Mishe Kete tënë na ndö ti Mbeti ti Mishe
Kete tënë na ndö ti Mbeti ti Mishe
Mishe ayeke wayanga-Nzapa gi na oko ngoi so Ésaïe ayeke nga wayanga-Nzapa. Atënë ti Nzapa so Mishe atene abaa ali-kodro use: Samarii so ayeke li-kodro ti Israel, na Banga nga na Jérusalem so ayeke li-kodro ti Juda, na Mbongo. Na ya ti kodro ni, azo ayeke sara ye pepe na lege ti ndia; nilaa Mishe adekongo na tënë ni na ya ti mbeti ti lo. Mishe akasa nga azo ti li ni, awayango-sandaga, awafango-ngbanga nga na azo ti mosoro so sarango ye ti ala ayeke na legeni pepe. Lo sigigi na nda ti awayanga-Nzapa ti mvene so ayeke tene, ye kue ayeke nzoni, andaa mvene ala yeke tene. Mishe afa so, fade Nzapa ayeke buba agbata ti Samarii na ti Jérusalem. Lo yeke pika azo so ayeke lango na ya ti agbata ni.
Me Mishe atene nga anzoni tënë ndali ti azo ti Nzapa, atënë so ayeke mu ngangu na be ti ala. Mishe atene, fade azo ti Nzapa ayeke kiri na mbage ti lo. Amara kue ayeke hinga atene, lo laa lo yeke Nzapa (4.1-4). Nzapa ayeke tokua mbeni *hale ti David ti le-gbia si siriri ayeke duti na ya ti kodro (5.1-4a).
Mishe ahinga siokpari ti azo ti lo, me lo zia be ti lo kue na ndö ti *KOTA GBIA:
“Fade mo yeke kiri ti baa mawa ti e, mo yeke do asiokpari ti e na gbe ti gere ti mo, mo yeke tuku asioni ti e kue na gbe ti kota ngu-ingo. Mo yeke bata tënë ti yanga ti mo na ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.”
(7.19-20)
Akota ye so ayeke na ya ti mbeti so:
- Fade KOTA GBIA ayeke pika azo ti lo 1–3
- Fade KOTA GBIA ayeke le-gbia si lo yeke soo azo ti lo 4–5
- KOTA GBIA agboto mê ti azo ti Israel; na pekoni, lo mu zendo na ala 6–7
Currently Selected:
Mishe Kete tënë na ndö ti Mbeti ti Mishe: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Mishe Kete tënë na ndö ti Mbeti ti Mishe
Kete tënë na ndö ti Mbeti ti Mishe
Mishe ayeke wayanga-Nzapa gi na oko ngoi so Ésaïe ayeke nga wayanga-Nzapa. Atënë ti Nzapa so Mishe atene abaa ali-kodro use: Samarii so ayeke li-kodro ti Israel, na Banga nga na Jérusalem so ayeke li-kodro ti Juda, na Mbongo. Na ya ti kodro ni, azo ayeke sara ye pepe na lege ti ndia; nilaa Mishe adekongo na tënë ni na ya ti mbeti ti lo. Mishe akasa nga azo ti li ni, awayango-sandaga, awafango-ngbanga nga na azo ti mosoro so sarango ye ti ala ayeke na legeni pepe. Lo sigigi na nda ti awayanga-Nzapa ti mvene so ayeke tene, ye kue ayeke nzoni, andaa mvene ala yeke tene. Mishe afa so, fade Nzapa ayeke buba agbata ti Samarii na ti Jérusalem. Lo yeke pika azo so ayeke lango na ya ti agbata ni.
Me Mishe atene nga anzoni tënë ndali ti azo ti Nzapa, atënë so ayeke mu ngangu na be ti ala. Mishe atene, fade azo ti Nzapa ayeke kiri na mbage ti lo. Amara kue ayeke hinga atene, lo laa lo yeke Nzapa (4.1-4). Nzapa ayeke tokua mbeni *hale ti David ti le-gbia si siriri ayeke duti na ya ti kodro (5.1-4a).
Mishe ahinga siokpari ti azo ti lo, me lo zia be ti lo kue na ndö ti *KOTA GBIA:
“Fade mo yeke kiri ti baa mawa ti e, mo yeke do asiokpari ti e na gbe ti gere ti mo, mo yeke tuku asioni ti e kue na gbe ti kota ngu-ingo. Mo yeke bata tënë ti yanga ti mo na ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.”
(7.19-20)
Akota ye so ayeke na ya ti mbeti so:
- Fade KOTA GBIA ayeke pika azo ti lo 1–3
- Fade KOTA GBIA ayeke le-gbia si lo yeke soo azo ti lo 4–5
- KOTA GBIA agboto mê ti azo ti Israel; na pekoni, lo mu zendo na ala 6–7
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010