ဢွၵ်ႇၵႂႃႇ 15
15
မူဝ်းသေႇႁဵတ်းၵႂၢမ်းယွင်ႈယေႃး
1မိူဝ်ႈၼၼ်ႉ၊မူဝ်းသေႇ၊ဢိၵ်ႇတင်းၵူၼ်းမဵဝ်းဢိသရေး၊တင်းလၢႆဢွၼ်ၵၼ်ႁဵတ်းၵႂၢမ်းယွင်ႈယေႃးတီႈထႃႇဝရႃႉၽြႃး၊လႄႈဝႃႈၸမ်ႉ၊
“ၵဝ်တၵ်းႁဵတ်းၵႂၢမ်းယွင်ႈယေႃးတီႈထႃႇဝရႃႉၽြႃး၊
ၵွပ်ႈပိူဝ်ႈမၼ်းၸဝ်ႈမႃးပႄႉၼႅင်ႇလူၺ်ႈမုၼ်ယႂ်ႇမုၼ်သုင်၊
မၼ်းၸဝ်ႈႁႂ်ႈမႃႉတင်းၵူၼ်းသိုၵ်းၶီႇမႃႉတင်းသဵင်ႈတင်းလူင်၊ၸူမ်ၼမ်ႉတၢႆၼႂ်းပၢင်ႇလၢႆႇဢေႃႈ။
2 ထႃႇဝရႃႉၽြႃး၊ပဵၼ်ၸဝ်ႈဢဵၼ်ႁႅင်းဢၼ်ႁႄႉၵင်ႈပၼ်ၵဝ်၊ပဵၼ်ၸဝ်ႈဢၼ်ၵႄႇၶျွတ်ႈၵဝ်ဢေႃႈ။
မၼ်းၸဝ်ႈပဵၼ်ၽြႃးပဵၼ်ၸဝ်ႈၵဝ်လႄႈၵဝ်တၵ်းယွင်ႈယေႃးမၼ်းၸဝ်ႈ၊
မၼ်းၸဝ်ႈပဵၼ်ၽြႃး၊ပဵၼ်ၸဝ်ႈပေႃႈၵဝ်လႄႈၵဝ်တၵ်းႁဵတ်းၵႂၢမ်းယွင်ႈယေႃးလွင်ႈဢၼ်မၼ်းၸဝ်ႈယႂ်ႇမျၢတ်ႈၼၼ်ႉဢေႃႈ။
3 ထႃႇဝရႃႉၽြႃး၊ပဵၼ်ႁူဝ်ႁၢၼ်တပ်ႉသိုၵ်းတပ်ႉငႃး၊
ၸိုဝ်ႈသဵင်ႁွင်ႉဝႃႈ၊ထႃႇဝရႃႉၽြႃး၊တီႈၶႃႈဢေႃႈ။
4မၼ်းၸဝ်ႈတဵၵ်းၸူမ်တပ်ႉသိုၵ်းမဵဝ်းဢေးၵျိပ်ႉ၊တင်းလေႃႉမႃႉသိုၵ်းတင်းလၢႆၵႃႈၼႂ်းၼမ်ႉပၢင်ႇလၢႆႇ၊
ၶုၼ်သိုၵ်းႁၢၼ်ဢၼ်ၵတ်ႉၶႅၼ်ႇလႆႈၸူမ်ၼႂ်းပၢင်ႇလၢႆႇလႅင်၊တၢႆယဝ်ႉယဝ်ႉ။
5ပၢင်ႇလၢႆႇလိုၵ်ႉၼၼ်ႉထူမ်ႈလႄႈဢိုၼ်ၶဝ်ပႅတ်ႈ၊
ၶဝ်လႆႈလူင်းထိုင်ပိုၼ်ႉမိူၼ်မၢၵ်ႇႁိၼ်ဢၼ်
ၸူမ်ယဝ်ႉယဝ်ႉ။
6ဢူဝ်း၊ထႃႇဝရႃႉၽြႃး၊မိုဝ်းၶွၼ်ၶႂႃၸဝ်ႈႁႅင်းယႂ်ႇလႄႈမုၼ်ၽုင်းယႂ်ႇၼႃႇလူင်လၢင်၊
မိုဝ်းၶွၼ်ၶႂႃၸဝ်ႈဢဝ်ရၢၼ်ႇသူႇတင်းလၢႆ
ႁၵ်းႁိၵ်းယႃႉလုလႅဝ်တီႈၶႃႈဢေႃႈ။
7တီႈရၢၼ်ႇသူႇဢၼ်ၶတ်းၶဵင်ႇႁႅင်းတႃႉၼၼ်ႉ
ၸဝ်ႈႁဝ်းဢီးလူမ်ႉလူၺ်ႈမုၼ်တၼ်းၶူဝ်း
ဢၼ်ႁိူဝ်ႈႁိူင်း၊
ၸဝ်ႈႁဝ်းပွႆႇတၢင်းၸႂ်မႆႈၶႂ်ႈၸႃႉဢၼ်မိူၼ်ၽႆးမႆႈ
ၶဝ်မိူၼ်ၽႆးမႆႈၽိူင်းယဝ်ႉတီႈၶႃႈဢေႃႈ။
8လူမ်းၶူႈလင်ၸဝ်ႈပဝ်ႇၼမ်ႉၸိူဝ်းၼၼ်ႉ၊
ႁႂ်ႈပဵၼ်ၵွင်ပဵၼ်ႁွၼ်၊ၼမ်ႉဢၼ်လႆယူႇ
ပဵၼ်ၸဵၼ်ပဵၼ်ၸွၼ်၊
ၼမ်ႉဢၼ်လိုၵ်ႉပၢင်ႇလၢႆႇႁႂ်ႈပဵၼ်ၵွၼ်ႈပဵၼ်လွၼ်တီႈၶႃႈဢေႃႈ။
9ရၢၼ်ႇသူႇလၢတ်ႈဝႃႈ၊ ‘ၵဝ်တၵ်းလိုပ်ႈလမ်းၸွမ်းၶဝ်လႄႈတၵ်းၶိုတ်းတၵ်းတၼ်းဢေႃႈ။
ၵဝ်တၵ်းၽႄပႅတ်ႈဢုၵ်ႉၸႃႇၶဝ်လႄႈၵႃႈဢၼ်ၵဝ်ၶႂ်ႈလႆႈၵဝ်တၵ်းႁိမ်ႁူင်ႇဢဝ်၊
ၵဝ်တၵ်းထွတ်ႇလၢပ်ႇလႄႈယႃႉၽဵဝ်ႈပႅတ်ႈၵႃႈဢၼ်ၶဝ်မီးၼၼ်ႉဢိူဝ်း၊’ ဝႃႈၼင်ႇၼႆဢေႃႈ။
10ၵူၺ်းၵႃႈ၊ထႃႇဝရႃႉၽြႃး၊တီႈၶႃႈ၊ၸဝ်ႈႁဝ်းပဝ်ႇလူမ်းသႂ်ႇၶဝ်ငၢႆႈငၢႆႈ၊
ၵူၼ်းမဵဝ်းဢေးၵျိပ်ႉ၊တင်းလၢႆလႆႈၸူမ်ၼမ်ႉတၢႆ၊
တူၵ်းလူင်းမိူၼ်ၼင်ႇၸိုၼ်းၵႃႈၼႂ်းၼမ်ႉၸႅဝ်ႈလႄႈၸူမ်ႁၢႆယဝ်ႉယဝ်ႉ။
11 ထႃႇဝရႃႉၽြႃး၊တီႈၶႃႈ၊ၼႂ်းၽြႃးတင်းလၢႆမီးၽြႃးသူႇလႂ်မိူၼ်ၸဝ်ႈႁဝ်းလႆႈတီႈၶႃႈ။
မီးၽြႃးသူႇလႂ်မိူၼ်ၸဝ်ႈႁဝ်းလႆႈၼႂ်းမုၼ်တၼ်းၶူဝ်းဢၼ်မူတ်းၸၢင်ႇၼၼ်ႉတီႈၶႃႈ။
မီးၽြႃးသူႇလႂ်ထိူၵ်ႈလႆႈၵူဝ်ႁႄၼႂ်းတၢင်းႁဵတ်းဢၼ်မုၼ်ၽုင်းယႂ်ႇလႄႈ
သမ်ႉၸၢင်ႈႁဵတ်းတၢင်းဢၼ်လီဢၢမ်းတင်းလၢႆၼၼ်ႉလႆႈတီႈၶႃႈ။
12ၸဝ်ႈႁဝ်းၵူၺ်းဢဝ်တင်းမိုဝ်းၶွၼ်ၶႂႃ
ယဵတ်ႇယိုၼ်းလႄႈ၊
ရၢၼ်ႇသူႇတင်းလၢႆလႆႈၶၢမ်ႇလိၼ်မိူင်း
ဢိုၼ်ပႅတ်ႈတီႈၶႃႈယဝ်ႉ။
13လူၺ်ႈတၢင်းႁၵ်ႉမႅတ်ႈတႃႇၸဝ်ႈႁဝ်းဢၼ်
တႄႇမၼ်ႈယူႇ၊
ၸဝ်ႈႁဝ်းဢွၼ်သူင်ႇၵူၼ်းမဵဝ်းဢၼ်ၸဝ်ႈႁဝ်းထုတ်ႇၼုၵ်ႈဢဝ်ဝႆႉၼၼ်ႉသေလႄႈ
ဢဝ်တင်းႁႅင်းတၼ်းၶူဝ်းၸဝ်ႈႁဝ်းၸိၼႄတၢင်းၵႂႃႇၸူးတီႈမိူင်းမူတ်းၸၢင်ႇၸဝ်ႈတီႈၶႃႈယဝ်ႉ။
14ၵူၼ်းမဵဝ်းတင်းလၢႆလႆႈငိၼ်းၶၢဝ်ႇငၢဝ်းလႄႈတူၵ်းၸႂ်တီႈၶႃႈဢေႃႈ။
ၵူၼ်းမဵဝ်းၽိလိတ်ႉတိ၊ၶဝ်ထၢၼ်ႈပေႃးမီးၸႂ်ဢၼ်ၵူဝ်လႄႈသၼ်ႇဝႆယူႇယဝ်ႉဢေႃႈ။
15ၶုၼ်လူင်ၵူၼ်းဢေႇတုမ်ႇ၊မီးတၢင်းဢၼ်
ၸႂ်ၵူဝ်ၸႂ်ႁႄ၊
ၵူၼ်းႁႅင်းလူင်မဵဝ်းမေႃႇၽႃႉ၊မီးတၢင်းဢၼ်
ၸႂ်သၼ်ႇၸႂ်ဝႆ၊
ၵူၼ်းမိူင်းမဵဝ်းၶႃႇၼၼိ၊မီးတၢင်းဢၼ်ၸႂ်ၸိူမ်ႈၸႂ်ႁၢႆတီႈၶႃႈဢေႃႈ။
16ၶဝ်ၸိူဝ်းၼၼ်ႉလႆႈထိုင်တီႈဢၼ်ၵူဝ်ႁႄလႄႈတၢင်းဢၼ်တူၵ်းၸႂ်လႂ်တိုၼ်ႇတီႈၶႃႈဢေႃႈ။
ဢူဝ်း၊ထႃႇဝရႃႉၽြႃး။ ၶဝ်လႆႈႁၼ်ႁႅင်းတၼ်းၶူဝ်းၸဝ်ႈႁဝ်းလႄႈ
ၶဝ်ဢွၼ်ၵၼ်ယူႇၼိမ်ၼိမ်မိူၼ်ၸိူဝ်ႉၼင်ႇမၢၵ်ႇႁိၼ်ၼၼ်ႉယူႇ၊
တေႃႇထိုင်ႁွတ်ႈၸူဝ်ႈဢၼ်ၵူၼ်းၸဝ်ႈႁဝ်းၸိူဝ်းၼႆႉဢမ်ႇပႆႇလႆႈပူၼ်ႉၵႂႃႇ၊
တေႃႇထိုင်ႁွတ်ႈၸူဝ်ႈဢၼ်ၵူၼ်းဢၼ်ၸဝ်ႈႁဝ်းပွႆႇလွတ်ႈသေတၢင်းဢၼ်ၶၢမ်ႇပဵၼ်ၶႃႈ၊
ၸိူဝ်းၼၼ်ႉဢမ်ႇပႆႇလႆႈပူၼ်ႉၵႂႃႇၼၼ်ႉ
တီႈၶႃႈဢေႃႈ။
17ၸဝ်ႈႁဝ်းဢဝ်ၶဝ်မႃးတႄႇတင်ႈတႄႇသဝ်းၵႃႈတီႈၼိူဝ်လွႆၸဝ်ႈ၊
တီႈဢၼ်ၸဝ်ႈႁဝ်းၶႃႈထႃႇဝရႃႉၽြႃး၊လိူၵ်ႈဝႆႉႁႂ်ႈပဵၼ်တီႈယူႇတၼ်းသဝ်းၸဝ်ႈ၊
ဢၼ်ဝႃႈ၊ၵျွင်းပိၵ်ႈမၢၼ်ႇၸဝ်ႈဢၼ်တူဝ်ၸဝ်ႈႁဝ်းတႄႇဝႆႉၼၼ်ႉတီႈၶႃႈဢေႃႈ။
18ၸဝ်ႈႁဝ်းၶႃႈထႃႇဝရႃႉၽြႃး၊တၵ်းလႆႈ
ဢုပ်ႉပိူင်ႇၸၢမ်ႇၸႃး၊
ၵူႈၵၢပ်ႈၵႃႇလႃႉတႃႇသေႇဢမ်ႇထၢတ်ႇဢေႃႈ၊”
ဝႃႈၼင်ႇၼႆဢေႃႈ။
မေႇရီႇယမ်ႇပရေႃးၽႅတ်ႈမႄႈယိင်းႁဵတ်းၵႂၢမ်းယွင်ႈယေႃး
19ၼႂ်းမိူဝ်ႈဢၼ်လေႃႉမႃႉသိုၵ်းၶုၼ်ႁေႃၶမ်းၸိူဝ်းၼၼ်ႉပႃးၸဵမ်မႃႉလႄႈၵူၼ်းႁေႃႈလေႃႉမႃႉသိုၵ်းမၼ်းတင်းလၢႆ၊ၶဝ်ႈၵႂႃႇၵႃႈၼႂ်းပၢင်ႇလၢႆႇယူႇၼၼ်ႉၸိုင်၊ထႃႇဝရႃႉၽြႃး၊ႁႂ်ႈၼမ်ႉပၢင်ႇလၢႆႇလုပ်ႇၶိုၼ်းလႄႈထူမ်ႈၶဝ်ပႅတ်ႈတင်းမူတ်းဢေႃႈ။ ၵူၼ်းမဵဝ်းဢိသရေး၊တင်းလၢႆၸမ်ႉ၊လႆႈပႆၽႃႇလတ်းပၢင်ႇလၢႆႇၵႂႃႇၵႃႈၼိူဝ်လိၼ်ႁႅင်ႈဢေႃႈ။
20မိူဝ်ႈၼၼ်ႉ၊မေႇရီႇယမ်ႇ၊ပရေႃးၽႅတ်ႈမႄႈယိင်း#15:20 “ပရေႃးၽႅတ်ႈမႄႈယိင်း” - မႄႈယိင်းဢၼ်ႁေႃးလၢတ်ႈလွင်ႈၵႂၢမ်းၽြႃးပဵၼ်ၸဝ်ႈဢၼ်တၵ်းပဵၼ်မႃးတေႃႈလဵဝ်လႄႈဝၼ်းမိူဝ်းၼႃႈဢၼ်ပဵၼ်ပီႈၼၢင်းဢႃႇရုၼ်ႇ၊ၼၼ်ႉဢဝ်ၵွင်ဢွၼ်ႇယိပ်းၼႂ်းမိုဝ်းမၼ်းလႄႈ၊မႄႈယိင်းတင်းသဵင်ႈတင်းလူင်ၵေႃႈႁႆႇၵွင်ဢွၼ်ႇၶဝ်ၵႃႈၸွမ်းမၼ်းၵႂႃႇဢေႃႈ။- 21မေႇရီႇယမ်ႇ၊ၸင်ႇႁဵတ်းၵႂၢမ်းႁႂ်ႈၶဝ်ထွမ်ႇလႄႈဝႃႈ၊
“ပိူဝ်ႈဢၼ်ထႃႇဝရႃႉၽြႃး၊ပႄႉၼႅင်ႇလူၺ်ႈမုၼ်ဢၼ်ယႂ်ႇဢၼ်သုင်လႄႈ
ဢွၼ်ၵၼ်ႁဵတ်းၵႂၢမ်းတီႈထႃႇဝရႃႉၽြႃး၊တႃႉ။
ၸႃႉၸဵမ်မႃႉလႄႈၵူၼ်းသိုၵ်းၶီႇမႃႉၸိူဝ်းၼၼ်ႉမၼ်းၸဝ်ႈတဵၵ်းၸူမ်ၵႃႈၼႂ်းၼမ်ႉ
ပၢင်ႇလၢႆႇပႅတ်ႈ၊
တင်းမူတ်းယဝ်ႉတီႈၶႃႈယဝ်ႉ၊” ဝႃႈၼင်ႇၼႆဢေႃႈ။
လွင်ႈၼမ်ႉၶူမ်
22လိုၼ်းၼၼ်ႉ၊မူဝ်းသေႇ၊ဢွၼ်ၵူၼ်းမဵဝ်းဢိသရေး၊ၸိူဝ်းၼၼ်ႉဢွၵ်ႇသေၵႃႈတီႈပၢင်ႇလၢႆႇလႅင်၊လႄႈပႆၶဝ်ႈၵႂႃႇၵႃႈၼႂ်းထိူၼ်ႇလႅင်ႉသုရႃႉ၊ဢေႃႈ။ ၶဝ်ၽႃႇလတ်းၵႂႃႇၵႃႈၼႂ်းထိူၼ်ႇလႅင်ႉၼၼ်ႉၶၢဝ်းတၢင်းသၢမ်ဝၼ်းလႄႈဢမ်ႇထူပ်းဢမ်ႇႁၼ်ၼမ်ႉလႃးလႃးဢေႃႈ။- 23ၵမ်းၼၼ်ႉ ၶဝ်ႁွတ်ႈၵႂႃႇတီႈဢၼ်ႁွင်ႉဝႃႈ၊မႃႇရႃႉ၊#15:23 “မႃႇရႃႉ” - ၵႂၢမ်းႁေႇပြႄးပွင်ႇဝႃႈ၊ “ၶူမ်” ဢေႃႈ။ ၼၼ်ႉဢေႃႈ။ ၼမ်ႉၵႃႈတီႈမႃႇရႃႉ၊ၼၼ်ႉၶူမ်ၼႃႇလႄႈၶဝ်ဢမ်ႇၵိၼ်လႆႈ။ ပိူဝ်ႈၼႆလႄႈၶဝ်ႁွင်ႉတီႈၼၼ်ႈဝႃႈ၊မႃႇရႃႉ၊ဢေႃႈ။- 24ၵူၼ်းတင်းလၢႆဢွၼ်ၵၼ်ပွင်ႉၶၢင်းတၢင်ႇဢပျတ်ႈတီႈမူဝ်းသေႇ၊လႄႈဝႃႈ၊ “ႁဝ်းတၵ်းလႆႈၵိၼ်ၼမ်ႉဢီႈသင်၊” ဝႃႈၼင်ႇၼႆဢေႃႈ။- 25မူဝ်းသေႇ၊ၵေႃႈပႃးၸႂ်ပႃးၶေႃးလဝ်ႈယွၼ်းတီႈထႃႇဝရႃႉၽြႃး၊လႄႈ၊ထႃႇဝရႃႉၽြႃး၊ၼႄပျႃးမၼ်းတူၼ်ႈမႆႉတူၼ်ႈၼိုင်ႈလႄႈ၊မၼ်းဢဝ်ၵႂႃႇထိမ်ႈသႂ်ႇၵႃႈၼႂ်းၼမ်ႉၼၼ်ႉဢေႃႈ။ ၼမ်ႉၼၼ်ႉပဵၼ်ဢၼ်လီၵိၼ်မႃးဢေႃႈ။
ၵႃႈတီႈၼၼ်ႈထႃႇဝရႃႉၽြႃး၊ႁဵတ်းပၼ်ထုင်းၽိင်ႈတြႃးဝႆႉပုၼ်ႈၶဝ်လႄႈၸၢမ်းတူၺ်းၶဝ်လႄႈဝႃႈ၊- 26“ပေႃးသူ#15:26 “ပေႃးသူ” - ၼႂ်းၵျၢမ်းမူႇၶူႇသျိင်ႇဝႃႈ၊ “ပေႃးမႂ်း” ဢေႃႈ။ တၵ်းထွမ်ႇဢဝ်ၵႂၢမ်းထႃႇဝရႃႉၽြႃး၊ၽြႃးပဵၼ်ၸဝ်ႈသူၸေးၸေးၸွတ်ႇၸွတ်ႇလႄႈႁဵတ်းၸွမ်းၵႃႈဢၼ်ၵဝ်မၢတ်ႈပဵၼ်ဢၼ်သိုဝ်ႈတေႃႇ၊သမ်ႉတၵ်းပႂ်ႉၵမ်ပႂ်ႉၵျၢင်ႉၸွမ်းပိင်းၺၢပ်ႈတြႃးၵဝ်တင်းလၢႆၸိုင်၊ၵဝ်တၵ်းဢမ်ႇဢဝ်တၢင်းၶႆႈတၢင်းပဵၼ်ဢၼ်ၵဝ်ႁႂ်ႈၸပ်းတီႈၵူၼ်းမဵဝ်းဢေးၵျိပ်ႉ၊ၼၼ်ႉလႄႈပၼ်တၢမ်ႇတီႈသူသေၸိူဝ်ႉသေပိူင်။ ၵဝ်ပဵၼ်ထႃႇဝရႃႉၽြႃး၊ဢၼ်ႁႂ်ႈတၢင်းၶႆႈတၢင်းပဵၼ်သူၸိုၼ်ႈႁၢႆၼၼ်ႉဢေႃႈ၊” ဝႃႈၼင်ႇၼႆဢေႃႈ။
27လိုၼ်းၼၼ်ႉၶဝ်ႁွတ်ႈၵႂႃႇၵႃႈတီႈဢေးလိမ်း၊ဢေႃႈ။ ၵႃႈတီႈၼၼ်ႈမီးၼမ်ႉပုၼ်းႁူးသိပ်းသွင်မေႃႇဢိၵ်ႇတင်းတူၼ်ႈထၢၼ်ၸဵတ်းသိပ်းတူၼ်ႈလႄႈ၊ၶဝ်ၶျႃးပၢင်ၵႃႈတီႈႁိမ်းဢၼ်မီးၼမ်ႉၸိူဝ်းၼၼ်ႉဢေႃႈ။
Currently Selected:
ဢွၵ်ႇၵႂႃႇ 15: SHNCL
Highlight
Share
Copy
Want to have your highlights saved across all your devices? Sign up or sign in
ဢွၵ်ႇၵႂႃႇ 15
15
မူဝ်းသေႇႁဵတ်းၵႂၢမ်းယွင်ႈယေႃး
1မိူဝ်ႈၼၼ်ႉ၊မူဝ်းသေႇ၊ဢိၵ်ႇတင်းၵူၼ်းမဵဝ်းဢိသရေး၊တင်းလၢႆဢွၼ်ၵၼ်ႁဵတ်းၵႂၢမ်းယွင်ႈယေႃးတီႈထႃႇဝရႃႉၽြႃး၊လႄႈဝႃႈၸမ်ႉ၊
“ၵဝ်တၵ်းႁဵတ်းၵႂၢမ်းယွင်ႈယေႃးတီႈထႃႇဝရႃႉၽြႃး၊
ၵွပ်ႈပိူဝ်ႈမၼ်းၸဝ်ႈမႃးပႄႉၼႅင်ႇလူၺ်ႈမုၼ်ယႂ်ႇမုၼ်သုင်၊
မၼ်းၸဝ်ႈႁႂ်ႈမႃႉတင်းၵူၼ်းသိုၵ်းၶီႇမႃႉတင်းသဵင်ႈတင်းလူင်၊ၸူမ်ၼမ်ႉတၢႆၼႂ်းပၢင်ႇလၢႆႇဢေႃႈ။
2 ထႃႇဝရႃႉၽြႃး၊ပဵၼ်ၸဝ်ႈဢဵၼ်ႁႅင်းဢၼ်ႁႄႉၵင်ႈပၼ်ၵဝ်၊ပဵၼ်ၸဝ်ႈဢၼ်ၵႄႇၶျွတ်ႈၵဝ်ဢေႃႈ။
မၼ်းၸဝ်ႈပဵၼ်ၽြႃးပဵၼ်ၸဝ်ႈၵဝ်လႄႈၵဝ်တၵ်းယွင်ႈယေႃးမၼ်းၸဝ်ႈ၊
မၼ်းၸဝ်ႈပဵၼ်ၽြႃး၊ပဵၼ်ၸဝ်ႈပေႃႈၵဝ်လႄႈၵဝ်တၵ်းႁဵတ်းၵႂၢမ်းယွင်ႈယေႃးလွင်ႈဢၼ်မၼ်းၸဝ်ႈယႂ်ႇမျၢတ်ႈၼၼ်ႉဢေႃႈ။
3 ထႃႇဝရႃႉၽြႃး၊ပဵၼ်ႁူဝ်ႁၢၼ်တပ်ႉသိုၵ်းတပ်ႉငႃး၊
ၸိုဝ်ႈသဵင်ႁွင်ႉဝႃႈ၊ထႃႇဝရႃႉၽြႃး၊တီႈၶႃႈဢေႃႈ။
4မၼ်းၸဝ်ႈတဵၵ်းၸူမ်တပ်ႉသိုၵ်းမဵဝ်းဢေးၵျိပ်ႉ၊တင်းလေႃႉမႃႉသိုၵ်းတင်းလၢႆၵႃႈၼႂ်းၼမ်ႉပၢင်ႇလၢႆႇ၊
ၶုၼ်သိုၵ်းႁၢၼ်ဢၼ်ၵတ်ႉၶႅၼ်ႇလႆႈၸူမ်ၼႂ်းပၢင်ႇလၢႆႇလႅင်၊တၢႆယဝ်ႉယဝ်ႉ။
5ပၢင်ႇလၢႆႇလိုၵ်ႉၼၼ်ႉထူမ်ႈလႄႈဢိုၼ်ၶဝ်ပႅတ်ႈ၊
ၶဝ်လႆႈလူင်းထိုင်ပိုၼ်ႉမိူၼ်မၢၵ်ႇႁိၼ်ဢၼ်
ၸူမ်ယဝ်ႉယဝ်ႉ။
6ဢူဝ်း၊ထႃႇဝရႃႉၽြႃး၊မိုဝ်းၶွၼ်ၶႂႃၸဝ်ႈႁႅင်းယႂ်ႇလႄႈမုၼ်ၽုင်းယႂ်ႇၼႃႇလူင်လၢင်၊
မိုဝ်းၶွၼ်ၶႂႃၸဝ်ႈဢဝ်ရၢၼ်ႇသူႇတင်းလၢႆ
ႁၵ်းႁိၵ်းယႃႉလုလႅဝ်တီႈၶႃႈဢေႃႈ။
7တီႈရၢၼ်ႇသူႇဢၼ်ၶတ်းၶဵင်ႇႁႅင်းတႃႉၼၼ်ႉ
ၸဝ်ႈႁဝ်းဢီးလူမ်ႉလူၺ်ႈမုၼ်တၼ်းၶူဝ်း
ဢၼ်ႁိူဝ်ႈႁိူင်း၊
ၸဝ်ႈႁဝ်းပွႆႇတၢင်းၸႂ်မႆႈၶႂ်ႈၸႃႉဢၼ်မိူၼ်ၽႆးမႆႈ
ၶဝ်မိူၼ်ၽႆးမႆႈၽိူင်းယဝ်ႉတီႈၶႃႈဢေႃႈ။
8လူမ်းၶူႈလင်ၸဝ်ႈပဝ်ႇၼမ်ႉၸိူဝ်းၼၼ်ႉ၊
ႁႂ်ႈပဵၼ်ၵွင်ပဵၼ်ႁွၼ်၊ၼမ်ႉဢၼ်လႆယူႇ
ပဵၼ်ၸဵၼ်ပဵၼ်ၸွၼ်၊
ၼမ်ႉဢၼ်လိုၵ်ႉပၢင်ႇလၢႆႇႁႂ်ႈပဵၼ်ၵွၼ်ႈပဵၼ်လွၼ်တီႈၶႃႈဢေႃႈ။
9ရၢၼ်ႇသူႇလၢတ်ႈဝႃႈ၊ ‘ၵဝ်တၵ်းလိုပ်ႈလမ်းၸွမ်းၶဝ်လႄႈတၵ်းၶိုတ်းတၵ်းတၼ်းဢေႃႈ။
ၵဝ်တၵ်းၽႄပႅတ်ႈဢုၵ်ႉၸႃႇၶဝ်လႄႈၵႃႈဢၼ်ၵဝ်ၶႂ်ႈလႆႈၵဝ်တၵ်းႁိမ်ႁူင်ႇဢဝ်၊
ၵဝ်တၵ်းထွတ်ႇလၢပ်ႇလႄႈယႃႉၽဵဝ်ႈပႅတ်ႈၵႃႈဢၼ်ၶဝ်မီးၼၼ်ႉဢိူဝ်း၊’ ဝႃႈၼင်ႇၼႆဢေႃႈ။
10ၵူၺ်းၵႃႈ၊ထႃႇဝရႃႉၽြႃး၊တီႈၶႃႈ၊ၸဝ်ႈႁဝ်းပဝ်ႇလူမ်းသႂ်ႇၶဝ်ငၢႆႈငၢႆႈ၊
ၵူၼ်းမဵဝ်းဢေးၵျိပ်ႉ၊တင်းလၢႆလႆႈၸူမ်ၼမ်ႉတၢႆ၊
တူၵ်းလူင်းမိူၼ်ၼင်ႇၸိုၼ်းၵႃႈၼႂ်းၼမ်ႉၸႅဝ်ႈလႄႈၸူမ်ႁၢႆယဝ်ႉယဝ်ႉ။
11 ထႃႇဝရႃႉၽြႃး၊တီႈၶႃႈ၊ၼႂ်းၽြႃးတင်းလၢႆမီးၽြႃးသူႇလႂ်မိူၼ်ၸဝ်ႈႁဝ်းလႆႈတီႈၶႃႈ။
မီးၽြႃးသူႇလႂ်မိူၼ်ၸဝ်ႈႁဝ်းလႆႈၼႂ်းမုၼ်တၼ်းၶူဝ်းဢၼ်မူတ်းၸၢင်ႇၼၼ်ႉတီႈၶႃႈ။
မီးၽြႃးသူႇလႂ်ထိူၵ်ႈလႆႈၵူဝ်ႁႄၼႂ်းတၢင်းႁဵတ်းဢၼ်မုၼ်ၽုင်းယႂ်ႇလႄႈ
သမ်ႉၸၢင်ႈႁဵတ်းတၢင်းဢၼ်လီဢၢမ်းတင်းလၢႆၼၼ်ႉလႆႈတီႈၶႃႈ။
12ၸဝ်ႈႁဝ်းၵူၺ်းဢဝ်တင်းမိုဝ်းၶွၼ်ၶႂႃ
ယဵတ်ႇယိုၼ်းလႄႈ၊
ရၢၼ်ႇသူႇတင်းလၢႆလႆႈၶၢမ်ႇလိၼ်မိူင်း
ဢိုၼ်ပႅတ်ႈတီႈၶႃႈယဝ်ႉ။
13လူၺ်ႈတၢင်းႁၵ်ႉမႅတ်ႈတႃႇၸဝ်ႈႁဝ်းဢၼ်
တႄႇမၼ်ႈယူႇ၊
ၸဝ်ႈႁဝ်းဢွၼ်သူင်ႇၵူၼ်းမဵဝ်းဢၼ်ၸဝ်ႈႁဝ်းထုတ်ႇၼုၵ်ႈဢဝ်ဝႆႉၼၼ်ႉသေလႄႈ
ဢဝ်တင်းႁႅင်းတၼ်းၶူဝ်းၸဝ်ႈႁဝ်းၸိၼႄတၢင်းၵႂႃႇၸူးတီႈမိူင်းမူတ်းၸၢင်ႇၸဝ်ႈတီႈၶႃႈယဝ်ႉ။
14ၵူၼ်းမဵဝ်းတင်းလၢႆလႆႈငိၼ်းၶၢဝ်ႇငၢဝ်းလႄႈတူၵ်းၸႂ်တီႈၶႃႈဢေႃႈ။
ၵူၼ်းမဵဝ်းၽိလိတ်ႉတိ၊ၶဝ်ထၢၼ်ႈပေႃးမီးၸႂ်ဢၼ်ၵူဝ်လႄႈသၼ်ႇဝႆယူႇယဝ်ႉဢေႃႈ။
15ၶုၼ်လူင်ၵူၼ်းဢေႇတုမ်ႇ၊မီးတၢင်းဢၼ်
ၸႂ်ၵူဝ်ၸႂ်ႁႄ၊
ၵူၼ်းႁႅင်းလူင်မဵဝ်းမေႃႇၽႃႉ၊မီးတၢင်းဢၼ်
ၸႂ်သၼ်ႇၸႂ်ဝႆ၊
ၵူၼ်းမိူင်းမဵဝ်းၶႃႇၼၼိ၊မီးတၢင်းဢၼ်ၸႂ်ၸိူမ်ႈၸႂ်ႁၢႆတီႈၶႃႈဢေႃႈ။
16ၶဝ်ၸိူဝ်းၼၼ်ႉလႆႈထိုင်တီႈဢၼ်ၵူဝ်ႁႄလႄႈတၢင်းဢၼ်တူၵ်းၸႂ်လႂ်တိုၼ်ႇတီႈၶႃႈဢေႃႈ။
ဢူဝ်း၊ထႃႇဝရႃႉၽြႃး။ ၶဝ်လႆႈႁၼ်ႁႅင်းတၼ်းၶူဝ်းၸဝ်ႈႁဝ်းလႄႈ
ၶဝ်ဢွၼ်ၵၼ်ယူႇၼိမ်ၼိမ်မိူၼ်ၸိူဝ်ႉၼင်ႇမၢၵ်ႇႁိၼ်ၼၼ်ႉယူႇ၊
တေႃႇထိုင်ႁွတ်ႈၸူဝ်ႈဢၼ်ၵူၼ်းၸဝ်ႈႁဝ်းၸိူဝ်းၼႆႉဢမ်ႇပႆႇလႆႈပူၼ်ႉၵႂႃႇ၊
တေႃႇထိုင်ႁွတ်ႈၸူဝ်ႈဢၼ်ၵူၼ်းဢၼ်ၸဝ်ႈႁဝ်းပွႆႇလွတ်ႈသေတၢင်းဢၼ်ၶၢမ်ႇပဵၼ်ၶႃႈ၊
ၸိူဝ်းၼၼ်ႉဢမ်ႇပႆႇလႆႈပူၼ်ႉၵႂႃႇၼၼ်ႉ
တီႈၶႃႈဢေႃႈ။
17ၸဝ်ႈႁဝ်းဢဝ်ၶဝ်မႃးတႄႇတင်ႈတႄႇသဝ်းၵႃႈတီႈၼိူဝ်လွႆၸဝ်ႈ၊
တီႈဢၼ်ၸဝ်ႈႁဝ်းၶႃႈထႃႇဝရႃႉၽြႃး၊လိူၵ်ႈဝႆႉႁႂ်ႈပဵၼ်တီႈယူႇတၼ်းသဝ်းၸဝ်ႈ၊
ဢၼ်ဝႃႈ၊ၵျွင်းပိၵ်ႈမၢၼ်ႇၸဝ်ႈဢၼ်တူဝ်ၸဝ်ႈႁဝ်းတႄႇဝႆႉၼၼ်ႉတီႈၶႃႈဢေႃႈ။
18ၸဝ်ႈႁဝ်းၶႃႈထႃႇဝရႃႉၽြႃး၊တၵ်းလႆႈ
ဢုပ်ႉပိူင်ႇၸၢမ်ႇၸႃး၊
ၵူႈၵၢပ်ႈၵႃႇလႃႉတႃႇသေႇဢမ်ႇထၢတ်ႇဢေႃႈ၊”
ဝႃႈၼင်ႇၼႆဢေႃႈ။
မေႇရီႇယမ်ႇပရေႃးၽႅတ်ႈမႄႈယိင်းႁဵတ်းၵႂၢမ်းယွင်ႈယေႃး
19ၼႂ်းမိူဝ်ႈဢၼ်လေႃႉမႃႉသိုၵ်းၶုၼ်ႁေႃၶမ်းၸိူဝ်းၼၼ်ႉပႃးၸဵမ်မႃႉလႄႈၵူၼ်းႁေႃႈလေႃႉမႃႉသိုၵ်းမၼ်းတင်းလၢႆ၊ၶဝ်ႈၵႂႃႇၵႃႈၼႂ်းပၢင်ႇလၢႆႇယူႇၼၼ်ႉၸိုင်၊ထႃႇဝရႃႉၽြႃး၊ႁႂ်ႈၼမ်ႉပၢင်ႇလၢႆႇလုပ်ႇၶိုၼ်းလႄႈထူမ်ႈၶဝ်ပႅတ်ႈတင်းမူတ်းဢေႃႈ။ ၵူၼ်းမဵဝ်းဢိသရေး၊တင်းလၢႆၸမ်ႉ၊လႆႈပႆၽႃႇလတ်းပၢင်ႇလၢႆႇၵႂႃႇၵႃႈၼိူဝ်လိၼ်ႁႅင်ႈဢေႃႈ။
20မိူဝ်ႈၼၼ်ႉ၊မေႇရီႇယမ်ႇ၊ပရေႃးၽႅတ်ႈမႄႈယိင်း#15:20 “ပရေႃးၽႅတ်ႈမႄႈယိင်း” - မႄႈယိင်းဢၼ်ႁေႃးလၢတ်ႈလွင်ႈၵႂၢမ်းၽြႃးပဵၼ်ၸဝ်ႈဢၼ်တၵ်းပဵၼ်မႃးတေႃႈလဵဝ်လႄႈဝၼ်းမိူဝ်းၼႃႈဢၼ်ပဵၼ်ပီႈၼၢင်းဢႃႇရုၼ်ႇ၊ၼၼ်ႉဢဝ်ၵွင်ဢွၼ်ႇယိပ်းၼႂ်းမိုဝ်းမၼ်းလႄႈ၊မႄႈယိင်းတင်းသဵင်ႈတင်းလူင်ၵေႃႈႁႆႇၵွင်ဢွၼ်ႇၶဝ်ၵႃႈၸွမ်းမၼ်းၵႂႃႇဢေႃႈ။- 21မေႇရီႇယမ်ႇ၊ၸင်ႇႁဵတ်းၵႂၢမ်းႁႂ်ႈၶဝ်ထွမ်ႇလႄႈဝႃႈ၊
“ပိူဝ်ႈဢၼ်ထႃႇဝရႃႉၽြႃး၊ပႄႉၼႅင်ႇလူၺ်ႈမုၼ်ဢၼ်ယႂ်ႇဢၼ်သုင်လႄႈ
ဢွၼ်ၵၼ်ႁဵတ်းၵႂၢမ်းတီႈထႃႇဝရႃႉၽြႃး၊တႃႉ။
ၸႃႉၸဵမ်မႃႉလႄႈၵူၼ်းသိုၵ်းၶီႇမႃႉၸိူဝ်းၼၼ်ႉမၼ်းၸဝ်ႈတဵၵ်းၸူမ်ၵႃႈၼႂ်းၼမ်ႉ
ပၢင်ႇလၢႆႇပႅတ်ႈ၊
တင်းမူတ်းယဝ်ႉတီႈၶႃႈယဝ်ႉ၊” ဝႃႈၼင်ႇၼႆဢေႃႈ။
လွင်ႈၼမ်ႉၶူမ်
22လိုၼ်းၼၼ်ႉ၊မူဝ်းသေႇ၊ဢွၼ်ၵူၼ်းမဵဝ်းဢိသရေး၊ၸိူဝ်းၼၼ်ႉဢွၵ်ႇသေၵႃႈတီႈပၢင်ႇလၢႆႇလႅင်၊လႄႈပႆၶဝ်ႈၵႂႃႇၵႃႈၼႂ်းထိူၼ်ႇလႅင်ႉသုရႃႉ၊ဢေႃႈ။ ၶဝ်ၽႃႇလတ်းၵႂႃႇၵႃႈၼႂ်းထိူၼ်ႇလႅင်ႉၼၼ်ႉၶၢဝ်းတၢင်းသၢမ်ဝၼ်းလႄႈဢမ်ႇထူပ်းဢမ်ႇႁၼ်ၼမ်ႉလႃးလႃးဢေႃႈ။- 23ၵမ်းၼၼ်ႉ ၶဝ်ႁွတ်ႈၵႂႃႇတီႈဢၼ်ႁွင်ႉဝႃႈ၊မႃႇရႃႉ၊#15:23 “မႃႇရႃႉ” - ၵႂၢမ်းႁေႇပြႄးပွင်ႇဝႃႈ၊ “ၶူမ်” ဢေႃႈ။ ၼၼ်ႉဢေႃႈ။ ၼမ်ႉၵႃႈတီႈမႃႇရႃႉ၊ၼၼ်ႉၶူမ်ၼႃႇလႄႈၶဝ်ဢမ်ႇၵိၼ်လႆႈ။ ပိူဝ်ႈၼႆလႄႈၶဝ်ႁွင်ႉတီႈၼၼ်ႈဝႃႈ၊မႃႇရႃႉ၊ဢေႃႈ။- 24ၵူၼ်းတင်းလၢႆဢွၼ်ၵၼ်ပွင်ႉၶၢင်းတၢင်ႇဢပျတ်ႈတီႈမူဝ်းသေႇ၊လႄႈဝႃႈ၊ “ႁဝ်းတၵ်းလႆႈၵိၼ်ၼမ်ႉဢီႈသင်၊” ဝႃႈၼင်ႇၼႆဢေႃႈ။- 25မူဝ်းသေႇ၊ၵေႃႈပႃးၸႂ်ပႃးၶေႃးလဝ်ႈယွၼ်းတီႈထႃႇဝရႃႉၽြႃး၊လႄႈ၊ထႃႇဝရႃႉၽြႃး၊ၼႄပျႃးမၼ်းတူၼ်ႈမႆႉတူၼ်ႈၼိုင်ႈလႄႈ၊မၼ်းဢဝ်ၵႂႃႇထိမ်ႈသႂ်ႇၵႃႈၼႂ်းၼမ်ႉၼၼ်ႉဢေႃႈ။ ၼမ်ႉၼၼ်ႉပဵၼ်ဢၼ်လီၵိၼ်မႃးဢေႃႈ။
ၵႃႈတီႈၼၼ်ႈထႃႇဝရႃႉၽြႃး၊ႁဵတ်းပၼ်ထုင်းၽိင်ႈတြႃးဝႆႉပုၼ်ႈၶဝ်လႄႈၸၢမ်းတူၺ်းၶဝ်လႄႈဝႃႈ၊- 26“ပေႃးသူ#15:26 “ပေႃးသူ” - ၼႂ်းၵျၢမ်းမူႇၶူႇသျိင်ႇဝႃႈ၊ “ပေႃးမႂ်း” ဢေႃႈ။ တၵ်းထွမ်ႇဢဝ်ၵႂၢမ်းထႃႇဝရႃႉၽြႃး၊ၽြႃးပဵၼ်ၸဝ်ႈသူၸေးၸေးၸွတ်ႇၸွတ်ႇလႄႈႁဵတ်းၸွမ်းၵႃႈဢၼ်ၵဝ်မၢတ်ႈပဵၼ်ဢၼ်သိုဝ်ႈတေႃႇ၊သမ်ႉတၵ်းပႂ်ႉၵမ်ပႂ်ႉၵျၢင်ႉၸွမ်းပိင်းၺၢပ်ႈတြႃးၵဝ်တင်းလၢႆၸိုင်၊ၵဝ်တၵ်းဢမ်ႇဢဝ်တၢင်းၶႆႈတၢင်းပဵၼ်ဢၼ်ၵဝ်ႁႂ်ႈၸပ်းတီႈၵူၼ်းမဵဝ်းဢေးၵျိပ်ႉ၊ၼၼ်ႉလႄႈပၼ်တၢမ်ႇတီႈသူသေၸိူဝ်ႉသေပိူင်။ ၵဝ်ပဵၼ်ထႃႇဝရႃႉၽြႃး၊ဢၼ်ႁႂ်ႈတၢင်းၶႆႈတၢင်းပဵၼ်သူၸိုၼ်ႈႁၢႆၼၼ်ႉဢေႃႈ၊” ဝႃႈၼင်ႇၼႆဢေႃႈ။
27လိုၼ်းၼၼ်ႉၶဝ်ႁွတ်ႈၵႂႃႇၵႃႈတီႈဢေးလိမ်း၊ဢေႃႈ။ ၵႃႈတီႈၼၼ်ႈမီးၼမ်ႉပုၼ်းႁူးသိပ်းသွင်မေႃႇဢိၵ်ႇတင်းတူၼ်ႈထၢၼ်ၸဵတ်းသိပ်းတူၼ်ႈလႄႈ၊ၶဝ်ၶျႃးပၢင်ၵႃႈတီႈႁိမ်းဢၼ်မီးၼမ်ႉၸိူဝ်းၼၼ်ႉဢေႃႈ။
Currently Selected:
:
Highlight
Share
Copy
Want to have your highlights saved across all your devices? Sign up or sign in