Abdias 1
1
1 So ayeke ye so Abdias abaa na ya ti mbeni ye tongana bango-li. Tënë so Kota Gbia NZAPA atene na ndö ti azo ti mara ti Edom laa.
Fade ye kue ayeke buba na Edom
*KOTA GBIA atokua mbeni zo
na popo ti amara nde,
e ma zo ti tokua ni atene:
“Ala londo, e gue, e ti na ndö ti gbata ni!
E tiri bira!”
2KOTA GBIA atene:
“Edom, fade mbi yeke sara titene mo ga kete
na popo ti amara.
Azo kue ayeke baa mo tongana mbumbuse ye.
3Baba ti mo so mo yeke sara mingi so
ahanda ala awe!
Mo yeke lango na popo ti akota têne,
mo sara ndo ti lango ti mo na ndo
so ayeke na nduzu
si mo yeke tene na be ti mo, mo tene:
‘Zo wa laa alingbi ti mu mbi ti bi mbi na sese, zo wa?’
4Ataa mo huru na nduzu tongana *ngoalo,
ataa mo sara da ti mo kâ na popo ti atongoro,
fade mbi yeke mu mo kâ ti bi mo na sese”;
so tënë ti yanga ti KOTA GBIA laa.
5Tongana azo ti nzi asi na ndo ti mo,
wala azo so ayeke gbu ye ti azo na ngangu asi
na ndo ti mo na bi,
fade ala yeke zia mo kpoo?
Ala yeke mu aye alingbi na ala pepe?
Tongana azo ti fango ale ti *vinye asi na ndo ti mo,
fade ala yeke zia tanga ti ale ti vinye ni?
6Biani, azo agi ya ti da ti Ezau kue awe!
Mosoro ti lo so lo honde ni so,
azo awara ni si ala sigigi na ni awe!
7Azo so kue mo na ala aga *ambuki so,
ala tumba mo na ya ti kodro ti mo.
Azo so mo na ala aye tere mingi so,
ala handa mo si ala hon ndö ti mo.
Azo so ayeke te lani kobe ti mo so,
ala zia kuku na lege ti mo ti gbu na mo.
Azo ni ayeke tene: “Lo hinga ndo pepe!”
8So tënë ti yanga ti KOTA GBIA laa:
Biani, na lango ni so,
fade mbi yeke zi azo ti ndara na kodro ti Edom;
mbi yeke zi hingango ndo na ndö ti hoto ti Ezau.
9Ti mo, gbata ti Teman,
fade mbeto ayeke hon ndö ti angangu turugu ti mo.
Nilaa fade a yeke fâ akoli kue
ti ndö ti hoto ti Ezau.
Azo ti Edom awara ngia ndali ti pasi ti azo ti Israel
10“Ala azo ti Edom, ndali ti ngangu
so ala sara ando na a-ita ti ala *ahale ti Jacob,
fade kamene ayeke gbu le ti ala
si ti ala ayeke hunzi biani biani.
11Na lango so awato agbu aturugu ti a-ita ti ala
ti hon na ala, ala yeke lani daa.
So lani awande ali na ya ti gbata ti Jérusalem
si ala bi mbeni ye ti baa lege so
ala lingbi ti kangbi ya ti amosoro ti gbata ni,
ala azo ti Edom nga, ala sara ye tongana ti azo ni.
12Na lango so aye ti ngangu asi na a-ita ti mo,
azo ti Juda,
mo Edom, tere ti mo alingbi fade ti nzere pepe.
Na lango so a yeke buba kodro ti Juda,
mo lingbi fade ti duti na ngia pepe.
Na lango so ye ti mawa asi na ala,
mo lingbi fade ti zonga ala pepe.
13Na lango so aye ti azo ti mbi abuba,
mo lingbi fade ti li na ya ti gbata ti ala pepe.
Na lango so aye ti azo ti mbi abuba
si ye ti vundu asi na ala,
taa ti mo ni, tere ti mo alingbi fade ti nzere pepe.
Na lango so aye ti azo ti mbi abuba,
mo lingbi fade ti ndu mosoro ti ala pepe.
14Mo lingbi fade ti luti na asangbi-lege pepe
titene mo fâ azo so ayeke kpe so.
Na lango ti ye ti mawa,
tanga ti azo so akpe si angba na fini so,
mo lingbi fade ti ka ala na awato pepe.
15Biani, lango ni aga nduru awe,
lango so *KOTA GBIA ayeke fâ ngbanga
na li ti amara kue.
Ye so mo sara na azo,
gi ni laa a yeke sara ande na mo.
Fade asioni sarango ye ti mo ayeke kiri na li ti mo wani.”
Azo ti Israel akiri ahon ndö ti azo ti Edom
16“Lani ala, azo ti Israel,
ala nyon kopo ti ngonzo ti mbi na ndö ti hoto ti mbi
so ayeke nde si ayeke nzoni kue;
legeoko nga, fade amara nde ayeke nyon ni,
ala wu tere ti ala pepe.
Ala yeke nyon ngbii, ala sule si ala ga
tongana azo so a du fade ala pepe.
17Me azo so akpe si angba na fini,
fade ala ayeke honde tere ti ala
na ndö ti hoto ti *Sion;
hoto ni ayeke kiri ti ga ndo so ayeke nde
si ayeke nzoni kue.
Fade *ahale ti Jacob ayeke kiri ti mu sese ti ala
na maboko ti azo so amu ni lani so.
18Fade ahale ti Jacob ayeke ga tongana wâ
si ahale ti Joseph ayeke ga tongana menga ti wâ.
Me ahale ti Ezau ayeke ga
tongana holengo pere so a zia wâ daa si agbi kue.
Fade mbeni zo oko ti mara ti Ezau
ayeke ngba na fini pepe.”
*KOTA GBIA laa atene tënë so.
19Azo ti Juda so ayeke lango na mbage ti Mbongo ayeke mu hoto ti Ezau. Ala so ayeke lango na *Kodro-ti-gbeni ayeke mu sese ti Filistii, sese ti Samarii, sese ti Efraim. Azo ti Benjamin ayeke mu ti ala sese ti Galaad.
20Azo ti Israel so a gbu ala na ngbaa ayeke ga tongana gba ti aturugu si ayeke mu sese so alondo na Kanaan ague ngbii asi na Sarepta. Azo ti Jérusalem so a gbu ala na ngbaa si a gue na ala na Sefarad ayeke mu agbata so ayeke na mbage ti Mbongo. 21Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau.
Fade lengo-gbia ayeke ti KOTA GBIA!
Currently Selected:
Abdias 1: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Abdias 1
1
1 So ayeke ye so Abdias abaa na ya ti mbeni ye tongana bango-li. Tënë so Kota Gbia NZAPA atene na ndö ti azo ti mara ti Edom laa.
Fade ye kue ayeke buba na Edom
*KOTA GBIA atokua mbeni zo
na popo ti amara nde,
e ma zo ti tokua ni atene:
“Ala londo, e gue, e ti na ndö ti gbata ni!
E tiri bira!”
2KOTA GBIA atene:
“Edom, fade mbi yeke sara titene mo ga kete
na popo ti amara.
Azo kue ayeke baa mo tongana mbumbuse ye.
3Baba ti mo so mo yeke sara mingi so
ahanda ala awe!
Mo yeke lango na popo ti akota têne,
mo sara ndo ti lango ti mo na ndo
so ayeke na nduzu
si mo yeke tene na be ti mo, mo tene:
‘Zo wa laa alingbi ti mu mbi ti bi mbi na sese, zo wa?’
4Ataa mo huru na nduzu tongana *ngoalo,
ataa mo sara da ti mo kâ na popo ti atongoro,
fade mbi yeke mu mo kâ ti bi mo na sese”;
so tënë ti yanga ti KOTA GBIA laa.
5Tongana azo ti nzi asi na ndo ti mo,
wala azo so ayeke gbu ye ti azo na ngangu asi
na ndo ti mo na bi,
fade ala yeke zia mo kpoo?
Ala yeke mu aye alingbi na ala pepe?
Tongana azo ti fango ale ti *vinye asi na ndo ti mo,
fade ala yeke zia tanga ti ale ti vinye ni?
6Biani, azo agi ya ti da ti Ezau kue awe!
Mosoro ti lo so lo honde ni so,
azo awara ni si ala sigigi na ni awe!
7Azo so kue mo na ala aga *ambuki so,
ala tumba mo na ya ti kodro ti mo.
Azo so mo na ala aye tere mingi so,
ala handa mo si ala hon ndö ti mo.
Azo so ayeke te lani kobe ti mo so,
ala zia kuku na lege ti mo ti gbu na mo.
Azo ni ayeke tene: “Lo hinga ndo pepe!”
8So tënë ti yanga ti KOTA GBIA laa:
Biani, na lango ni so,
fade mbi yeke zi azo ti ndara na kodro ti Edom;
mbi yeke zi hingango ndo na ndö ti hoto ti Ezau.
9Ti mo, gbata ti Teman,
fade mbeto ayeke hon ndö ti angangu turugu ti mo.
Nilaa fade a yeke fâ akoli kue
ti ndö ti hoto ti Ezau.
Azo ti Edom awara ngia ndali ti pasi ti azo ti Israel
10“Ala azo ti Edom, ndali ti ngangu
so ala sara ando na a-ita ti ala *ahale ti Jacob,
fade kamene ayeke gbu le ti ala
si ti ala ayeke hunzi biani biani.
11Na lango so awato agbu aturugu ti a-ita ti ala
ti hon na ala, ala yeke lani daa.
So lani awande ali na ya ti gbata ti Jérusalem
si ala bi mbeni ye ti baa lege so
ala lingbi ti kangbi ya ti amosoro ti gbata ni,
ala azo ti Edom nga, ala sara ye tongana ti azo ni.
12Na lango so aye ti ngangu asi na a-ita ti mo,
azo ti Juda,
mo Edom, tere ti mo alingbi fade ti nzere pepe.
Na lango so a yeke buba kodro ti Juda,
mo lingbi fade ti duti na ngia pepe.
Na lango so ye ti mawa asi na ala,
mo lingbi fade ti zonga ala pepe.
13Na lango so aye ti azo ti mbi abuba,
mo lingbi fade ti li na ya ti gbata ti ala pepe.
Na lango so aye ti azo ti mbi abuba
si ye ti vundu asi na ala,
taa ti mo ni, tere ti mo alingbi fade ti nzere pepe.
Na lango so aye ti azo ti mbi abuba,
mo lingbi fade ti ndu mosoro ti ala pepe.
14Mo lingbi fade ti luti na asangbi-lege pepe
titene mo fâ azo so ayeke kpe so.
Na lango ti ye ti mawa,
tanga ti azo so akpe si angba na fini so,
mo lingbi fade ti ka ala na awato pepe.
15Biani, lango ni aga nduru awe,
lango so *KOTA GBIA ayeke fâ ngbanga
na li ti amara kue.
Ye so mo sara na azo,
gi ni laa a yeke sara ande na mo.
Fade asioni sarango ye ti mo ayeke kiri na li ti mo wani.”
Azo ti Israel akiri ahon ndö ti azo ti Edom
16“Lani ala, azo ti Israel,
ala nyon kopo ti ngonzo ti mbi na ndö ti hoto ti mbi
so ayeke nde si ayeke nzoni kue;
legeoko nga, fade amara nde ayeke nyon ni,
ala wu tere ti ala pepe.
Ala yeke nyon ngbii, ala sule si ala ga
tongana azo so a du fade ala pepe.
17Me azo so akpe si angba na fini,
fade ala ayeke honde tere ti ala
na ndö ti hoto ti *Sion;
hoto ni ayeke kiri ti ga ndo so ayeke nde
si ayeke nzoni kue.
Fade *ahale ti Jacob ayeke kiri ti mu sese ti ala
na maboko ti azo so amu ni lani so.
18Fade ahale ti Jacob ayeke ga tongana wâ
si ahale ti Joseph ayeke ga tongana menga ti wâ.
Me ahale ti Ezau ayeke ga
tongana holengo pere so a zia wâ daa si agbi kue.
Fade mbeni zo oko ti mara ti Ezau
ayeke ngba na fini pepe.”
*KOTA GBIA laa atene tënë so.
19Azo ti Juda so ayeke lango na mbage ti Mbongo ayeke mu hoto ti Ezau. Ala so ayeke lango na *Kodro-ti-gbeni ayeke mu sese ti Filistii, sese ti Samarii, sese ti Efraim. Azo ti Benjamin ayeke mu ti ala sese ti Galaad.
20Azo ti Israel so a gbu ala na ngbaa ayeke ga tongana gba ti aturugu si ayeke mu sese so alondo na Kanaan ague ngbii asi na Sarepta. Azo ti Jérusalem so a gbu ala na ngbaa si a gue na ala na Sefarad ayeke mu agbata so ayeke na mbage ti Mbongo. 21Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau.
Fade lengo-gbia ayeke ti KOTA GBIA!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010