ်ႇႁဵတ်းပလၢင်ႇပုၼ်ႈဢၼ်ၽေႇဢပျတ်ႈဢၼ်ၼိုင်ႈ၊ၼႃႈယၢဝ်းမၼ်းမီးသွင်သွၵ်ႇၶိုပ်ႈ၊ၼႃႈၵႂၢင်ႈမၼ်းမီးၼိုင်ႈသွၵ်ႇၶိုပ်ႈဢေႃႈ။- 18သမ်ႉတၵ်းလႆႈဢဝ်ၶမ်းတွင်ႈႁဵတ်းၶေႇရုၽဵမ်ႇ#25:18၊20 “ၶေႇရုၽဵမ်ႇ” - ပဵၼ်ပုင်ႇႁၢင်ႈတူဝ်သတ်ႉတဝႃႇဢၼ်ၵီႈပိၵ်ႇဝႆႉလႄႈ ပဵၼ်လၢၵ်ႈၶၼႃႇလွင်ႈတၢင်းဢၼ်ထႃႇဝရႃႉၽြႃးတႄႇယူႇမီးယူႇၼၼ်ႉဢေႃႈ။ သွင်ပႃးသေယဝ်ႉ၊- 19ႁႂ်ႈၸပ်းယူႇၽၢႆႇၼႃႈပွတ်းပလၢင်ႇပုၼ်ႈဢၼ်ၽေႇဢပျတ်ႈၼၼ်ႉယေႈၽၢႆႇယေႈပႃးဢေႃႈ။ တၵ်းလႆႈႁဵတ်းႁႂ်ႈၶေႇရုၽဵမ်ႇသွင်ပႃးၼၼ်ႉပဵၼ်ၼိူဝ်ႉလဵဝ်ၵၼ်တင်းပလၢင်ႇပုၼ်ႈဢၼ်ၽေႇဢပျတ်ႈၼၼ်ႉဢေႃႈ။- 20ၶေႇရုၽဵမ်ႇၸိူဝ်းၼၼ်ႉတၵ်းလႆႈဝၢႆႇၼႃႈတေႃႇၵၼ်ယူႇ၊ဢဝ်ပိၵ်ႇၶဝ်ၵီႈလႄႈမုင်းႁူမ်ႇၵႃႈၼိူဝ်ပလၢင်ႇပုၼ်ႈဢၼ်ၽေႇဢပျတ်ႈၼၼ်ႉသေယဝ်ႉ၊ႁႂ်ႈပႂ်ႉတူၺ်းပလၢင်ႇပုၼ်ႈဢၼ်တၵ်းၽေႇဢပျတ်ႈၼၼ်ႉယူႇတႃႉ။- 21ဢဝ်ၶႅပ်းမၢၵ်ႇႁိၼ်သွင်ၶႅပ်းၼၼ်ႉသႂ်ႇဝႆႉၼႂ်းတိူၵ်ႈၼၼ်ႉလႄႈဢဝ်ပလၢင်ႇပုၼ်ႈတၵ်းၽေႇဢပျတ်ႈၼၼ်ႉတၢင်ႇဝႆႉၵႃႈၼိူဝ်တိူၵ်ႈတႃႉ။- 22ႁဵတ်းၼၼ်လႄႈၵဝ်တၵ်းထူပ်းၵၼ်တင်းမႂ်းၵႃႈတီႈၼၼ်ႈဢေႃႈ။ ၵဝ်တၵ်းယူႇၵႃႈၼိူဝ်ပလၢင်ႇပုၼ်ႈတၵ်းၽေႇဢပျတ်ႈၵႃႈတီႈဝူင်ႈၵၢင်ၶေႇရုၽဵမ်ႇသွင်ပႃးဢၼ်တၢင်ႇၵႃႈၼိူဝ်တိူၵ်ႈဢၼ်သႂ်ႇပတိၺိၺ်ႇၸဝ်ႈၼၼ်ႉသေလႄႈလၢတ်ႈတေႃႇမႂ်းလွင်ႈၵႃႈဢၼ်ၵဝ်တၵ်းပၼ်တြႃးတင်းပိင်းၺၢပ်ႈၵဝ်တင်းသဵင်ႈတင်းလူင်ၵႃႈတီႈၵူၼ်းမဵဝ်းဢိသရေး၊တင်းလၢႆၼၼ်ႉဢေႃႈ။
ၽိူၼ်ဢၼ်သၢၵ်ႈလူႇၶဝ်ႈမုၼ်းတီႈၽြႃးပဵၼ်ၸဝ်ႈ
(တူၺ်း၊ ဢွၵ်ႇၵႂႃႇ 37:10-16)
23“ဢဝ်မႆႉပဝ်းႁဵတ်းၽိူၼ်ဢၼ်ၼိုင်ႈတႃႉ။ ၽိူၼ်ၼၼ်ႉၼႃႈယၢဝ်းမၼ်းမီးသွင်သွၵ်ႇ၊ၼႃႈၵႂၢင်ႈမၼ်းသွၵ်ႇၼိုင်ႈ၊တၢင်းသုင်မၼ်းသွၵ်ႇၶိုပ်ႈ။- 24တၵ်းလႆႈဢဝ်ၶမ်းလွတ်ႈငၢၼ်ႇဢုမ်ႇဝႆႉလႄႈဢဝ်ၶမ်းႁေႃႇၶွပ်ႇမၼ်းႁွပ်ႈႁွပ်ႈဢေႃႈ။- 25တၵ်းလႆႈႁဵတ်းၶႃႇပၢၼ်းမၼ်းၵႂၢင်ႈၽႃႇမိုဝ်းၼိုင်ႈသေလႄႈဢဝ်ၶမ်းႁေႃႇၶွပ်ႇမၼ်းဝႆႉႁွပ်ႈႁွပ်ႈဢေႃႈ။- 26လေႃႇႁဵတ်းမွင်ႈၶမ်းသီႇမွင်ႈပုၼ်ႈတႃႇတေဢဝ်ၵၢၼ်းသွတ်ႇသႂ်ႇဝႆႉ၊တီႈတၢင်းၼိူဝ်ၶႃမၼ်းတီႈသီႇၸဵင်ႇတႃႉ။- 27မွင်ႈၶမ်းၸိူဝ်းၼၼ်ႉႁႂ်ႈမီးၵႃႈႁိမ်းၶွပ်ႇမၼ်းပုၼ်ႈတႃႇတၵ်းသွတ်ႇၵၢၼ်းပုၼ်ႈဢၼ်တၵ်းႁၢမ်ၽိူၼ်ၼၼ်ႉတႃႉ။- 28ၵၢၼ်းၸိူဝ်းၼၼ်ႉၵေႃႈဢဝ်မႆႉပဝ်းထၢၵ်ႇႁဵတ်းလႄႈဢဝ်ၶမ်းလွတ်ႈငၢၼ်ႇဢုမ်ႇႁေႃႇဝႆႉတႃႉ။- 29တၵ်းလႆႈႁဵတ်းဝၢၼ်ႇၽႄလႂ်၊ၸေႃႉလႂ်၊ပုၼ်ႈတႃႇတၵ်းၽဝ်ဢၢႆႁွမ်ဢၢႆႁူၺ်း၊ဢိၵ်ႇတင်းၵွၵ်းလႂ်၊ဢၢင်ႇလႂ်၊ပုၼ်ႈတႃႇတၵ်းထွၵ်ႇတၵ်းႁိုဝ်ႈဢၼ်ၸၢပ်ႈသႅင်ႇၵၼ်တင်းမၼ်းလႄႈ၊ၶိူင်ႈတိုဝ်းၸိူဝ်းၼၼ်ႉတၵ်းလႆႈဢဝ်ၶမ်းလွတ်ႈငၢၼ်ႇႁဵတ်းဢေႃႈ။- 30တၵ်းလႆႈဢဝ်ၶဝ်ႈမုၼ်းမူတ်းၸၢင်ႇဢၼ်သၢၵ်ႈလူႇတီႈၵဝ်ၼၼ်ႉတၢင်ႇဝႆႉၵႃႈၼိူဝ်ၽိူၼ်ၽၢႆႇၼႃႈၵဝ်သေႇသေႇဢေႃႈ။
ၶဵင်ႇတီႈတႆႈၽႆး
(တူၺ်း၊ ဢွၵ်ႇၵႂႃႇ 37:17-24)
31“ၶဵင်ႇတီႈတႆႈၽႆးၵေႃႈတၵ်းလႆႈဢဝ်ၶမ်းလွတ်ႈငၢၼ်ႇႁဵတ်းဝႆႉဢၼ်ၼိုင်ႈဢေႃႈ။ တၵ်းလႆႈတွင်ႈႁဵတ်းၸႃႉၸဵမ်တိၼ်မၼ်းတင်းသဝ်မၼ်းဢေႃႈ။ ၵွၵ်းမၼ်း၊တုမ်ႇမၼ်းတင်းမွၵ်ႇမူဝ်မၼ်းၸိူဝ်းၼၼ်ႉတၵ်းလႆႈႁဵတ်းပဵၼ်ၼိူဝ်ႉလဵဝ်ၵၼ်တင်းၶဵင်ႇတီႈတႆႈၽႆးၼၼ်ႉဢေႃႈ။- 32တၵ်းလႆႈမီးၵိင်ႇႁူၵ်းၵိင်ႇတႅၵ်ႇဢွၵ်ႇသေၵႃႈတီႈသွင်ၽၢၵ်ႇၶၢင်ႈမၼ်းလႄႈႁႂ်ႈမီးယေႈၽၢႆႇသၢမ်ၵိင်ႇသၢမ်ၵိင်ႇတႃႉ။- 33ၼႂ်းၵိင်ႇႁူၵ်းၵိင်ႇၼၼ်ႉယေႈၵိင်ႇတၵ်းလႆႈမီးမွၵ်ႇႁၢင်ႈၶိူင်ႈသၢမ်လူင်ႇလႄႈမိူၼ်ၼင်ႇႁၢင်ႈလူင်ႇမွၵ်ႇမၢၵ်ႇမူၼ်ႇ#25:33-34 “မၢၵ်ႇမူၼ်ႇ” - ၵႃႈၼႂ်းၵျၢမ်းၶူႇသျိင်ႇဝႃႈ၊ “ပႃႇတမ်ႇ” ဢေႃႈဢၼ်ပႃးတင်းတုမ်ႇမၼ်းတင်းမွၵ်ႇမူဝ်မၼ်းႁင်းၽႂ်ႁင်းမၼ်းဢေႃႈ။- 34ၵႃႈတီႈသဝ်ၶဵင်ႇတီႈတႆႈၽႆးၼၼ်ႉၵေႃႈ တၵ်းလႆႈမီးမွၵ်ႇႁၢင်ႈၶိူင်ႈသီႇလူင်ႇဢၼ်မိူၼ်ၼင်ႇႁၢင်ႈလူင်ႇမွၵ်ႇမၢၵ်ႇမူၼ်ႇဢၼ်ပႃးတင်းတုမ်ႇမၼ်းတင်းမွၵ်ႇမူဝ်မၼ်းႁင်းၽႂ်ႁင်းမၼ်းဢေႃႈ။- 35ၵႃႈတီႈၵိင်ႇမၼ်းသၢမ်ၵူႈၼၼ်ႉၵႃႈတႂ်ႈငၢမ်ႈၵိင်ႇၼိုင်ႈၵူႈတၵ်းလႆႈမီးတုမ်ႇမၼ်းယေႈဢၼ်ၵႃႈတီႈသၢမ်ၵူႈၼၼ်ႉဢေႃႈ။- 36ၸႃႉၸဵမ်တုမ်ႇမၼ်းလႂ်လႄႈၵိင်ႇမၼ်းလႂ်၊တင်းၶဵင်ႇတီႈတႆႈၽႆးၸိူဝ်းၼၼ်ႉတၵ်းလႆႈဢဝ်ၶမ်းလွတ်ႈငၢၼ်ႇတွင်ႈႁဵတ်းႁႂ်ႈပဵၼ်ၼိူဝ်ႉလဵဝ်ၵၼ်ဝႆႉဢေႃႈ။- 37တၵ်းလႆႈႁဵတ်းဝၢၼ်ႇၽႆးၸဵတ်းလုၵ်ႈလႄႈတႆႈၽႆးဝႆႉ၊ႁႂ်ႈဢၼ်လႅင်းထွင်ႇၵႂႃႇသိုဝ်ႈၽၢႆႇၶဵင်ႇတီႈတႆႈၽႆးၼၼ်ႉဢေႃႈ။- 38ၵိမ်းၺၢပ်ႈၽႆးတင်းၵွၵ်းၶၢမ်ႇတဝ်ႈမၼ်းၵေႃႈတၵ်းလႆႈပဵၼ်ၶမ်းလွတ်ႈငၢၼ်ႇဢေႃႈ။- 39ဢဝ်ၶမ်းလွတ်ႈငၢၼ်ႇသၢဝ်းၸွႆႉ#25:39 “သၢဝ်းၸွႆႉ” ၼႂ်းၵျၢမ်းႁေႇပြႄးဝႃႈ၊ “ၼိုင်ႈတလၢၼ်ႇတၢၼ်ႇ” ဢေႃႈ။ ႁဵတ်းၶဵင်ႇတီႈတႆႈၽႆးဢိၵ်ႇတင်းၶိူင်ႈမၼ်းတင်းသဵင်ႈတင်းလူင်တႃႉ။- 40ဝႆႉသတိလႄႈႁဵတ်းႁႂ်ႈမိူၼ်ၵၼ်ၸွမ်းၵႃႈၼင်ႇဢၼ်ၵဝ်ၼႄပျႃးပုင်ႇႁၢင်ႈမၼ်းတီႈမႂ်းၵႃႈၼိူဝ်လွႆၼၼ်ႉလီလီတႃႉ။
Currently Selected:
ဢွၵ်ႇၵႂႃႇ 25: SHNCL
Highlight
Share
Copy
Want to have your highlights saved across all your devices? Sign up or sign in
ဢွၵ်ႇၵႂႃႇ 25
25
တၢင်းလူႇပုၼ်ႈထႃႇၼႃႉဢၼ်မူတ်းၸၢင်ႇ
(တူၺ်း၊ ဢွၵ်ႇၵႂႃႇ 35:4-9)
1ၸဝ်ႈထႃႇဝရႃႉၽြႃး၊မီးဢမိင်ႉတီႈမူဝ်းသေႇ၊ထႅင်ႈလႄႈဝႃႈ၊- 2သင်ႇလၢတ်ႈတီႈၵူၼ်းမဵဝ်းဢိသရေး၊တင်းလၢႆႁႂ်ႈဢဝ်ၶိူင်ႈတၢင်းလူႇမႃးတီႈၵဝ်တႃႉ။ ႁပ်ႉၶၢမ်ႇဢဝ်ၶိူင်ႈတၢင်းလူႇဢၼ်ၶဝ်ပႃးၸႂ်ၸေႇတၼႃႇသတ်ႈထႃႇလႄႈမႃးလူႇမႃးတၢၼ်းတီႈၵဝ်ၼၼ်ႉတႃႉ။- 3ၶိူင်ႈတၢင်းလူႇဢၼ်မႂ်းတၵ်းလႆႈႁပ်ႉၶၢမ်ႇဢဝ်ၼၼ်ႉၸမ်ႉ၊ပဵၼ်ၶမ်း၊ငိုၼ်း၊တွင်းလိူင်၊- 4ၽႃႈပၢၼ်ႇၶျေႃး၊မႆၶူၼ်သူဝ်းဢၼ်ယွမ်ႉသွမ်ႇ၊ယွမ်ႉၵမ်ႇ၊ယွမ်ႉလႅင်ဝႆႉ၊- 5ၼင်သူဝ်းဢၼ်ယွမ်ႉလႅင်၊ၼင်သတ်းဢၼ်လီ၊မႆႉပဝ်း#25:5 “မႆႉပဝ်း” - ၼႂ်းၵျၢမ်းဢိင်းၵလဵတ်ႈဝႃႈ၊ “မႆႉဢၵႃႇသႃႉ” ဢေႃႈ၊- 6ၼမ်ႉမၼ်းတႆႈ၊ၼၢမ်ႇသႃႇတႃႇတေႁဵတ်းၼမ်ႉမၼ်းဢၼ်တႃး၊ၼၢမ်ႇသႃႇတႃႇတေႁဵတ်းဢၼ်ႁွမ်ဢၼ်ႁူၺ်းပုၼ်ႈဢၼ်တၵ်းတႆႈၽႆး၊- 7သႅင်ၸၢႆးၶႃးယွတ်ႇတင်းသႅင်ပတ်ႈတမျႃးဢၼ်တၵ်းၶပ်ႉၸႅၼ်ႇၵႃႈတီႈၼႃႈသိူဝ်ႈသုပ်းၸဝ်ႈ၊တင်းၵႃႈတီႈၶိူင်ႈတပ်ႉၼႃႈဢူၵ်းမၼ်းၼၼ်ႉဢေႃႈ။- 8ႁႂ်ႈၵူၼ်းတင်းလၢႆႁဵတ်းထႃႇၼႃႉတီႈမူတ်းၸၢင်ႇဝႆႉပုၼ်ႈၵဝ်၊ၼင်ႇႁိုဝ်ၵဝ်တၵ်းလႆႈယူႇၼႂ်းၵႄႈၵၢင်ၶဝ်ၼၼ်ႉတႃႉ။- 9ပုင်ႇႁၢင်ႈသုမ်ႉထဵင်ၸဝ်ႈတင်းၶိူင်ႈၸႂ်ႉၶိူင်ႈတိုဝ်းမၼ်းတင်းသဵင်ႈတင်းလူင်ၸိူဝ်းၼၼ်ႉမႂ်းတၵ်းလႆႈႁဵတ်းၸွမ်းၵႃႈၼင်ႇဢၼ်ၵဝ်တၵ်းၼႄပျႃးတီႈမႂ်းၼၼ်ႉဢေႃႈ။
လွင်ႈတိူၵ်ႈပတိၺိၺ်ႇၸဝ်ႈ
(တူၺ်း၊ ဢွၵ်ႇၵႂႃႇ 37:1-9)
10“ႁႂ်ႈၶဝ်ဢဝ်မႆႉပဝ်းႁဵတ်းတိူၵ်ႈတႃႇလုၵ်ႈၼိုင်ႈတႃႉ။ တိူၵ်ႈၼၼ်ႉတၵ်းလႆႈမီးၼႃႈယၢဝ်းသွင်သွၵ်ႇၶိုပ်ႈ၊ၼႃႈပွတ်းသွၵ်ႇၶိုပ်ႈ၊တၢင်းသုင်သွၵ်ႇၶိုပ်ႈဢေႃႈ။- 11သမ်ႉတၵ်းလႆႈဢဝ်ၶမ်းလွတ်ႈငၢၼ်ႇဢုမ်ႇဝႆႉၸဵမ်ၼွၵ်ႈၸဵမ်ၼႂ်းလႄႈ၊ဢဝ်ၶႅပ်းၶမ်းႁေႃႇၶွပ်ႇတိူၵ်ႈဝႆႉႁွပ်ႈႁွပ်ႈဢေႃႈ။- 12လေႃႇႁဵတ်းမွင်ႈၶမ်းသီႇမွင်ႈပုၼ်ႈတႃႇတေဢဝ်တၢပ်ႈသႂ်ႇဝႆႉၵႃႈတီႈတိၼ်တိူၵ်ႈၼၼ်ႉၽၢႆႇၼႆႈသွင်မွင်ႈ၊ၽၢႆႇပုၼ်ႉသွင်မွင်ႈတႃႉ။- 13ဢဝ်မႆႉပဝ်းထၢၵ်ႇႁဵတ်းၵၢၼ်းသွင်လႅမ်ႈလႄႈဢဝ်ၶမ်းဢုမ်ႇဝႆႉတႃႉ။- 14တၵ်းလႆႈဢဝ်ၵၢၼ်းသွင်လႅမ်ႈၼၼ်ႉ သွတ်ႇသႂ်ႇၵႃႈၼႂ်းမွင်ႈၶမ်းဢၼ်မီးၵႃႈတီႈၼႃႈတိူၵ်ႈၼၼ်ႉဝႆႉပုၼ်ႈဢၼ်တၵ်းႁၢမ်တိူၵ်ႈၼၼ်ႉဢေႃႈ။- 15ၵၢၼ်းၸိူဝ်းၼၼ်ႉတၵ်းလႆႈသွတ်ႇသႂ်ႇၵႃႈၼႂ်းမွင်ႈၸိူဝ်းၼၼ်ႉဝႆႉ၊တႃႇသေႇလႄႈတၵ်းဢမ်ႇလႆႈထွတ်ႇဢွၵ်ႇဝႆႉ။- 16ႁဵတ်းၼၼ်လႄႈ၊ၵႃႈၼႂ်းတိူၵ်ႈၼၼ်ႉဢဝ်ၶႅပ်းမၢၵ်ႇႁိၼ်သွင်ၶႅပ်းဢၼ်တႅမ်ႈဝႆႉ၊ပိင်းၺၢပ်ႈတြႃးၵဝ်ဢၼ်ၵဝ်တၵ်းပၼ်မႂ်းၼၼ်ႉသႂ်ႇဝႆႉတႃႉ။
17“မႂ်းတၵ်းလႆႈဢဝ်ၶမ်းလွတ်ႈငၢၼ်ႇႁဵတ်းပလၢင်ႇပုၼ်ႈဢၼ်ၽေႇဢပျတ်ႈဢၼ်ၼိုင်ႈ၊ၼႃႈယၢဝ်းမၼ်းမီးသွင်သွၵ်ႇၶိုပ်ႈ၊ၼႃႈၵႂၢင်ႈမၼ်းမီးၼိုင်ႈသွၵ်ႇၶိုပ်ႈဢေႃႈ။- 18သမ်ႉတၵ်းလႆႈဢဝ်ၶမ်းတွင်ႈႁဵတ်းၶေႇရုၽဵမ်ႇ#25:18၊20 “ၶေႇရုၽဵမ်ႇ” - ပဵၼ်ပုင်ႇႁၢင်ႈတူဝ်သတ်ႉတဝႃႇဢၼ်ၵီႈပိၵ်ႇဝႆႉလႄႈ ပဵၼ်လၢၵ်ႈၶၼႃႇလွင်ႈတၢင်းဢၼ်ထႃႇဝရႃႉၽြႃးတႄႇယူႇမီးယူႇၼၼ်ႉဢေႃႈ။ သွင်ပႃးသေယဝ်ႉ၊- 19ႁႂ်ႈၸပ်းယူႇၽၢႆႇၼႃႈပွတ်းပလၢင်ႇပုၼ်ႈဢၼ်ၽေႇဢပျတ်ႈၼၼ်ႉယေႈၽၢႆႇယေႈပႃးဢေႃႈ။ တၵ်းလႆႈႁဵတ်းႁႂ်ႈၶေႇရုၽဵမ်ႇသွင်ပႃးၼၼ်ႉပဵၼ်ၼိူဝ်ႉလဵဝ်ၵၼ်တင်းပလၢင်ႇပုၼ်ႈဢၼ်ၽေႇဢပျတ်ႈၼၼ်ႉဢေႃႈ။- 20ၶေႇရုၽဵမ်ႇၸိူဝ်းၼၼ်ႉတၵ်းလႆႈဝၢႆႇၼႃႈတေႃႇၵၼ်ယူႇ၊ဢဝ်ပိၵ်ႇၶဝ်ၵီႈလႄႈမုင်းႁူမ်ႇၵႃႈၼိူဝ်ပလၢင်ႇပုၼ်ႈဢၼ်ၽေႇဢပျတ်ႈၼၼ်ႉသေယဝ်ႉ၊ႁႂ်ႈပႂ်ႉတူၺ်းပလၢင်ႇပုၼ်ႈဢၼ်တၵ်းၽေႇဢပျတ်ႈၼၼ်ႉယူႇတႃႉ။- 21ဢဝ်ၶႅပ်းမၢၵ်ႇႁိၼ်သွင်ၶႅပ်းၼၼ်ႉသႂ်ႇဝႆႉၼႂ်းတိူၵ်ႈၼၼ်ႉလႄႈဢဝ်ပလၢင်ႇပုၼ်ႈတၵ်းၽေႇဢပျတ်ႈၼၼ်ႉတၢင်ႇဝႆႉၵႃႈၼိူဝ်တိူၵ်ႈတႃႉ။- 22ႁဵတ်းၼၼ်လႄႈၵဝ်တၵ်းထူပ်းၵၼ်တင်းမႂ်းၵႃႈတီႈၼၼ်ႈဢေႃႈ။ ၵဝ်တၵ်းယူႇၵႃႈၼိူဝ်ပလၢင်ႇပုၼ်ႈတၵ်းၽေႇဢပျတ်ႈၵႃႈတီႈဝူင်ႈၵၢင်ၶေႇရုၽဵမ်ႇသွင်ပႃးဢၼ်တၢင်ႇၵႃႈၼိူဝ်တိူၵ်ႈဢၼ်သႂ်ႇပတိၺိၺ်ႇၸဝ်ႈၼၼ်ႉသေလႄႈလၢတ်ႈတေႃႇမႂ်းလွင်ႈၵႃႈဢၼ်ၵဝ်တၵ်းပၼ်တြႃးတင်းပိင်းၺၢပ်ႈၵဝ်တင်းသဵင်ႈတင်းလူင်ၵႃႈတီႈၵူၼ်းမဵဝ်းဢိသရေး၊တင်းလၢႆၼၼ်ႉဢေႃႈ။
ၽိူၼ်ဢၼ်သၢၵ်ႈလူႇၶဝ်ႈမုၼ်းတီႈၽြႃးပဵၼ်ၸဝ်ႈ
(တူၺ်း၊ ဢွၵ်ႇၵႂႃႇ 37:10-16)
23“ဢဝ်မႆႉပဝ်းႁဵတ်းၽိူၼ်ဢၼ်ၼိုင်ႈတႃႉ။ ၽိူၼ်ၼၼ်ႉၼႃႈယၢဝ်းမၼ်းမီးသွင်သွၵ်ႇ၊ၼႃႈၵႂၢင်ႈမၼ်းသွၵ်ႇၼိုင်ႈ၊တၢင်းသုင်မၼ်းသွၵ်ႇၶိုပ်ႈ။- 24တၵ်းလႆႈဢဝ်ၶမ်းလွတ်ႈငၢၼ်ႇဢုမ်ႇဝႆႉလႄႈဢဝ်ၶမ်းႁေႃႇၶွပ်ႇမၼ်းႁွပ်ႈႁွပ်ႈဢေႃႈ။- 25တၵ်းလႆႈႁဵတ်းၶႃႇပၢၼ်းမၼ်းၵႂၢင်ႈၽႃႇမိုဝ်းၼိုင်ႈသေလႄႈဢဝ်ၶမ်းႁေႃႇၶွပ်ႇမၼ်းဝႆႉႁွပ်ႈႁွပ်ႈဢေႃႈ။- 26လေႃႇႁဵတ်းမွင်ႈၶမ်းသီႇမွင်ႈပုၼ်ႈတႃႇတေဢဝ်ၵၢၼ်းသွတ်ႇသႂ်ႇဝႆႉ၊တီႈတၢင်းၼိူဝ်ၶႃမၼ်းတီႈသီႇၸဵင်ႇတႃႉ။- 27မွင်ႈၶမ်းၸိူဝ်းၼၼ်ႉႁႂ်ႈမီးၵႃႈႁိမ်းၶွပ်ႇမၼ်းပုၼ်ႈတႃႇတၵ်းသွတ်ႇၵၢၼ်းပုၼ်ႈဢၼ်တၵ်းႁၢမ်ၽိူၼ်ၼၼ်ႉတႃႉ။- 28ၵၢၼ်းၸိူဝ်းၼၼ်ႉၵေႃႈဢဝ်မႆႉပဝ်းထၢၵ်ႇႁဵတ်းလႄႈဢဝ်ၶမ်းလွတ်ႈငၢၼ်ႇဢုမ်ႇႁေႃႇဝႆႉတႃႉ။- 29တၵ်းလႆႈႁဵတ်းဝၢၼ်ႇၽႄလႂ်၊ၸေႃႉလႂ်၊ပုၼ်ႈတႃႇတၵ်းၽဝ်ဢၢႆႁွမ်ဢၢႆႁူၺ်း၊ဢိၵ်ႇတင်းၵွၵ်းလႂ်၊ဢၢင်ႇလႂ်၊ပုၼ်ႈတႃႇတၵ်းထွၵ်ႇတၵ်းႁိုဝ်ႈဢၼ်ၸၢပ်ႈသႅင်ႇၵၼ်တင်းမၼ်းလႄႈ၊ၶိူင်ႈတိုဝ်းၸိူဝ်းၼၼ်ႉတၵ်းလႆႈဢဝ်ၶမ်းလွတ်ႈငၢၼ်ႇႁဵတ်းဢေႃႈ။- 30တၵ်းလႆႈဢဝ်ၶဝ်ႈမုၼ်းမူတ်းၸၢင်ႇဢၼ်သၢၵ်ႈလူႇတီႈၵဝ်ၼၼ်ႉတၢင်ႇဝႆႉၵႃႈၼိူဝ်ၽိူၼ်ၽၢႆႇၼႃႈၵဝ်သေႇသေႇဢေႃႈ။
ၶဵင်ႇတီႈတႆႈၽႆး
(တူၺ်း၊ ဢွၵ်ႇၵႂႃႇ 37:17-24)
31“ၶဵင်ႇတီႈတႆႈၽႆးၵေႃႈတၵ်းလႆႈဢဝ်ၶမ်းလွတ်ႈငၢၼ်ႇႁဵတ်းဝႆႉဢၼ်ၼိုင်ႈဢေႃႈ။ တၵ်းလႆႈတွင်ႈႁဵတ်းၸႃႉၸဵမ်တိၼ်မၼ်းတင်းသဝ်မၼ်းဢေႃႈ။ ၵွၵ်းမၼ်း၊တုမ်ႇမၼ်းတင်းမွၵ်ႇမူဝ်မၼ်းၸိူဝ်းၼၼ်ႉတၵ်းလႆႈႁဵတ်းပဵၼ်ၼိူဝ်ႉလဵဝ်ၵၼ်တင်းၶဵင်ႇတီႈတႆႈၽႆးၼၼ်ႉဢေႃႈ။- 32တၵ်းလႆႈမီးၵိင်ႇႁူၵ်းၵိင်ႇတႅၵ်ႇဢွၵ်ႇသေၵႃႈတီႈသွင်ၽၢၵ်ႇၶၢင်ႈမၼ်းလႄႈႁႂ်ႈမီးယေႈၽၢႆႇသၢမ်ၵိင်ႇသၢမ်ၵိင်ႇတႃႉ။- 33ၼႂ်းၵိင်ႇႁူၵ်းၵိင်ႇၼၼ်ႉယေႈၵိင်ႇတၵ်းလႆႈမီးမွၵ်ႇႁၢင်ႈၶိူင်ႈသၢမ်လူင်ႇလႄႈမိူၼ်ၼင်ႇႁၢင်ႈလူင်ႇမွၵ်ႇမၢၵ်ႇမူၼ်ႇ#25:33-34 “မၢၵ်ႇမူၼ်ႇ” - ၵႃႈၼႂ်းၵျၢမ်းၶူႇသျိင်ႇဝႃႈ၊ “ပႃႇတမ်ႇ” ဢေႃႈဢၼ်ပႃးတင်းတုမ်ႇမၼ်းတင်းမွၵ်ႇမူဝ်မၼ်းႁင်းၽႂ်ႁင်းမၼ်းဢေႃႈ။- 34ၵႃႈတီႈသဝ်ၶဵင်ႇတီႈတႆႈၽႆးၼၼ်ႉၵေႃႈ တၵ်းလႆႈမီးမွၵ်ႇႁၢင်ႈၶိူင်ႈသီႇလူင်ႇဢၼ်မိူၼ်ၼင်ႇႁၢင်ႈလူင်ႇမွၵ်ႇမၢၵ်ႇမူၼ်ႇဢၼ်ပႃးတင်းတုမ်ႇမၼ်းတင်းမွၵ်ႇမူဝ်မၼ်းႁင်းၽႂ်ႁင်းမၼ်းဢေႃႈ။- 35ၵႃႈတီႈၵိင်ႇမၼ်းသၢမ်ၵူႈၼၼ်ႉၵႃႈတႂ်ႈငၢမ်ႈၵိင်ႇၼိုင်ႈၵူႈတၵ်းလႆႈမီးတုမ်ႇမၼ်းယေႈဢၼ်ၵႃႈတီႈသၢမ်ၵူႈၼၼ်ႉဢေႃႈ။- 36ၸႃႉၸဵမ်တုမ်ႇမၼ်းလႂ်လႄႈၵိင်ႇမၼ်းလႂ်၊တင်းၶဵင်ႇတီႈတႆႈၽႆးၸိူဝ်းၼၼ်ႉတၵ်းလႆႈဢဝ်ၶမ်းလွတ်ႈငၢၼ်ႇတွင်ႈႁဵတ်းႁႂ်ႈပဵၼ်ၼိူဝ်ႉလဵဝ်ၵၼ်ဝႆႉဢေႃႈ။- 37တၵ်းလႆႈႁဵတ်းဝၢၼ်ႇၽႆးၸဵတ်းလုၵ်ႈလႄႈတႆႈၽႆးဝႆႉ၊ႁႂ်ႈဢၼ်လႅင်းထွင်ႇၵႂႃႇသိုဝ်ႈၽၢႆႇၶဵင်ႇတီႈတႆႈၽႆးၼၼ်ႉဢေႃႈ။- 38ၵိမ်းၺၢပ်ႈၽႆးတင်းၵွၵ်းၶၢမ်ႇတဝ်ႈမၼ်းၵေႃႈတၵ်းလႆႈပဵၼ်ၶမ်းလွတ်ႈငၢၼ်ႇဢေႃႈ။- 39ဢဝ်ၶမ်းလွတ်ႈငၢၼ်ႇသၢဝ်းၸွႆႉ#25:39 “သၢဝ်းၸွႆႉ” ၼႂ်းၵျၢမ်းႁေႇပြႄးဝႃႈ၊ “ၼိုင်ႈတလၢၼ်ႇတၢၼ်ႇ” ဢေႃႈ။ ႁဵတ်းၶဵင်ႇတီႈတႆႈၽႆးဢိၵ်ႇတင်းၶိူင်ႈမၼ်းတင်းသဵင်ႈတင်းလူင်တႃႉ။- 40ဝႆႉသတိလႄႈႁဵတ်းႁႂ်ႈမိူၼ်ၵၼ်ၸွမ်းၵႃႈၼင်ႇဢၼ်ၵဝ်ၼႄပျႃးပုင်ႇႁၢင်ႈမၼ်းတီႈမႂ်းၵႃႈၼိူဝ်လွႆၼၼ်ႉလီလီတႃႉ။
Currently Selected:
:
Highlight
Share
Copy
Want to have your highlights saved across all your devices? Sign up or sign in