Awayango-sandaga 25
25
Ngu ti wungo tere ndali ti sese
1Na ndö ti hoto ti Sinai, *KOTA GBIA atene na Moïse: 2Tene na azo ti Israel, mo tene:
“Tongana ala si ande na kodro so mbi yeke mu na ala, fade ala yeke zia sese ni awu tere ti lo ndali ti mbeni ngoi. Ala yeke sara so ndali ti mbi KOTA GBIA. 3Na ya ti ngu omene, fade ala yeke lu akobe na yaka ti ala, ala yeke fâ *aguruma ti akeke ti *vinye ti ala si ala yeke fâ ale ti kobe. 4Me na ngu mbarambara ni, ala yeke zia sese awu tere ti lo; so ayeke ngu ti wungo tere ndali ti sese, ngu ti wungo tere ndali ti mbi KOTA GBIA. Fade ala yeke lu ale ti kobe pepe, ala yeke fâ aguruma ti akeke ti vinye ti ala pepe. 5Ale ti kobe so asigigi si akono gi ala wani ngbene ye na ngu so ahon, fade ala yeke fâ ni pepe; akeke ti vinye so a fâ aguruma ni pepe so, ala yeke fâ ale ni pepe. So ayeke ngu ti wungo tere ndali ti sese. 6Me ala lingbi ti te akobe so asigigi ala wani na ya ti ngu ti wungo tere ni so. Ala na angbaa ti ala ti koli na ti wali, azo ti kua ti ala so ayeke futa ala futango nga na awande so aduti na popo ti ala. 7Âdu ti anyama ti ala ti kodro na anyama ti ngonda ti kodro ti ala, fade anyama ni ayeke te aye so asigigi na ya ti sese ni.”
Ngu ti sigingo na gbe ti ngbaa
8“Fade ala yeke diko ngu mbarambara fani mbarambara, so ti tene ngu baleosio na gumbaya. 9Na pekoni, na lango baleoko ti nze mbarambara ni, so ti tene na kota lango ti zingo siokpari na li ti azo, fade ala yeke huru adidi si ala yeke dekongo na ngia na ya ti kodro ni kue. 10Na lege so, ala yeke sara si ngu baleoku ni aga ngu so ayeke nde si ayeke nzoni kue ndali ti Nzapa. Ala yeke fa atene, a zi azo ti kodro ni kue na gbe ti ngbaa awe. Ngu so ayeke duti ngu ti kiringo na nengo ti ala. Zo oko oko ayeke kiri ti mu sese ti lo, zo oko oko ayeke kiri na ya ti kete mara ti lo. 11Ngu baleoku ni ayeke ngu ti kiringo na nengo ti ala: ala yeke lu ale ti kobe pepe, ala yeke fâ ale ti kobe so asigigi gi ala wani pepe, akeke ti vinye so a fâ aguruma ni pepe, ala yeke fâ ale ni pepe. 12Biani, ngu ni ayeke ngu ti kiringo na nengo ti ala; ngu ni ayeke duti ye so ayeke nde si ayeke nzoni kue. Me fade ala yeke te akobe so asigigi ala wani na yaka.
13“Na ngu ti kiringo na nengo ti ala ni, zo oko oko ayeke kiri ti mu sese ti lo. 14Tongana ala ka sese na mba ti ala, wala ala vo sese na maboko ti lo, alingbi ala sara mbana na lo pepe. 15Tongana ala vo sese na maboko ti mba ti ala, wala ala ka sese na lo, fade ala yeke futa ni alingbi na wungo ti ngu so ahon na peko ti ngu ti kiringo na nengo ti ala; ala yeke futa nga ni alingbi na wungo ti ngu so ala fâ na ale ti kobe ti yaka ni. 16Tongana ngu angba mingi, fade ngere ti ye ni ayeke gue nga na nduzu mingi. Tongana ngu ni angba mingi pepe, fade ngere ni ayeke kiri na gbeni. Biani, gi ambeni le ti kobe so zo ni afâ laa lo yeke ka. 17Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala. 18Ala sara ye alingbi na andia ti mbi; ala bata atënë ti ndia ti mbi, ala sara ye alingbi na ni, tongaso fade mbeni ye ti sioni ti sara ala na ya ti kodro so ayeke daa pepe. 19Sese ti kodro ni ayeke du ale ti kobe mingi, ala yeke te kobe, ya ti ala asi, mbeni ye ti sioni ti sara ala ayeke daa pepe.
20“E hinga pepe, fade ala yeke tene na be ti ala: ‘So e yeke lu ale ti kobe pepe so, so e yeke fâ nga ale ti kobe pepe so, fade e yeke te nyen na ngu mbarambara ni?’ 21Fade mbi yeke mu yanga titene tufa ti mbi aga na ndö ti ala na ngu omene ni si sese ayeke du ale ti kobe ndali ti ngu ota. 22Na ngu miombe ni, fade ala yeke lu ale ti kobe; me ala yeke ngba ti te angbene le ti kobe ngbii asi na ngu gumbaya ni. Biani, ala yeke ngba ti te angbene le kobe ni ngbii ti ku na fango ale ti kobe ti ngu gumbaya ni.”
Ndia titene zo akiri avo sese ti lo
23“Fade zo ayeke ka sese biani biani pepe, ngbanga ti so sese ayeke ti mbi KOTA GBIA. Ti ala, fade ala yeke duti tongana awande wala agene na kodro ti mbi. 24Ndani laa, na ya ti kodro so kue mbi yeke mu na ala, fade ala yeke leke ndia so ayeke mu lege na zo ti kiri ti vo sese ti lo.
25“Tongana mbeni mba ti ala aga wayere si lo lingbi ti ka mbeni mbage ti sese ti lo, fade mbeni zo ti sewa ti lo so songo ti ala ayo pepe, lo so a mu na lo lege ti vo sese ni alingbi ti kiri ti vo ni na maboko ti mba ti lo ni senge. 26Tongana wayere ni ayeke na mbeni zo ti sewa ti lo so alingbi ti kiri ti vo sese ni ayeke daa pepe, me lo wara lege ti kiri ti vo sese ni lo wani, 27fade lo yeke diko wungo ti angu so ahon ngbii asi na ngu ti kiringo na nengo ti ala; lo yeke futa ngere ni si sese ni ayeke kiri ti ga ti lo. 28Tongana lo wara ye ti kiri na ni na zo so avo sese ni pepe, fade sese ni ayeke ngba na maboko ti zo so avo ni ngbii asi na ngu ti kiringo na nengo ti ala. Na ngoi ni so laa sese ni ayeke kiri na kozo wani.
29“Tongana zo aka mbeni da ti lango na ya ti gbata so a sara ngangu gbagba na tere ni, a mu lege na zo ni ti kiri ti vo da ni gi na ya ti ngu oko, ti londo na ngoi so lo ka na da ni. 30Na ya ti ngu oko, tongana zo akiri avo da ni pepe, fade da ni ayeke ga ti zo so avo da ni so biani biani, lo na *ahale ti lo. Na ngu ti kiringo na nengo ti ala, azo ti Israel, zo ti vongo da ni ayeke kiri na da ni na kozo wani pepe. 31Me ada so ayeke na ya ti akete kodro so gbagba ti bira ayeke na tere ni pepe, fade a yeke baa ni tongana ayaka ti kodro ni. Zo so aka da ni, a mu lege na lo ti kiri ti vo da ni. Na ngu ti kiringo na nengo ti ala, da ni ayeke kiri na lo.
32“Ti azo ti mara ti Lévi, a mu lege na ala na ngoi kue ti kiri ti vo ada so ayeke na ya ti agbata ti azo ti mara ti Lévi. 33Ataa mbeni zo ti mara ti Lévi laa avo da ni, fade da ni ayeke kiri na kozo wa ni na ngu ti kiringo na nengo ti azo ti Israel. Biani, ada ni ayeke oko ye so azo ti mara ti Lévi ayeke na ni na popo ti azo ti Israel. 34Me ayaka so ayeke na tere ti agbata ti azo ti mara ti Lévi, ala lingbi ti ka ni pepe. Biani, ayeke ye ti ala kpu na kpu.”
Sarango boon na awayere
35 “Tongana mba ti ala aga wayere si lo wara lege ti kiri na yongo ti ala pepe, alingbi ala mu maboko na lo, tongaso si lo ngba ti duti na tere ti ala. Ala sara nga gi mara ti ye so na wande so aduti na popo ti ala, wala na wande so aga ndali ti mbeni kete ngoi. 36Ala hunda na lo ti zia mbeni ye na ndö ti yongo ni ti kiri na ni na ala pepe. Tongaso laa ala yeke fa atene, ala yeke kpe mbeto ti mbi Nzapa ti ala; tongaso si mba ti ala ni angba ti duti na tere ti ala. 37 Tongana ala sara boon ti nginza na lo, alingbi ala hunda na lo ti zia mbeni nginza na ndö ni si lo kiri na ni pepe. Tongana ala mu na lo kobe, alingbi ala hunda na lo zia mbeni kobe na ndö ni si lo kiri na ni pepe. 38Mbi laa mbi yeke KOTA GBIA, Nzapa ti ala; mbi laa mbi mu ala na sese ti Ezipte, mbi sigigi na ala ti mu na ala sese ti Kanaan, tongaso si mbi ga Nzapa ti ala.”
Ndia so amu lege ti vongo azo
39“Tongana mba ti ala aga wayere si lo ye ti ka tere ti lo na ala, alingbi ala mu na lo kua ti ngbaa pepe. 40Fade ala yeke mu lo tongana mbeni zo ti kua so a yeke futa lo futango wala tongana mbeni wande so aga ndali ti mbeni kete ngoi. Mba ti mo ni ayeke sara kua ti mo ngbii asi na ngu ti kiringo na nengo ti ala. 41Na pekoni, lo yeke sigigi na da ti ala, lo na amolenge ti lo; lo yeke kiri na ya ti sewa ti lo, lo yeke kiri ti wara sese ti akotara ti lo. 42Biani, azo ti Israel so mbi mu ala na sese ti Ezipte si mbi sigigi na ala, ala yeke azo ti kua ti mbi: a lingbi ti ka ala tongana ti so a yeke ka angbaa pepe. 43Ala sara ngangu komandema na ndö ti ala pepe. Tongaso laa ala yeke fa atene, ala yeke kpe mbeto ti mbi Nzapa ti ala.
44“Tongana ala ye ti wara angbaa wala azo ti kua ti wali, fade ala yeke vo ala na popo ti amara nde so angoro ala. 45Ala lingbi nga ti vo ala na popo ti amolenge ti agene so aga ti duti na ndo ti ala, wala na popo ti azo ti akete mara ti ala so adu ala na ya ti kodro ti ala, azo ti Israel. Angbaa ni ayeke ga ye ti ala. 46 Gbanda, fade ala yeke zia angbaa ni na amolenge ti ala titene aga ye ti ala nga. Fade ala yeke bata ala tongana angbaa lakue. Me ti a-ita ti ala azo ti Israel, alingbi zo oko na popo ti ala asara ngangu komandema na ndö ti ita ti lo pepe.
47“Mbeni wande so aduti na ndo ti ala wala mbeni wande so aga ndali ti mbeni kete ngoi alingbi ti ga zo ti mosoro. Me mba ti ala, zo ti Israel aga ti lo wayere si lo ye ti ka tere ti lo na mbeni wande ni, wala na mbeni zo ti kete mara ti wande ni. 48Lege ayeke daa titene a kiri a vo zo ti Israel so. Mbeni ita ti lo oko alingbi ti vo lo senge. 49Tongana lo yeke na ita pepe, ita ti babâ ti lo wala molenge ti ita ti babâ ti lo, wala mbeni sewa ti kete mara ti lo alingbi ti kiri ti vo lo senge. Zo ni wani alingbi ti kiri ti vo tere ti lo, tongana lege ayeke daa. 50Tongana ye ni ayeke tongaso, lo na zo so avo lo so ayeke ma tere; ala yeke diko wungo ti ngu so lo sara, ti londo na ngu so lo ka tere ti lo ngbii asi na ngu ti kiringo na nengo ti azo ti Israel. Ngere ti zo ni ayeke lingbi gi na wungo ti angu ni, so ti tene ayeke lingbi na futa so a yeke mu na zo ti kua na ya ti lango oko oko. 51Tongana ngu angba mingi ti si na ngu ti kiringo na nengo ti azo ti Israel, fade lo yeke kiri na kota mbage ti nginza ti peko ti lo na zo so lani a vo lo so. 52Tongana ngu angba mingi pepe ti si na ngu ti kiringo na nengo ti azo ti Israel, fade lo yeke diko wungo ti angu ni si lo yeke kiri na nginza ti peko ti lo alingbi na wungo ti ngu so angba so. 53Ngu na ngu, zo ni alingbi ti ngba na ndo ti zo ti vongo lo tongana zo ti kua. Me zo ti vongo lo ni ayeke sara ngangu komandema na ndö ti lo pepe. 54Tongana a kiri avo zo ni alingbi na mbeni oko lege so a fa so pepe, fade zo ni ayeke sigigi yamba na gbe ti ngbaa, lo na amolenge ti lo na ngu ti kiringo na nengo ti azo ti Israel.”
Mbi laa mbi yeke KOTA GBIA, Nzapa ti ala
55“Biani, azo ti Israel ayeke angbaa ti mbi; ala yeke azo ti kua ti mbi, ngbanga ti so mbi laa mbi mu ala na sese ti Ezipte, mbi sigigi na ala! Mbi laa mbi yeke KOTA GBIA, Nzapa ti ala.
Currently Selected:
Awayango-sandaga 25: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Awayango-sandaga 25
25
Ngu ti wungo tere ndali ti sese
1Na ndö ti hoto ti Sinai, *KOTA GBIA atene na Moïse: 2Tene na azo ti Israel, mo tene:
“Tongana ala si ande na kodro so mbi yeke mu na ala, fade ala yeke zia sese ni awu tere ti lo ndali ti mbeni ngoi. Ala yeke sara so ndali ti mbi KOTA GBIA. 3Na ya ti ngu omene, fade ala yeke lu akobe na yaka ti ala, ala yeke fâ *aguruma ti akeke ti *vinye ti ala si ala yeke fâ ale ti kobe. 4Me na ngu mbarambara ni, ala yeke zia sese awu tere ti lo; so ayeke ngu ti wungo tere ndali ti sese, ngu ti wungo tere ndali ti mbi KOTA GBIA. Fade ala yeke lu ale ti kobe pepe, ala yeke fâ aguruma ti akeke ti vinye ti ala pepe. 5Ale ti kobe so asigigi si akono gi ala wani ngbene ye na ngu so ahon, fade ala yeke fâ ni pepe; akeke ti vinye so a fâ aguruma ni pepe so, ala yeke fâ ale ni pepe. So ayeke ngu ti wungo tere ndali ti sese. 6Me ala lingbi ti te akobe so asigigi ala wani na ya ti ngu ti wungo tere ni so. Ala na angbaa ti ala ti koli na ti wali, azo ti kua ti ala so ayeke futa ala futango nga na awande so aduti na popo ti ala. 7Âdu ti anyama ti ala ti kodro na anyama ti ngonda ti kodro ti ala, fade anyama ni ayeke te aye so asigigi na ya ti sese ni.”
Ngu ti sigingo na gbe ti ngbaa
8“Fade ala yeke diko ngu mbarambara fani mbarambara, so ti tene ngu baleosio na gumbaya. 9Na pekoni, na lango baleoko ti nze mbarambara ni, so ti tene na kota lango ti zingo siokpari na li ti azo, fade ala yeke huru adidi si ala yeke dekongo na ngia na ya ti kodro ni kue. 10Na lege so, ala yeke sara si ngu baleoku ni aga ngu so ayeke nde si ayeke nzoni kue ndali ti Nzapa. Ala yeke fa atene, a zi azo ti kodro ni kue na gbe ti ngbaa awe. Ngu so ayeke duti ngu ti kiringo na nengo ti ala. Zo oko oko ayeke kiri ti mu sese ti lo, zo oko oko ayeke kiri na ya ti kete mara ti lo. 11Ngu baleoku ni ayeke ngu ti kiringo na nengo ti ala: ala yeke lu ale ti kobe pepe, ala yeke fâ ale ti kobe so asigigi gi ala wani pepe, akeke ti vinye so a fâ aguruma ni pepe, ala yeke fâ ale ni pepe. 12Biani, ngu ni ayeke ngu ti kiringo na nengo ti ala; ngu ni ayeke duti ye so ayeke nde si ayeke nzoni kue. Me fade ala yeke te akobe so asigigi ala wani na yaka.
13“Na ngu ti kiringo na nengo ti ala ni, zo oko oko ayeke kiri ti mu sese ti lo. 14Tongana ala ka sese na mba ti ala, wala ala vo sese na maboko ti lo, alingbi ala sara mbana na lo pepe. 15Tongana ala vo sese na maboko ti mba ti ala, wala ala ka sese na lo, fade ala yeke futa ni alingbi na wungo ti ngu so ahon na peko ti ngu ti kiringo na nengo ti ala; ala yeke futa nga ni alingbi na wungo ti ngu so ala fâ na ale ti kobe ti yaka ni. 16Tongana ngu angba mingi, fade ngere ti ye ni ayeke gue nga na nduzu mingi. Tongana ngu ni angba mingi pepe, fade ngere ni ayeke kiri na gbeni. Biani, gi ambeni le ti kobe so zo ni afâ laa lo yeke ka. 17Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala. 18Ala sara ye alingbi na andia ti mbi; ala bata atënë ti ndia ti mbi, ala sara ye alingbi na ni, tongaso fade mbeni ye ti sioni ti sara ala na ya ti kodro so ayeke daa pepe. 19Sese ti kodro ni ayeke du ale ti kobe mingi, ala yeke te kobe, ya ti ala asi, mbeni ye ti sioni ti sara ala ayeke daa pepe.
20“E hinga pepe, fade ala yeke tene na be ti ala: ‘So e yeke lu ale ti kobe pepe so, so e yeke fâ nga ale ti kobe pepe so, fade e yeke te nyen na ngu mbarambara ni?’ 21Fade mbi yeke mu yanga titene tufa ti mbi aga na ndö ti ala na ngu omene ni si sese ayeke du ale ti kobe ndali ti ngu ota. 22Na ngu miombe ni, fade ala yeke lu ale ti kobe; me ala yeke ngba ti te angbene le ti kobe ngbii asi na ngu gumbaya ni. Biani, ala yeke ngba ti te angbene le kobe ni ngbii ti ku na fango ale ti kobe ti ngu gumbaya ni.”
Ndia titene zo akiri avo sese ti lo
23“Fade zo ayeke ka sese biani biani pepe, ngbanga ti so sese ayeke ti mbi KOTA GBIA. Ti ala, fade ala yeke duti tongana awande wala agene na kodro ti mbi. 24Ndani laa, na ya ti kodro so kue mbi yeke mu na ala, fade ala yeke leke ndia so ayeke mu lege na zo ti kiri ti vo sese ti lo.
25“Tongana mbeni mba ti ala aga wayere si lo lingbi ti ka mbeni mbage ti sese ti lo, fade mbeni zo ti sewa ti lo so songo ti ala ayo pepe, lo so a mu na lo lege ti vo sese ni alingbi ti kiri ti vo ni na maboko ti mba ti lo ni senge. 26Tongana wayere ni ayeke na mbeni zo ti sewa ti lo so alingbi ti kiri ti vo sese ni ayeke daa pepe, me lo wara lege ti kiri ti vo sese ni lo wani, 27fade lo yeke diko wungo ti angu so ahon ngbii asi na ngu ti kiringo na nengo ti ala; lo yeke futa ngere ni si sese ni ayeke kiri ti ga ti lo. 28Tongana lo wara ye ti kiri na ni na zo so avo sese ni pepe, fade sese ni ayeke ngba na maboko ti zo so avo ni ngbii asi na ngu ti kiringo na nengo ti ala. Na ngoi ni so laa sese ni ayeke kiri na kozo wani.
29“Tongana zo aka mbeni da ti lango na ya ti gbata so a sara ngangu gbagba na tere ni, a mu lege na zo ni ti kiri ti vo da ni gi na ya ti ngu oko, ti londo na ngoi so lo ka na da ni. 30Na ya ti ngu oko, tongana zo akiri avo da ni pepe, fade da ni ayeke ga ti zo so avo da ni so biani biani, lo na *ahale ti lo. Na ngu ti kiringo na nengo ti ala, azo ti Israel, zo ti vongo da ni ayeke kiri na da ni na kozo wani pepe. 31Me ada so ayeke na ya ti akete kodro so gbagba ti bira ayeke na tere ni pepe, fade a yeke baa ni tongana ayaka ti kodro ni. Zo so aka da ni, a mu lege na lo ti kiri ti vo da ni. Na ngu ti kiringo na nengo ti ala, da ni ayeke kiri na lo.
32“Ti azo ti mara ti Lévi, a mu lege na ala na ngoi kue ti kiri ti vo ada so ayeke na ya ti agbata ti azo ti mara ti Lévi. 33Ataa mbeni zo ti mara ti Lévi laa avo da ni, fade da ni ayeke kiri na kozo wa ni na ngu ti kiringo na nengo ti azo ti Israel. Biani, ada ni ayeke oko ye so azo ti mara ti Lévi ayeke na ni na popo ti azo ti Israel. 34Me ayaka so ayeke na tere ti agbata ti azo ti mara ti Lévi, ala lingbi ti ka ni pepe. Biani, ayeke ye ti ala kpu na kpu.”
Sarango boon na awayere
35 “Tongana mba ti ala aga wayere si lo wara lege ti kiri na yongo ti ala pepe, alingbi ala mu maboko na lo, tongaso si lo ngba ti duti na tere ti ala. Ala sara nga gi mara ti ye so na wande so aduti na popo ti ala, wala na wande so aga ndali ti mbeni kete ngoi. 36Ala hunda na lo ti zia mbeni ye na ndö ti yongo ni ti kiri na ni na ala pepe. Tongaso laa ala yeke fa atene, ala yeke kpe mbeto ti mbi Nzapa ti ala; tongaso si mba ti ala ni angba ti duti na tere ti ala. 37 Tongana ala sara boon ti nginza na lo, alingbi ala hunda na lo ti zia mbeni nginza na ndö ni si lo kiri na ni pepe. Tongana ala mu na lo kobe, alingbi ala hunda na lo zia mbeni kobe na ndö ni si lo kiri na ni pepe. 38Mbi laa mbi yeke KOTA GBIA, Nzapa ti ala; mbi laa mbi mu ala na sese ti Ezipte, mbi sigigi na ala ti mu na ala sese ti Kanaan, tongaso si mbi ga Nzapa ti ala.”
Ndia so amu lege ti vongo azo
39“Tongana mba ti ala aga wayere si lo ye ti ka tere ti lo na ala, alingbi ala mu na lo kua ti ngbaa pepe. 40Fade ala yeke mu lo tongana mbeni zo ti kua so a yeke futa lo futango wala tongana mbeni wande so aga ndali ti mbeni kete ngoi. Mba ti mo ni ayeke sara kua ti mo ngbii asi na ngu ti kiringo na nengo ti ala. 41Na pekoni, lo yeke sigigi na da ti ala, lo na amolenge ti lo; lo yeke kiri na ya ti sewa ti lo, lo yeke kiri ti wara sese ti akotara ti lo. 42Biani, azo ti Israel so mbi mu ala na sese ti Ezipte si mbi sigigi na ala, ala yeke azo ti kua ti mbi: a lingbi ti ka ala tongana ti so a yeke ka angbaa pepe. 43Ala sara ngangu komandema na ndö ti ala pepe. Tongaso laa ala yeke fa atene, ala yeke kpe mbeto ti mbi Nzapa ti ala.
44“Tongana ala ye ti wara angbaa wala azo ti kua ti wali, fade ala yeke vo ala na popo ti amara nde so angoro ala. 45Ala lingbi nga ti vo ala na popo ti amolenge ti agene so aga ti duti na ndo ti ala, wala na popo ti azo ti akete mara ti ala so adu ala na ya ti kodro ti ala, azo ti Israel. Angbaa ni ayeke ga ye ti ala. 46 Gbanda, fade ala yeke zia angbaa ni na amolenge ti ala titene aga ye ti ala nga. Fade ala yeke bata ala tongana angbaa lakue. Me ti a-ita ti ala azo ti Israel, alingbi zo oko na popo ti ala asara ngangu komandema na ndö ti ita ti lo pepe.
47“Mbeni wande so aduti na ndo ti ala wala mbeni wande so aga ndali ti mbeni kete ngoi alingbi ti ga zo ti mosoro. Me mba ti ala, zo ti Israel aga ti lo wayere si lo ye ti ka tere ti lo na mbeni wande ni, wala na mbeni zo ti kete mara ti wande ni. 48Lege ayeke daa titene a kiri a vo zo ti Israel so. Mbeni ita ti lo oko alingbi ti vo lo senge. 49Tongana lo yeke na ita pepe, ita ti babâ ti lo wala molenge ti ita ti babâ ti lo, wala mbeni sewa ti kete mara ti lo alingbi ti kiri ti vo lo senge. Zo ni wani alingbi ti kiri ti vo tere ti lo, tongana lege ayeke daa. 50Tongana ye ni ayeke tongaso, lo na zo so avo lo so ayeke ma tere; ala yeke diko wungo ti ngu so lo sara, ti londo na ngu so lo ka tere ti lo ngbii asi na ngu ti kiringo na nengo ti azo ti Israel. Ngere ti zo ni ayeke lingbi gi na wungo ti angu ni, so ti tene ayeke lingbi na futa so a yeke mu na zo ti kua na ya ti lango oko oko. 51Tongana ngu angba mingi ti si na ngu ti kiringo na nengo ti azo ti Israel, fade lo yeke kiri na kota mbage ti nginza ti peko ti lo na zo so lani a vo lo so. 52Tongana ngu angba mingi pepe ti si na ngu ti kiringo na nengo ti azo ti Israel, fade lo yeke diko wungo ti angu ni si lo yeke kiri na nginza ti peko ti lo alingbi na wungo ti ngu so angba so. 53Ngu na ngu, zo ni alingbi ti ngba na ndo ti zo ti vongo lo tongana zo ti kua. Me zo ti vongo lo ni ayeke sara ngangu komandema na ndö ti lo pepe. 54Tongana a kiri avo zo ni alingbi na mbeni oko lege so a fa so pepe, fade zo ni ayeke sigigi yamba na gbe ti ngbaa, lo na amolenge ti lo na ngu ti kiringo na nengo ti azo ti Israel.”
Mbi laa mbi yeke KOTA GBIA, Nzapa ti ala
55“Biani, azo ti Israel ayeke angbaa ti mbi; ala yeke azo ti kua ti mbi, ngbanga ti so mbi laa mbi mu ala na sese ti Ezipte, mbi sigigi na ala! Mbi laa mbi yeke KOTA GBIA, Nzapa ti ala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010