Wungo ti azo 22
22
AZO TI ISRAEL ASI NA LANDO TI MOAB
22–36
Gbia Balak airi Balaam
1Azo ti Israel ague, asara bâbâ ti ala na lando ti Moab, na mbage ti ngu ti Jourdain so abaa le na gbata ti Jéricho. 2Balak, molenge ti Sipor abaa ye so kue azo ti Israel asara na azo ti mara ti Amori. 3Mbeto agbu azo ti Moab mingi na dawa ti azo ti Israel, ngbanga ti so ala wu mingi. Kota mbeto ahon ndö ti ala na bango ala. 4Azo ti Moab atene na *akangba ti Madian: “Fadeso, gba ti azo so ayeke ga ti te aye so kue ayeke na tere ti e tongana ti so abagara ayeke te pere ti ngonda kue.” Andaa na ngoi ni so Balak, molenge ti Sipor ayeke gbia ti Moab.
5 Balak atokua azo na Balaam, molenge ti Beor titene lo ga. Balaam ayeke lango na Petor, kodro so a du lo daa; Petor ayeke na tere ti *bale ti Efrate. Tokua ni atene tongaso: “Mbeni mara ti azo asigigi na Ezipte, ala mu ya ti kodro ni kue. Ala laa asara bâbâ ti ala na dawa ti mbi so! 6Mbi gbu gere ti mo, ga, mo deba ala na mbi, ngbanga ti so ngangu ti ala ahon ti mbi. Tongana mo ga, gbaa mbi lingbi ti hon ndö ti ala na bira si mbi tumba ala na ya ti kodro ni. Mbi hinga, mbi tene, zo so mo sara tufa na ndö ti lo, tufa ayeke ga na ndö ti lo; me zo so mo deba lo, deba ayeke ga na ndö ti lo.” 7Azo ti tokua ni, akangba ti Moab na ti Madian ague, amu ambeni ye na maboko ti ala ti futa na zo ti bango nda ti aye ni. Ala gue, asi na ndo ti Balaam si ala tene na lo peko ti tokua ti Balak. 8Balaam atene na ala: “Ala lango na ndo so. Kekereke, fade mbi yeke kiri tënë na ala alingbi na tënë so *KOTA GBIA ayeke tene na mbi.”
Tongaso amakonzi ti sese ti Moab alango na ndo ti Balaam. 9Nzapa asi na Balaam si ahunda lo, atene: “Azo wa laa ayeke na ndo ti mo so?” 10Balaam akiri tënë na lo: “Balak, molenge ti Sipor, gbia ti Moab atokua azo so ti tene na mbi, atene: 11‘Mbeni mara ti azo asigigi na Ezipte, ala mu ya ti kodro ni kue. Tongaso mo ga, mo deba ala na mbi. Gbaa mbi lingbi ti hon ndö ti ala na bira si mbi tumba ala na ya ti kodro ni.’ ” 12Me Nzapa atene na Balaam: “Mo na ala ague pepe! Fade mo yeke deba azo ti mara so pepe, ngbanga ti so mbi sara tufa ma ndö ti ala awe.”
13Na ndaperere, Balaam alondo si lo tene na amakonzi so Balak atokua ala so, atene: “Ala kiri na kodro ti ala, ngbanga ti so KOTA GBIA ake titene mbi na ala e gue.”
14Amakonzi ti sese ti Moab ni alondo, ala kiri na tere ti Balak si ala tene na lo: “Balaam ake titene e na lo, e ga.” 15Balak akiri atokua ambeni makonzi so awu mingi si ala ne ahon ala ti kozoni. 16Ala gue, awara Balaam si ala tene na lo: “Tënë so Balak, molenge ti Sipor atene ayeke so: Mbi gbu gere ti mo, mo ke pepe ti ga na ndo ti mbi! 17Fade mbi yeke mu gba ti aye na mo, ye so kue mo yeke hunda na mbi, mbi yeke sara na mo. Mbi gbu gere ti mo, ga, mo deba azo so na mbi!” 18Me Balaam akiri tënë na awatokua ti Balak, atene: “Ataa Balak amu fade na mbi nginza na lôro asi ya ti yangbo ti lo ti gbia kue, mbi lingbi ti sara ye nde pepe na yanga so KOTA GBIA, Nzapa ti mbi amu. 19Ala nga, ala lango na ndo so; mbi ye ti hinga tënë so KOTA GBIA ayeke kiri ti tene na mbi.” 20Na bi, Nzapa asi na Balaam si atene na lo: “Tongana azo so aga ti iri mo, mo na ala ague. Me mo sara gi ye so mbi yeke tene na mo.” 21Na ndaperere, Balaam alondo, lo leke mama ti lele ti lo si lo na amakonzi ti sese ti Moab ague.
Mama ti lele ti Balaam
22Hongo ti Balaam ni azia ngonzo na be ti Nzapa. Balaam ayeke tambula na ndö ti mama ti lele, azo ti kua ti lo use amu peko ti lo. *Ange ti *KOTA GBIA aga aluti na ndö ti lege ti kanga lege na lo. 23Mama ti lele ni abaa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Mama ti lele ni azia lege si lo fâ na ya ti ayaka ti hon. Balaam apika lo ti kiri lo na ndö ti lege. 24Ange ti KOTA GBIA ague, aluti na ndö ti mbeni lege so akono pepe si ahon na popo ti agbagba use ti yaka ti *vinye. 25Mama ti lele ni abaa ange ni. Lo gue nduru na tere ti gbagba ni si lo pete gere ti Balaam na tere ti gbagba ni. Balaam akiri apika lo. 26Ange ti KOTA GBIA akiri ahon na dawa ti ala, lo gue, lo luti na ndö ti mbeni kete lege; mbeni ndo titene zo ahon mbage na mbage ayeke daa pepe. 27Mama ti lele ni abaa ange ti KOTA GBIA, lo lango na sese na gbe ti Balaam. Ngonzo agbu Balaam si lo pika mama ti lele ni na keke.
28KOTA GBIA asara si mama ti lele ni atene tënë si lo tene na Balaam: “Nyen laa mbi sara na mo si mo pika mbi fani ota so?” 29Balaam akiri tënë na mama ti lele ni, atene: “Mo sara mbana na mbi! Tongana mbeni yongoro zeme ayeke fade na maboko ti mbi, ka mbi fâ mo na ndo so biani!” 30Mama ti lele ni atene na Balaam: “Mbi yeke lele ti mo pepe? Mo yeke tambula na ndö ti mbi lakue pepe? Laoko mbi sara ye tongaso na mo awe?” Balaam atene: “Ên-en!”
31Tongaso KOTA GBIA azi le ti Balaam si lo baa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Balaam akuku akpo li ti lo na sese. 32Ange ti KOTA GBIA atene na lo: “Mo pika mama ti lele ti mo fani ota ngbanga ti nyen? Mbi laa, mbi ga, mbi kanga lege na mo, ngbanga ti so mbi baa so tambula ni ayeke gue na mo ti wara sioni. 33Mama ti lele ni abaa mbi si lo kpe mbi fani ota. Tongana lo kpe mbi fade pepe, ka mbi fâ mo na ndo so biani; me ti lele ni, mbi zia lo na fini.” 34Balaam atene na ange ti KOTA GBIA: “Mbi sara siokpari awe, ngbanga ti so mbi hinga pepe, mbi tene, mo laa mo luti na dawa ti mbi na ndö ti lege so. Fadeso, tongana tënë ti tambula ni anzere na be ti mo pepe, mbi yeke kiri ti mbi na kodro.” 35Me ange ti KOTA GBIA atene na lo: “Ên-en, mo na azo so ague! Me fade mo tene gi tënë so mbi yeke tene na mo.” Tongaso Balaam amu peko ti amakonzi ti Balak si ala gue.
Balaam na Balak awara tere
36So Balak ama a tene, Balaam ayeke na lege ti gango ni, lo gue ti wara lo na lege, na gbata ti Ar so ayeke na sese ti Moab, na katikati ti kodro ti lo, na tere ti ngu ti Arnon. 37Balak ahunda Balaam, atene: “Kozoni, mbi tokua azo ti iri mo ti ga. Ngbanga ti nyen si mo ga hio pepe so? Mo baa mo tene, mbi lingbi ti mu gba ti anzoni ye na mo pepe?” 38Balaam akiri tënë na Balak: “Baa, mbi laa, mbi ga awe so! Fadeso, tënë ti nyen laa mbi lingbi ti tene, nyen? Gi tënë so Nzapa ayeke zia na yanga ti mbi laa mbi yeke tene.” 39Balaam na Balak ague, asi na Kiriat-Husot. 40Balak afâ abagara na ataba ti mu na *sandaga. Lo tokua ambeni nyama ti sandaga ni na Balaam nga na amakonzi so amu peko ti lo.
Balaam asara tufa na ndö ti azo ti Israel
41Na ndaperere, Balak amu Balaam si lo na lo ague na Bamot-Baal. Kâ, zo alingbi ti baa mbeni mbage ti azo ti Israel.
Currently Selected:
Wungo ti azo 22: MNF2010
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique de Centrafrique 2010
Wungo ti azo 22
22
AZO TI ISRAEL ASI NA LANDO TI MOAB
22–36
Gbia Balak airi Balaam
1Azo ti Israel ague, asara bâbâ ti ala na lando ti Moab, na mbage ti ngu ti Jourdain so abaa le na gbata ti Jéricho. 2Balak, molenge ti Sipor abaa ye so kue azo ti Israel asara na azo ti mara ti Amori. 3Mbeto agbu azo ti Moab mingi na dawa ti azo ti Israel, ngbanga ti so ala wu mingi. Kota mbeto ahon ndö ti ala na bango ala. 4Azo ti Moab atene na *akangba ti Madian: “Fadeso, gba ti azo so ayeke ga ti te aye so kue ayeke na tere ti e tongana ti so abagara ayeke te pere ti ngonda kue.” Andaa na ngoi ni so Balak, molenge ti Sipor ayeke gbia ti Moab.
5 Balak atokua azo na Balaam, molenge ti Beor titene lo ga. Balaam ayeke lango na Petor, kodro so a du lo daa; Petor ayeke na tere ti *bale ti Efrate. Tokua ni atene tongaso: “Mbeni mara ti azo asigigi na Ezipte, ala mu ya ti kodro ni kue. Ala laa asara bâbâ ti ala na dawa ti mbi so! 6Mbi gbu gere ti mo, ga, mo deba ala na mbi, ngbanga ti so ngangu ti ala ahon ti mbi. Tongana mo ga, gbaa mbi lingbi ti hon ndö ti ala na bira si mbi tumba ala na ya ti kodro ni. Mbi hinga, mbi tene, zo so mo sara tufa na ndö ti lo, tufa ayeke ga na ndö ti lo; me zo so mo deba lo, deba ayeke ga na ndö ti lo.” 7Azo ti tokua ni, akangba ti Moab na ti Madian ague, amu ambeni ye na maboko ti ala ti futa na zo ti bango nda ti aye ni. Ala gue, asi na ndo ti Balaam si ala tene na lo peko ti tokua ti Balak. 8Balaam atene na ala: “Ala lango na ndo so. Kekereke, fade mbi yeke kiri tënë na ala alingbi na tënë so *KOTA GBIA ayeke tene na mbi.”
Tongaso amakonzi ti sese ti Moab alango na ndo ti Balaam. 9Nzapa asi na Balaam si ahunda lo, atene: “Azo wa laa ayeke na ndo ti mo so?” 10Balaam akiri tënë na lo: “Balak, molenge ti Sipor, gbia ti Moab atokua azo so ti tene na mbi, atene: 11‘Mbeni mara ti azo asigigi na Ezipte, ala mu ya ti kodro ni kue. Tongaso mo ga, mo deba ala na mbi. Gbaa mbi lingbi ti hon ndö ti ala na bira si mbi tumba ala na ya ti kodro ni.’ ” 12Me Nzapa atene na Balaam: “Mo na ala ague pepe! Fade mo yeke deba azo ti mara so pepe, ngbanga ti so mbi sara tufa ma ndö ti ala awe.”
13Na ndaperere, Balaam alondo si lo tene na amakonzi so Balak atokua ala so, atene: “Ala kiri na kodro ti ala, ngbanga ti so KOTA GBIA ake titene mbi na ala e gue.”
14Amakonzi ti sese ti Moab ni alondo, ala kiri na tere ti Balak si ala tene na lo: “Balaam ake titene e na lo, e ga.” 15Balak akiri atokua ambeni makonzi so awu mingi si ala ne ahon ala ti kozoni. 16Ala gue, awara Balaam si ala tene na lo: “Tënë so Balak, molenge ti Sipor atene ayeke so: Mbi gbu gere ti mo, mo ke pepe ti ga na ndo ti mbi! 17Fade mbi yeke mu gba ti aye na mo, ye so kue mo yeke hunda na mbi, mbi yeke sara na mo. Mbi gbu gere ti mo, ga, mo deba azo so na mbi!” 18Me Balaam akiri tënë na awatokua ti Balak, atene: “Ataa Balak amu fade na mbi nginza na lôro asi ya ti yangbo ti lo ti gbia kue, mbi lingbi ti sara ye nde pepe na yanga so KOTA GBIA, Nzapa ti mbi amu. 19Ala nga, ala lango na ndo so; mbi ye ti hinga tënë so KOTA GBIA ayeke kiri ti tene na mbi.” 20Na bi, Nzapa asi na Balaam si atene na lo: “Tongana azo so aga ti iri mo, mo na ala ague. Me mo sara gi ye so mbi yeke tene na mo.” 21Na ndaperere, Balaam alondo, lo leke mama ti lele ti lo si lo na amakonzi ti sese ti Moab ague.
Mama ti lele ti Balaam
22Hongo ti Balaam ni azia ngonzo na be ti Nzapa. Balaam ayeke tambula na ndö ti mama ti lele, azo ti kua ti lo use amu peko ti lo. *Ange ti *KOTA GBIA aga aluti na ndö ti lege ti kanga lege na lo. 23Mama ti lele ni abaa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Mama ti lele ni azia lege si lo fâ na ya ti ayaka ti hon. Balaam apika lo ti kiri lo na ndö ti lege. 24Ange ti KOTA GBIA ague, aluti na ndö ti mbeni lege so akono pepe si ahon na popo ti agbagba use ti yaka ti *vinye. 25Mama ti lele ni abaa ange ni. Lo gue nduru na tere ti gbagba ni si lo pete gere ti Balaam na tere ti gbagba ni. Balaam akiri apika lo. 26Ange ti KOTA GBIA akiri ahon na dawa ti ala, lo gue, lo luti na ndö ti mbeni kete lege; mbeni ndo titene zo ahon mbage na mbage ayeke daa pepe. 27Mama ti lele ni abaa ange ti KOTA GBIA, lo lango na sese na gbe ti Balaam. Ngonzo agbu Balaam si lo pika mama ti lele ni na keke.
28KOTA GBIA asara si mama ti lele ni atene tënë si lo tene na Balaam: “Nyen laa mbi sara na mo si mo pika mbi fani ota so?” 29Balaam akiri tënë na mama ti lele ni, atene: “Mo sara mbana na mbi! Tongana mbeni yongoro zeme ayeke fade na maboko ti mbi, ka mbi fâ mo na ndo so biani!” 30Mama ti lele ni atene na Balaam: “Mbi yeke lele ti mo pepe? Mo yeke tambula na ndö ti mbi lakue pepe? Laoko mbi sara ye tongaso na mo awe?” Balaam atene: “Ên-en!”
31Tongaso KOTA GBIA azi le ti Balaam si lo baa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Balaam akuku akpo li ti lo na sese. 32Ange ti KOTA GBIA atene na lo: “Mo pika mama ti lele ti mo fani ota ngbanga ti nyen? Mbi laa, mbi ga, mbi kanga lege na mo, ngbanga ti so mbi baa so tambula ni ayeke gue na mo ti wara sioni. 33Mama ti lele ni abaa mbi si lo kpe mbi fani ota. Tongana lo kpe mbi fade pepe, ka mbi fâ mo na ndo so biani; me ti lele ni, mbi zia lo na fini.” 34Balaam atene na ange ti KOTA GBIA: “Mbi sara siokpari awe, ngbanga ti so mbi hinga pepe, mbi tene, mo laa mo luti na dawa ti mbi na ndö ti lege so. Fadeso, tongana tënë ti tambula ni anzere na be ti mo pepe, mbi yeke kiri ti mbi na kodro.” 35Me ange ti KOTA GBIA atene na lo: “Ên-en, mo na azo so ague! Me fade mo tene gi tënë so mbi yeke tene na mo.” Tongaso Balaam amu peko ti amakonzi ti Balak si ala gue.
Balaam na Balak awara tere
36So Balak ama a tene, Balaam ayeke na lege ti gango ni, lo gue ti wara lo na lege, na gbata ti Ar so ayeke na sese ti Moab, na katikati ti kodro ti lo, na tere ti ngu ti Arnon. 37Balak ahunda Balaam, atene: “Kozoni, mbi tokua azo ti iri mo ti ga. Ngbanga ti nyen si mo ga hio pepe so? Mo baa mo tene, mbi lingbi ti mu gba ti anzoni ye na mo pepe?” 38Balaam akiri tënë na Balak: “Baa, mbi laa, mbi ga awe so! Fadeso, tënë ti nyen laa mbi lingbi ti tene, nyen? Gi tënë so Nzapa ayeke zia na yanga ti mbi laa mbi yeke tene.” 39Balaam na Balak ague, asi na Kiriat-Husot. 40Balak afâ abagara na ataba ti mu na *sandaga. Lo tokua ambeni nyama ti sandaga ni na Balaam nga na amakonzi so amu peko ti lo.
Balaam asara tufa na ndö ti azo ti Israel
41Na ndaperere, Balak amu Balaam si lo na lo ague na Bamot-Baal. Kâ, zo alingbi ti baa mbeni mbage ti azo ti Israel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique de Centrafrique 2010