Joël 1
1
1So ayeke tënë ti *KOTA GBIA so asi na Joël, molenge ti Petuel.
Agbadola amu ya ti kodro ni kue. Buru ahon ndoni
2Ala *akangba, ala ma tënë so!
Ala azo so alango na Juda, ala zi mê ti ala,
ala ma tënë so si!
Mara ti ye tongaso asi na ngoi ti ala,
wala na ngoi ti akotara ti ala awe?
3Ala azo, ala fa peko ti ye so na amolenge ti ala,
amolenge ti ala afa peko ni na amolenge ti ala
si amolenge ti amolenge ti ala afa peko ni na azo
so ayeke du ala na peko.
4Ye so ngadi azia, kinda-gozo ate ni kue;
ye so kinda-gozo azia, kete gbadola ate ni kue;
ye so kete gbadola azia, kota gbadola ate ni kue.
5Ala azo so ayeke angbaa ti samba,
ala zingo, ala toto!
Ala azo so kue ayeke nyon vin,
ala dema tere ti ala,
ngbanga ti so a zi fini vin na yanga ti ala awe.
6 Agbadola gbani gbani
amu ya ti kodro ti e kue;
ala yeke ngangu mingi,
zo alingbi ti diko wungo ti ala pepe.
Pembe ti ala ayeke tongana ti bamara,
bio ti ngbangba ti ala
ayeke tongana ti mama ti bamara.
7Ala sara si akeke ti *vinye ti e
ahole kue kue kue,
ala buba akeke ti fige ti e kue.
Ala zi poro ti tere ti akeke ni kue,
ala kinda akeke ni na sese,
amaboko ni ahole kue.
8Ala azo, ala dema tere ti ala
tongana maseka-wali so ayu bongo ti mua
si lo yeke toto kuâ ti koli ti lo ti maseka.
9Azo akiri aga na *sandaga ti le ti kobe pepe,
wala ala kiri aga na sandaga ti samba
na ya ti kota da ti KOTA GBIA pepe.
Ndani laa awayango-sandaga
so ayeke sara kua ti KOTA GBIA ayeke na mua.
10Ayaka abuba kue awe,
sese ayeke na mawa.
*Ble abuba kue awe,
fini vin ayeke daa mbeni pepe,
nzoni mafuta ahunzi awe.
11Azo ti fango yaka, be ti ala awoko kue awe;
azo ti fango yaka ti vinye, ala dema tere,
ngbanga ti so ble na *orze atia awe,
akobe ti yaka abuba awe.
12Akeke ti vinye ahole awe,
akeke ti fige akui awe;
keke ti grenade, keke ti mburu na keke ti pome,
akeke ti yaka kue ahole awe.
Ngia ahunzi awe na popo ti azo.
A iri azo ti ke kobe ti sambela Nzapa
13Ala awayango-sandaga,
ala yu bongo ti mua, ala toto;
ala so ayeke sara kua na tere ti gbalaka,
ala dema tere ti ala!
Ala azo so ayeke sara kua ti Nzapa ti mbi,
ala ga, ala yu bongo ti mua, ala lango na ni na bi kue,
ngbanga ti so azo ayeke na sandaga ti *ble
na ti samba pepe ti ga na ni na ya ti kota da ti Nzapa.
14Ala mu yanga titene azo azia mbeni lango nde
ti ke kobe ti sambela Nzapa;
ala iri azo ti bongbi ti voro Nzapa;
ala bongbi *akangba na azo ti kodro kue
na ya ti da ti *KOTA GBIA, Nzapa ti ala,
ala dekongo na lo.
Lango ti KOTA GBIA
15 Ae! So lango ti nyen?
*Lango ti KOTA GBIA aga nduru awe,
lango ni ayeke tongana mbeni kota kpale
so ayeke buba ndo kue;
alondo na lo so ngangu ti lo ahon angangu kue.
16Kobe ti tengo ni ahon gi na le ti e pepe?
Ngia na nzerengo tere ahunzi
na ya ti kota da ti KOTA GBIA gi na le ti e pepe?
17Ale ti kobe so azo alu ahole na gbe ti sese;
ya ti gogoro angba senge,
ada ti batango akobe akungbi awe,
ngbanga ti so *ble ayeke daa mbeni pepe.
18Anyama ayeke dema mingi!
Abagara atomboka kirikiri,
ngbanga ti so ala wara pere ti tengo ni pepe.
Ataa ataba, ala yeke baa nga pasi.
Sambela ti wayanga-Nzapa
19 *KOTA GBIA, mbi dekongo na mo!
Wâ agbi apere kue ti ngonda;
menga ti wâ agbi akeke kue ti yaka.
20Ataa anyama ti ngonda abaa ndo na mbage ti mo,
ngbanga ti so ngu so ayeke sua ahole kue awe;
wâ agbi apere kue ti ngonda.
Currently Selected:
Joël 1: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Joël 1
1
1So ayeke tënë ti *KOTA GBIA so asi na Joël, molenge ti Petuel.
Agbadola amu ya ti kodro ni kue. Buru ahon ndoni
2Ala *akangba, ala ma tënë so!
Ala azo so alango na Juda, ala zi mê ti ala,
ala ma tënë so si!
Mara ti ye tongaso asi na ngoi ti ala,
wala na ngoi ti akotara ti ala awe?
3Ala azo, ala fa peko ti ye so na amolenge ti ala,
amolenge ti ala afa peko ni na amolenge ti ala
si amolenge ti amolenge ti ala afa peko ni na azo
so ayeke du ala na peko.
4Ye so ngadi azia, kinda-gozo ate ni kue;
ye so kinda-gozo azia, kete gbadola ate ni kue;
ye so kete gbadola azia, kota gbadola ate ni kue.
5Ala azo so ayeke angbaa ti samba,
ala zingo, ala toto!
Ala azo so kue ayeke nyon vin,
ala dema tere ti ala,
ngbanga ti so a zi fini vin na yanga ti ala awe.
6 Agbadola gbani gbani
amu ya ti kodro ti e kue;
ala yeke ngangu mingi,
zo alingbi ti diko wungo ti ala pepe.
Pembe ti ala ayeke tongana ti bamara,
bio ti ngbangba ti ala
ayeke tongana ti mama ti bamara.
7Ala sara si akeke ti *vinye ti e
ahole kue kue kue,
ala buba akeke ti fige ti e kue.
Ala zi poro ti tere ti akeke ni kue,
ala kinda akeke ni na sese,
amaboko ni ahole kue.
8Ala azo, ala dema tere ti ala
tongana maseka-wali so ayu bongo ti mua
si lo yeke toto kuâ ti koli ti lo ti maseka.
9Azo akiri aga na *sandaga ti le ti kobe pepe,
wala ala kiri aga na sandaga ti samba
na ya ti kota da ti KOTA GBIA pepe.
Ndani laa awayango-sandaga
so ayeke sara kua ti KOTA GBIA ayeke na mua.
10Ayaka abuba kue awe,
sese ayeke na mawa.
*Ble abuba kue awe,
fini vin ayeke daa mbeni pepe,
nzoni mafuta ahunzi awe.
11Azo ti fango yaka, be ti ala awoko kue awe;
azo ti fango yaka ti vinye, ala dema tere,
ngbanga ti so ble na *orze atia awe,
akobe ti yaka abuba awe.
12Akeke ti vinye ahole awe,
akeke ti fige akui awe;
keke ti grenade, keke ti mburu na keke ti pome,
akeke ti yaka kue ahole awe.
Ngia ahunzi awe na popo ti azo.
A iri azo ti ke kobe ti sambela Nzapa
13Ala awayango-sandaga,
ala yu bongo ti mua, ala toto;
ala so ayeke sara kua na tere ti gbalaka,
ala dema tere ti ala!
Ala azo so ayeke sara kua ti Nzapa ti mbi,
ala ga, ala yu bongo ti mua, ala lango na ni na bi kue,
ngbanga ti so azo ayeke na sandaga ti *ble
na ti samba pepe ti ga na ni na ya ti kota da ti Nzapa.
14Ala mu yanga titene azo azia mbeni lango nde
ti ke kobe ti sambela Nzapa;
ala iri azo ti bongbi ti voro Nzapa;
ala bongbi *akangba na azo ti kodro kue
na ya ti da ti *KOTA GBIA, Nzapa ti ala,
ala dekongo na lo.
Lango ti KOTA GBIA
15 Ae! So lango ti nyen?
*Lango ti KOTA GBIA aga nduru awe,
lango ni ayeke tongana mbeni kota kpale
so ayeke buba ndo kue;
alondo na lo so ngangu ti lo ahon angangu kue.
16Kobe ti tengo ni ahon gi na le ti e pepe?
Ngia na nzerengo tere ahunzi
na ya ti kota da ti KOTA GBIA gi na le ti e pepe?
17Ale ti kobe so azo alu ahole na gbe ti sese;
ya ti gogoro angba senge,
ada ti batango akobe akungbi awe,
ngbanga ti so *ble ayeke daa mbeni pepe.
18Anyama ayeke dema mingi!
Abagara atomboka kirikiri,
ngbanga ti so ala wara pere ti tengo ni pepe.
Ataa ataba, ala yeke baa nga pasi.
Sambela ti wayanga-Nzapa
19 *KOTA GBIA, mbi dekongo na mo!
Wâ agbi apere kue ti ngonda;
menga ti wâ agbi akeke kue ti yaka.
20Ataa anyama ti ngonda abaa ndo na mbage ti mo,
ngbanga ti so ngu so ayeke sua ahole kue awe;
wâ agbi apere kue ti ngonda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010