Awayango-sandaga 14
14
Lege ti sara si zo so ayeke na kobela ti poro ti tere aga nzoni
1KOTA GBIA atene na Moïse:
2 “Ndia ndali ti *sukulango sioni ti zo so ayeke na kobela ti poro ti tere ayeke so: na ndembe so a yeke gue na lo na wayango-sandaga, 3wayango-sandaga ni ayeke sigigi na ya ti bâbâ ti gue ti baa tere ti zo ni. Tongana buruma ni akai na tere ti zo ni awe, 4wayango-sandaga ayeke mu yanga titene a ga na andeke use so angba na fini ndali ti zo ni, andeke so tere ti ala ayeke *nzoni; a yeke ga nga na keke ti sedre, bengba bongo so ayeke za zango nga na kete keke ti izope. 5Wayango-sandaga ayeke mu yanga titene a fâ go ti mbeni ndeke ni oko na ndö ti mbeni ta ti sese so ngu ti li ti ngu ayeke daa. 6Wayango-sandaga ayeke mu ndeke so angba na fini so, keke ti sedre ni, bengba bongo so ayeke za zango nga na kete keke ti izope ni, lo yeke yoro aye ni na ya ti mene ti ndeke so fade a fâ go ti lo so. 7Lo yeke fi mene ni fani mbarambara na tere ti zo so aga titene a sukula lo ndali ti kobela ti lo. Lo yeke fa atene, zo ni aga *nzoni awe. Na pekoni, lo yeke zi ndeke so angba na fini so ti huru ti hon na ngonda. 8Zo so aga titene *a sukula asioni ti lo so, fade lo yeke sukula abongo ti lo, lo yeke kio kua ti tere ti lo kue, lo yeke sukula ngu titene lo ga *nzoni. Na pekoni, lo yeke kiri na ya ti bâbâ, me lo yeke li na ya ti da ti lo pepe na ya ti lango mbarambara. 9Na lango mbarambara ni, lo yeke kiri ti kio kua ti tere ti lo kue, kua ti li ti lo, kua ti yanga ti lo nga na kua ti ndö ti le ti lo. Na pekoni, lo yeke sukula abongo ti lo, lo yeke sukula ngu si lo ga *nzoni.
10“Na lango miombe ni, lo yeke mu akete taba use so mbeni mbage ti tere ti ala abuba pepe, kete wali-taba ti ngu oko so mbeni mbage ti tere ti lo abuba pepe, *sandaga ti kilo gumbaya ti farini so a bongbi na mafuta si a gbu ya ni nga na ndambo ti litere ti mafuta. 11Wayango-sandaga so ayeke sukula *sioni ti zo ni, ayeke zia zo ni na aye so kue lo ga na ni na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa. 12Wayango-sandaga ayeke mu mbeni kete taba ni oko, na ndambo ti litere ti mafuta ti ya na sandaga ti lekengo tënë. Wayango-sandaga ayeke ya aye ni na nduzu ti fa atene, lo mu na KOTA GBIA. 13Wayango-sandaga ayeke fâ go ti kete taba ni na ndo so a yeke fâ ka go ti anyama so a yeke mu na sandaga ndali ti siokpari nga na sandaga so a yeke gbi ni kue na wâ; lo yeke fâ go ti nyama ni na ndo so a zia nde. Biani, sandaga ndali ti lekengo tënë na sandaga ndali ti siokpari ayeke ga ti wayango-sandaga; so ayeke ye so ayeke nde si ayeke nzoni kue ahon atanga ni. 14Wayango-sandaga ayeke mu mene ti nyama ni, lo zia na tere ti mê ti zo ni ti mbage ti koli; lo zia nga na ndö ti kota li ti maboko ti zo ni ti mbage ti koli nga na ndö ti kota li ti gere ti lo ti mbage ti koli. 15Wayango-sandaga ayeke mu ndambo ti litere ti mafuta so, lo tuku ni kete na ya ti maboko ti lo ti mbage ti wali; 16lo yeke yoro kozo li ti maboko ti lo ti mbage ti koli na ya ti mafuta so ayeke na ya ti maboko ti lo ti mbage ti wali so si lo yeke fi ni fani mbarambara na dawa ti KOTA GBIA. 17Na pekoni, tanga ti mafuta so angba na ya ti maboko ti wayango-sandaga so, lo yeke zia mbeni na tere ti mê ti zo so aga titene *a sukula asioni ti lo; lo yeke zia nga mbeni na ndö ti kota li ti maboko ti zo ni ti mbage ti koli, nga na ndö ti kota li ti gere ti lo ti mbage ti koli. Lo yeke zia mafuta ni na ndö ti mene so zo ni amu na sandaga ti lekengo tënë so. 18Tanga ti mafuta so angba na ya ti maboko ti wayango-sandaga so, lo yeke kpaka na li ti zo ni. Na pekoni, wayango-sandaga ayeke ya aye ni na dawa ti KOTA GBIA titene lo sukula *sioni ti zo ni. 19Na pekoni, wayango-sandaga ayeke ya sandaga ndali ti zingo siokpari na li ti zo; lo yeke ya sandaga ni na nduzu ti fa atene, Nzapa azi *sioni ti zo ni awe. Na peko ti so, lo yeke fâ go ti nyama so a yeke mu na sandaga so a yeke gbi ni kue na wâ. 20Lo yeke mu sandaga so a yeke gbi ni kue na wâ nga na sandaga ti ale ti kobe na ndö ti gbalaka. Ti hunzi na ni, lo yeke sara aye so kue na tere ti zo ni titene Nzapa asukula *sioni ti lo.”
Sukulango sioni ti zo ti buruma so ayeke wayere
21“Tongana zo ni ayeke wayere si lo lingbi ti wara aye so kue pepe, fade lo yeke mu gi kete taba oko ndali ti *sandaga ti lekengo na tënë. Wayango-sandaga ayeke ya nyama ni na nduzu na KOTA GBIA si lo yeke sara aye so kue na tere ti zo ni titene KOTA GBIA *asukula sioni na tere ti lo. Zo ni ayeke mu nga kilo ota ti farini so a bongbi na mafuta si a gbu ya ni; lo yeke mu nga ndambo ti litere ti mafuta. 22Lo yeke mu nga *akolokoto use wala *ambipa use, alingbi na ngangu ti lo; mbeni oko ni ayeke ti sandaga ndali ti siokpari, mbeni oko ayeke ndali ti sandaga so ayeke gbi ni kue na wâ. 23Na lango miombe ni, lo yeke ga na aye ni na wayango-sandaga na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa. Lo yeke ga na ni titene a sara na matanga ti sukulango na *asioni ti lo. 24Wayango-sandaga ayeke mu kete taba ni nga na ndambo ti litere ti mafuta ni; lo yeke ya ni na nduzu na dawa ti KOTA GBIA. 25Lo yeke fâ go ti kete taba ni. Na pekoni, lo yeke mu mene ni, lo zia na tere ti mê ti zo ni ti mbage ti koli; lo zia na ndö ti kota li ti maboko ti lo ti maboko ti koli nga na ndö ti kota li ti gere ti lo ti mbage ti koli. 26Wayango-sandaga ni ayeke tuku mafuta ni kete na ya ti maboko ti lo ti mbage ti wali. 27Na kozo li ti maboko ti lo ti mbage ti koli, lo yeke mu mafuta ni, lo fi fani mbarambara na dawa ti KOTA GBIA. 28Wayango-sandaga ayeke zia mafuta ni na tere ti mê ti zo ni ti mbage ti koli; lo yeke zia ni na ndö ti kota li ti maboko ti zo ni ti mbage ti koli na ndö ti kota li ti gere ti lo ti mbage ti koli. Lo yeke zia ni na ndo so lo zia fade mene ti kete taba ni daa so. 29Tanga ti mafuta so angba na ya ti maboko ti lo so, lo yeke kpaka ni na li ti zo so aga titene a sukula *sioni ti lo. Na pekoni, wayango-sandaga ayeke ya aye ni na dawa ti KOTA GBIA titene lo sukula *sioni ti zo ni. 30Na peko ti so, wayango-sandaga ayeke mu oko ti akolokoto ni, wala oko ti ambipa ni; gi ye so alingbi na ngangu ti zo ni. 31Lo yeke mu mbeni ndeke ni na sandaga ndali ti siokpari ti zo ni. Na pekoni, lo yeke bongbi use ndeke ni na sandaga ti ale ti kobe si lo yeke mu na sandaga so a yeke gbi ni kue na wâ. Wayango-sandaga ayeke ya aye ni na nduzu na dawa ti KOTA GBIA ti fa atene, lo sukula *asioni ti lo awe.”
32So ayeke ndia ndali ti zo so ayeke na kobela ti poro ti tere, so lo yeke na ngangu pepe ti wara ye so alingbi titene lo mu ndali ti sukulango *asioni ti lo.
Asioni gugu so asigigi na tere ti mbeni da
33KOTA GBIA atene na Moïse na Aaron:
34“Tongana ala si ande na Kanaan, kodro so mbi mu na ala titene aga ti ala, tongana mbi sara si mbeni ye tongana sioni gugu asigigi na tere ti mbeni da ti fini kodro ti ala ni, 35fade wa ti da ni ayeke gue ti fa tënë ni na wayango-sandaga, atene: ‘Mbi baa mbeni ye so akpa sioni gugu asigigi na ya ti da ti mbi.’ 36Fade wayango-sandaga ayeke mu yanga titene a sigigi na akungba ti ya ti da ni kozo si lo li ti baa ya ti da ni. Tongaso si mbeni kungba oko ti ya ti da ni ayeke ga *sioni pepe. Na pekoni, lo yeke li ti baa ya ti da ni. 37Wayango-sandaga ayeke baa ye so asigigi so. Tongana du ayeke na ya ti ye ni si le ni ayeke tongana ngu-ngunza wala abe kete, tongana ye ni akoro du na ya ti dere ti da ni, 38wayango-sandaga ayeke sigigi na ya ti da ni; so lo si na yanga ti da ni, lo yeke kanga yanga ti da ni na ya ti lango mbarambara. 39Na lango mbarambara ni, wayango-sandaga ayeke kiri ti baa ye ni. Tongana ye ni amu tere ti da ni kue, 40lo yeke mu yanga titene a zi atêne ti da ni so ye ni asigigi na tere ni so ti tuku ni yongoro na gbata ni, na mbeni ndo so ayeke *sioni. 41Lo yeke hunda titene a kpaka tere ti da ni, na mbage ti ya ni kue; a yeke gue ti tuku azende ni yongoro na gbata ni, na mbeni ndo so ayeke *sioni. 42Na pekoni, a yeke mu ambeni têne nde ti zia na ndo so lani akozo têne ni ayeke daa; a yeke mu mbeni sese nde, a sara na potopoto ti bo na tere ti da ni.
43“Na peko ti so a zi atêne ti da ni awe, a kpaka tere ti da ni si a kiri a bo tere ni na fini potopoto, tongana ye ni akiri asigigi na tere ti dere ti ya ti da ni, 44wayango-sandaga ayeke kiri ti ga ti baa ye ni. Tongana ye ni akiri amu tere ti da ni kue, andaa sioni gugu laa agbu tere ti da ni biani biani; da ni aga *sioni awe. 45Fade ala yeke kungbi da ni na sese, ala yeke mu atêne ni, akete ni, sese so a bo na tere ti da ni, ala yeke gue na ni yongoro na gbata ni si ala yeke tuku ni na mbeni ndo so ayeke *sioni.
46“Na ngoi so yanga ti da ni angba na kangango ni, zo so ali na ya ni, fade lo yeke ngba *sioni ngbii asi na lakui. 47Zo so alango na ya ti da ni, alingbi lo sukula abongo ti lo; zo so ate kobe na ya ti da ni, alingbi lo sukula abongo ti lo.
48“Me na peko ti so a mu fini potopoto, a bo na tere ti da ni, fade wayango-sandaga ayeke kiri ti baa tere ti da ni. Tongana lo baa so ye so asigigi kozo so amu tere ti da ni kue pepe, lo yeke fa atene, da ni aga *nzoni, ngbanga ti so sioni gugu ni ahon awe.
49“Titene a zi *sioni na tere ti da ni, fade wayango-sandaga ayeke mu andeke use, keke ti sedre, bengba bongo so ayeke za zango nga na kete keke ti *izope. 50Lo yeke fâ go ti mbeni ndeke ni oko na ndö ti mbeni ta ti sese so ngu ti li ti ngu ayeke daa. 51Fade lo yeke mu keke ti sedre ni, kete keke ti izope ni, bengba bongo so ayeke za zango nga na ndeke so angba na fini so, lo yeke yoro aye ni kue na ya ti mene ti ndeke so lo fâ go ti lo so; lo yeke yoro nga ni na ya ti ngu ti li ti ngu ni si lo yeke fi ni fani mbarambara na tere ti da ni. 52Tongaso laa lo yeke zi *sioni na tere ti da ni, na lege ti mene ti ndeke, ti ngu ti li ti ngu, ti ndeke so angba na fini, ti keke ti sedre, ti kete keke ti izope nga na ti bengba bongo so ayeke za zango. 53Lo yeke zi ndeke so angba na fini so ti huru ti hon na ngonda. Na pekoni, lo yeke sara aye so kue na tere ti da ni titene Nzapa asukula *sioni na tere ni. Tongaso da ni ayeke ga *nzoni.”
54So ayeke ndia ndali ti akobela nde nde ti buruma, palata, 55sioni gugu so asigigi na tere ti bongo wala na tere ti da, 56ye so asuku na tere ti zo, dartere nga na ye so asigigi na tere ti zo si le ni ayeke za zango. 57Ndia so ayeke mu lege na zo ti hinga zo so wala ye so ayeke *sioni nga na zo so wala ye so ayeke *nzoni.
Currently Selected:
Awayango-sandaga 14: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Awayango-sandaga 14
14
Lege ti sara si zo so ayeke na kobela ti poro ti tere aga nzoni
1KOTA GBIA atene na Moïse:
2 “Ndia ndali ti *sukulango sioni ti zo so ayeke na kobela ti poro ti tere ayeke so: na ndembe so a yeke gue na lo na wayango-sandaga, 3wayango-sandaga ni ayeke sigigi na ya ti bâbâ ti gue ti baa tere ti zo ni. Tongana buruma ni akai na tere ti zo ni awe, 4wayango-sandaga ayeke mu yanga titene a ga na andeke use so angba na fini ndali ti zo ni, andeke so tere ti ala ayeke *nzoni; a yeke ga nga na keke ti sedre, bengba bongo so ayeke za zango nga na kete keke ti izope. 5Wayango-sandaga ayeke mu yanga titene a fâ go ti mbeni ndeke ni oko na ndö ti mbeni ta ti sese so ngu ti li ti ngu ayeke daa. 6Wayango-sandaga ayeke mu ndeke so angba na fini so, keke ti sedre ni, bengba bongo so ayeke za zango nga na kete keke ti izope ni, lo yeke yoro aye ni na ya ti mene ti ndeke so fade a fâ go ti lo so. 7Lo yeke fi mene ni fani mbarambara na tere ti zo so aga titene a sukula lo ndali ti kobela ti lo. Lo yeke fa atene, zo ni aga *nzoni awe. Na pekoni, lo yeke zi ndeke so angba na fini so ti huru ti hon na ngonda. 8Zo so aga titene *a sukula asioni ti lo so, fade lo yeke sukula abongo ti lo, lo yeke kio kua ti tere ti lo kue, lo yeke sukula ngu titene lo ga *nzoni. Na pekoni, lo yeke kiri na ya ti bâbâ, me lo yeke li na ya ti da ti lo pepe na ya ti lango mbarambara. 9Na lango mbarambara ni, lo yeke kiri ti kio kua ti tere ti lo kue, kua ti li ti lo, kua ti yanga ti lo nga na kua ti ndö ti le ti lo. Na pekoni, lo yeke sukula abongo ti lo, lo yeke sukula ngu si lo ga *nzoni.
10“Na lango miombe ni, lo yeke mu akete taba use so mbeni mbage ti tere ti ala abuba pepe, kete wali-taba ti ngu oko so mbeni mbage ti tere ti lo abuba pepe, *sandaga ti kilo gumbaya ti farini so a bongbi na mafuta si a gbu ya ni nga na ndambo ti litere ti mafuta. 11Wayango-sandaga so ayeke sukula *sioni ti zo ni, ayeke zia zo ni na aye so kue lo ga na ni na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa. 12Wayango-sandaga ayeke mu mbeni kete taba ni oko, na ndambo ti litere ti mafuta ti ya na sandaga ti lekengo tënë. Wayango-sandaga ayeke ya aye ni na nduzu ti fa atene, lo mu na KOTA GBIA. 13Wayango-sandaga ayeke fâ go ti kete taba ni na ndo so a yeke fâ ka go ti anyama so a yeke mu na sandaga ndali ti siokpari nga na sandaga so a yeke gbi ni kue na wâ; lo yeke fâ go ti nyama ni na ndo so a zia nde. Biani, sandaga ndali ti lekengo tënë na sandaga ndali ti siokpari ayeke ga ti wayango-sandaga; so ayeke ye so ayeke nde si ayeke nzoni kue ahon atanga ni. 14Wayango-sandaga ayeke mu mene ti nyama ni, lo zia na tere ti mê ti zo ni ti mbage ti koli; lo zia nga na ndö ti kota li ti maboko ti zo ni ti mbage ti koli nga na ndö ti kota li ti gere ti lo ti mbage ti koli. 15Wayango-sandaga ayeke mu ndambo ti litere ti mafuta so, lo tuku ni kete na ya ti maboko ti lo ti mbage ti wali; 16lo yeke yoro kozo li ti maboko ti lo ti mbage ti koli na ya ti mafuta so ayeke na ya ti maboko ti lo ti mbage ti wali so si lo yeke fi ni fani mbarambara na dawa ti KOTA GBIA. 17Na pekoni, tanga ti mafuta so angba na ya ti maboko ti wayango-sandaga so, lo yeke zia mbeni na tere ti mê ti zo so aga titene *a sukula asioni ti lo; lo yeke zia nga mbeni na ndö ti kota li ti maboko ti zo ni ti mbage ti koli, nga na ndö ti kota li ti gere ti lo ti mbage ti koli. Lo yeke zia mafuta ni na ndö ti mene so zo ni amu na sandaga ti lekengo tënë so. 18Tanga ti mafuta so angba na ya ti maboko ti wayango-sandaga so, lo yeke kpaka na li ti zo ni. Na pekoni, wayango-sandaga ayeke ya aye ni na dawa ti KOTA GBIA titene lo sukula *sioni ti zo ni. 19Na pekoni, wayango-sandaga ayeke ya sandaga ndali ti zingo siokpari na li ti zo; lo yeke ya sandaga ni na nduzu ti fa atene, Nzapa azi *sioni ti zo ni awe. Na peko ti so, lo yeke fâ go ti nyama so a yeke mu na sandaga so a yeke gbi ni kue na wâ. 20Lo yeke mu sandaga so a yeke gbi ni kue na wâ nga na sandaga ti ale ti kobe na ndö ti gbalaka. Ti hunzi na ni, lo yeke sara aye so kue na tere ti zo ni titene Nzapa asukula *sioni ti lo.”
Sukulango sioni ti zo ti buruma so ayeke wayere
21“Tongana zo ni ayeke wayere si lo lingbi ti wara aye so kue pepe, fade lo yeke mu gi kete taba oko ndali ti *sandaga ti lekengo na tënë. Wayango-sandaga ayeke ya nyama ni na nduzu na KOTA GBIA si lo yeke sara aye so kue na tere ti zo ni titene KOTA GBIA *asukula sioni na tere ti lo. Zo ni ayeke mu nga kilo ota ti farini so a bongbi na mafuta si a gbu ya ni; lo yeke mu nga ndambo ti litere ti mafuta. 22Lo yeke mu nga *akolokoto use wala *ambipa use, alingbi na ngangu ti lo; mbeni oko ni ayeke ti sandaga ndali ti siokpari, mbeni oko ayeke ndali ti sandaga so ayeke gbi ni kue na wâ. 23Na lango miombe ni, lo yeke ga na aye ni na wayango-sandaga na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa. Lo yeke ga na ni titene a sara na matanga ti sukulango na *asioni ti lo. 24Wayango-sandaga ayeke mu kete taba ni nga na ndambo ti litere ti mafuta ni; lo yeke ya ni na nduzu na dawa ti KOTA GBIA. 25Lo yeke fâ go ti kete taba ni. Na pekoni, lo yeke mu mene ni, lo zia na tere ti mê ti zo ni ti mbage ti koli; lo zia na ndö ti kota li ti maboko ti lo ti maboko ti koli nga na ndö ti kota li ti gere ti lo ti mbage ti koli. 26Wayango-sandaga ni ayeke tuku mafuta ni kete na ya ti maboko ti lo ti mbage ti wali. 27Na kozo li ti maboko ti lo ti mbage ti koli, lo yeke mu mafuta ni, lo fi fani mbarambara na dawa ti KOTA GBIA. 28Wayango-sandaga ayeke zia mafuta ni na tere ti mê ti zo ni ti mbage ti koli; lo yeke zia ni na ndö ti kota li ti maboko ti zo ni ti mbage ti koli na ndö ti kota li ti gere ti lo ti mbage ti koli. Lo yeke zia ni na ndo so lo zia fade mene ti kete taba ni daa so. 29Tanga ti mafuta so angba na ya ti maboko ti lo so, lo yeke kpaka ni na li ti zo so aga titene a sukula *sioni ti lo. Na pekoni, wayango-sandaga ayeke ya aye ni na dawa ti KOTA GBIA titene lo sukula *sioni ti zo ni. 30Na peko ti so, wayango-sandaga ayeke mu oko ti akolokoto ni, wala oko ti ambipa ni; gi ye so alingbi na ngangu ti zo ni. 31Lo yeke mu mbeni ndeke ni na sandaga ndali ti siokpari ti zo ni. Na pekoni, lo yeke bongbi use ndeke ni na sandaga ti ale ti kobe si lo yeke mu na sandaga so a yeke gbi ni kue na wâ. Wayango-sandaga ayeke ya aye ni na nduzu na dawa ti KOTA GBIA ti fa atene, lo sukula *asioni ti lo awe.”
32So ayeke ndia ndali ti zo so ayeke na kobela ti poro ti tere, so lo yeke na ngangu pepe ti wara ye so alingbi titene lo mu ndali ti sukulango *asioni ti lo.
Asioni gugu so asigigi na tere ti mbeni da
33KOTA GBIA atene na Moïse na Aaron:
34“Tongana ala si ande na Kanaan, kodro so mbi mu na ala titene aga ti ala, tongana mbi sara si mbeni ye tongana sioni gugu asigigi na tere ti mbeni da ti fini kodro ti ala ni, 35fade wa ti da ni ayeke gue ti fa tënë ni na wayango-sandaga, atene: ‘Mbi baa mbeni ye so akpa sioni gugu asigigi na ya ti da ti mbi.’ 36Fade wayango-sandaga ayeke mu yanga titene a sigigi na akungba ti ya ti da ni kozo si lo li ti baa ya ti da ni. Tongaso si mbeni kungba oko ti ya ti da ni ayeke ga *sioni pepe. Na pekoni, lo yeke li ti baa ya ti da ni. 37Wayango-sandaga ayeke baa ye so asigigi so. Tongana du ayeke na ya ti ye ni si le ni ayeke tongana ngu-ngunza wala abe kete, tongana ye ni akoro du na ya ti dere ti da ni, 38wayango-sandaga ayeke sigigi na ya ti da ni; so lo si na yanga ti da ni, lo yeke kanga yanga ti da ni na ya ti lango mbarambara. 39Na lango mbarambara ni, wayango-sandaga ayeke kiri ti baa ye ni. Tongana ye ni amu tere ti da ni kue, 40lo yeke mu yanga titene a zi atêne ti da ni so ye ni asigigi na tere ni so ti tuku ni yongoro na gbata ni, na mbeni ndo so ayeke *sioni. 41Lo yeke hunda titene a kpaka tere ti da ni, na mbage ti ya ni kue; a yeke gue ti tuku azende ni yongoro na gbata ni, na mbeni ndo so ayeke *sioni. 42Na pekoni, a yeke mu ambeni têne nde ti zia na ndo so lani akozo têne ni ayeke daa; a yeke mu mbeni sese nde, a sara na potopoto ti bo na tere ti da ni.
43“Na peko ti so a zi atêne ti da ni awe, a kpaka tere ti da ni si a kiri a bo tere ni na fini potopoto, tongana ye ni akiri asigigi na tere ti dere ti ya ti da ni, 44wayango-sandaga ayeke kiri ti ga ti baa ye ni. Tongana ye ni akiri amu tere ti da ni kue, andaa sioni gugu laa agbu tere ti da ni biani biani; da ni aga *sioni awe. 45Fade ala yeke kungbi da ni na sese, ala yeke mu atêne ni, akete ni, sese so a bo na tere ti da ni, ala yeke gue na ni yongoro na gbata ni si ala yeke tuku ni na mbeni ndo so ayeke *sioni.
46“Na ngoi so yanga ti da ni angba na kangango ni, zo so ali na ya ni, fade lo yeke ngba *sioni ngbii asi na lakui. 47Zo so alango na ya ti da ni, alingbi lo sukula abongo ti lo; zo so ate kobe na ya ti da ni, alingbi lo sukula abongo ti lo.
48“Me na peko ti so a mu fini potopoto, a bo na tere ti da ni, fade wayango-sandaga ayeke kiri ti baa tere ti da ni. Tongana lo baa so ye so asigigi kozo so amu tere ti da ni kue pepe, lo yeke fa atene, da ni aga *nzoni, ngbanga ti so sioni gugu ni ahon awe.
49“Titene a zi *sioni na tere ti da ni, fade wayango-sandaga ayeke mu andeke use, keke ti sedre, bengba bongo so ayeke za zango nga na kete keke ti *izope. 50Lo yeke fâ go ti mbeni ndeke ni oko na ndö ti mbeni ta ti sese so ngu ti li ti ngu ayeke daa. 51Fade lo yeke mu keke ti sedre ni, kete keke ti izope ni, bengba bongo so ayeke za zango nga na ndeke so angba na fini so, lo yeke yoro aye ni kue na ya ti mene ti ndeke so lo fâ go ti lo so; lo yeke yoro nga ni na ya ti ngu ti li ti ngu ni si lo yeke fi ni fani mbarambara na tere ti da ni. 52Tongaso laa lo yeke zi *sioni na tere ti da ni, na lege ti mene ti ndeke, ti ngu ti li ti ngu, ti ndeke so angba na fini, ti keke ti sedre, ti kete keke ti izope nga na ti bengba bongo so ayeke za zango. 53Lo yeke zi ndeke so angba na fini so ti huru ti hon na ngonda. Na pekoni, lo yeke sara aye so kue na tere ti da ni titene Nzapa asukula *sioni na tere ni. Tongaso da ni ayeke ga *nzoni.”
54So ayeke ndia ndali ti akobela nde nde ti buruma, palata, 55sioni gugu so asigigi na tere ti bongo wala na tere ti da, 56ye so asuku na tere ti zo, dartere nga na ye so asigigi na tere ti zo si le ni ayeke za zango. 57Ndia so ayeke mu lege na zo ti hinga zo so wala ye so ayeke *sioni nga na zo so wala ye so ayeke *nzoni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010