Awayango-sandaga 21
21
Ndia ndali ti awayango-sandaga
a. Fini ti awayango-sandaga wani
1KOTA GBIA atene na Moïse: Tene na amolenge ti Aaron so ala yeke awayango-sandaga, mo tene:
“Alingbi mbeni wayango-sandaga aga *sioni pepe na lege ti gango nduru na kuâ ti mbeni zo ti sewa ti lo. 2Me lo lingbi ti gue nduru na kuâ ni gi tongana kuâ ni ayeke ti mbeni zo ti ya ti sewa ti lo: mama ti lo, babâ ti lo, molenge ti lo ti koli, molenge ti lo ti wali nga na ita ti lo ti koli. 3Âdu ti ita ti lo ti wali, lo lingbi ti gue nduru na kuâ ni gi tongana ita ti lo ni ade ti mu koli pepe, lo ngba na gbe ti asewa ti lo si lo de ti li na ya ti sewa ti mbeni koli pepe. Tongaso pepe, wayango-sandaga ni alingbi ti ga *sioni ndali ti lo. 4Wayango-sandaga ayeke makonzi na popo ti asewa ti lo; alingbi lo ga *sioni pepe, tongaso pepe, lo yeke bi nengo ti lo na sese.
5 “Tongana awayango-sandaga ayeke na mua, alingbi ala fâ yanga ti kua ti li ti ala angoro ngorongo na ni pepe; ala fâ tere ti kua ti yanga ti ala pepe, ala suru tere ti ala na ka pepe. 6Alingbi ala duti nde ndali ti mbi, Nzapa ti ala; ala sara si iri ti mbi, Nzapa ti ala abuba pepe. Biani, ala laa ayeke ya na mbi asandaga so ayeke kobe ti mbi, KOTA GBIA Nzapa ti ala. Alingbi ala duti nde, ala duti nzoni kue.
7“Alingbi ala mu wali-ndumba pepe, wala wali so mbeni koli nde agi lo, wala wali so koli ti lo ake lo awe. Biani, wayango-sandaga ayeke zo so a zia lo nde ndali ti mbi, Nzapa ti lo. 8Alingbi zo ti Israel oko oko abaa wayango-sandaga tongana zo so ayeke nde si ayeke nzoni kue. Biani, ala laa ayeke ya na mbi kobe so ala, azo ti Israel ayeke ga na ni na mbi, Nzapa ti ala. Fade ala yeke baa awayango-sandaga tongana azo so ayeke nde si ayeke nzoni kue, ngbanga ti so mbi KOTA GBIA, mbi yeke nde si mbi yeke nzoni kue. Mbi laa mbi yeke sara titene ala duti nde si ala duti nzoni kue.
9“Tongana molenge ti wayango-sandaga ti wali abuba nengo ti lo na lege ti sarango ye ti ndumba, andaa lo buba nengo ti babâ ti lo awe: alingbi a gbi lo na wâ.
10“Ti kota wayango-sandaga, lo yeke na li ti awayango-sandaga; a tuku mafuta na li ti lo ti zia lo nde ndali ti mbi na lango so a zia kua ti wayango-sandaga na maboko ti lo si a yu na lo abongo ti awayango-sandaga. Ndani laa, alingbi lo zi ya ti kua ti lo kirikiri pepe wala lo suru bongo na tere ti lo pepe ti fa atene, lo yeke na mua. 11Alingbi lo gue nduru na mbeni kuâ pepe. Alingbi lo ga *sioni pepe, ataa ndali ti kuâ ti babâ ti lo wala ti mama ti lo. 12Ndo so a zia ndali ti mbi, alingbi lo sigigi na ya ni pepe; tongaso pepe, ndo ni ayeke ga *sioni. Biani, a tuku mafuta na li ti lo si a zia lo nde ti sara kua ti mbi. Mbi laa mbi yeke KOTA GBIA.
13“Alingbi lo mu mbeni maseka-wali so ade ti hinga koli pepe ti ga wali ti lo. 14Wali-mua, wala wali so koli ti lo ake lo awe wala wali so abi nengo ti lo na sese na lege ti sarango ye ti ndumba, alingbi kota wayango-sandaga amu lo ti ga wali ti lo pepe; me alingbi lo mu mbeni maseka-wali ti mara ti lo. 15Tongaso si na ya ti sewa ti lo, amolenge ti lo alingbi ti ga *sioni pepe. Biani, mbi laa mbi yeke KOTA GBIA so mbi yeke sara titene lo duti nde si lo duti nzoni kue.”
b. Ye so alingbi ti kanga lege na wayango-sandaga ti sara kua ti lo
16KOTA GBIA atene na Moïse: 17Tene na Aaron, mo tene:
“Na ya ti angoi so ayeke ga, fade mbeni *hale ti mo oko so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe. 18Biani, zo so mbeni mbage ti tere ti lo abuba alingbi ti ya na mbi kobe pepe: waziba, zo so mbeni gere ti lo abuba, zo so mbeni ye kirikiri ayeke na ndö ti le ti lo, wala zo so mbeni mbage ti maboko ti lo wala gere ti lo ayo ahon mbeni, 19zo so mbeni gere ti lo wala maboko ti lo akungbi, 20zo ti kunguruba, zo so ange ngengo, zo so mbeni kobela ayeke so le ti lo, zo so koto-mo-lango ayeke na tere ti lo, zo so dartere ayeke na tere ti lo, wala zo so le ti korobo ti lo abuba. 21Mbeni *hale ti wayango-sandaga Aaron so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe. Ndali ti so mbeni mbage ti tere ti lo abuba, lo lingbi ti ya na mbi kobe ni pepe. 22Lo lingbi ti te kobe so azo aga na ni na mbi na *sandaga so senge, kobe ni so ayeke nde si ayeke nzoni kue ahon atanga ni, ayeke nde si ayeke nzoni kue. 23Me ndali ti so mbeni mbage ti tere ti lo abuba, lo lingbi ti gue nduru na ridoo wala nduru na gbalaka pepe. Ndo so a zia nde ndali ti mbi na aye ti ndo ni kue, alingbi lo sara si aga sioni pepe. Mbi laa mbi yeke KOTA GBIA so mbi yeke sara titene ala duti nde si ala duti nzoni kue.”
24Moïse atene atënë so na Aaron na amolenge ti lo ti koli nga na azo ti Israel kue.
Currently Selected:
Awayango-sandaga 21: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Awayango-sandaga 21
21
Ndia ndali ti awayango-sandaga
a. Fini ti awayango-sandaga wani
1KOTA GBIA atene na Moïse: Tene na amolenge ti Aaron so ala yeke awayango-sandaga, mo tene:
“Alingbi mbeni wayango-sandaga aga *sioni pepe na lege ti gango nduru na kuâ ti mbeni zo ti sewa ti lo. 2Me lo lingbi ti gue nduru na kuâ ni gi tongana kuâ ni ayeke ti mbeni zo ti ya ti sewa ti lo: mama ti lo, babâ ti lo, molenge ti lo ti koli, molenge ti lo ti wali nga na ita ti lo ti koli. 3Âdu ti ita ti lo ti wali, lo lingbi ti gue nduru na kuâ ni gi tongana ita ti lo ni ade ti mu koli pepe, lo ngba na gbe ti asewa ti lo si lo de ti li na ya ti sewa ti mbeni koli pepe. Tongaso pepe, wayango-sandaga ni alingbi ti ga *sioni ndali ti lo. 4Wayango-sandaga ayeke makonzi na popo ti asewa ti lo; alingbi lo ga *sioni pepe, tongaso pepe, lo yeke bi nengo ti lo na sese.
5 “Tongana awayango-sandaga ayeke na mua, alingbi ala fâ yanga ti kua ti li ti ala angoro ngorongo na ni pepe; ala fâ tere ti kua ti yanga ti ala pepe, ala suru tere ti ala na ka pepe. 6Alingbi ala duti nde ndali ti mbi, Nzapa ti ala; ala sara si iri ti mbi, Nzapa ti ala abuba pepe. Biani, ala laa ayeke ya na mbi asandaga so ayeke kobe ti mbi, KOTA GBIA Nzapa ti ala. Alingbi ala duti nde, ala duti nzoni kue.
7“Alingbi ala mu wali-ndumba pepe, wala wali so mbeni koli nde agi lo, wala wali so koli ti lo ake lo awe. Biani, wayango-sandaga ayeke zo so a zia lo nde ndali ti mbi, Nzapa ti lo. 8Alingbi zo ti Israel oko oko abaa wayango-sandaga tongana zo so ayeke nde si ayeke nzoni kue. Biani, ala laa ayeke ya na mbi kobe so ala, azo ti Israel ayeke ga na ni na mbi, Nzapa ti ala. Fade ala yeke baa awayango-sandaga tongana azo so ayeke nde si ayeke nzoni kue, ngbanga ti so mbi KOTA GBIA, mbi yeke nde si mbi yeke nzoni kue. Mbi laa mbi yeke sara titene ala duti nde si ala duti nzoni kue.
9“Tongana molenge ti wayango-sandaga ti wali abuba nengo ti lo na lege ti sarango ye ti ndumba, andaa lo buba nengo ti babâ ti lo awe: alingbi a gbi lo na wâ.
10“Ti kota wayango-sandaga, lo yeke na li ti awayango-sandaga; a tuku mafuta na li ti lo ti zia lo nde ndali ti mbi na lango so a zia kua ti wayango-sandaga na maboko ti lo si a yu na lo abongo ti awayango-sandaga. Ndani laa, alingbi lo zi ya ti kua ti lo kirikiri pepe wala lo suru bongo na tere ti lo pepe ti fa atene, lo yeke na mua. 11Alingbi lo gue nduru na mbeni kuâ pepe. Alingbi lo ga *sioni pepe, ataa ndali ti kuâ ti babâ ti lo wala ti mama ti lo. 12Ndo so a zia ndali ti mbi, alingbi lo sigigi na ya ni pepe; tongaso pepe, ndo ni ayeke ga *sioni. Biani, a tuku mafuta na li ti lo si a zia lo nde ti sara kua ti mbi. Mbi laa mbi yeke KOTA GBIA.
13“Alingbi lo mu mbeni maseka-wali so ade ti hinga koli pepe ti ga wali ti lo. 14Wali-mua, wala wali so koli ti lo ake lo awe wala wali so abi nengo ti lo na sese na lege ti sarango ye ti ndumba, alingbi kota wayango-sandaga amu lo ti ga wali ti lo pepe; me alingbi lo mu mbeni maseka-wali ti mara ti lo. 15Tongaso si na ya ti sewa ti lo, amolenge ti lo alingbi ti ga *sioni pepe. Biani, mbi laa mbi yeke KOTA GBIA so mbi yeke sara titene lo duti nde si lo duti nzoni kue.”
b. Ye so alingbi ti kanga lege na wayango-sandaga ti sara kua ti lo
16KOTA GBIA atene na Moïse: 17Tene na Aaron, mo tene:
“Na ya ti angoi so ayeke ga, fade mbeni *hale ti mo oko so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe. 18Biani, zo so mbeni mbage ti tere ti lo abuba alingbi ti ya na mbi kobe pepe: waziba, zo so mbeni gere ti lo abuba, zo so mbeni ye kirikiri ayeke na ndö ti le ti lo, wala zo so mbeni mbage ti maboko ti lo wala gere ti lo ayo ahon mbeni, 19zo so mbeni gere ti lo wala maboko ti lo akungbi, 20zo ti kunguruba, zo so ange ngengo, zo so mbeni kobela ayeke so le ti lo, zo so koto-mo-lango ayeke na tere ti lo, zo so dartere ayeke na tere ti lo, wala zo so le ti korobo ti lo abuba. 21Mbeni *hale ti wayango-sandaga Aaron so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe. Ndali ti so mbeni mbage ti tere ti lo abuba, lo lingbi ti ya na mbi kobe ni pepe. 22Lo lingbi ti te kobe so azo aga na ni na mbi na *sandaga so senge, kobe ni so ayeke nde si ayeke nzoni kue ahon atanga ni, ayeke nde si ayeke nzoni kue. 23Me ndali ti so mbeni mbage ti tere ti lo abuba, lo lingbi ti gue nduru na ridoo wala nduru na gbalaka pepe. Ndo so a zia nde ndali ti mbi na aye ti ndo ni kue, alingbi lo sara si aga sioni pepe. Mbi laa mbi yeke KOTA GBIA so mbi yeke sara titene ala duti nde si ala duti nzoni kue.”
24Moïse atene atënë so na Aaron na amolenge ti lo ti koli nga na azo ti Israel kue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010