Matthieu 1
1
Akotara ti Jésus
(Luc 3.23-38)
1So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.
2Abraham adu Isaac; Isaac adu Jacob; Jacob adu Juda, lo na a-ita ti lo. 3Juda adu Peres na Zera – mama ti ala ayeke Tamar. Peres adu Hesron; Hesron adu Ram; 4Ram adu Aminadab; Aminadab adu Nashon; Nashon adu Salman. 5Salman adu Booz – mama ti Booz ayeke Rahab; Booz adu Obed – mama ti Obed ayeke Ruth; 6Obed adu Yese, Yese adu gbia David.
David na wali ti Urii adu Salomon; 7Salomon adu Roboam; Roboam adu Abia; Abia adu Asaf; 8Asaf adu Yosafat; Yosafat adu Yoram; Yoram adu Ozias; 9Ozias adu Yotam; Yotam adu Akaz; Akaz adu Ezekias; 10Ezekias adu Manase; Manase adu Amon; Amon adu Yosias; 11 Yosias adu Yekonia na a-ita ti lo na ngoi so a gbu azo ti Israel, a gue na ala na sese ti Babilone.
12Na peko ti so a gbu azo ti Israel si a gue na ala na sese ti Babilone, Yekonia adu Shealtiel; Shealtiel adu Zorobabel; 13Zorobabel adu Abihud; Abihud adu Eliakim; Eliakim adu Azor; 14Azor adu Sadok; Sadok adu Akim; Akim adu Eliud; 15Eliud adu Eleazar; Eleazar adu Matan; Matan adu Jacob; 16Jacob adu Joseph, koli ti Marie, mama ti Jésus, lo so a iri lo *Mesii.
17Ti londo na Abraham ngbii asi na David, na lege ti molongo ti dungo ni, azo ayeke baleoko na osio. Ti londo na David ngbii asi na ngoi so a gbu amolenge ti Israel si ague na ala na sese ti Babilone, na lege ti molongo ti dungo ni, azo ayeke baleoko na osio. Ti londo na ngoi so a gbu ala ti gue na ala na kodro wande ngbii asi na Mesii, na lege ti molongo ti dungo ni, azo ayeke baleoko na osio.
Dungo Jésus Christ
(Luc 2.1-7)
18 Lege ti dungo Jésus Christ ayeke tongaso. Mama ti lo Marie ayeke wali so Joseph aye ti mu lo; me kozo titene ala mu tere, Marie amu ngo na lege ti Yingo-Vuru. 19Joseph, koli ti lo ayeke zo ti mbirimbiri, lo ye ti sigigi na tënë ni pepe na le ti azo kue ti zia kamene na le ti wali ti lo. Tongaso, lo gi lege ti kangbi na wali ni na hondengo ni. 20Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru. 21 Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”
22Ye ni kue asi alingbi na tënë so Kota Gbia atene ando na yanga ti wayanga-Nzapa, atene:
23 “Baa, fade maseka-wali
so ade ti hinga koli pepe ayeke mu ngo,
lo yeke du molenge-koli;
fade a yeke di iri ti lo Emmanuel.”
– Nda ti iri so atene: “Nzapa ayeke na e”. –
24So Joseph azingo na lango, lo sara ye so ange ti Kota Gbia atene na lo; lo mu wali ti lo Marie na da ti lo. 25 Me Joseph na Marie aduti koli na wali pepe ngbii asi na ngoi so Marie adu molenge ti lo. Joseph adi iri ti lo Jésus.
Currently Selected:
Matthieu 1: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010